Übersetzung der Bedeutungen von dem heiligen Quran - الترجمة الكردية - صلاح الدين * - Übersetzungen
سورەتی التكویر
إِذَا ٱلشَّمۡسُ كُوِّرَتۡ
سووره‌تی (ته‌كویر) (واته: خڕ كردن و لوول كردن) سووره‌تێكى مه‌ككى یه‌و (٢٩) ئایه‌ته پێغه‌مبه‌ری خوا - صلی الله علیه وسلم - ئه‌فه‌رمووێ: [ هه‌ر كه‌سێك پێی خۆشه ته‌ماشای ڕۆژی قیامه‌ت بكات وه‌ك ئه‌وه‌ی كه به‌چاوی خۆی بیبینێ ئه‌وه با ئه‌م سێ سووره‌ته بخوێنێ: (إِذَا الشَّمْسُ كُوِّرَتْ) و (إِذَا السَّمَاءُ انْفَطَرَتْ) و (إِذَا السَّمَاءُ انْشَقَّتْ) ]، چونكه له‌م سێ سووره‌ته‌دا خوای گه‌وره دیمه‌نه‌كانی ڕۆژی قیامه‌تى زۆر به‌ئاشكرا باس كردووه . بِسْمِ اللَّهِ الرَّحْمَنِ الرَّحِيمِ هه‌ندێك له نیشانه‌كانى رۆژى قیامه‌ت [ إِذَا الشَّمْسُ كُوِّرَتْ (١) ] كاتێك كه خۆر تاریك ئه‌بێ و ئه‌ڕوات و نامێنێت وه ڕووناكییه‌كه‌ی نامێنێت و وه‌كو تۆپ خڕ ئه‌كرێت و لوول ئه‌كرێت و فڕێ ئه‌درێت.
Arabische Interpretationen von dem heiligen Quran:
وَإِذَا ٱلنُّجُومُ ٱنكَدَرَتۡ
[ وَإِذَا النُّجُومُ انْكَدَرَتْ (٢) ] وه كاتێك كه ئه‌ستێره‌كان بڵاو ئه‌بنه‌وه‌و به‌ر ئه‌بنه‌وه‌و ڕووناكی ئه‌وانیش نامێنێ، وه‌كو پێغه‌مبه‌ری خوا - صلی الله علیه وسلم - ئه‌فه‌رمووێ: (خۆرو مانگ له ڕۆژی قیامه‌ت هه‌ردووكیان خڕو لوول ئه‌كرێن وه‌كو تۆپ)، (ئوبه‌ی كوڕی كه‌عب) ئه‌فه‌رمووێ: ئه‌مانه‌ی له‌سه‌ره‌تای سووره‌تی (ته‌كویر) باسكراوه شه‌شی سه‌ره‌تایان پێش هاتنی قیامه‌ته، وه شه‌شی دواتریشیان له ڕۆژی قیامه‌تدایه، كاتێك ئه‌وانه‌ی سه‌ره‌تا رووده‌دات خه‌ڵكى له بازاڕدان سه‌یر ئه‌كه‌ن خۆر ڕووناكی نامێنێ، وه ئه‌ستێره‌كان به‌ر ئه‌بنه‌وه‌و ڕووناكییان نامێنێ، وه شاخه‌كان هه‌ڵئه‌كه‌نرێن و وه‌كو صوفی شیكراوه به ئاسماندا ئه‌ڕۆن، وه زه‌وی ئه‌جوولێت و ئه‌هه‌ژێت، وه مرۆڤو جنی هه‌موویان ئه‌ترسێن، وه حوشتره‌كان پشتگوێ ئه‌خرێن، ئه‌م شه‌ش نیشانه‌یه‌ی سه‌ره‌تا له دونیادا رووده‌دات پێش ڕۆژی قیامه‌ت، شه‌شه‌كه‌ی تریش له ڕۆژی قیامه‌تدایه.
Arabische Interpretationen von dem heiligen Quran:
وَإِذَا ٱلۡعِشَارُ عُطِّلَتۡ
[ وَإِذَا الْعِشَارُ عُطِّلَتْ (٤) ] وه كاتێك كه حوشتری ئاوس پشتگوێ ئه‌خرێت و نادۆشرێت و به‌بێ شوان ئه‌هێڵرێته‌وه، هه‌ر چه‌نده پێشتر زۆر گرنگی و بایه‌خیان پێ ئه‌دا به‌تایبه‌ت ئه‌و حوشترانه‌ی كه ئاوسن كه به‌نرخترین ماڵی عه‌ره‌ب بووه به‌ڵام به‌هۆی هاتنی ڕۆژی قیامه‌ته‌وه پشتگوێ ئه‌خرێت و وازی لێ ئه‌هێنرێت.
