Übersetzung der Bedeutungen Vers 98 Surah / Kapitel At-Tawba - الترجمة الفولانية للمختصر في تفسير القرآن الكريم - Die Enzyklopädie von dem heiligen Quran

Vers: 98

وَمِنَ ٱلۡأَعۡرَابِ مَن يَتَّخِذُ مَا يُنفِقُ مَغۡرَمٗا وَيَتَرَبَّصُ بِكُمُ ٱلدَّوَآئِرَۚ عَلَيۡهِمۡ دَآئِرَةُ ٱلسَّوۡءِۗ وَٱللَّهُ سَمِيعٌ عَلِيمٞ

Hino jeyaa e yimɓe ladde naafiqiiɓe ɓen, on fiɓuɗo wonnde ko o wintotoo kon e jawle fii laawol Alla ngol, ko sooyo, sikkugol wonnde o heɓataa baraaji mun si o wintike, e wonnde o leptirtaake accugol ɗum. e ɗum, himo wintora yiingo e rentaade, o habbitoo nde bone yanata e mon onon gomɗimɓe ɓen, fii no o ɓoortoda e mooɗon. Ko woni tun, Alla waɗii yela maɓɓe bonɗo on nde jamaanu yiilotoo e gomɗimɓe ɓen yanu e maɓɓe kamɓe. Alla ko Nanoowo koɓe haalata, Annduɗo ko ɓe suuɗata.

Die Nutzen der Versen in dieser Seite:

• ميدان العمل والتكاليف خير شاهد على إظهار كذب المنافقين من صدقهم.

Dingiral golle ɗen e waɗɗiiɗi ɗin woni ko senndata fenaande naafiqiiɓe ɓen e goonga kan.

• أهل البادية إن كفروا فهم أشد كفرًا ونفاقًا من أهل الحضر؛ لتأثير البيئة.

Si yimɓe ladde ɓen yeddii, ko ɗum ɓuri tiiɗude e keeferaaku maa naafiqaaku yimɓe saare ɓen, sabu battingol nokku on.

• الحض على النفقة في سبيل الله مع إخلاص النية، وعظم أجر من فعل ذلك.

Aayeeje ɗen rerɗinii e wintagol nafqa fii laawol Alla ngol, wonnde e laɓɓingol Annuyee e wonnde baraaji golluɗo ɗum hino mawni.

• فضيلة العلم، وأن فاقده أقرب إلى الخطأ.

Ɗe ɓannginii kadi ɓural ganndal, ɗe holli wonnde waasuɗo ganndal buri badaade e palje.