Маънолар таржимаси Сура Балад сураси - Савоҳилча таржима, таржимонлар: Абдуллоҳ Муҳаммад ва Носир Хумайс - Қуръони Карим қомуси

Surat Al-Balad

Оят: 1

لَآ أُقۡسِمُ بِهَٰذَا ٱلۡبَلَدِ

Mwenyezi Mungu Anaapa kwa mji huu mtakatifu wa Makkah.

Оят: 2

وَأَنتَ حِلُّۢ بِهَٰذَا ٱلۡبَلَدِ

Na wewe, ewe Nabii, ni mkazi wa mji huu mtakatifu.

Оят: 3

وَوَالِدٖ وَمَا وَلَدَ

Na Anaapa kwa mzazi wa wanaadamu, ambaye ni Ādam, amani imshukie, na kilichozalikana na yeye.

Оят: 4

لَقَدۡ خَلَقۡنَا ٱلۡإِنسَٰنَ فِي كَبَدٍ

Hakika Tumemuumba binadamu katika usumbufu na shida za kilimwengu.

Оят: 5

أَيَحۡسَبُ أَن لَّن يَقۡدِرَ عَلَيۡهِ أَحَدٞ

Kwani anadhani kwa mali aliyoyakusanya kuwa Mwenyezi Mungu Hatakuwa na uwezo juu yake?

Оят: 6

يَقُولُ أَهۡلَكۡتُ مَالٗا لُّبَدًا

Huwa akisema kwa kujigamba: «Nimetumia mali mengi.»

Оят: 7

أَيَحۡسَبُ أَن لَّمۡ يَرَهُۥٓ أَحَدٌ

Kwani anadhani, kwa kitendo chake hiko, kuwa Mwenyezi Mungu, Aliyetukuka na kushinda, Hamuoni wala hatamhesabu juu ya kubwa na dogo?

Оят: 8

أَلَمۡ نَجۡعَل لَّهُۥ عَيۡنَيۡنِ

Kwani hatukumpa macho mawili ya kuonea,

Оят: 9

وَلِسَانٗا وَشَفَتَيۡنِ

ulimi na midomo miwili ya kusemea

Оят: 10

وَهَدَيۡنَٰهُ ٱلنَّجۡدَيۡنِ

na kumfafanulia njia mbili: ya kheri na ya shari?

Оят: 11

فَلَا ٱقۡتَحَمَ ٱلۡعَقَبَةَ

Basi ajiepushe na janga la Akhera kwa kutoa mali yake ili aokoke.

Оят: 12

وَمَآ أَدۡرَىٰكَ مَا ٱلۡعَقَبَةُ

Ni kitu gani kilichojulisha ni lipi hilo janga la Akhera na ni mambo gani yenye kusaidia kujiepusha nalo?

Оят: 13

فَكُّ رَقَبَةٍ

Ni kuacha huru shingo iliyoamini kuikomboa na utumwa.

Оят: 14

أَوۡ إِطۡعَٰمٞ فِي يَوۡمٖ ذِي مَسۡغَبَةٖ

Au kulisha, wakati wa shida ya njaa,

Оят: 15

يَتِيمٗا ذَا مَقۡرَبَةٍ

yatima mwenye ujamaa, ili ipatikane fadhila ya sadaka na ya kuunga kizazi,

Оят: 16

أَوۡ مِسۡكِينٗا ذَا مَتۡرَبَةٖ

au masikini asiyekuwa na kitu.

Оят: 17

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ

Kisha akawa, baada ya kufanya amali njema zilizotajwa, ni miongoni mwa waliotakasa Imani yao kwa Mwenyezi Mungu, wakausiana kusubiri juu ya kumtii Mwenyezi Mungu kwa kufuata maamrisho Yake na kujiepusha na vitendo vya kumuasi na wakausiana kuwahurumia viumbe.

Оят: 18

أُوْلَٰٓئِكَ أَصۡحَٰبُ ٱلۡمَيۡمَنَةِ

Wenye kufanya hayo ndiwo watu wa kulia ambao watapelekwa Siku ya Kiyama upande wa kulia kuelekea Peponi.

Оят: 19

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ

Na wale waliokanusha Qur’ani ndio ambao watapelekwa, Siku ya Kiyama, upande wa kushoto kuelekea Motoni.

Оят: 20

عَلَيۡهِمۡ نَارٞ مُّؤۡصَدَةُۢ

Malipo yao ni Moto wa Jahanamu wenye kuwafinika na kuwaziba.