Mənaların tərcüməsi Surə əl-Əla - Yəu dilinə tərcümə - Qurani Kərim ensiklopediyası

Al-A‘lâ

Ayə: 1

سَبِّحِ ٱسۡمَ رَبِّكَ ٱلۡأَعۡلَى

Liswejesyani lina lya Ambuje ŵenu (Allah) Ŵapenani kusyene.

Ayə: 2

ٱلَّذِي خَلَقَ فَسَوَّىٰ

Aŵala ŵaŵagumbile (chilichose) ni kuchikolosya.

Ayə: 3

وَٱلَّذِي قَدَّرَ فَهَدَىٰ

Soni Aŵala ŵaŵapimiile (chilichose mwachiichiŵeela) ni kuchijongolela (ku yaŵachipimileyo).

Ayə: 4

وَٱلَّذِيٓ أَخۡرَجَ ٱلۡمَرۡعَىٰ

Soni Aŵala ŵaakumesya mopo.

Ayə: 5

فَجَعَلَهُۥ غُثَآءً أَحۡوَىٰ

Ni kuwusyusya kuŵa wejumu ŵakupiililila.

Ayə: 6

سَنُقۡرِئُكَ فَلَا تَنسَىٰٓ

Chitunsoomesye ni ngan'diŵalila.

Ayə: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Ikaŵeje yasachile Allah, chisimu Jwalakwe jukumanyililaga yakuonechela ni yayikasasisika.

Ayə: 8

وَنُيَسِّرُكَ لِلۡيُسۡرَىٰ

Ni chitun'jepepachisye litala lyakwalukangana (lyakutendela yambone).

Ayə: 9

فَذَكِّرۡ إِن نَّفَعَتِ ٱلذِّكۡرَىٰ

Basi kumbusyani naga kumbusyako tikuŵe kwakamuchisya.

Ayə: 10

سَيَذَّكَّرُ مَن يَخۡشَىٰ

Talikumbusye mundu jwaakun'jogopa (Allah).

Ayə: 11

وَيَتَجَنَّبُهَا ٱلۡأَشۡقَى

Ni takuŵambale (mundu) jwakusakala nnope.

Ayə: 12

ٱلَّذِي يَصۡلَى ٱلنَّارَ ٱلۡكُبۡرَىٰ

Ajula jwatakajinjile ku Moto Wekulungwa.

Ayə: 13

ثُمَّ لَا يَمُوتُ فِيهَا وَلَا يَحۡيَىٰ

Soni ngachija kumpata chiwa mwalakwemo, nambo soni ngaaja kuŵa ni umi (wambone).

Ayə: 14

قَدۡ أَفۡلَحَ مَن تَزَكَّىٰ

Pamasile paapundile mundu jwaliswejesye (ntima wakwe).

Ayə: 15

وَذَكَرَ ٱسۡمَ رَبِّهِۦ فَصَلَّىٰ

Ni akuŵa ali nkulikumbuchila Lina lya Ambujegwe (pakulikolanga) aku achiswaliji.

Ayə: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Nambo ŵanganyammwe nkulongosya umi wa duniya.

Ayə: 17

وَٱلۡأٓخِرَةُ خَيۡرٞ وَأَبۡقَىٰٓ

Kutendaga Akhera ni jambone nnope soni jandamo.

Ayə: 18

إِنَّ هَٰذَا لَفِي ٱلصُّحُفِ ٱلۡأُولَىٰ

Chisimu yalakweyi yili mu ikalakala yandanda.

Ayə: 19

صُحُفِ إِبۡرَٰهِيمَ وَمُوسَىٰ

Ikalakala ya Ibrahima ni Musa.