భావార్ధాల అనువాదం సూరహ్ సూరహ్ అన్-నాజిఆత్ - యావో అనువాదం - పవిత్ర ఖుర్ఆన్ యొక్క ఎన్సైక్లోపీడియా

An-Nâz‘ât

వచనం: 1

وَٱلنَّٰزِعَٰتِ غَرۡقٗا

Ngwaalumbila (Achimalaika) ŵaakuchuŵaga (mitima ja makafili) mwamachili.

వచనం: 2

وَٱلنَّٰشِطَٰتِ نَشۡطٗا

Ngwaalumbila soni (Achimalaika) ŵaakutyosyaga (mitima ja ŵandu ŵakulupilila) mwambolembole.

వచనం: 3

وَٱلسَّٰبِحَٰتِ سَبۡحٗا

Nguilumbila soni yaying'ambila mwangalechesya (munnengaleenga, mpela Achimalaika ni ndondwa).

వచనం: 4

فَٱلسَّٰبِقَٰتِ سَبۡقٗا

Ni ŵaakutendesyana mpikisano (pakwanilisya malamusi ga Allah).

వచనం: 5

فَٱلۡمُدَبِّرَٰتِ أَمۡرٗا

Ni (Achimalaika) ŵaakuŵalaganya malamusi (ga Allah pakugaŵika m’mangwakwe).

వచనం: 6

يَوۡمَ تَرۡجُفُ ٱلرَّاجِفَةُ

Lisiku lyalichigombedwa lipenga lyandanda (lyaliichitenganya chilichose ni kuwa).

వచనం: 7

تَتۡبَعُهَا ٱلرَّادِفَةُ

Lichilikuichisya lipenga lyaaŵili (yosope yene nikwimuka ni kola umi).

వచనం: 8

قُلُوبٞ يَوۡمَئِذٖ وَاجِفَةٌ

Lyele lisikulyo mitima (jine) jichitetemela ni woga.

వచనం: 9

أَبۡصَٰرُهَا خَٰشِعَةٞ

Meso ga (achinsyene) mitimajo gachiteteŵala.

వచనం: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

(Makafili) gakasatiji: “Ana uwwe yakuona chachituuchisya mukaŵe ketu kakala (nikuŵa niumi soni)?

వచనం: 11

أَءِذَا كُنَّا عِظَٰمٗا نَّخِرَةٗ

Kutendaga uwwe tuli maupa gepukuswe-pukuswe?”

వచనం: 12

قَالُواْ تِلۡكَ إِذٗا كَرَّةٌ خَاسِرَةٞ

Ŵatite (mwachisyawumi ni mwakuchindimbula): “Nakuŵaga kwele kuujilaako kusyene, basi kuchiŵa kuujila kwachasiko (kwangali ukoto kukwetu).”

వచనం: 13

فَإِنَّمَا هِيَ زَجۡرَةٞ وَٰحِدَةٞ

Chisimu walakweo ni n'gumiilo umpepe.

వచనం: 14

فَإِذَا هُم بِٱلسَّاهِرَةِ

Basi ajile sayi ŵanganyao tachigamba kuona ali pachanya petaka.

వచనం: 15

هَلۡ أَتَىٰكَ حَدِيثُ مُوسَىٰٓ

Ana jinyyiche abali ja Musa?

వచనం: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Pandema jaŵam'bilaasile Ambujegwe (Allah) pachiŵata chakutakata (chakuŵilanjikwa) Tuwaa.

వచనం: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

(Nikuntenda kuti): Jaawulani kwa Firiauna, chisimu jwalakwejo jusumbile mpika.

వచనం: 18

فَقُلۡ هَل لَّكَ إِلَىٰٓ أَن تَزَكَّىٰ

Ni nkajile: “Ana nkusaka kuti n'diiswejesye?”

వచనం: 19

وَأَهۡدِيَكَ إِلَىٰ رَبِّكَ فَتَخۡشَىٰ

“Ni nan'jongolele kwa Ambuje ŵenu kuti mwaajogopeje?”

వచనం: 20

فَأَرَىٰهُ ٱلۡأٓيَةَ ٱلۡكُبۡرَىٰ

Basi niŵannosisye chisimosimo chekulungwa.

వచనం: 21

فَكَذَّبَ وَعَصَىٰ

Nambo jwaakaaniile nikunyosya.

వచనం: 22

ثُمَّ أَدۡبَرَ يَسۡعَىٰ

Kaneka jwachitundumalile (chikulupi) aku junankulimbichila (kwasiŵilila ŵandu kwa Allah).