Arabische Interpretationen von dem heiligen Quran:
وَإِذَا ٱلۡوُحُوشُ حُشِرَتۡ
[ وَإِذَا الْوُحُوشُ حُشِرَتْ (٥) ] وه كاتێك كه دڕنده‌كان حه‌شر ئه‌كرێن، واته: كۆئه‌كرێنه‌وه‌و تۆڵه له ئاژه‌ڵی شاخدار ئه‌سه‌نرێ بۆ بێ شاخ، وه پاش ئه‌وه حه‌شر ده‌كرێن، واته: هه‌رچی گیانله‌به‌ران هه‌یه جگه له مرۆڤ و جنی كه لێپرسینه‌وه‌یان له‌گه‌ڵدا ئه‌كرێ ئه‌وانی تر حه‌شر كردنیان واته: كۆ ئه‌كرێنه‌وه‌و دواتر ئه‌مرێنرێن و ده‌بن به خۆڵ.
Arabische Interpretationen von dem heiligen Quran:
وَإِذَا ٱلۡبِحَارُ سُجِّرَتۡ
[ وَإِذَا الْبِحَارُ سُجِّرَتْ (٦) ] وه كاتێك كه ده‌ریاكان دائه‌گیرسێنرێت وه گڕ ئه‌گرێت و ئه‌بن به یه‌ك پارچه له ئاگر، خوای گه‌وره بایه‌ك ئه‌نێرێ و ئه‌یدات به‌و ده‌ریایانه‌و ئه‌یكات به گڕو ئاگرێكی بڵێسه‌دار، یاخود وتراوه: مه‌به‌ست پێی ئه‌وه‌یه كه ده‌ریاكان وشك ئه‌بن و یه‌ك دڵۆپێك ئاویان تیادا نامێنێته‌وه، یاخود وتراوه: ئه‌ته‌قێنه‌وه‌و ئه‌كرێنه‌وه‌و گڕو بڵێسه ئه‌گرن، هه‌موو ئه‌و ته‌فسیرانه‌ی بۆ كراوه.
Arabische Interpretationen von dem heiligen Quran:
وَإِذَا ٱلنُّفُوسُ زُوِّجَتۡ
[ وَإِذَا النُّفُوسُ زُوِّجَتْ (٧) ] وه كاتێك كه نه‌فسه‌كان هاوسه‌رگیریان پێ ئه‌كرێت، (ئیمامی عومه‌ر) ئه‌فه‌رمووێ: هه‌ر كۆمه‌ڵێك له‌گه‌ڵ كۆمه‌ڵی خۆیدا حه‌شر ئه‌كرێت و كۆئه‌كرێته‌وه، یاخود ئه‌وانه‌ی كه كرده‌وه‌یان چاكه به‌یه‌كه‌وه ئه‌خرێنه به‌هه‌شت، ئه‌وانه‌یشی كه كرده‌وه‌یان خراپه به‌یه‌كه‌وه ئه‌خرێنه دۆزه‌خ، واته: چاك له‌گه‌ڵ چاك و خراپ له‌گه‌ڵ خراپ، وه وتراوه: (تَزْوِيج) واته: ئه‌وه‌ی كه به‌هه‌شتییه حۆریان پێ ئه‌درێ، ئه‌وه‌یشی كه دۆزه‌خییه له دۆزه‌خدا سزا ئه‌درێن، واته: خه‌ڵكی هه‌موویان له‌گه‌ڵ هاوشێوه‌ى خۆیاندا كۆئه‌كرێنه‌وه: كافر له‌گه‌ڵ كافرو، موسڵمان له‌گه‌ڵ موسڵمان و، شه‌یتان له‌گه‌ڵ شه‌یتان و، جنی له‌گه‌ڵ جنی، یاخود په‌یڕه‌وكارانى هه‌ر دینێك به‌یه‌كه‌وه كۆئه‌كرێنه‌وه، مونافیق له‌گه‌ڵ مونافیق و، جووله‌كه له‌گه‌ڵ جووله‌كه‌و، گاور له‌گه‌ڵ گاورو، موسڵمان له‌گه‌ڵ موسڵمان، هه‌ر هه‌موویان له ڕۆژی قیامه‌ت به‌و شێوازه كۆئه‌كرێنه‌وه.
