Firo maanaaji Simoore Simoore hajju - Eggo e haala Fulfulde wonande deftere Firo Alkur'aana raɓɓinaango. - Tonngoode hello ngoo 335 - Mawsuuwa al-quraan tedduɗo oo

Aaya: 24

وَهُدُوٓاْ إِلَى ٱلطَّيِّبِ مِنَ ٱلۡقَوۡلِ وَهُدُوٓاْ إِلَىٰ صِرَٰطِ ٱلۡحَمِيدِ

Alla fewni ɓe ka ngurndan aduna faade e konnguɗi laaɓuɗi wano Seedagol wonndema reweteeɗo alaa si wanaa Alla, e Habbirgol ngol e Yettugol ngol, O fewni ɓe kadi e Laawol Yettaangol ngol.

Aaya: 25

إِنَّ ٱلَّذِينَ كَفَرُواْ وَيَصُدُّونَ عَن سَبِيلِ ٱللَّهِ وَٱلۡمَسۡجِدِ ٱلۡحَرَامِ ٱلَّذِي جَعَلۡنَٰهُ لِلنَّاسِ سَوَآءً ٱلۡعَٰكِفُ فِيهِ وَٱلۡبَادِۚ وَمَن يُرِدۡ فِيهِ بِإِلۡحَادِۭ بِظُلۡمٖ نُّذِقۡهُ مِنۡ عَذَابٍ أَلِيمٖ

Pellet, ɓen yedduɓe Alla, hiɓe haɗa kadi tanaa maɓɓe naatugol ngol ka Lislaamu, ɓe sakkoo yimɓe ɓen gaayi Juulirde Horminnde nden, wano sirkooɓe ɓen waɗiri non hitaande Hudaybiiyya, aray Men mettina ɓe Lepte muusuɗe ɗen, nden Juulirde nde Men waɗi qibla yimɓe ɓen ka julde maɓɓe e rewirnde immorde e dewe Hajju ngun e Umra on, no fota tek e mayre makkayankoojo hoɗuɗo on nder ton, e liigotooɗo on e mayre hara o jeyaaka e yimɓe makka ɓen, kala faandiiɗo selirgol Goonga kan e nder mayre yanugol e goɗɗum e geddi ɗin e tewaare Men mettinay mo immorde e Lepte muusuɗe.

Aaya: 26

وَإِذۡ بَوَّأۡنَا لِإِبۡرَٰهِيمَ مَكَانَ ٱلۡبَيۡتِ أَن لَّا تُشۡرِكۡ بِي شَيۡـٔٗا وَطَهِّرۡ بَيۡتِيَ لِلطَّآئِفِينَ وَٱلۡقَآئِمِينَ وَٱلرُّكَّعِ ٱلسُّجُودِ

Jaŋta -an Nulaaɗo- tuma nde Men ɓannginannoo Ibraahiima (yo o his) nokku Suudu ndun e keeri mayru ɗin ɓaawo hari ko ɗi majjaaɗi, Men wahyii e makko wata a kafidu e dewal Am ngal hay e huu- nde, ko woni rewAm Min tun, laɓɓinaa Suudu Am ndun immorde e soɓeeji so'eteeɗi ɗin e njikkuyankooji ɗin fii wanngotooɓe ndu ɓen, e juulooɓe ɓen e nder mayru.

Aaya: 27

وَأَذِّن فِي ٱلنَّاسِ بِٱلۡحَجِّ يَأۡتُوكَ رِجَالٗا وَعَلَىٰ كُلِّ ضَامِرٖ يَأۡتِينَ مِن كُلِّ فَجٍّ عَمِيقٖ

Ewno e yimɓe ɓen ko a noddayɗo ɓe faade e hajjugol nduu Suudu ndu Men Yamirmaa mahugol ɗum; ɓe arete ko ɓe seppooɓe maaɗum waɗɗiiɓe e dow kala ngelooba horiimba sabu tampere laawol ngol, gelooɗi ɗin adday ɓe hara hiɗi ronndii ɓe immorde e kala ɗatal woɗɗungal.

