Check out the new design

Übersetzung der Bedeutungen von dem heiligen Quran - Die Übersetzung von Al-Fulani - Al-Mukhtasar - Eine Kurzfassung der Bedeutungen des edlen Qurans * - Übersetzungen

Übersetzung der Bedeutungen Surah / Kapitel: Asch-Schuʿarāʾ   Vers:
Suren/ Kapiteln Liste Nummer der Seite HTML

Simoore yimooɓe

Die Ziele der Surah:
بيان آيات الله في تأييد المرسلين وإهلاك المكذبين.
Hollirde kaawniiɗe Alla e semmbinde Nelaaɓe e halkude fennooɓe ɓe.

Vers: 1

طسٓمٓ
(Taa, Siin, Miim) hari yewtanooma fii yeru majje ka fuɗɗoode Simoore Albaqara.
Arabische Interpretationen von dem heiligen Quran:

Vers: 2

تِلۡكَ ءَايَٰتُ ٱلۡكِتَٰبِ ٱلۡمُبِينِ
Ɗen ko Aayeeje Alqur'aanaare ɓannginde seerndunde hakkunde Goonga kan e meere nden.
Arabische Interpretationen von dem heiligen Quran:

Vers: 3

لَعَلَّكَ بَٰخِعٞ نَّفۡسَكَ أَلَّا يَكُونُواْ مُؤۡمِنِينَ
Belajo'o -an Nulaaɗo- sabu rerɗugol maaɗa fii fewnugol ɓe a waray wonkii maaɗa kin sabu suno e rerɗugol fii fewnugol ɓe.
Arabische Interpretationen von dem heiligen Quran:

Vers: 4

إِن نَّشَأۡ نُنَزِّلۡ عَلَيۡهِم مِّنَ ٱلسَّمَآءِ ءَايَةٗ فَظَلَّتۡ أَعۡنَٰقُهُمۡ لَهَا خَٰضِعِينَ
Si Men Muuyii jippinngol Maande e maɓɓe immorde ka kammu Men jippinay nde e maɓɓe, daaɗe maɓɓe ɗen ñalla yankinanaade nde hara ko ɗe hoyuɗe, kono Men Muuyaali ɗum ka ndarndagol ɓe: Mbelaɓe gomɗinay ko wirnii kon?
Arabische Interpretationen von dem heiligen Quran:

Vers: 5

وَمَا يَأۡتِيهِم مِّن ذِكۡرٖ مِّنَ ٱلرَّحۡمَٰنِ مُحۡدَثٍ إِلَّا كَانُواْ عَنۡهُ مُعۡرِضِينَ
Arataa e ɓee sirkooɓe immorde e waaju fuɗɗaa- ngu jippineede immorde ka Hinnorante On e Hujjaaji maggu tinndinɗi ɗin fii Ngootimmbaaku Makko e Goongugol Annabaajo Makko on si wanaa ɓe ɗuuroto gaayi jentagol mo e goongin- gol mo.
Arabische Interpretationen von dem heiligen Quran:

Vers: 6

فَقَدۡ كَذَّبُواْ فَسَيَأۡتِيهِمۡ أَنۢبَٰٓؤُاْ مَا كَانُواْ بِهِۦ يَسۡتَهۡزِءُونَ
Gomɗii ɓe fennii ko Nulaaɓe maɓɓe ɓen addani ɓe kon, aroyay e maɓɓe goonginal kumpital ko ɓe wonunoo jalkitude kon, Lepte ɗen jippoo e maɓɓe.
Arabische Interpretationen von dem heiligen Quran:

Vers: 7

أَوَلَمۡ يَرَوۡاْ إِلَى ٱلۡأَرۡضِ كَمۡ أَنۢبَتۡنَا فِيهَا مِن كُلِّ زَوۡجٖ كَرِيمٍ
Ɓee luttay e deppitagol e dow keefeeru maɓɓe hara ɓe ndaaraali faade e leydi ndin no foti hewde ko Men fuɗini e mayri immorde e kala noone e nooneeji puɗi fotuɗi ndaarugol ɗuuɗuɗi nafoore?!
Arabische Interpretationen von dem heiligen Quran:

Vers: 8

إِنَّ فِي ذَٰلِكَ لَأٓيَةٗۖ وَمَا كَانَ أَكۡثَرُهُم مُّؤۡمِنِينَ
Pellet, wonii e fuɗinngol ka leydi puɗi luutondirɗi nooneeji daliili ɓannguɗo fii Hattannde On fuɗinɗo ɗi e dow wurnitugol mayɓe ɓen, ɓurɓe ɓen e maɓɓe wonaali gomɗinɓe.
Arabische Interpretationen von dem heiligen Quran:

Vers: 9

وَإِنَّ رَبَّكَ لَهُوَ ٱلۡعَزِيزُ ٱلرَّحِيمُ
Pellet, Joomi maaɗa -an Nulaaɗo- ko Kanko woni Fooluɗo goɗɗo foolataa Mo, ko O Yurmeteeɗo jeyaaɓe makko ɓen.
Arabische Interpretationen von dem heiligen Quran:

Vers: 10

وَإِذۡ نَادَىٰ رَبُّكَ مُوسَىٰٓ أَنِ ٱئۡتِ ٱلۡقَوۡمَ ٱلظَّٰلِمِينَ
Jaŋto -an Nulaaɗo- tuma nde Joomi maaɗa noddunoo Muusaa ko O Yamirɗo mo yo o aru ka yimɓe tooñirɓe ɓen yeddugol maɓɓe Alla e maccinɗinngol yimɓe Muusaa ɓen.
Arabische Interpretationen von dem heiligen Quran:

