Firo maanaaji Aaya 144 Simoore Simoore neemoraaɗi - Eggo e haala Fulfulde wonande deftere Firo Alkur'aana raɓɓinaango. - Mawsuuwa al-quraan tedduɗo oo

Aaya: 144

وَمِنَ ٱلۡإِبِلِ ٱثۡنَيۡنِ وَمِنَ ٱلۡبَقَرِ ٱثۡنَيۡنِۗ قُلۡ ءَآلذَّكَرَيۡنِ حَرَّمَ أَمِ ٱلۡأُنثَيَيۡنِ أَمَّا ٱشۡتَمَلَتۡ عَلَيۡهِ أَرۡحَامُ ٱلۡأُنثَيَيۡنِۖ أَمۡ كُنتُمۡ شُهَدَآءَ إِذۡ وَصَّىٰكُمُ ٱللَّهُ بِهَٰذَاۚ فَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبٗا لِّيُضِلَّ ٱلنَّاسَ بِغَيۡرِ عِلۡمٍۚ إِنَّ ٱللَّهَ لَا يَهۡدِي ٱلۡقَوۡمَ ٱلظَّٰلِمِينَ

Ko heddii kon e nooneeji jeetati ɗin, ko : gorel e deyel ka gelooɗi, gorel e deyel ka na'i. Maakan ɓee sirkooɓe : "Hara Alla Harminir ɗi fii ko ɗi gori maa deyi, kaa ko fii ko renngaaji ɗin woni kon e majji, kaa on tawano -onon ɓee sirkooɓe, e aaƴere mon- fewndo Alla Wasiyinoo on harmingol ko harminɗon kon e ɗii neemoraaɗi?!" Alaa ɓurɗo tooñude haa fota wa on fefindiiɗo fenaande takki e Alla, o dammba e Makko harmingol ko O Harminaa ; fii tun no o majjinira yimɓe ɓen e laawol focciingol ngol ko aldaa e ganndal. Pellet, Alla Fewnataa yimɓe tooñooɓe fefindotooɓe fenaande ɓen e hoore Alla.

Ina jeyaa e nafoore aayeeje ɗee e ngol hello:

• في الآيات دليل على إثبات المناظرة في مسائل العلم، وإثبات القول بالنظر والقياس.

Aayeeje ɗen no tinndina tabitugol bensonsiral = yerandiral fii diina, tabintinira haala kan taskal e eɓɓindiral.

• الوحي وما يستنبط منه هو الطريق لمعرفة الحلال والحرام.

Wahyu on e ko ɓullitetee kon e mun, ko laawol anndirngol halal e haram.

• إن من الظلم أن يُقْدِم أحد على الإفتاء في الدين ما لم يكن قد غلب على ظنه أنه يفتي بالصواب الذي يرضي الله.

Hino jeyaa e tooñe, jaabagol e diina ko aldaa e jaalde e bernde mum, ko peewal belngal Alla o saggatirta.

• من رحمة الله بعباده الإذن لهم في تناول المحرمات عند الاضطرار.

Hino jeyaa e ko Alla Yurmiraa jeyaaɓe Makko ɓen, Daginangol ɓe ñaamugol harminaaɗi ɗin tuma ɓe ɓittii.