含义的翻译 章 阿迪亚特 - 斯瓦希里语翻译 - 阿布杜拉·穆罕默德和纳赛尔·海米斯。 - 《古兰经》合辑

Surat Al-Aadiyat

段: 1

وَٱلۡعَٰدِيَٰتِ ضَبۡحٗا

Mwenyezi Mungu Anaapa kwa farasi wenye kwenda shoti katika njia Yake kumkabili adui, wakitoa sauti kwa kasi ya kukimbia. Haifai kwa kiumbe kuapa kwa asiyekuwa Mwenyezi Mungu. Kuapa kwa asiyekuwa Mwenyezi Mungu ni ushirikina.

段: 2

فَٱلۡمُورِيَٰتِ قَدۡحٗا

Na wenye kutoa cheche za moto kwa kwato zao ngumu wanapokimbia kwa kasi.

段: 3

فَٱلۡمُغِيرَٰتِ صُبۡحٗا

Wenye kushambulia maadui kipindi cha asubuhi.

段: 4

فَأَثَرۡنَ بِهِۦ نَقۡعٗا

Wakarusha vumbi kwa mbio zao.

段: 5

فَوَسَطۡنَ بِهِۦ جَمۡعًا

Wakautia kati, kwa kuuzunguka kwa vipando vyao, mkusanyiko wa maadui.

段: 6

إِنَّ ٱلۡإِنسَٰنَ لِرَبِّهِۦ لَكَنُودٞ

Hakika binadamu ni mkanushaji sana neema za Mola wake.

段: 7

وَإِنَّهُۥ عَلَىٰ ذَٰلِكَ لَشَهِيدٞ

Na yeye anakubali ukanushaji wake.

段: 8

وَإِنَّهُۥ لِحُبِّ ٱلۡخَيۡرِ لَشَدِيدٌ

Na yeye ana pupa sana la mali.

段: 9

۞ أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ

Kwani binadamu hajui linalomngojea mbele yake, pindi Mwenyezi Mungu Atakapowatoa wafu makaburini waende kuhesabiwa na kulipwa?

段: 10

وَحُصِّلَ مَا فِي ٱلصُّدُورِ

Na (kwani yeye hajui) yakatolewa yaliyo ndani ya vifua: mema au maovu?.

段: 11

إِنَّ رَبَّهُم بِهِمۡ يَوۡمَئِذٖ لَّخَبِيرُۢ

Hakika Mola wao kwao na kwa amali zao, Siku Hiyo, ni Mtambuzi; hakuna chenye kufichamana Kwake.