Anlam tercümesi Sure Sûretu'l-Mürselât - الترجمة الياؤو - Kur'an-ı Kerim Ansiklopedisi

Al-Murslât

Ayet: 1

وَٱلۡمُرۡسَلَٰتِ عُرۡفٗا

Ngujilumbila mbungo jajikupuga mwakuyana.

Ayet: 2

فَٱلۡعَٰصِفَٰتِ عَصۡفٗا

Ni mbungo jajikupuga mwa chimbunga.

Ayet: 3

وَٱلنَّٰشِرَٰتِ نَشۡرٗا

Ni mbungo jajikwenesya (mawunde kwisa soni wula) mu kajenesye (kaasachile Allah).

Ayet: 4

فَٱلۡفَٰرِقَٰتِ فَرۡقٗا

Ni ma Ȃya (ga Qur’an) gakulekanganya (chilikati cha yakuona ni yaunami).

Ayet: 5

فَٱلۡمُلۡقِيَٰتِ ذِكۡرًا

Ni (Achimalaika) ŵaakupelekaga utenga (kwa Achimitenga).

Ayet: 6

عُذۡرًا أَوۡ نُذۡرًا

Kuti utyose kuliŵalanga (kwakupeleka madandausi) kapena kuti utetele.

Ayet: 7

إِنَّمَا تُوعَدُونَ لَوَٰقِعٞ

Chisimu ichindu yankupedwa chilanga (cha kwisa kwakwe, mpela Kiyama) iŵele yakupatikana (mwangalepeleka).

Ayet: 8

فَإِذَا ٱلنُّجُومُ طُمِسَتۡ

Pa ndema ja sichisiimaasidwa ndondwa (kuŵala kwakwe).

Ayet: 9

وَإِذَا ٱلسَّمَآءُ فُرِجَتۡ

Ni ndema ja lichipesedwa liwunde (nikuŵa mapesa-mapesa).

Ayet: 10

وَإِذَا ٱلۡجِبَالُ نُسِفَتۡ

Ni ndema ja gachichuŵidwa matumbi ni kusyajidwa mwachitema ni kuululusyidwa.

Ayet: 11

وَإِذَا ٱلرُّسُلُ أُقِّتَتۡ

Ni ndema ja chachisonganganyisyidwa Achimitenga pa ndema jetomechedwe.

Ayet: 12

لِأَيِّ يَوۡمٍ أُجِّلَتۡ

Ana lisikuchi lyaiŵichilidwe (yayisalidweyi kuti tiyitendekwe)?

Ayet: 13

لِيَوۡمِ ٱلۡفَصۡلِ

Pa Lisiku Lyachiilanyo.

Ayet: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Ana ni chichi champaka chimmanyisye ya Lisiku Lyachiilanyo?

Ayet: 15

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Ayet: 16

أَلَمۡ نُهۡلِكِ ٱلۡأَوَّلِينَ

Ana Uwwe nganitwajonanga (ŵandu) ŵandanda (ligongo lya ilemwa yao)?

Ayet: 17

ثُمَّ نُتۡبِعُهُمُ ٱلۡأٓخِرِينَ

Kaneka chitukuichisye pajamanjao (kwajonanga ŵandu) ŵambesi.

Ayet: 18

كَذَٰلِكَ نَفۡعَلُ بِٱلۡمُجۡرِمِينَ

Mwele ni mwatukutendelaga ni ŵandu ŵakuleŵa.

Ayet: 19

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Ayet: 20

أَلَمۡ نَخۡلُقكُّم مِّن مَّآءٖ مَّهِينٖ

Ana nganitun'gumba jenumanja kuumila mmesi gakunyosyeka?

Ayet: 21

فَجَعَلۡنَٰهُ فِي قَرَارٖ مَّكِينٍ

Basi ni twagaŵisile pa malo gakutamilichika ni kusunjika (m’chiŵelechelo).

Ayet: 22

إِلَىٰ قَدَرٖ مَّعۡلُومٖ

Kwikanila ndema jakumanyika.

