Маънолар таржимаси Сура Ториқ - Савоҳилча таржима - Бет рақами 591 - Қуръони Карим энциклопедияси.

At-Tariq

1 : 86

وَٱلسَّمَآءِ وَٱلطَّارِقِ

Allah Mtukufu Anaapa kwa mbingu na nyota yenye kuchomoza usiku.

2 : 86

وَمَآ أَدۡرَىٰكَ مَا ٱلطَّارِقُ

Na ni lipi lilokujulisha ni ukubwa gani wa nyota hiyo?

3 : 86

ٱلنَّجۡمُ ٱلثَّاقِبُ

Hiyo ni nyota ing’arayo na kumeremeta.

4 : 86

إِن كُلُّ نَفۡسٖ لَّمَّا عَلَيۡهَا حَافِظٞ

Hakuna nafsi yoyote isipokuwa imepelekewa Malaika mwenye kusajili amali zake ili ihesabiwe Siku ya Kiyama.

5 : 86

فَلۡيَنظُرِ ٱلۡإِنسَٰنُ مِمَّ خُلِقَ

Basi aangalie binadamu mwenye kukanusha kufufuliwa ameumbwa kwa kitu gani? «Ili ajue kuwa kurudisha umbo lake mara ya pili si vigumu kama kuumbwa mara ya kwanza».

6 : 86

خُلِقَ مِن مَّآءٖ دَافِقٖ

Aliumbwa kwa manii yenye kupenya ndani ya kizazi kwa haraka.

7 : 86

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Yatokayo kwenye mgongo wa mwanaume na kifua cha mwanamke.

8 : 86

إِنَّهُۥ عَلَىٰ رَجۡعِهِۦ لَقَادِرٞ

Hakika yule Aliyemuumba binadamu kwa maji haya ni muweza wa kumrudisha kwenye uhai baada ya kufa.

9 : 86

يَوۡمَ تُبۡلَى ٱلسَّرَآئِرُ

Siku zitakapofunuliwa siri ziliofichwa na nafsi, na kutofautishwa jema na baya.

10 : 86

فَمَا لَهُۥ مِن قُوَّةٖ وَلَا نَاصِرٖ

Binadamu hatakuwa na nguvu ya kuitetea nafsi yake, wala hatakuwa na mtetezi wa kumuepushia adhabu ya Allah Mtukufu.

11 : 86

وَٱلسَّمَآءِ ذَاتِ ٱلرَّجۡعِ

Na Anaapa kwa mbingu yenye mvua ya mara kwa mara.

12 : 86

وَٱلۡأَرۡضِ ذَاتِ ٱلصَّدۡعِ

Na ardhi yenye pasuko za kufanya mimea ichipuke.

13 : 86

إِنَّهُۥ لَقَوۡلٞ فَصۡلٞ

Hakika Qur’ani ni neno lenye kupambanua baina ya haki na batili.

14 : 86

وَمَا هُوَ بِٱلۡهَزۡلِ

Na wala si upuuzi. Haifai kiumbe kuapa kwa asiyekuwa Allah Mtukufu. Akifanya hivyo atakuwa amemshirikisha Allah Mtukufu.

15 : 86

إِنَّهُمۡ يَكِيدُونَ كَيۡدٗا

Hakika wenye kumkanusha Mtume, (rehema za Allah Mtukufu na amani zimshukie), na Qur’ani, wanafanya vitimbi na mipango ili kuipinga haki na kuitilia nguvu batili.

16 : 86

وَأَكِيدُ كَيۡدٗا

Na Mimi nafanya vitimbi kuidhihirisha haki ingawa makafiri wanachukia.

17 : 86

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Usiwe na haraka nao, (ewe Mtume), kutaka wateremshiwe adhabu. Wape muhula uwangojee muda mchache wala usiwafanyie haraka, utaona adhabu itakayowafikia, mateso na maangamivu.