Arabische Interpretationen von dem heiligen Quran:
وَإِذَا ٱلۡمَوۡءُۥدَةُ سُئِلَتۡ
[ وَإِذَا الْمَوْءُودَةُ سُئِلَتْ (٨) بِأَيِّ ذَنْبٍ قُتِلَتْ (٩) ] هه‌ندێك له هۆزه‌كانی عه‌ره‌ب له پێش ئیسلامدا كچیان زینده‌به‌چاڵ ئه‌كرد له ترسی برسێتی، یاخود له‌به‌ر شه‌رمه‌زاری كه ئه‌گه‌ر گه‌وره بوایه‌و به شوویان بدایه له‌لای ئه‌وان شه‌رمه‌زاری و عه‌یب و عار بووه بۆیه هه‌ر له منداڵییه‌وه زینده‌به‌چاڵیان ئه‌كرد، خوای گه‌وره ئه‌فه‌رمووێ: وه كاتێك منداڵی زینده‌به‌چاڵكراو پرسیاری لێ ئه‌كرێت ئه‌وه تۆ به چ تاوانێك كوژرای؟ ئه‌م پرسیار كردنه‌ش هه‌ڕه‌شه‌و سه‌رزه‌نشت كردن و سزادانی ئه‌و كه‌سه‌یه كه زینده‌به‌چاڵی كردووه‌و كوشتوویه‌تی، یاخود (وَإِذَا الْمَوْءُودَةُ سُئِلَتْ) واته: ئه‌و منداڵه زینده‌به‌چاڵكراوه خۆی پرسیار ئه‌كات ئه‌ی په‌روه‌ردگار له پێناو چیداو من چ تاوانێكم كردبوو تا زینده‌به‌چاڵ بكرێم، چۆن كه‌سێك كه بكوژرێ یه‌خه‌ی بكوژه‌كه ئه‌گرێ و ئه‌یباته خزمه‌ت خوای گه‌وره و ئه‌ڵێ: ئه‌ی په‌روه‌ردگار ئه‌مه منی كوشتووه لێی بپرسه بزانه له پێناو چیدا منی كوشتووه، منداڵه زینده‌به‌چاڵ كراوه‌كه پرسیار ئه‌كات و ئه‌ڵێ: ئه‌ی په‌روه‌ردگار ئه‌مه بۆچی منی كوشت چ تاوانێكم كردبوو، یاخود داوای خوێنه‌كه‌ی ئه‌كات كه بۆچی ئه‌مه منی كوشتووه‌و زینده‌به‌چاڵى كردووم، (ابن عباس) ئه‌م ئایه‌ته ده‌كاته به‌ڵگه له‌سه‌ر ئه‌وه‌ى منداڵى كافران له‌به‌هه‌شتدان و ده‌فه‌رمێت: (هه‌ر كه‌سێك بڵێت له دۆزه‌خدان ئه‌وا درۆى كردووه).
Arabische Interpretationen von dem heiligen Quran:
بِأَيِّ ذَنۢبٖ قُتِلَتۡ
[ وَإِذَا الْمَوْءُودَةُ سُئِلَتْ (٨) بِأَيِّ ذَنْبٍ قُتِلَتْ (٩) ] هه‌ندێك له هۆزه‌كانی عه‌ره‌ب له پێش ئیسلامدا كچیان زینده‌به‌چاڵ ئه‌كرد له ترسی برسێتی، یاخود له‌به‌ر شه‌رمه‌زاری كه ئه‌گه‌ر گه‌وره بوایه‌و به شوویان بدایه له‌لای ئه‌وان شه‌رمه‌زاری و عه‌یب و عار بووه بۆیه هه‌ر له منداڵییه‌وه زینده‌به‌چاڵیان ئه‌كرد، خوای گه‌وره ئه‌فه‌رمووێ: وه كاتێك منداڵی زینده‌به‌چاڵكراو پرسیاری لێ ئه‌كرێت ئه‌وه تۆ به چ تاوانێك كوژرای؟ ئه‌م پرسیار كردنه‌ش هه‌ڕه‌شه‌و سه‌رزه‌نشت كردن و سزادانی ئه‌و كه‌سه‌یه كه زینده‌به‌چاڵی كردووه‌و كوشتوویه‌تی، یاخود (وَإِذَا الْمَوْءُودَةُ سُئِلَتْ) واته: ئه‌و منداڵه زینده‌به‌چاڵكراوه خۆی پرسیار ئه‌كات ئه‌ی په‌روه‌ردگار له پێناو چیداو من چ تاوانێكم كردبوو تا زینده‌به‌چاڵ بكرێم، چۆن كه‌سێك كه بكوژرێ یه‌خه‌ی بكوژه‌كه ئه‌گرێ و ئه‌یباته خزمه‌ت خوای گه‌وره و ئه‌ڵێ: ئه‌ی په‌روه‌ردگار ئه‌مه منی كوشتووه لێی بپرسه بزانه له پێناو چیدا منی كوشتووه، منداڵه زینده‌به‌چاڵ كراوه‌كه پرسیار ئه‌كات و ئه‌ڵێ: ئه‌ی په‌روه‌ردگار ئه‌مه بۆچی منی كوشت چ تاوانێكم كردبوو، یاخود داوای خوێنه‌كه‌ی ئه‌كات كه بۆچی ئه‌مه منی كوشتووه‌و زینده‌به‌چاڵى كردووم، (ابن عباس) ئه‌م ئایه‌ته ده‌كاته به‌ڵگه له‌سه‌ر ئه‌وه‌ى منداڵى كافران له‌به‌هه‌شتدان و ده‌فه‌رمێت: (هه‌ر كه‌سێك بڵێت له دۆزه‌خدان ئه‌وا درۆى كردووه).
