Firo maanaaji Simoore Simoore al-waaki'a - Nantinaande e Kinyarwanda - Rwanda Muslims Association - Tonngoode hello ngoo 535 - Mawsuuwa al-quraan tedduɗo oo

Aaya: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Bazaba bazengurukwamo n’abana b’abahungu bahoraho (badasaza cyangwa ngo bapfe),

Aaya: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

(Bazaba babazengurutsamo) ibikombe, amabirika n’ibirahuri birimo ibinyobwa (byiza) byo mu masoko yo mu ijuru),

Aaya: 19

لَّا يُصَدَّعُونَ عَنۡهَا وَلَا يُنزِفُونَ

Ntibizabatera kurwara umutwe ndetse nta n’ubwo bizabasindisha.

Aaya: 20

وَفَٰكِهَةٖ مِّمَّا يَتَخَيَّرُونَ

(Bazaba banazengurutswamo) imbuto bazihitiramo,

Aaya: 21

وَلَحۡمِ طَيۡرٖ مِّمَّا يَشۡتَهُونَ

Ndetse n’inyama z’inyoni bazifuza.

Aaya: 22

وَحُورٌ عِينٞ

Kandi (hazaba hari) ba Huur ul-a’in (abagore bo mu Ijuru b’igikundiro n’amaso manini).

Aaya: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

Bameze nk’inigi zishashagirana (Lu’ulu’u) zikiri mu bubiko bwazo.

Aaya: 24

جَزَآءَۢ بِمَا كَانُواْ يَعۡمَلُونَ

Bizaba ari ibihembo by’ibyo bakoraga.

Aaya: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Muri ryo (Ijuru) nta magambo adafite akamaro cyangwa se ayatuma bakora ibyaha bazumvamo,

Aaya: 26

إِلَّا قِيلٗا سَلَٰمٗا سَلَٰمٗا

Uretse (imvugo yo kuramukanya, igira iti) “Salamu, Salamu (amahoro, amahoro)!”

Aaya: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Naho ab’iburyo; ni bantu ki (mbega ibihembo by’abantu b’iburyo)?

Aaya: 28

فِي سِدۡرٖ مَّخۡضُودٖ

Bazaba mu (ijuru ririmo) ibiti bya Sidiri bidafite amahwa,

Aaya: 29

وَطَلۡحٖ مَّنضُودٖ

N’insina zifite ibitoki by’amaseri agerekeranye,

Aaya: 30

وَظِلّٖ مَّمۡدُودٖ

No mu gicucu cyagutse (kandi gihoraho),

Aaya: 31

وَمَآءٖ مَّسۡكُوبٖ

N’amazi ahora atemba,

Aaya: 32

وَفَٰكِهَةٖ كَثِيرَةٖ

Ndetse n’imbuto nyinshi,

Aaya: 33

لَّا مَقۡطُوعَةٖ وَلَا مَمۡنُوعَةٖ

Ntizizahundura (bitewe n’ihinduka ry’ibihe cyangwa ngo zigire igihe cyo kwera), kandi ntizizaba zibujijwe (kuri bo).

Aaya: 34

وَفُرُشٖ مَّرۡفُوعَةٍ

Bazaba banafite ibitanda biri hejuru.

Aaya: 35

إِنَّآ أَنشَأۡنَٰهُنَّ إِنشَآءٗ

Mu by’ukuri (abagore bo ku isi bazajya mu ijuru) tuzabarema bundi bushya.

Aaya: 36

فَجَعَلۡنَٰهُنَّ أَبۡكَارًا

Maze tubagire amasugi.

Aaya: 37

عُرُبًا أَتۡرَابٗا

Bakunda (abagabo babo gusa), kandi ari urungano.

Aaya: 38

لِّأَصۡحَٰبِ ٱلۡيَمِينِ

(Ibi byose) byateganyirijwe abantu b’iburyo.

Aaya: 39

ثُلَّةٞ مِّنَ ٱلۡأَوَّلِينَ

Abenshi (muri bo) bazaba ari itsinda rinini ryo mu bantu bo hambere (mbere y’Intumwa Muhamadi).

Aaya: 40

وَثُلَّةٞ مِّنَ ٱلۡأٓخِرِينَ

Na benshi mu bantu bo hanyuma (bakurikiye Intumwa Muhamadi).

Aaya: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Naho abantu b’ibumoso; ni bantu ki (mbega ibihano by’abantu b’ibumoso)?

Aaya: 42

فِي سَمُومٖ وَحَمِيمٖ

Bazaba bari mu muyaga utwika ndetse n’amazi yatuye.

Aaya: 43

وَظِلّٖ مِّن يَحۡمُومٖ

No mu gicucu cy’umwotsi w’umukara.

Aaya: 44

لَّا بَارِدٖ وَلَا كَرِيمٍ

(Icyo gicucu) nta mafu kizatanga ndetse nta n’icyiza kizagiturukaho.

Aaya: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Mu by’ukuri mbere bari babayeho mu buzima bwo kwinezeza (bigomeka kuri Allah).

Aaya: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Kandi bajyaga batsimbarara ku cyaha gihambaye (cyo kubangikanya Imana, ntibagire umugambi wo kubyicuza).

Aaya: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Kandi bajyaga bavuga bati “ Ese nidupfa tugahinduka igitaka n’amagufa (akabora), tuzazurwa koko?”

Aaya: 48

أَوَءَابَآؤُنَا ٱلۡأَوَّلُونَ

“N’abakurambere bacu (bazazurwa) se?”

Aaya: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Vuga (yewe Muhamadi) uti “(Yego) rwose, abo hambere n’abo hanyuma,

Aaya: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

Bazakoranywa ku munsi uzwi, wagenwe (umunsi w’imperuka).”