Übersetzung der Bedeutungen Vers 31 Surah / Kapitel An-Nûr - الترجمة الفولانية للمختصر في تفسير القرآن الكريم - Die Enzyklopädie von dem heiligen Quran

Vers: 31

وَقُل لِّلۡمُؤۡمِنَٰتِ يَغۡضُضۡنَ مِنۡ أَبۡصَٰرِهِنَّ وَيَحۡفَظۡنَ فُرُوجَهُنَّ وَلَا يُبۡدِينَ زِينَتَهُنَّ إِلَّا مَا ظَهَرَ مِنۡهَاۖ وَلۡيَضۡرِبۡنَ بِخُمُرِهِنَّ عَلَىٰ جُيُوبِهِنَّۖ وَلَا يُبۡدِينَ زِينَتَهُنَّ إِلَّا لِبُعُولَتِهِنَّ أَوۡ ءَابَآئِهِنَّ أَوۡ ءَابَآءِ بُعُولَتِهِنَّ أَوۡ أَبۡنَآئِهِنَّ أَوۡ أَبۡنَآءِ بُعُولَتِهِنَّ أَوۡ إِخۡوَٰنِهِنَّ أَوۡ بَنِيٓ إِخۡوَٰنِهِنَّ أَوۡ بَنِيٓ أَخَوَٰتِهِنَّ أَوۡ نِسَآئِهِنَّ أَوۡ مَا مَلَكَتۡ أَيۡمَٰنُهُنَّ أَوِ ٱلتَّٰبِعِينَ غَيۡرِ أُوْلِي ٱلۡإِرۡبَةِ مِنَ ٱلرِّجَالِ أَوِ ٱلطِّفۡلِ ٱلَّذِينَ لَمۡ يَظۡهَرُواْ عَلَىٰ عَوۡرَٰتِ ٱلنِّسَآءِۖ وَلَا يَضۡرِبۡنَ بِأَرۡجُلِهِنَّ لِيُعۡلَمَ مَا يُخۡفِينَ مِن زِينَتِهِنَّۚ وَتُوبُوٓاْ إِلَى ٱللَّهِ جَمِيعًا أَيُّهَ ٱلۡمُؤۡمِنُونَ لَعَلَّكُمۡ تُفۡلِحُونَ

Maakan rewɓe gomɗinɓe ɓen yo ɓe hippu gite maɓɓe ɗen gaayi ndaarude e ko daganaaki ɓe ndaarugol kon immorde e awraaji, ɓe reenira farjuuji maɓɓe ɗin woɗɗitagol pankare ɗen e surrugol ɗi, wata ɓe feññinan cuɗaari maɓɓe ndin jananɓe ɓen si wanaa ko feeñi kon e mayri, kon ko newotaako suuɗugol ɗum wano conci ɗin, yo ɓe fawu tiggaaje maɓɓe ɗen e hoore jolɗe wontirɗe ɗen ka senngo dow conci maɓɓe fii yo ɓe suuɗu cukuli maɓɓe ɗin e geece maɓɓe ɗen e daaɗe maɓɓe ɗen, wata ɓe feññinan cuɗaari maɓɓe suuɗiindi ndin si wanaa moodiɓɓe maɓɓe ɓen, maaɗum baabiraaɓe maɓɓe ɓen, maaɗum baabiraaɓe moodiɓɓe maɓɓe ɓen, maaɗum ɓiɗɓe maɓɓe ɓen, maaɗum ɓiɗɓe moodiɓɓe maɓɓe ɓen, maaɗum musiɗɓe maɓɓe ɓen, maaɗum ɓiɗɓe musiɗɓe maɓɓe ɓen, maaɗum ɓiɗɓe banndiraaɓe maɓɓe ɓen, maaɗum sonnaaɓe maɓɓe hoolaaɓe ɓen, foti ko ɓe julɓe maa ko ɓe heeferɓe, maaɗum ɓen ɓe ɓe jeyi immorde e maccuɓe maaɗum horɓe, maaɗum worɓe jokkooɓe ñiiri ɓe maraa haaju e rewɓe, maaɗum boobooɓe ɓe humpitaaki ɓen awraaji sonnaaɓe sabu famɗugol maɓɓe, wata sonnaaɓe ɓen fiyandir koyɗe maɓɓe ɗen faadagol fii yo annde ko ɓe suuɗi kon immorde e cuuɗaari maɓɓe yeru liɓe e ko nanndi e ɗum. Tuubee ruttoɗon ka Alla no fotuɗon fodde -ko onon yo gomɗinɓe- tijjagol on heɓay ko ɗaɓɓaa kon, daɗon ko hulaa kon.

Die Nutzen der Versen in dieser Seite:

• جواز دخول المباني العامة دون استئذان.

Dagagol naatugol e cuuɗi kafaaɗi(piblik) ɗin hara duŋinaaki.

• وجوب غض البصر على الرجال والنساء عما لا يحلّ لهم.

No waddii e dow worɓe ɓen e rewɓe ɓen hippugol ndarɗe ɗen e kon ko daganaaki ɓe.

• وجوب الحجاب على المرأة.

Waɗɗagol hijaabu on e dow suddiiɗo on.

• منع استخدام وسائل الإثارة.

Haɗugol huutorgol laawi memminayɗi ɗin.