Firo maanaaji Simoore Simoore Saba - Eggo e Filipineewo (Maguindanao) - ñiiɓirde (centre) Rowad ngam eggo. - Mawsuuwa al-quraan tedduɗo oo

Saba

Aaya: 1

ٱلۡحَمۡدُ لِلَّهِ ٱلَّذِي لَهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِ وَلَهُ ٱلۡحَمۡدُ فِي ٱلۡأٓخِرَةِۚ وَهُوَ ٱلۡحَكِيمُ ٱلۡخَبِيرُ

Su langun nu pugi na kanu Allah a kigwan sa pitu lapis a langit endu su lupa, endu lekanin su pugi sa akhirat endu sekanin i mataw kanu galebek nu binaluy nin.

Aaya: 2

يَعۡلَمُ مَا يَلِجُ فِي ٱلۡأَرۡضِ وَمَا يَخۡرُجُ مِنۡهَا وَمَا يَنزِلُ مِنَ ٱلسَّمَآءِ وَمَا يَعۡرُجُ فِيهَاۚ وَهُوَ ٱلرَّحِيمُ ٱلۡغَفُورُ

Katawan nin i peludep kanu lupa endu belyu lun, endu su pedtulun ebpun sa langit endu su pebpapulu endu sekanin a malimu a bangampun.

Aaya: 3

وَقَالَ ٱلَّذِينَ كَفَرُواْ لَا تَأۡتِينَا ٱلسَّاعَةُۖ قُلۡ بَلَىٰ وَرَبِّي لَتَأۡتِيَنَّكُمۡ عَٰلِمِ ٱلۡغَيۡبِۖ لَا يَعۡزُبُ عَنۡهُ مِثۡقَالُ ذَرَّةٖ فِي ٱلسَّمَٰوَٰتِ وَلَا فِي ٱلۡأَرۡضِ وَلَآ أَصۡغَرُ مِن ذَٰلِكَ وَلَآ أَكۡبَرُ إِلَّا فِي كِتَٰبٖ مُّبِينٖ

Endu pidtalu nu manga kafir i di makawma sa lekitanu i gay mawli, edtalu ka ibet sa Allah na makawma sa lekanu, katawan nu Allah su gayb, di galyub sa lekanin sa apya bu mana tepung sya sa langit endu lupa endu da manot a di kena natagu bun sa kitab a mapayag.

Aaya: 4

لِّيَجۡزِيَ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِۚ أُوْلَٰٓئِكَ لَهُم مَّغۡفِرَةٞ وَرِزۡقٞ كَرِيمٞ

Ka endu nin kabalasan su manga bamaginugut a minggalebek sa manga mapya silan, na kanilan su ampun endu rizki a mapulu.

Aaya: 5

وَٱلَّذِينَ سَعَوۡ فِيٓ ءَايَٰتِنَا مُعَٰجِزِينَ أُوْلَٰٓئِكَ لَهُمۡ عَذَابٞ مِّن رِّجۡزٍ أَلِيمٞ

Endu su manga taw a bamikalan nilan su Qur’an sa dili makatalus, na aden sa kanilan i mawag sa langun a siksa a masakit.

Aaya: 6

وَيَرَى ٱلَّذِينَ أُوتُواْ ٱلۡعِلۡمَ ٱلَّذِيٓ أُنزِلَ إِلَيۡكَ مِن رَّبِّكَ هُوَ ٱلۡحَقَّ وَيَهۡدِيٓ إِلَىٰ صِرَٰطِ ٱلۡعَزِيزِ ٱلۡحَمِيدِ

Endu mailay nu manga taw a inenggan sa kataw su initulun sa leka (Muhammad) ebpun sa kadenan nengka a benal a bantang a tumutulu sa lalan a mapulu a mapya.

