Übersetzung der Bedeutungen Surah / Kapitel Al-Humazah - Telugische Übersetzung - Die Enzyklopädie von dem heiligen Quran

సూరహ్ అల్-హుమజహ్

Vers: 1

وَیْلٌ لِّكُلِّ هُمَزَةٍ لُّمَزَةِ ۟ۙ

అపనిందలు మోపే, చాడీలు చెప్పే ప్రతి ఒక్కడికీ వినాశం తప్పదు.^[1]

[1] హుమ'జహ్ మరియు లుమ'హజ్: కొందరి అభిప్రాయంలో ఒకే అర్థం గలవి. మరి కొందరు వాటి మధ్య భేదం చూపుతారు. హుమ'జహ్ - అంటే ముఖం మీద అపనిందలు చేసేవారు. లుమ'జహ్ - అంటే వీపు వెనుక చాడీలు చెప్పేవారు. మరికొందరు హుమ'జహ్ - అంటే కండ్ల సైగలతో, చేతి సైగలతో దూషించటం మరియు లుమ'జహ్ - అంటే నోటి మాటలతో దూషించటం, అని అంటారు.

Vers: 2

١لَّذِیْ جَمَعَ مَالًا وَّعَدَّدَهٗ ۟ۙ

ఎవడైతే ధనాన్ని కూడబెట్టి, మాటి మాటికి దాన్ని లెక్కబెడుతూ ఉంటాడో!^[1]

[1] అంటే 'జకాతు మరియు 'సదఖాత్ ఇవ్వకుండా ఉంటాడో!

Vers: 3

یَحْسَبُ اَنَّ مَالَهٗۤ اَخْلَدَهٗ ۟ۚ

తన ధనం, తనను శాశ్వతంగా ఉంచుతుందని అతడు భావిస్తున్నాడు!^[1]

[1] అ'ఖ్ లదహ్: అంటే అది అతనిని మరణించకుండా చేస్తుందని భావిస్తాడు.

Vers: 4

كَلَّا لَیُنْۢبَذَنَّ فِی الْحُطَمَةِ ۟ؗۖ

ఎంత మాత్రం కాదు! అతడు (రాబోయే జీవితంలో) తప్పకుండా అణగ ద్రొక్కబడే నరకాగ్నిలో వేయబడతాడు.^[1]

[1] చూఅల్-'హు'తమతు: నరకాగ్ని పేర్లలో ఒకటి. చూడండి, 15:43-44. ముక్కలు ముక్కలుగా చేసేది.

Vers: 5

وَمَاۤ اَدْرٰىكَ مَا الْحُطَمَةُ ۟ؕ

ఆ (అణగద్రొక్కబడే) నరకాగ్ని అంటే ఏమిటో నీకు తెలుసా?^[1]

[1] ఆ అగ్ని ఎంతో భయంకరమైనది. దాని తీవ్రతను బట్టి మీ బుద్ధి అర్థం చేసుకోజాలదు.

Vers: 6

نَارُ اللّٰهِ الْمُوْقَدَةُ ۟ۙ

అల్లాహ్, తీవ్రంగా ప్రజ్వలింపజేసిన అగ్ని;

Vers: 7

الَّتِیْ تَطَّلِعُ عَلَی الْاَفْـِٕدَةِ ۟ؕ

అది గుండెల దాకా చేరుకుంటుంది.

Vers: 8

اِنَّهَا عَلَیْهِمْ مُّؤْصَدَةٌ ۟ۙ

నిశ్చయంగా, అది వారి మీద క్రమ్ముకొంటుంది.^[1]

[1] ముఅ''సదతున్: క్రమ్ముకొను. ఆ నరకపు ద్వారాలు మూయబడి ఉంటాయి. ఎవ్వరూ దాని నుండి బయట పడలేరు.

Vers: 9

فِیْ عَمَدٍ مُّمَدَّدَةٍ ۟۠

పొడుగాటి (అగ్ని) స్థంభాల వలే!