వచనం: 23

فَحَشَرَ فَنَادَىٰ

Basi jwaasonganganyisye (asaŵi) nikwaŵilanga (ŵandu).

వచనం: 24

فَقَالَ أَنَا۠ رَبُّكُمُ ٱلۡأَعۡلَىٰ

Ni jwatite: “Une ni nam'mbuje gwenu jwapenani kusyene!”

వచనం: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Basi Allah ni ŵankwembekenye ni ipotesi ligongo lya maloŵe gakwe gambesi^[1] ni gandanda^[2].

(79:1)[ Maloŵe gakwe gambesi galiji ganti: “Une ni nam'mbuje gwenu jwapenani kusyene.” (79:24). (79:2) Maloŵe gakwe gandanda galiji ganti: “E jenumanja achinduna! Ngangummanyilila kukwenu nnungu jwinejwakwe jwangaŵaga une, basi mungolechesyani mmwe Hamana (moto wakochela njelwa) syelongo, ni mundaŵile chipilala kuti mwine une ngan’dingule nnungu jwa Musa, soni chisimu une ngun’ganichisya jwalakwe kuti juli mwa akulambusya.” (28:38).

వచనం: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Chisimu mu yalakweyi mwana chaamuko kwa mundu jwaakun'jogopa (Allah).

వచనం: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Ana ŵanganyammwe niŵakusausya nnope kagumbidwe (kenu) kapena liwunde lyaŵalitaŵile?

వచనం: 28

رَفَعَ سَمۡكَهَا فَسَوَّىٰهَا

Ŵalinyakwile nsingu wakwe nikulikolosya.

వచనం: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Ni ŵachiunichile chilo chakwe (nichipi) nikulikoposya lilanguka lyakwe (muusi).

వచనం: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Nombe litaka panyuma payalakweyo ŵalitandiche.

వచనం: 31

أَخۡرَجَ مِنۡهَا مَآءَهَا وَمَرۡعَىٰهَا

Ŵakopwesye mwalakwemo mesi gakwe ni mopo wakwe.

వచనం: 32

وَٱلۡجِبَالَ أَرۡسَىٰهَا

Nombe matumbi ŵagasimiiche.

వచనం: 33

مَتَٰعٗا لَّكُمۡ وَلِأَنۡعَٰمِكُمۡ

(Kuŵa) yakunsengwasya ŵanganyammwe ni ilango yenu.

వచనం: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Basi ndema jaliichiika likungu lyekulungwa nnope (Kiyama).

వచనం: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Lyele lisikulyo mundu tachikumbuchila yaŵapanganyisye.

వచనం: 36

وَبُرِّزَتِ ٱلۡجَحِيمُ لِمَن يَرَىٰ

Nombe Moto Waukali wuchiŵichidwa palangulangu kwa nkulola (jwalijose).

వచనం: 37

فَأَمَّا مَن طَغَىٰ

Sano mundu jwaŵasumbile mpika.

వచనం: 38

وَءَاثَرَ ٱلۡحَيَوٰةَ ٱلدُّنۡيَا

Ni kulongosya umi wa duniya.

వచనం: 39

فَإِنَّ ٱلۡجَحِيمَ هِيَ ٱلۡمَأۡوَىٰ

Chisimu Moto Waukali basi ni liuto lyakwe.

వచనం: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Sano jwaakogopa kuti tachija kwima pameso pa Ambujegwe (Allah), nikuwukanyaga ntima ku isako yakusakala.

వచనం: 41

فَإِنَّ ٱلۡجَنَّةَ هِيَ ٱلۡمَأۡوَىٰ

Chisimu Litimbe lya ku Mbepo basi ni liuto lyakwe.

వచనం: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Akum'buusya (mmwe Muhammadi ﷺ) ya ndema (jakwichila Kiyama kuti): “Jichiŵa chakachi?”

వచనం: 43

فِيمَ أَنتَ مِن ذِكۡرَىٰهَآ

Mmwe nganinkola umanyilisi wanti nikujitomeka.

వచనం: 44

إِلَىٰ رَبِّكَ مُنتَهَىٰهَآ

Kwa Ambuje ŵenupe (Allah) ni kuchipelela kwakwe (kwa umanyilisi wa Kiyama).

వచనం: 45

إِنَّمَآ أَنتَ مُنذِرُ مَن يَخۡشَىٰهَا

Mmwe masengo genu ni kwaatetela ŵaakujijogopa (Kiyamajo).

వచనం: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Chisimu ŵanganyao lisiku lyatachijiona (Kiyamajo) tachiŵa nti chisawu nganatama (pa duniya) ikaŵeje ligulo limo kapena kundaŵi kwakwe.