భావార్ధాల అనువాదం సూరహ్ సూరహ్ అల్-హాఖ్ఖహ్ - ఉజ్బెక్ అనువాదం - ముహమ్మద్ సాదిఖ్ - పవిత్ర ఖుర్ఆన్ యొక్క ఎన్సైక్లోపీడియా

ал-Ҳааққаҳ сураси

వచనం: 1

ٱلۡحَآقَّةُ

Ал-Ҳааққоҳ.

వచనం: 2

مَا ٱلۡحَآقَّةُ

Ал-Ҳааққоҳ нима ўзи?!

వచనం: 3

وَمَآ أَدۡرَىٰكَ مَا ٱلۡحَآقَّةُ

Ал-Ҳааққоҳ нималигини сенга нима билдирди?!

వచనం: 4

كَذَّبَتۡ ثَمُودُ وَعَادُۢ بِٱلۡقَارِعَةِ

Самуд ва Од қориъани ёлғонга чиқаришди.

(«Қориъа» ҳам қиёматнинг номларидан бири, шиддат билан эшик қоқиб келувчи маъносини англатади.)

వచనం: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Бас, аммо Самуд ҳаддан ошувчи билан ҳалок қилинди.

(«Ҳаддан ошувчи»дан мурод қаттиқ чақмоқдир.)

వచనం: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

Ва аммо Од қаттиқ (совуқ) шамол билан ҳалок қилиндилар.

వచనం: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

У зот уларнинг устидан бу шамолни етти кечаю саккиз кундуз «беминнат хизмат» қилдириб қўйди. Бас, қавмнинг у ерда ҳалок бўлиб, ағдарилиб ётганини кўрасан. Улар худди хурмонинг чириган томирларига ўхшарлар.

వచనం: 8

فَهَلۡ تَرَىٰ لَهُم مِّنۢ بَاقِيَةٖ

Бас, сен улардан бирортасининг боқий қолганини кўрасанми?

వచనం: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

Фиръавн, ундан аввалгилар ва тўнтарилганликлар хато қилдилар.

వచనం: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً

Бас, улар Роббиларининг Расулига осий бўлдилар. Дарҳақиқат, У зот уларни қаттиқ тутишлик билан тутди.

వచనం: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

Албатта, Биз сув туғёнга келган пайтда сизларни кемада кўтарганмиз.

వచనం: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ

Уни сизларга эслатма қилиш учун ва англовчи қулоқлар англаб олиши учун.

(Бўлиб ўтган қисса ва ҳодисалар ҳамма учун ўрнак, эслатма, ваъз-насиҳат бўлиши керак.)

వచనం: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ

Агар дудга биргина пуфлаш-ла пуфланса...

వచనం: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ

Ва еру тоғлар кўтарилиб, бир мартагина силкитилса...

వచనం: 15

فَيَوۡمَئِذٖ وَقَعَتِ ٱلۡوَاقِعَةُ

Бас, ўша кунда, Воқиъа воқеъ бўлибдир.

వచనం: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ

Ва осмон парчаланса, бас, ўша кунда, у (осмон) беҳолдир.

వచనం: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ

Ва фаришталар унинг атрофида ва ўша кунда Роббингнинг аршини саккизтаси кўтариб турадир.

(Аллоҳнинг аршини саккизта ёки саккиз турли фаришталар кўтариб турадилар. Арш ўзида иззат, султон ва моликлик маъноларини англатади. Башарият Аршнинг исмини билади, унинг ҳақиқатини Аллоҳнинг Ўзи билади.)

వచనం: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ

Бас, ўша кунда кўрикдан ўтасизлар, бирорта нарсангиз махфий қолмайдир.

వచనం: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

Бас, кимнинг китоби ўнг тарафдан берилса, у: «Мана, менинг китобимни ўқиб кўринглар!

వచనం: 20

إِنِّي ظَنَنتُ أَنِّي مُلَٰقٍ حِسَابِيَهۡ

Албатта, мен ҳисоб-китобимга йўлиқишимга ишонардим», дейдир.

వచనం: 21

فَهُوَ فِي عِيشَةٖ رَّاضِيَةٖ

Бас, у розилик ҳаётидадир.

వచనం: 22

فِي جَنَّةٍ عَالِيَةٖ

Олий жаннатдадир.

వచనం: 23

قُطُوفُهَا دَانِيَةٞ

Унинг мевалари яқиндир.

వచనం: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

Ўтган кунларда қилган нарсаларингиз туфайли енглар ва ичинглар, ош бўлсин.

వచనం: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

Ва аммо кимнинг китоби чап тарафдан берилса, у: «Вой шўрим, кошки менга китобим берилмаса эди.