Arabische Interpretationen von dem heiligen Quran:
وَإِذَا ٱلصُّحُفُ نُشِرَتۡ
[ وَإِذَا الصُّحُفُ نُشِرَتْ (١٠) ] وه كاتێك كه صه‌حیفه‌و په‌ڕاوی كرده‌وه‌كان بڵاو ئه‌كرێنه‌وه بۆ لێپرسینه‌وه‌ی خه‌ڵكی، ئه‌وه‌ی به‌ده‌ستى ڕاستى پێی ئه‌درێ به‌هه‌شتییه‌و ئه‌وه‌یشی به‌ده‌ستى چه‌پى پێی ئه‌درێ دۆزه‌خییه، وه كرده‌وه‌كانیانی هه‌مووی تیا نووسراوه‌و به‌چاوی خۆیان ئه‌یبینن.
Arabische Interpretationen von dem heiligen Quran:
وَإِذَا ٱلۡجَحِيمُ سُعِّرَتۡ
[ وَإِذَا الْجَحِيمُ سُعِّرَتْ (١٢) ] وه كاتێك كه دۆزه‌خیش سوور ئه‌كرێته‌وه‌و دائه‌گیرسێنرێت و گڕو بڵێسه ئه‌گرێت، (قه‌تاده) ئه‌فه‌رمووێ: (تووڕه‌بوونی خوای گه‌وره‌و تاوانی مرۆڤه‌كانه وا له دۆزه‌خ ئه‌كات كه گڕو بڵێسه بسه‌نێت).
Arabische Interpretationen von dem heiligen Quran:
عَلِمَتۡ نَفۡسٞ مَّآ أَحۡضَرَتۡ
[ عَلِمَتْ نَفْسٌ مَا أَحْضَرَتْ (١٤) ] كه په‌ڕاوی كرده‌وه‌كانیان پێدرا ئه‌و كاته هه‌موو كه‌سێك ئه‌زانێ چ كرده‌وه‌یه‌كی ئاماده كردووه ئایا كرده‌وه‌ی چاكیان كردووه یاخود خراپ، ئه‌مه وه‌ڵامی سوێند خواردنه‌كانه كه خوای گه‌وره سوێندی خوارد به‌و شتانه، یان كاتێك كه ئه‌و شتانه ڕوو ئه‌دات ئه‌مه وه‌ڵامه‌كه‌یه‌تی ئه‌و كاته هه‌موو كه‌سێك ئه‌زانێ كه چ كرده‌وه‌یه‌كی ئه‌نجام داوه باش یاخود خراپ.
Arabische Interpretationen von dem heiligen Quran:
فَلَآ أُقۡسِمُ بِٱلۡخُنَّسِ
[ فَلَا أُقْسِمُ بِالْخُنَّسِ (١٥) ] خوای گه‌وره ئه‌فه‌رمووێ: سوێند ئه‌خۆم به‌و ئه‌ستێرانه‌ی كه به‌ڕۆژ دیار نامێنن و به‌شه‌و ده‌رئه‌كه‌ون، پێغه‌مبه‌ری خوا - صلی الله علیه وسلم - جارێكیان له نوێژی به‌یانی لێره‌وه (فَلَا أُقْسِمُ بِالْخُنَّسِ)ی خوێندۆته‌وه.
