Firo maanaaji Simoore Simoore feƴ-naange - Eggo (nantino) haala Kirundi nden - Yusuf Ghayiti. - Mawsuuwa al-quraan tedduɗo oo

Ad-Dwuhaa

Aaya: 1

وَٱلضُّحَىٰ

Jewe Allah, Ndarahiye ku gihe c’umutaga!

Aaya: 2

وَٱلَّيۡلِ إِذَا سَجَىٰ

No kw’ijoro iyo ripfutse ibiremwa bigaturura!

Aaya: 3

مَا وَدَّعَكَ رَبُّكَ وَمَا قَلَىٰ

Ko Imana yawe Rurema Allah Itaguhevye Muvugishwamana; kandi ko Itanagushavuriye ku guteba kw’ihishurirwa rya Qor’ani.

Aaya: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Nta nkeka rero ko ubuzima bwawe bw’inyuma yo gupfa, ari bwiza kurusha ubwo kw’isi.

Aaya: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Kandi nta nkeka ko Imana yawe Rurema Allah, Izoguha vyinshi uzoheza ugashima.

Aaya: 6

أَلَمۡ يَجِدۡكَ يَتِيمٗا فَـَٔاوَىٰ

Muvugishwamana! Mbega, Imana Allah ntiyagusanze uri impfuvyi, Ikakubungabunga!

Aaya: 7

وَوَجَدَكَ ضَآلّٗا فَهَدَىٰ

Igusanga utazi ico ari co Igitabu, n’ico ari co ukwemera! Iraheza Irakwigisha ivyo utari uzi, Inagushoboza gukora n'ivyiza bitegetswe!

Aaya: 8

وَوَجَدَكَ عَآئِلٗا فَأَغۡنَىٰ

Igusanga ukenye maze Iragukenura, Iguha ukwihangana no kubumbwa n’ivyo ufise!

Aaya: 9

فَأَمَّا ٱلۡيَتِيمَ فَلَا تَقۡهَرۡ

Kubera ivyo rero, ntukaryagumbe impfuvyi ngo uyihahaze.

Aaya: 10

وَأَمَّا ٱلسَّآئِلَ فَلَا تَنۡهَرۡ

Nayo uwusavye gufashwa canke kwigishwa, ntukamuburabuze, ahubwo muhe unamutunganirize;

Aaya: 11

وَأَمَّا بِنِعۡمَةِ رَبِّكَ فَحَدِّثۡ

Nayo inema z’Imana yawe Rurema Allah, ziyage ushima.