Қуръони Карим маъноларининг таржимаси - Ўзбекча таржима, таржимон: Муҳаммад Содиқ Муҳаммад Юсуф * - Таржималар мундарижаси

Маънолар таржимаси Сура: Буруж сураси   Оят:
Суралар мундарижаси Бет рақами HTML

Буруж сураси

Оят: 1

وَٱلسَّمَآءِ ذَاتِ ٱلۡبُرُوجِ
Буржлар эгаси бўлган осмон билан қасам.
Арабча тафсирлар:

Оят: 2

وَٱلۡيَوۡمِ ٱلۡمَوۡعُودِ
Ва ваъда қилинган кун билан қасам.
Арабча тафсирлар:

Оят: 3

وَشَاهِدٖ وَمَشۡهُودٖ
Гувоҳлик берувчи ва гувоҳлик берилган билан қасам.
Арабча тафсирлар:

Оят: 4

قُتِلَ أَصۡحَٰبُ ٱلۡأُخۡدُودِ
«Ухдуд» эгаларига лаънат бўлсин.
Арабча тафсирлар:

Оят: 5

ٱلنَّارِ ذَاتِ ٱلۡوَقُودِ
У ёқилғиси кўп, қаттиқ исиган оловдир.
Арабча тафсирлар:

Оят: 6

إِذۡ هُمۡ عَلَيۡهَا قُعُودٞ
У(кофир)лар ўша(чуқур)лар атрофида ўтирибдирлар.
Арабча тафсирлар:

Оят: 7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ
Ва улар мўминларга қилаётган нарсаларига ўзлари гувоҳдирлар.
Арабча тафсирлар:

Оят: 8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ
Ва (улар) мўминлардан Азийз, Ҳамийд Аллоҳга бўлган иймондан бошқа «айб» топа олмадилар.
Арабча тафсирлар:

Оят: 9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ
У шундай зотки, осмонлару ернинг мулки Унга хосдир ва Аллоҳ ҳар бир нарсага Ўзи гувоҳдир.
Арабча тафсирлар:

Оят: 10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ
Албатта, мўмин ва мўминаларни фитна қилиб, сўнгра тавба қилмаганларга, ана ўшаларга жаҳаннам азоби ва куйдирувчи азоб бор.
Арабча тафсирлар:

Оят: 11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ
Албатта, иймон келтирган ва солиҳ амал қилганларга, уларга, остидан анҳорлар оқиб турган жаннатлар бор. Бу эса ниҳоятда улкан ютуқдир. @Мусаҳҳиҳ
Албатта, иймон келтирган ва солиҳ амал қилганларга (дарахтлар) остидан анҳорлар оқиб турган жаннат бор. Бу эса, ниҳоятда улкан ютуқдир.
Арабча тафсирлар:

Оят: 12

إِنَّ بَطۡشَ رَبِّكَ لَشَدِيدٌ
Албатта, Роббингнинг чангали жуда ҳам шиддатли, қаттиқдир.
Арабча тафсирлар:

Оят: 13

إِنَّهُۥ هُوَ يُبۡدِئُ وَيُعِيدُ
Албатта, У Ўзи бошлайдир ва қайтарадир.
(Йўқдан бор қилар ва ўлганни ҳаётга қайтарар.)
Арабча тафсирлар:

Оят: 14

وَهُوَ ٱلۡغَفُورُ ٱلۡوَدُودُ
Ва У мағфират қилувчи, барчага яхшиликни раво кўрувчи Зотдир.
Арабча тафсирлар:

Оят: 15

ذُو ٱلۡعَرۡشِ ٱلۡمَجِيدُ
У, Арш эгаси ҳамда қадри улуғ Зотдир.
Арабча тафсирлар:

Оят: 16

فَعَّالٞ لِّمَا يُرِيدُ
У нимани хоҳласа, қила олувчи Зотдир.
Арабча тафсирлар:

Оят: 17

هَلۡ أَتَىٰكَ حَدِيثُ ٱلۡجُنُودِ
Сенга аскарларнинг хабари келдими?
Арабча тафсирлар:

Оят: 18

فِرۡعَوۡنَ وَثَمُودَ
Фиръавн ва Самуднинг.
Арабча тафсирлар:

Оят: 19

بَلِ ٱلَّذِينَ كَفَرُواْ فِي تَكۡذِيبٖ
Балки, кофирлар ёлғонга чиқаришадир?
Арабча тафсирлар:

Оят: 20

وَٱللَّهُ مِن وَرَآئِهِم مُّحِيطُۢ
Ҳолбуки, Аллоҳ уларнинг ортидан иҳота қилиб турувчидир.
Арабча тафсирлар:

Оят: 21

بَلۡ هُوَ قُرۡءَانٞ مَّجِيدٞ
Йўқ!!! У Қуръони Мажийддур.
Арабча тафсирлар:

Оят: 22

فِي لَوۡحٖ مَّحۡفُوظِۭ
У Лавҳул Маҳфуздадир.
(Лавҳул-Маҳфуз Аллоҳнинг ҳузурида бўлиб, унга ҳеч қандай ўзгариш кириши мумкин эмас.)
Арабча тафсирлар:
 
Маънолар таржимаси Сура: Буруж сураси
Суралар мундарижаси Бет рақами
 
Қуръони Карим маъноларининг таржимаси - Ўзбекча таржима, таржимон: Муҳаммад Содиқ Муҳаммад Юсуф - Таржималар мундарижаси

Қуръон Карим маъноларининг ўзбекча таржимаси, мутаржим: Муҳаммад Содиқ Муҳаммад Юсуф, 1430 ҳ. йили нашр қилинган. Уни Рувводут таржама маркази томонидан тузатилган. Доимий ривожлантириш, баҳолаш ва фикру мулоҳаза билдириш учун асил таржимага мурожаат қилиш мумкин.

Ёпиш