Aaya: 7

وَقَالَ ٱلَّذِينَ كَفَرُواْ هَلۡ نَدُلُّكُمۡ عَلَىٰ رَجُلٖ يُنَبِّئُكُمۡ إِذَا مُزِّقۡتُمۡ كُلَّ مُمَزَّقٍ إِنَّكُمۡ لَفِي خَلۡقٖ جَدِيدٍ

Endu pidtalu nu manga kafir kanu tagapeda nin i ngintu itutulu nami sa lekanu i mama a manudtul sa lekanu sa amayka naledak kanu den na makambuwat kanu pamun (nya ba a bityala na ibelumpak nilan kanu rasul)?

Aaya: 8

أَفۡتَرَىٰ عَلَى ٱللَّهِ كَذِبًا أَم بِهِۦ جِنَّةُۢۗ بَلِ ٱلَّذِينَ لَا يُؤۡمِنُونَ بِٱلۡأٓخِرَةِ فِي ٱلۡعَذَابِ وَٱلضَّلَٰلِ ٱلۡبَعِيدِ

Pidtebwan nilan su Allah sa kalbutan, atawaka aden kabuneg nin, di kena ka langun na di bangimbenal sa gay a mawli na lu sa siksa endu tadingan sa mawatan.

Aaya: 9

أَفَلَمۡ يَرَوۡاْ إِلَىٰ مَا بَيۡنَ أَيۡدِيهِمۡ وَمَا خَلۡفَهُم مِّنَ ٱلسَّمَآءِ وَٱلۡأَرۡضِۚ إِن نَّشَأۡ نَخۡسِفۡ بِهِمُ ٱلۡأَرۡضَ أَوۡ نُسۡقِطۡ عَلَيۡهِمۡ كِسَفٗا مِّنَ ٱلسَّمَآءِۚ إِنَّ فِي ذَٰلِكَ لَأٓيَةٗ لِّكُلِّ عَبۡدٖ مُّنِيبٖ

Ngintu di nilan kadsuliman i sangulan-taligkudan nilan ebpun sa langit endu lupa, amayka ya nami kahanda i tampulan nami sa lupa atawaka dadsangan nami ebpun sa langit na nakadalem lu ba su tanda a kapegkagaga nu Allah kanu manga ulipen nin a bara-tawbat sa kadenan nin.

Aaya: 10

۞ وَلَقَدۡ ءَاتَيۡنَا دَاوُۥدَ مِنَّا فَضۡلٗاۖ يَٰجِبَالُ أَوِّبِي مَعَهُۥ وَٱلطَّيۡرَۖ وَأَلَنَّا لَهُ ٱلۡحَدِيدَ

Endu saben-sabenal a inenggay nami kanu Daud ebpun sa lekami i limu, seka a palaw na amung ka sa lekanin tumasbih endu su papanuk endu pinagkalemek nami sa lekanin su putaw.

Aaya: 11

أَنِ ٱعۡمَلۡ سَٰبِغَٰتٖ وَقَدِّرۡ فِي ٱلسَّرۡدِۖ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ بَصِيرٞ

Umbal ka sa sangkapan sa kambunuwa endu ukul ka i di mawget a di lambasen, endu enggalebek kanu sa manga mapya, ka saki na kailay ku i manga galebekan nu.

Aaya: 12

وَلِسُلَيۡمَٰنَ ٱلرِّيحَ غُدُوُّهَا شَهۡرٞ وَرَوَاحُهَا شَهۡرٞۖ وَأَسَلۡنَا لَهُۥ عَيۡنَ ٱلۡقِطۡرِۖ وَمِنَ ٱلۡجِنِّ مَن يَعۡمَلُ بَيۡنَ يَدَيۡهِ بِإِذۡنِ رَبِّهِۦۖ وَمَن يَزِغۡ مِنۡهُمۡ عَنۡ أَمۡرِنَا نُذِقۡهُ مِنۡ عَذَابِ ٱلسَّعِيرِ

Endu kanu Sulayman i sambel, gumanat sa mapita taman sa maudtu na timbang sawlan na mapulid i senang taman sa kasedep na timbang a sawlan i kawatan nin, endu pina-igis ami i galang, endu su kaped a jin i penggalebek sa hadapan nin sa kahanda nu kadenan nin, na entayn i sumibay kanu kasuguwan nami na pananamen nami sa siksa (apuy) a pegkalaw-kalaw.