Arabische Interpretationen von dem heiligen Quran:
ٱلۡجَوَارِ ٱلۡكُنَّسِ
[ الْجَوَارِ الْكُنَّسِ (١٦) ] ئه‌و ئه‌ستێرانه‌ی كه ئه‌ڕۆن و له شوێنێكی جێگیردا نین به‌ڵكو ئه‌جولێن و ئه‌ڕۆن مه‌به‌ست پێی ئه‌ستێره‌كانه، وه وتراوه: مه‌به‌ست پێی مانگای كێویه، یاخود مه‌به‌ست پێی ئاسكه‌یه كاتێك ئه‌چنه شوێنی خۆیانه‌وه‌و دیار نامێنن، یاخود ئه‌چنه ژێر سێبه‌رێك و دیار نامێنن.
Arabische Interpretationen von dem heiligen Quran:
وَٱلَّيۡلِ إِذَا عَسۡعَسَ
[ وَاللَّيْلِ إِذَا عَسْعَسَ (١٧) ] (عَسْعَسَ) به مانای هاتن و ڕۆیشتنیش دێت هه‌ردووكی ئه‌گرێته‌وه، به‌ڵام لێره‌دا مه‌به‌ست پێی شه‌وه كاتێك كه دێت ئه‌مه‌یان زیاتر گونجاوتره له‌گه‌ڵ ماناكه‌یدا، خوای گه‌وره سوێند ئه‌خوات به‌شه‌و كاتێك كه دێت.
Arabische Interpretationen von dem heiligen Quran:
وَٱلصُّبۡحِ إِذَا تَنَفَّسَ
[ وَالصُّبْحِ إِذَا تَنَفَّسَ (١٨) ] وه سوێند بێ به به‌ره‌به‌یان كاتێك كه ده‌رئه‌كه‌وێ و ڕووناك ئه‌بێته‌وه‌و دێت، واته: كاتێك ڕووناكییه‌كه‌ی دێت و ده‌رئه‌كه‌وێت، یاخود هه‌ناسه‌دانی به‌یانی هاتن و ده‌ركه‌وتن و ڕووناك بوونه‌وه‌یه‌تی.
Arabische Interpretationen von dem heiligen Quran:
مُّطَاعٖ ثَمَّ أَمِينٖ
[ مُطَاعٍ ثَمَّ أَمِينٍ (٢١) ] وه جبریل له‌ناو فریشته‌كانی تردا گوێڕایه‌ڵی ئه‌كرێ، وه له‌وێ ئه‌مینیشه له‌سه‌ر ئه‌و وه‌حییه‌ى خوای گه‌وره كه پیایدا ناردوویه‌تى به ئه‌مانه‌ته‌وه گه‌یاندوویه‌تی به پێغه‌مبه‌ری خوا - صلی الله علیه وسلم -.
Arabische Interpretationen von dem heiligen Quran:
وَمَا صَاحِبُكُم بِمَجۡنُونٖ
[ وَمَا صَاحِبُكُمْ بِمَجْنُونٍ (٢٢) ] وه ئه‌م هاوڕێیه‌ی ئێوه كه پێغه‌مبه‌ری خوایه - صلی الله علیه وسلم - شێت نیه به‌ڵكو له هه‌مووتان عاقڵتره، بۆیه پێی ئه‌فه‌رمووێ: هاوڕێی خۆتان له‌به‌ر ئه‌وه‌ی له‌ناوتاندا ئه‌ژی وه ئێوه خۆتان باش ئه‌یناسن.
Arabische Interpretationen von dem heiligen Quran:
وَلَقَدۡ رَءَاهُ بِٱلۡأُفُقِ ٱلۡمُبِينِ
{پێغه‌مبه‌رى خوا - صلی الله علیه وسلم - دوو جار جبریلى له‌سه‌ر شێوه‌ى خۆى بینیوه} [ وَلَقَدْ رَآهُ بِالْأُفُقِ الْمُبِينِ (٢٣) ] وه به‌دڵنیایى پێغه‌مبه‌ری خوا - صلی الله علیه وسلم - جبریلی بینیوه له ئاسۆیه‌كی ئاشكرادا له‌لای ڕۆژهه‌ڵاتی مه‌ككه‌وه لای (ئه‌جیاد) له (بطحاء)، پێغه‌مبه‌ری خوا - صلی الله علیه وسلم - دووجار جبریلی له‌سه‌ر شێوه‌ی ڕاسته‌قینه‌ی خۆی بینیوه كه شه‌ش سه‌د باڵی هه‌بووه هه‌ر باڵێكی ئاسۆی ئاسمانی داپۆشیوه.