Vers: 11

قَوۡمَ فِرۡعَوۡنَۚ أَلَا يَتَّقُونَ
Ɓen ko yimɓe Fir'awna ɓen, yo o yamir ɓe e hoore no newori kulol Alla e ɗoftaade Yamiraaɗi Makko ɗin e woɗɗitaade haɗaaɗi Makko ɗin.
Arabische Interpretationen von dem heiligen Quran:

Vers: 12

قَالَ رَبِّ إِنِّيٓ أَخَافُ أَن يُكَذِّبُونِ
Muusaa (yo o his) maaki: "Min dey, miɗo huli wata ɓe fennan e nder ko mi yottinta e maɓɓe kon Nulal maaɗa ngal"
Arabische Interpretationen von dem heiligen Quran:

Vers: 13

وَيَضِيقُ صَدۡرِي وَلَا يَنطَلِقُ لِسَانِي فَأَرۡسِلۡ إِلَىٰ هَٰرُونَ
Ɓernde am nden ɓittoo sabu ko ɓe fennatan mi kon, ɗemngal am ngal soko fii wowlugol, awa Nulu Jibriila (yo o his) faade e kotoo am Haaruuna fii yo o wonu walloowo lam.
Arabische Interpretationen von dem heiligen Quran:

Vers: 14

وَلَهُمۡ عَلَيَّ ذَنۢبٞ فَأَخَافُ أَن يَقۡتُلُونِ
No wonani ɓe e dow am bakkaatu sabu warugol qibtiyankoojo, miɗo huli wata ɓe warto lam.
Arabische Interpretationen von dem heiligen Quran:

Vers: 15

قَالَ كَلَّاۖ فَٱذۡهَبَا بِـَٔايَٰتِنَآۖ إِنَّا مَعَكُم مُّسۡتَمِعُونَ
Alla Daalani Muusaa (yo o his): "wanaa non, ɓe warataa ma, yaadu e kotoo maaɗa Haaruuna wonndude e Aayeeje Amen tinndinɗe ɗen e goongugol mooɗon. Pellet, Menen Meɗen wonndiri e mooɗo ballal ngal e semmbinngol ngol ko Men jentiiɓe ko wowloton kon e ko wowlante ɗon kon, hay e huunde e ɗum fuutotaako Men.
Arabische Interpretationen von dem heiligen Quran:

Vers: 16

فَأۡتِيَا فِرۡعَوۡنَ فَقُولَآ إِنَّا رَسُولُ رَبِّ ٱلۡعَٰلَمِينَ
Aree ka Fir'awna, wi'anon mo: "Menen ɗoo ɗiɗo ko men Nulaaɓe e maaɗa immorde ka Jooma tageefooji ɗin fow."
Arabische Interpretationen von dem heiligen Quran:

Vers: 17

أَنۡ أَرۡسِلۡ مَعَنَا بَنِيٓ إِسۡرَٰٓءِيلَ
Fii yo a accitu ɓiɗɓe Israa'iila ɓen ɓen, wonndude e amen.
Arabische Interpretationen von dem heiligen Quran:

Vers: 18

قَالَ أَلَمۡ نُرَبِّكَ فِينَا وَلِيدٗا وَلَبِثۡتَ فِينَا مِنۡ عُمُرِكَ سِنِينَ
Fir'awna wi'ani Muusaa (yo o his): "Enee, men ne'aano ma ka amen ɗoo hari ko o penuujo, ñiiɓuɗaa hakkunde duuɓi e ngurndam maaɗam, ko hommbo yamirmaa nodditagol Annabaaku?"
Arabische Interpretationen von dem heiligen Quran:

Vers: 19

وَفَعَلۡتَ فَعۡلَتَكَ ٱلَّتِي فَعَلۡتَ وَأَنتَ مِنَ ٱلۡكَٰفِرِينَ
Golluɗaa fiyaake mawɗe tuma warunoɗaa qibtiyankoojo on fii jinngngol gorko jeyaaɗo ka yimɓe maaɗa, an ko a yeyaaɗo e yedduɓe neemaaji am ɗin e dow maaɗa.
Arabische Interpretationen von dem heiligen Quran:
Die Nutzen der Versen in dieser Seite:
• حرص الرسول صلى الله عليه وسلم على هداية الناس.
Rerɗugol Nulaaɗo on (yo Alla juulu e makko hisna) fii fewnugol yimɓe ɓen.
• إثبات صفة العزة والرحمة لله.
Tabintinanngol Alla Sifa Teddungal ngal e Yurmeende nden.
• أهمية سعة الصدر والفصاحة للداعية.
Himmugol yaajugol ɓernde e wonde fasinte wonande noddoowo on.
• دعوات الأنبياء تحرير من العبودية لغير الله.
Noddaandu Annabaaɓe ɓen ko fii rinɗugol e maccinɗinanagol ko woori Alla.
• احتج فرعون على رسالة موسى بوقوع القتل منه عليه السلام فأقر موسى بالفعلة، مما يشعر بأنها ليست حجة لفرعون بالتكذيب.
Fir'awna hujjinori e dow Nulal Muusaa ngal sabu warugol makko hoore (yo o his) Muusaa qirritii kuugal ngal, ɗum no anndina wonndema wonanaali Fir'awna hujja fii fennugol ngol.
 
Übersetzung der Bedeutungen Surah / Kapitel: Asch-Schuʿarāʾ
Suren/ Kapiteln Liste Nummer der Seite
 
Übersetzung der Bedeutungen von dem heiligen Quran - Die Übersetzung von Al-Fulani - Al-Mukhtasar - Eine Kurzfassung der Bedeutungen des edlen Qurans - Übersetzungen

Vom Tafsirzentrum für Quranwissenschaften herausgegeben.

Schließen