Aaya: 28

لِّيَشۡهَدُواْ مَنَٰفِعَ لَهُمۡ وَيَذۡكُرُواْ ٱسۡمَ ٱللَّهِ فِيٓ أَيَّامٖ مَّعۡلُومَٰتٍ عَلَىٰ مَا رَزَقَهُم مِّنۢ بَهِيمَةِ ٱلۡأَنۡعَٰمِۖ فَكُلُواْ مِنۡهَا وَأَطۡعِمُواْ ٱلۡبَآئِسَ ٱلۡفَقِيرَ

Fii yo ɓe tawe e huunde artiranaynde ɓe nafa kan immorde e yawtaneede bakkatuuji ɗin, e heɓugol mbarjaari ndin, e wootiɗinngol konngol ngol e tanaa ɗum, e fii yo ɓe jaŋto Innde Alla e dow kon ko ɓe hirsata ɗum e neldaaje e ñalɗi anndaaɗi, ɗin le: Ko sappo donkin e balɗe tati batte ɗum; yettugol Alla e dow kon ko O arsiki ɓe immorde e gelooɗi ɗin e na'i ɗin e dammi ɗin, ñaamee immorde e ɗee neldaaji, ñamminon immorde e majji kala saɗtuɗo ɓillaare.

Aaya: 29

ثُمَّ لۡيَقۡضُواْ تَفَثَهُمۡ وَلۡيُوفُواْ نُذُورَهُمۡ وَلۡيَطَّوَّفُواْ بِٱلۡبَيۡتِ ٱلۡعَتِيقِ

Refti yo ɓe ittu ko heddinoo kon e hoore-maɓɓe immorde e laawi hajju maɓɓe,ɓe dagina femmbu- gol ko'e maɓɓe e herñugol(hooltaade) peɗaali (cegeneeji) maɓɓe e ittugol tuundi mooɓo- ndirndi ndin e maɓɓe sabu harminngol ngol,fii yo ɓe humnu ko ɓe waɗɗini kon e dow wonkiiji maɓɓe immorde e hajju maaɗum Umra maaɗum neldaare e fii yo ɓe wanngo wanngaango waynorngo Suudu ndun ndu Alla rimɗini ɗum e wurtagol dunndere- yankooɓe ɓen e mayru.

Aaya: 30

ذَٰلِكَۖ وَمَن يُعَظِّمۡ حُرُمَٰتِ ٱللَّهِ فَهُوَ خَيۡرٞ لَّهُۥ عِندَ رَبِّهِۦۗ وَأُحِلَّتۡ لَكُمُ ٱلۡأَنۡعَٰمُ إِلَّا مَا يُتۡلَىٰ عَلَيۡكُمۡۖ فَٱجۡتَنِبُواْ ٱلرِّجۡسَ مِنَ ٱلۡأَوۡثَٰنِ وَٱجۡتَنِبُواْ قَوۡلَ ٱلزُّورِ

Ɗum ko yamiraɗon -immorde e daginngol fem- mbugol hoore nden e herñugol peɗaali ɗin e ittugol tuundi ndin, e humnugol fodooji ɗen e wanngagol Suudu ndun- ko ɗum woni ko Alla waɗɗini kon e dow mo'on, mawninee ko Alla waɗɗi kon e dow mo'on, kala woɗɗitiiɗo ko Alla Yamiri mo kon woɗɗitagol ɗum e fewndo harmingol makko; hara ko mawninngol keeri Alla ɗin fii wata o yanu e majji, e hormaaji Makko ɗin kadi fii wata o dagin ɗi haray ɗum ko moƴƴere makko ka aduna e ka Laakara ka Joomi makko O Senike, daginanaama on -onon yimɓe ɓen- neemoraaɗi ɗin immorde e gelooɗi e na'i e dammi, O harminaa e dow mooɗon immorde e majji dudumba wanaa jelaamba wanaa jokkindirmba, O harminaali e majji si wanaa ko tawoton kon ka Alqur'aana immorde e harmugol jiibe e ƴiiƴam e tanaa ɗii ɗiɗi, woɗɗitee e soɓe ɗen ɗum le ko sanamuuji ɗin, woɗɗitoɗon kadi e kala konngol meere; fenugol fawa e Alla maaɗum e tagu Makko ngun.

Ina jeyaa e nafoore aayeeje ɗee e ngol hello:

• حرمة البيت الحرام تقتضي الاحتياط من المعاصي فيه أكثر من غيره.

Horma Suudu Horminndu ndun no nodda e reentagol immorde e geddi ɗin e nder mayru ko ɓuri e tanaa mayru.

• بيت الله الحرام مهوى أفئدة المؤمنين في كل زمان ومكان.

Ko Suudu Alla Horminndu ndun woni weerde ɓerɗe gomɗinɓe ɓen e kala jamaanu e kala nokkuure.

• منافع الحج عائدة إلى الناس سواء الدنيوية أو الأخروية.

Nafaaji Hajju ngun ko ruttto yimɓe ɓen foti non ko adunayankooji ɗin maa ko Laakarayankooji ɗin.

• شكر النعم يقتضي العطف على الضعفاء.

Yettugol neema on no nodda e newanagol lo'uɓe ɓen.