معانی کا ترجمہ سورت سورۂ اِنفطار - اویغور ترجمہ - شیخ محمد صالح نے کیا ہے۔ - قرآن کریم انسائیکلوپیڈیا

سۈرە ئىنپىتار

آیت: 1

إِذَا ٱلسَّمَآءُ ٱنفَطَرَتۡ

ئاسمان يېرىلغان چاغدا^[1]،

آیت: 2

وَإِذَا ٱلۡكَوَاكِبُ ٱنتَثَرَتۡ

يۇلتۇزلار تۆكۈلگەن چاغدا^[2]،

آیت: 3

وَإِذَا ٱلۡبِحَارُ فُجِّرَتۡ

دېڭىزلار بىر ـ بىرىگە قوشۇلغان چاغدا^[3]،

آیت: 4

وَإِذَا ٱلۡقُبُورُ بُعۡثِرَتۡ

قەبرىلەر ئاستى ـ ئۈستى قىلىنغان (يەنى ئۆلۈكلەر چىقىرىلغان) چاغدا^[4]،

آیت: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

ھەر ئادەم ئىلگىرى ـ كېيىن قىلغان ئىشلىرىنىڭ ھەممىسىنى بىلىدۇ^[5].

آیت: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

ئى ئىنسان! سېنى مەرھەمەتلىك پەرۋەردىگارىڭغا ئاسىيلىق قىلىشقا نېمە ئالدىدى؟^[6]

آیت: 7

ٱلَّذِي خَلَقَكَ فَسَوَّىٰكَ فَعَدَلَكَ

ئۇ سېنى ياراتتى، (ئەزالىرىڭنى) بېجىرىم، قامىتىڭنى تۈز قىلدى^[7].

آیت: 8

فِيٓ أَيِّ صُورَةٖ مَّا شَآءَ رَكَّبَكَ

سېنى ئۇ خالىغان شەكىلدە قۇراشتۇردى^[8].

آیت: 9

كَلَّا بَلۡ تُكَذِّبُونَ بِٱلدِّينِ

ھەرگىز ئۇنداق قىلماڭلار (يەنى ئاللاھنىڭ كەرەمىگە مەغرۇر بولماڭلار). (ئى مەككە كۇففارلىرى!) بەلكى سىلەر دىننى ئىنكار قىلىسىلەر^[9].

آیت: 10

وَإِنَّ عَلَيۡكُمۡ لَحَٰفِظِينَ

ھالبۇكى سىلەرنىڭ ئۈستۈڭلاردا سىلەرنى كۈزىتىپ تۇرغۇچى پەرىشتىلەر بار^[10].

آیت: 11

كِرَامٗا كَٰتِبِينَ

ئۇلار (ئاللاھنىڭ دەرگاھىدا) ھۆرمەتلىك پەرىشتىلەر بولۇپ، (سىلەرنىڭ سۆزلىرىڭلارنى ۋە ئەمەللىرىڭلار) نى يېزىپ تۇرىدۇ^[11].

آیت: 12

يَعۡلَمُونَ مَا تَفۡعَلُونَ

ئۇلار قىلمىشىڭلارنى بىلىپ تۇرىدۇ^[12].

آیت: 13

إِنَّ ٱلۡأَبۡرَارَ لَفِي نَعِيمٖ

مۆمىنلەر شەك ـ شۈبھىسىز جەننەتتە بولىدۇ^[13]،

آیت: 14

وَإِنَّ ٱلۡفُجَّارَ لَفِي جَحِيمٖ

كاپىرلار شەك ـ شۈبھىسىز دوزاختا بولىدۇ^[14].

آیت: 15

يَصۡلَوۡنَهَا يَوۡمَ ٱلدِّينِ

ئۇلار قىيامەت كۈنى دوزاخقا كىرىدۇ^[15].

آیت: 16

وَمَا هُمۡ عَنۡهَا بِغَآئِبِينَ

ئۇلار ھەرگىز دوزاختىن ئايرىلمايدۇ^[16].

آیت: 17

وَمَآ أَدۡرَىٰكَ مَا يَوۡمُ ٱلدِّينِ

قىيامەت كۈنىنىڭ (دەھشەتلىكلىكىنى) قانداقلىقىنى قانداق بىلەلەيسەن؟^[17]

آیت: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

قىيامەت كۈنىنىڭ (دەھشەتلىكلىكىنى) قانداقلىقىنى قانداق بىلەلەيسەن؟^[18]

آیت: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

ئۇ كۈندە بىر ئادەمنىڭ يەنە بىر ئادەمگە ياردەم بېرىش قولىدىن كەلمەيدۇ، بۇ كۈندە ھۆكۈم ئاللاھقا خاستۇر^[19].