Arabische Interpretationen von dem heiligen Quran:
وَمَا هُوَ عَلَى ٱلۡغَيۡبِ بِضَنِينٖ
[ وَمَا هُوَ عَلَى الْغَيْبِ بِضَنِينٍ (٢٤) ] وه پێغه‌مبه‌ری خوا - صلی الله علیه وسلم - به‌خیلى و ڕه‌زیلی نه‌كردووه له‌و وه‌حى و غه‌یبه‌ی كه هێناوێتی، به‌ڵكو به‌هه‌موو كه‌سێكی گه‌یاندووه‌و بڵاوى كردۆته‌وه، وه به (ظَنِين) (ظاء) (أُخْت الطاء) ئه‌خوێندرێته‌وه، واته: پێغه‌مبه‌رى خوا - صلی الله علیه وسلم - ئه‌و وه‌حییه‌ی كه هێناوه هیچ تۆمه‌تبار نیه له‌سه‌ری، هه‌ردوو قیرائه‌ت و ماناكه هه‌یه‌و هه‌ردووكی ته‌واوه.
Arabische Interpretationen von dem heiligen Quran:
وَمَا هُوَ بِقَوۡلِ شَيۡطَٰنٖ رَّجِيمٖ
[ وَمَا هُوَ بِقَوْلِ شَيْطَانٍ رَجِيمٍ (٢٥) ] وه ئه‌م قورئانه پیرۆزه وته‌ی شه‌یتانی ڕه‌جمكراو نیه به‌ڵكو قسه‌و فه‌رمووده‌ی خوای گه‌وره‌یه، وه سیحرو جادوو شیعرو فاڵچێتی نیه، وه‌كو ئه‌و شتانه‌یان دایه پاڵ قورئانی پیرۆز.
Arabische Interpretationen von dem heiligen Quran:
فَأَيۡنَ تَذۡهَبُونَ
[ فَأَيْنَ تَذْهَبُونَ (٢٦) ] ئێوه چ ڕێگایه‌ك له‌م ڕێگایه ئاشكراترو ڕوونتر ئه‌گرنه به‌ر، یاخود عه‌قڵتان بۆ كوێ ئه‌ڕوات كاتێك كه قورئان به‌درۆ ئه‌زانن له‌گه‌ڵ ئه‌وه‌ی كه چه‌ندێك ئاشكراو ڕوونه‌و له‌لایه‌ن خواوه هاتووه، وه خۆیشتان باش ئه‌زانن، ئیتر ئه‌گه‌ر شوێن قورئانی پیرۆز نه‌كه‌ون و گوێڕایه‌ڵی قورئان نه‌كه‌ن بۆ كوێ ئه‌ڕۆن؟، شوێنێكی تر هه‌یه بڕۆن و بیگرنه به‌ر؟
Arabische Interpretationen von dem heiligen Quran:
وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ
[ وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ (٢٩) ] به‌ڵام ئێوه هیچ ویستێكتان نیه مه‌گه‌ر خوای گه‌وره په‌روه‌ردگاری هه‌موو جیهان ویستی لێ بێت، وه ویستی ئێوه تابیعه بۆ ویستی خوای گه‌وره، كاتێك كه ئه‌م ئایه‌ته دابه‌زی، (لِمَنْ شَاءَ مِنْكُمْ أَنْ يَسْتَقِيمَ) ئه‌بوجه‌هل وتی: ئیشه‌كه به‌ده‌ست خۆمانه هه‌ر كاتێك ویستمان لێ بێت دامه‌زراو ئه‌بین و هیدایه‌ت وه‌رئه‌گرین، ئه‌گه‌ر ویستیشمان لێ نه‌بوو هیدایه‌ت وه‌رناگرین و دامه‌زراو نابین، خوای گه‌وره ئه‌م ئایه‌ته‌ی دابه‌زاند (وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ) ئێوه هیچ ویستێكتان نیه ئیلا به ویستی خوای گه‌وره نه‌بێ، والله أعلم .
Arabische Interpretationen von dem heiligen Quran:
Übersetzung der Bedeutungen Surah / Kapitel: At-Takwîr
Übersetzung der Bedeutungen von dem heiligen Quran - الترجمة الكردية - صلاح الدين - Übersetzungen
ترجمة معاني القرآن الكريم إلى اللغة الكردية، ترجمها صلاح الدين عبدالكريم.