Ayet: 23

فَقَدَرۡنَا فَنِعۡمَ ٱلۡقَٰدِرُونَ

Basi ni twapimiile (ndema jakupagwila mwanache), Uwwetu niŵambone nnope mwa akupimila (ichindu).

Ayet: 24

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Ayet: 25

أَلَمۡ نَجۡعَلِ ٱلۡأَرۡضَ كِفَاتًا

Ana nganituliŵika litaka kuŵa chikuti?

Ayet: 26

أَحۡيَآءٗ وَأَمۡوَٰتٗا

Cha ŵachijumi ni ŵawe?

Ayet: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

Ni tuŵisile mwalakwemo yakunyichisya yaileu-leu (gagali matumbi), ni tumpele kumwa ŵanganyammwe mesi gakunong’a.

Ayet: 28

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Ayet: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

(Chachisalilidwa achimakafili kuti): “Ŵigulani mwanja kwa ayila yamwaliji nkuikanila.

Ayet: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

Ŵigulani mwanja ku m'bulili (walyosi lya ku Moto) waukwete nyambi sitatu.

Ayet: 31

لَّا ظَلِيلٖ وَلَا يُغۡنِي مِنَ ٱللَّهَبِ

Nganiuŵa mwa m'bulili wachisisimila soni wangakamuchisya kwilamba (lya Moto).”

Ayet: 32

إِنَّهَا تَرۡمِي بِشَرَرٖ كَٱلۡقَصۡرِ

Chisimu Walakwe (Motowo) ukasaponyaga (pakutatasika) ndamba (syekulungwa) mpela nyumba jandalaja.

Ayet: 33

كَأَنَّهُۥ جِمَٰلَتٞ صُفۡرٞ

Syanti mpela ngamiya syam'bilichila.

Ayet: 34

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Ayet: 35

هَٰذَا يَوۡمُ لَا يَنطِقُونَ

Lyalakweli nilisiku lyatachitenda ngapaŵecheta (ŵanganyao).

Ayet: 36

وَلَا يُؤۡذَنُ لَهُمۡ فَيَعۡتَذِرُونَ

Soni ngasapedwa luusa lwanti aliŵalanje (pakupeleka madandausi).

Ayet: 37

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Ayet: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Lyalakweli ni Lisiku Lyachiilanyo, tunsonganganyisye ŵanganyammwe ni (ŵandu) ŵandanda.

Ayet: 39

فَإِن كَانَ لَكُمۡ كَيۡدٞ فَكِيدُونِ

Sano naga nkwete malindi, basi mundendelani.

Ayet: 40

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Ayet: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

Chisimu ŵakun'jogopa (Allah) chachiŵa m’miulili (jakusisimila chenene) ni achitutumule.

Ayet: 42

وَفَوَٰكِهَ مِمَّا يَشۡتَهُونَ

Ni isogosi yatachiilaluchilaga.

Ayet: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

(Tachasalila kuti): “Lyagani soni mwagani mwakusengwa ligongo lya ayila (yambone) yamwaliji nkutenda.”

Ayet: 44

إِنَّا كَذَٰلِكَ نَجۡزِي ٱلۡمُحۡسِنِينَ

Chisimu Uwwe iyyoyopeyo ni yatukutiji pakwalipila ŵakolosya.

Ayet: 45

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Ayet: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

(E, jenumanja achimakafili!) Lyagani ni kusengwa panandi (mukandaŵi kannono kaumi wa duniyau), chisimu ŵanganyammwe ŵaleŵeleŵe.

Ayet: 47

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Ayet: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Soni pati iŵechetedwe kukwao (yanti): “Jinamani (kuswali).” Ngakwinamaga.

Ayet: 49

وَيۡلٞ يَوۡمَئِذٖ لِّلۡمُكَذِّبِينَ

Ipotesi lyele lisikulyo taachiipata ŵakanila.

Ayet: 50

فَبِأَيِّ حَدِيثِۭ بَعۡدَهُۥ يُؤۡمِنُونَ

Ana ni abalichi jatachijikulupilila panyuma pa aji (Qur’an)?