Маънолар таржимаси Сура Моун сураси - Ўзбекча таржима, мутаржим: Алоуддин Мансур - Қуръони Карим қомуси

Моун сураси

Оят: 1

أَرَءَيۡتَ ٱلَّذِي يُكَذِّبُ بِٱلدِّينِ

1. Динни (Охиратдаги жазони) ёлғон, дейдиган кимсани(нг қандай кимса эканлигини) кўрдингизми — билдингизми?

Оят: 2

فَذَٰلِكَ ٱلَّذِي يَدُعُّ ٱلۡيَتِيمَ

2. Бас, бу етим-есирни (қўполлик билан) ҳайдаб соладиган,

Оят: 3

وَلَا يَحُضُّ عَلَىٰ طَعَامِ ٱلۡمِسۡكِينِ

3. Ва (кишиларни) мискин-бечорага таом беришга тарғиб қилмайдиган кимсадир.

И з о ҳ. Яъни кимки «иймон келтирганман» деса-ю, аммо етим-есирнинг ҳаққидан қўрқмаса, бечора-мискинларнинг бошини силаб меҳрибонлик қилмаса, у динни инкор қилгувчи кимсалар билан баробардир.

Оят: 4

فَوَيۡلٞ لِّلۡمُصَلِّينَ

4. Бас, «намозхон»ларга ҳалокат бўлгайки,

Оят: 5

ٱلَّذِينَ هُمۡ عَن صَلَاتِهِمۡ سَاهُونَ

5. Улар намозларини «унутиб» қўядиган кимсалардир.

Оят: 6

ٱلَّذِينَ هُمۡ يُرَآءُونَ

6. Улар риёкорлик қиладиган;

Оят: 7

وَيَمۡنَعُونَ ٱلۡمَاعُونَ

7. Ва рўзғор буюмларини ҳам (кишилардан) манъ қиладиган (яъни, бирон кишига фойдалари тегмайдиган) кимсалардир!