Aaya: 13

يَعۡمَلُونَ لَهُۥ مَا يَشَآءُ مِن مَّحَٰرِيبَ وَتَمَٰثِيلَ وَجِفَانٖ كَٱلۡجَوَابِ وَقُدُورٖ رَّاسِيَٰتٍۚ ٱعۡمَلُوٓاْ ءَالَ دَاوُۥدَ شُكۡرٗاۚ وَقَلِيلٞ مِّنۡ عِبَادِيَ ٱلشَّكُورُ

Pebpulungan nilan i kyug nin (Sulayman) a manga walay a mapulu endu manga tinataw endu pegkanan a masla a mangawlad endu manga kuden a pedtakena ka aden ayanan nin, sekanu a kadakel nu Daud na sukur kanu sa Allah, endu paydu a manga ulipen ku i barasukur.

Aaya: 14

فَلَمَّا قَضَيۡنَا عَلَيۡهِ ٱلۡمَوۡتَ مَا دَلَّهُمۡ عَلَىٰ مَوۡتِهِۦٓ إِلَّا دَآبَّةُ ٱلۡأَرۡضِ تَأۡكُلُ مِنسَأَتَهُۥۖ فَلَمَّا خَرَّ تَبَيَّنَتِ ٱلۡجِنُّ أَن لَّوۡ كَانُواْ يَعۡلَمُونَ ٱلۡغَيۡبَ مَا لَبِثُواْ فِي ٱلۡعَذَابِ ٱلۡمُهِينِ

Na guna nami tangkeda (Sulayman) su kapatay na da nakatutulu sa kanilan kanu kinapatay nin u di kena isa a lemanap-lanap kanu lupa sa pegkanen nin su tungkat nin, na guna den makabpaliyudsud na nakatubpa nu manga jin i saben-sabenal i umana bu ka andang a kangatawan nilan su nakasulen na di den silan mataglay (matangen) sya kanu siksa a kayayan.

Aaya: 15

لَقَدۡ كَانَ لِسَبَإٖ فِي مَسۡكَنِهِمۡ ءَايَةٞۖ جَنَّتَانِ عَن يَمِينٖ وَشِمَالٖۖ كُلُواْ مِن رِّزۡقِ رَبِّكُمۡ وَٱشۡكُرُواْ لَهُۥۚ بَلۡدَةٞ طَيِّبَةٞ وَرَبٌّ غَفُورٞ

Tidtu gayd a nabaluy kanu (tupu nu) Saba siya kanu pegkalebenan nilan (manga walay) i isa a tanda, duwa a kasapadan, (salumpuk) lun na tampal sa kawanan (nu manga walay nilan) endu (salumpuk na tampal) sa biwang. (Pidtalu nu nabi nilan): pangankan nu i rizki nu pedtiyakap sa lekanu endu pamedsukur kanu lun (ka nan) i dalpa malemu endu su pedtiyakap (sa lekanu) na bala-ampun.

Aaya: 16

فَأَعۡرَضُواْ فَأَرۡسَلۡنَا عَلَيۡهِمۡ سَيۡلَ ٱلۡعَرِمِ وَبَدَّلۡنَٰهُم بِجَنَّتَيۡهِمۡ جَنَّتَيۡنِ ذَوَاتَيۡ أُكُلٍ خَمۡطٖ وَأَثۡلٖ وَشَيۡءٖ مِّن سِدۡرٖ قَلِيلٖ

Na dala silan edsukur, sinugu nami lu sa kanilan i degan a mininasa kanu pamulan nilan endu sinambiyan nami sa duwa bun a pamulan a bagunga bun ugayd na dili makan ka suwagen endu paydu a sid’r a dala bun katagan na lawn nin endu unga nin.

