Қуръони Карим маъноларининг таржимаси - Ўзбекча таржима, таржимон: Муҳаммад Содиқ Муҳаммад Юсуф * - Таржималар мундарижаси

Маънолар таржимаси Сура: ал-Ҳааққаҳ сураси   Оят:
Суралар мундарижаси Бет рақами HTML

ал-Ҳааққаҳ сураси

Оят: 1

ٱلۡحَآقَّةُ
Ал-Ҳааққоҳ.
Арабча тафсирлар:

Оят: 2

مَا ٱلۡحَآقَّةُ
Ал-Ҳааққоҳ нима ўзи?!
Арабча тафсирлар:

Оят: 3

وَمَآ أَدۡرَىٰكَ مَا ٱلۡحَآقَّةُ
Ал-Ҳааққоҳ нималигини сенга нима билдирди?!
Арабча тафсирлар:

Оят: 4

كَذَّبَتۡ ثَمُودُ وَعَادُۢ بِٱلۡقَارِعَةِ
Самуд ва Од қориъани ёлғонга чиқаришди.
(«Қориъа» ҳам қиёматнинг номларидан бири, шиддат билан эшик қоқиб келувчи маъносини англатади.)
Арабча тафсирлар:

Оят: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ
Бас, аммо Самуд ҳаддан ошувчи билан ҳалок қилинди.
(«Ҳаддан ошувчи»дан мурод қаттиқ чақмоқдир.)
Арабча тафсирлар:

Оят: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ
Ва аммо Од қаттиқ (совуқ) шамол билан ҳалок қилиндилар.
Арабча тафсирлар:

Оят: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ
У зот уларнинг устидан бу шамолни етти кечаю саккиз кундуз «беминнат хизмат» қилдириб қўйди. Бас, қавмнинг у ерда ҳалок бўлиб, ағдарилиб ётганини кўрасан. Улар худди хурмонинг чириган томирларига ўхшарлар.
Арабча тафсирлар:

Оят: 8

فَهَلۡ تَرَىٰ لَهُم مِّنۢ بَاقِيَةٖ
Бас, сен улардан бирортасининг боқий қолганини кўрасанми?
Арабча тафсирлар:

Оят: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ
Фиръавн, ундан аввалгилар ва тўнтарилганликлар хато қилдилар.
Арабча тафсирлар:

Оят: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً
Бас, улар Роббиларининг Расулига осий бўлдилар. Дарҳақиқат, У зот уларни қаттиқ тутишлик билан тутди.
Арабча тафсирлар:

Оят: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ
Албатта, Биз сув туғёнга келган пайтда сизларни кемада кўтарганмиз.
Арабча тафсирлар:

Оят: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ
Уни сизларга эслатма қилиш учун ва англовчи қулоқлар англаб олиши учун.
(Бўлиб ўтган қисса ва ҳодисалар ҳамма учун ўрнак, эслатма, ваъз-насиҳат бўлиши керак.)
Арабча тафсирлар:

Оят: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ
Агар дудга биргина пуфлаш-ла пуфланса...
Арабча тафсирлар:

Оят: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ
Ва еру тоғлар кўтарилиб, бир мартагина силкитилса...
Арабча тафсирлар:

Оят: 15

فَيَوۡمَئِذٖ وَقَعَتِ ٱلۡوَاقِعَةُ
Бас, ўша кунда, Воқиъа воқеъ бўлибдир.
Арабча тафсирлар:

Оят: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ
Ва осмон парчаланса, бас, ўша кунда, у (осмон) беҳолдир.
Арабча тафсирлар:

Оят: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ
Ва фаришталар унинг атрофида ва ўша кунда Роббингнинг аршини саккизтаси кўтариб турадир.
(Аллоҳнинг аршини саккизта ёки саккиз турли фаришталар кўтариб турадилар. Арш ўзида иззат, султон ва моликлик маъноларини англатади. Башарият Аршнинг исмини билади, унинг ҳақиқатини Аллоҳнинг Ўзи билади.)
Арабча тафсирлар:

Оят: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ
Бас, ўша кунда кўрикдан ўтасизлар, бирорта нарсангиз махфий қолмайдир.
Арабча тафсирлар:

Оят: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ
Бас, кимнинг китоби ўнг тарафдан берилса, у: «Мана, менинг китобимни ўқиб кўринглар!
Арабча тафсирлар:

Оят: 20

إِنِّي ظَنَنتُ أَنِّي مُلَٰقٍ حِسَابِيَهۡ
Албатта, мен ҳисоб-китобимга йўлиқишимга ишонардим», дейдир.
Арабча тафсирлар:

Оят: 21

فَهُوَ فِي عِيشَةٖ رَّاضِيَةٖ
Бас, у розилик ҳаётидадир.
Арабча тафсирлар:

Оят: 22

فِي جَنَّةٍ عَالِيَةٖ
Олий жаннатдадир.
Арабча тафсирлар:

Оят: 23

قُطُوفُهَا دَانِيَةٞ
Унинг мевалари яқиндир.
Арабча тафсирлар:

Оят: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ
Ўтган кунларда қилган нарсаларингиз туфайли енглар ва ичинглар, ош бўлсин.
Арабча тафсирлар:

Оят: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ
Ва аммо кимнинг китоби чап тарафдан берилса, у: «Вой шўрим, кошки менга китобим берилмаса эди.
Арабча тафсирлар:

Оят: 26

وَلَمۡ أَدۡرِ مَا حِسَابِيَهۡ
Ва ҳисоб-китоб қандоқлигини билмасам эдим.
Арабча тафсирлар:

Оят: 27

يَٰلَيۡتَهَا كَانَتِ ٱلۡقَاضِيَةَ
Қани энди, (бу дунёдаги ўлим) охиргиси бўлса эди.
Арабча тафсирлар:

Оят: 28

مَآ أَغۡنَىٰ عَنِّي مَالِيَهۡۜ
Молу мулким мени сақлаб қола олмади.
Арабча тафсирлар:

Оят: 29

هَلَكَ عَنِّي سُلۡطَٰنِيَهۡ
Менинг султоним ҳам ҳалок бўлди», дейдир.
(Мулку султоним, мансабу обрўйим, насабу хасабим ҳамма ҳаммаси ҳалок бўлди.)
Арабча тафсирлар:

Оят: 30

خُذُوهُ فَغُلُّوهُ
Тутинглар уни ва кишанланглар уни!!!
Арабча тафсирлар:

Оят: 31

ثُمَّ ٱلۡجَحِيمَ صَلُّوهُ
Сўнгра жаҳаннамга солинглар уни!!!
Арабча тафсирлар:

Оят: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ
Сўнгра етмиш қулочли занжирга киритинг уни!!!
Арабча тафсирлар:

Оят: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ
Чунки, у улуғ Аллоҳга иймон келтирмаган эди.
Арабча тафсирлар:

Оят: 34

وَلَا يَحُضُّ عَلَىٰ طَعَامِ ٱلۡمِسۡكِينِ
Ва мискинларга таом беришга қизиқтирмаган эди.
(Мискинларга таом беришга қизиқтирмаслик шунчаликка олиб келса, имкони бўла туриб уларга таом бермаслик қанчалик гуноҳ экан — буни китобхоннинг ўзи фаҳмлайверсин.)
Арабча тафсирлар:

Оят: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ
Бас, бугунги кунда унга бу ерда бирон чин дўст йўқ.
Арабча тафсирлар:

Оят: 36

وَلَا طَعَامٌ إِلَّا مِنۡ غِسۡلِينٖ
Ва ғислийндан ўзга таом ҳам йўқ.
Арабча тафсирлар:

Оят: 37

لَّا يَأۡكُلُهُۥٓ إِلَّا ٱلۡخَٰطِـُٔونَ
Уни хатокорлардан бошқа ҳеч ким емас.
Арабча тафсирлар:

Оят: 38

فَلَآ أُقۡسِمُ بِمَا تُبۡصِرُونَ
Сизлар кўриб турган нарсалар билан қасам ичурман.
Арабча тафсирлар:

Оят: 39

وَمَا لَا تُبۡصِرُونَ
Ва сизлар кўрмайдиган нарсалар билан ҳам.
Арабча тафсирлар:

Оят: 40

إِنَّهُۥ لَقَوۡلُ رَسُولٖ كَرِيمٖ
Албатта у (Қуръон) карамли Расулнинг сўзидир.
(Қуръони Каримни Пайғамбаримиз соллаллоҳу алайҳи ва салламга нисбат берилиши У зот соллаллоҳу алайҳи ва саллам у каломни тиловат қилувчи ва кишиларга етказувчи эканлигидандир.)
Арабча тафсирлар:

Оят: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ
Ва у шоирнинг сўзи эмас. Сизлар жуда оз ишонасизлар.
Арабча тафсирлар:

Оят: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ
Ва у фолбиннинг сўзи ҳам эмас. Сизлар жуда оз эслайсизлар.
Арабча тафсирлар:

Оят: 43

تَنزِيلٞ مِّن رَّبِّ ٱلۡعَٰلَمِينَ
У оламлар Роббисидан туширилгандир.
Арабча тафсирлар:

Оят: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ
Ва агар у Бизнинг (номимиздан) баъзан ёлғон сўзларни тўқиса.
Арабча тафсирлар:

Оят: 45

لَأَخَذۡنَا مِنۡهُ بِٱلۡيَمِينِ
Албатта, Биз уни қудрат билан тутамиз.
Арабча тафсирлар:

Оят: 46

ثُمَّ لَقَطَعۡنَا مِنۡهُ ٱلۡوَتِينَ
Сўнгра, албатта, унинг шоҳ томирини кесамиз.
Арабча тафсирлар:

Оят: 47

فَمَا مِنكُم مِّنۡ أَحَدٍ عَنۡهُ حَٰجِزِينَ
Бас, сизлардан ҳеч ким уни тўсиб қола олмас.
Арабча тафсирлар:

Оят: 48

وَإِنَّهُۥ لَتَذۡكِرَةٞ لِّلۡمُتَّقِينَ
Ва албатта, у (Қуръон) тақводорлар учун эслатмадир.
Арабча тафсирлар:

Оят: 49

وَإِنَّا لَنَعۡلَمُ أَنَّ مِنكُم مُّكَذِّبِينَ
Ва албатта, Биз сизларнинг ичингизда ёлғонга чиқарувчилар борлигини билиб турамиз.
Арабча тафсирлар:

Оят: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ
Ва албатта, у (Қуръон) кофирлар учун ҳасратдир.
Арабча тафсирлар:

Оят: 51

وَإِنَّهُۥ لَحَقُّ ٱلۡيَقِينِ
Ва албатта, у (Қуръон) шубҳасиз ҳақиқатдир.
Арабча тафсирлар:

Оят: 52

فَسَبِّحۡ بِٱسۡمِ رَبِّكَ ٱلۡعَظِيمِ
Бас, улуғ Роббингнинг исмини поклаб ёд эт.
Арабча тафсирлар:
 
Маънолар таржимаси Сура: ал-Ҳааққаҳ сураси
Суралар мундарижаси Бет рақами
 
Қуръони Карим маъноларининг таржимаси - Ўзбекча таржима, таржимон: Муҳаммад Содиқ Муҳаммад Юсуф - Таржималар мундарижаси

Қуръон Карим маъноларининг ўзбекча таржимаси, мутаржим: Муҳаммад Содиқ Муҳаммад Юсуф, 1430 ҳ. йили нашр қилинган. Уни Рувводут таржама маркази томонидан тузатилган. Доимий ривожлантириш, баҳолаш ва фикру мулоҳаза билдириш учун асил таржимага мурожаат қилиш мумкин.

Ёпиш