వచనం: 26

وَلَمۡ أَدۡرِ مَا حِسَابِيَهۡ

Ва ҳисоб-китоб қандоқлигини билмасам эдим.

వచనం: 27

يَٰلَيۡتَهَا كَانَتِ ٱلۡقَاضِيَةَ

Қани энди, (бу дунёдаги ўлим) охиргиси бўлса эди.

వచనం: 28

مَآ أَغۡنَىٰ عَنِّي مَالِيَهۡۜ

Молу мулким мени сақлаб қола олмади.

వచనం: 29

هَلَكَ عَنِّي سُلۡطَٰنِيَهۡ

Менинг султоним ҳам ҳалок бўлди», дейдир.

(Мулку султоним, мансабу обрўйим, насабу хасабим ҳамма ҳаммаси ҳалок бўлди.)

వచనం: 30

خُذُوهُ فَغُلُّوهُ

Тутинглар уни ва кишанланглар уни!!!

వచనం: 31

ثُمَّ ٱلۡجَحِيمَ صَلُّوهُ

Сўнгра жаҳаннамга солинглар уни!!!

వచనం: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ

Сўнгра етмиш қулочли занжирга киритинг уни!!!

వచనం: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

Чунки, у улуғ Аллоҳга иймон келтирмаган эди.

వచనం: 34

وَلَا يَحُضُّ عَلَىٰ طَعَامِ ٱلۡمِسۡكِينِ

Ва мискинларга таом беришга қизиқтирмаган эди.

(Мискинларга таом беришга қизиқтирмаслик шунчаликка олиб келса, имкони бўла туриб уларга таом бермаслик қанчалик гуноҳ экан — буни китобхоннинг ўзи фаҳмлайверсин.)

వచనం: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ

Бас, бугунги кунда унга бу ерда бирон чин дўст йўқ.

వచనం: 36

وَلَا طَعَامٌ إِلَّا مِنۡ غِسۡلِينٖ

Ва ғислийндан ўзга таом ҳам йўқ.

వచనం: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Уни хатокорлардан бошқа ҳеч ким емас.

వచనం: 38

فَلَآ أُقۡسِمُ بِمَا تُبۡصِرُونَ

Сизлар кўриб турган нарсалар билан қасам ичурман.

వచనం: 39

وَمَا لَا تُبۡصِرُونَ

Ва сизлар кўрмайдиган нарсалар билан ҳам.

వచనం: 40

إِنَّهُۥ لَقَوۡلُ رَسُولٖ كَرِيمٖ

Албатта у (Қуръон) карамли Расулнинг сўзидир.

(Қуръони Каримни Пайғамбаримиз соллаллоҳу алайҳи ва салламга нисбат берилиши У зот соллаллоҳу алайҳи ва саллам у каломни тиловат қилувчи ва кишиларга етказувчи эканлигидандир.)

వచనం: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Ва у шоирнинг сўзи эмас. Сизлар жуда оз ишонасизлар.

వచనం: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Ва у фолбиннинг сўзи ҳам эмас. Сизлар жуда оз эслайсизлар.

వచనం: 43

تَنزِيلٞ مِّن رَّبِّ ٱلۡعَٰلَمِينَ

У оламлар Роббисидан туширилгандир.

వచనం: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Ва агар у Бизнинг (номимиздан) баъзан ёлғон сўзларни тўқиса.

వచనం: 45

لَأَخَذۡنَا مِنۡهُ بِٱلۡيَمِينِ

Албатта, Биз уни қудрат билан тутамиз.

వచనం: 46

ثُمَّ لَقَطَعۡنَا مِنۡهُ ٱلۡوَتِينَ

Сўнгра, албатта, унинг шоҳ томирини кесамиз.

వచనం: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Бас, сизлардан ҳеч ким уни тўсиб қола олмас.

వచనం: 48

وَإِنَّهُۥ لَتَذۡكِرَةٞ لِّلۡمُتَّقِينَ

Ва албатта, у (Қуръон) тақводорлар учун эслатмадир.

వచనం: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Ва албатта, Биз сизларнинг ичингизда ёлғонга чиқарувчилар борлигини билиб турамиз.

వచనం: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Ва албатта, у (Қуръон) кофирлар учун ҳасратдир.

వచనం: 51

وَإِنَّهُۥ لَحَقُّ ٱلۡيَقِينِ

Ва албатта, у (Қуръон) шубҳасиз ҳақиқатдир.

వచనం: 52

فَسَبِّحۡ بِٱسۡمِ رَبِّكَ ٱلۡعَظِيمِ

Бас, улуғ Роббингнинг исмини поклаб ёд эт.