மொழிபெயர்ப்பு அத்தியாயம் ஸூரா அல்அலக் - தமிழ் மொழிபெயர்ப்பு - உமர் ஷரீப் - அல்குர்ஆன் கலைக்களஞ்சியம்

ஸூரா அல்அலக்

வசனம்: 1

اِقْرَاْ بِاسْمِ رَبِّكَ الَّذِیْ خَلَقَ ۟ۚ

(நபியே! இப்பிரபஞ்சத்தை) படைத்த உம் இறைவனின் பெயரால் படிப்பீராக!

வசனம்: 2

خَلَقَ الْاِنْسَانَ مِنْ عَلَقٍ ۟ۚ

அவன் மனிதர்களை (கற்பப் பையில்) ஒட்டியிருக்கும் இரத்தக்கட்டியிலிருந்து படைத்தான்.

வசனம்: 3

اِقْرَاْ وَرَبُّكَ الْاَكْرَمُ ۟ۙ

படிப்பீராக! இன்னும், உம் இறைவன் பெரும் கண்ணியவான் (பெரும் கொடையாளன்) ஆவான்.

வசனம்: 4

الَّذِیْ عَلَّمَ بِالْقَلَمِ ۟ۙ

அவன் எழுதுகோல் மூலம் (எழுதுவதைக்) கற்பித்தான்.

வசனம்: 5

عَلَّمَ الْاِنْسَانَ مَا لَمْ یَعْلَمْ ۟ؕ

மனிதன் அறியாமல் இருந்ததை அவன் மனிதனுக்குக் கற்பித்தான்.

வசனம்: 6

كَلَّاۤ اِنَّ الْاِنْسَانَ لَیَطْغٰۤی ۟ۙ

அவ்வாறல்ல! நிச்சயமாக மனிதன் (நிராகரிப்பிலும் பாவத்திலும்) எல்லை மீறுகிறான்,

வசனம்: 7

اَنْ رَّاٰهُ اسْتَغْنٰی ۟ؕ

(காரணம், இறையருளை விட்டுத்) தன்னைத் தேவையற்றவனாக எண்ணியதால்.

வசனம்: 8

اِنَّ اِلٰی رَبِّكَ الرُّجْعٰی ۟ؕ

நிச்சயமாக மீட்சி உம் இறைவன் பக்கம்தான் இருக்கிறது.

வசனம்: 9

اَرَءَیْتَ الَّذِیْ یَنْهٰی ۟ۙ

(நபியே!) தடுப்பவனைப் பற்றி அறிவிப்பீராக!

வசனம்: 10

عَبْدًا اِذَا صَلّٰی ۟ؕ

ஓர் அடியாரை அவர் தொழும்போது அவன் தடுக்கிறான்?

வசனம்: 11

اَرَءَیْتَ اِنْ كَانَ عَلَی الْهُدٰۤی ۟ۙ

நீர் அறிவிப்பீராக! அவர் நேர்வழியில் இருந்தாலுமா (அவன் அவரைத் தடுப்பான்)?

வசனம்: 12

اَوْ اَمَرَ بِالتَّقْوٰی ۟ؕ

அல்லது, அவர் நன்மையை ஏவினாலுமா (அவன் அவரைத் தடுப்பான்)?

வசனம்: 13

اَرَءَیْتَ اِنْ كَذَّبَ وَتَوَلّٰی ۟ؕ

நீர் அறிவிப்பீராக! அவன் பொய்ப்பித்தால், இன்னும் புறக்கணித்தால்,

வசனம்: 14

اَلَمْ یَعْلَمْ بِاَنَّ اللّٰهَ یَرٰی ۟ؕ

நிச்சயமாக அல்லாஹ் (அவனைப்) பார்க்கிறான் என்பதை அவன் அறியவில்லையா?

வசனம்: 15

كَلَّا لَىِٕنْ لَّمْ یَنْتَهِ ۙ۬— لَنَسْفَعًا بِالنَّاصِیَةِ ۟ۙ

அவ்வாறல்ல! (அவன் தனது தீய செயல்களிலிருந்து) விலகவில்லையெனில் நெற்றி முடியைக் கடுமையாகப் பிடிப்போம். (பின்னர், அவனை நரகத்தில் வீசி எறிவோம்).

வசனம்: 16

نَاصِیَةٍ كَاذِبَةٍ خَاطِئَةٍ ۟ۚ

பொய் கூறுகின்ற, குற்றம் புரிகின்ற (அவனுடைய) நெற்றி முடியை (பிடித்து நரகத்தில் எறிவோம்).

வசனம்: 17

فَلْیَدْعُ نَادِیَهٗ ۟ۙ

ஆக, அவன் தன் சபையோரை அழைக்கட்டும்.

வசனம்: 18

سَنَدْعُ الزَّبَانِیَةَ ۟ۙ

நரகத்தின் காவலாளிகளை நாம் அழைப்போம்.

வசனம்: 19

كَلَّا ؕ— لَا تُطِعْهُ وَاسْجُدْ وَاقْتَرِبْ ۟

அவ்வாறல்ல! அவனுக்குக் கீழ்ப்படியாதீர்! (உம் இறைவனுக்குச்) சிரம் பணிவீராக! (வணக்க வழிபாடுகள் மூலம் அவன் பக்கம்) நெருங்குவீராக!