Aaya: 17

ذَٰلِكَ جَزَيۡنَٰهُم بِمَا كَفَرُواْۖ وَهَلۡ نُجَٰزِيٓ إِلَّا ٱلۡكَفُورَ

Entuba inibalas nami sa kanilan sabap kanu kinagkafir nilan endu da ibalas kanu maytu ba ya tabya na kagkafir.

Aaya: 18

وَجَعَلۡنَا بَيۡنَهُمۡ وَبَيۡنَ ٱلۡقُرَى ٱلَّتِي بَٰرَكۡنَا فِيهَا قُرٗى ظَٰهِرَةٗ وَقَدَّرۡنَا فِيهَا ٱلسَّيۡرَۖ سِيرُواْ فِيهَا لَيَالِيَ وَأَيَّامًا ءَامِنِينَ

Endu binaluy nami kanu pageletan nilan endu pageletan nu dalpa sa pinambarakat nami i dalpa sa di kapasangan su belalakaw sa apya di den embalutu sa ig atawaka pegken na lakaw kanu sa malamag endu magabi sa dala baya-baya nu.

Aaya: 19

فَقَالُواْ رَبَّنَا بَٰعِدۡ بَيۡنَ أَسۡفَارِنَا وَظَلَمُوٓاْ أَنفُسَهُمۡ فَجَعَلۡنَٰهُمۡ أَحَادِيثَ وَمَزَّقۡنَٰهُمۡ كُلَّ مُمَزَّقٍۚ إِنَّ فِي ذَٰلِكَ لَأٓيَٰتٖ لِّكُلِّ صَبَّارٖ شَكُورٖ

Ya nilan pidtalu: kadenan nami pakawatan ka i lakawan nami, endu migkafir silan na binaluy nami silan a mambibityala nu mawli kanilan (indawan) endu pinabpipitas nami silan kanu manga dalpa, na nakadalem lu ba su manga tanda nu Allah kanu masabar a barasukur.

Aaya: 20

وَلَقَدۡ صَدَّقَ عَلَيۡهِمۡ إِبۡلِيسُ ظَنَّهُۥ فَٱتَّبَعُوهُ إِلَّا فَرِيقٗا مِّنَ ٱلۡمُؤۡمِنِينَ

Endu tidtu gayd a natuman ni Iblis sa kanilan su antapan nin, na pinamaginugutan nilan sekanin, ya tabya na lumpukan nu manga bamaginugut.

Aaya: 21

وَمَا كَانَ لَهُۥ عَلَيۡهِم مِّن سُلۡطَٰنٍ إِلَّا لِنَعۡلَمَ مَن يُؤۡمِنُ بِٱلۡأٓخِرَةِ مِمَّنۡ هُوَ مِنۡهَا فِي شَكّٖۗ وَرَبُّكَ عَلَىٰ كُلِّ شَيۡءٍ حَفِيظٞ

Endu dala kanu Iblis i magaga nin sa kanilan ya tabya na endu nami katawan su bangimbenal sa gay a mawli sa kanu entayn i penduwa-duwa endu su kadenan nengka na pedtuldun nin i langun na enggaga-isa.

Aaya: 22

قُلِ ٱدۡعُواْ ٱلَّذِينَ زَعَمۡتُم مِّن دُونِ ٱللَّهِ لَا يَمۡلِكُونَ مِثۡقَالَ ذَرَّةٖ فِي ٱلسَّمَٰوَٰتِ وَلَا فِي ٱلۡأَرۡضِ وَمَا لَهُمۡ فِيهِمَا مِن شِرۡكٖ وَمَا لَهُۥ مِنۡهُم مِّن ظَهِيرٖ

Edtalu ka (Muhammad) i tawagen nilan su barahala nilan a salakaw sa Allah a dala magaga nin apya mana bu tepung kanu pitu lapis a langit endu lupa i tumpuk nilan endu da sa Allah i pakatabang sa lekanin.

Aaya: 23

وَلَا تَنفَعُ ٱلشَّفَٰعَةُ عِندَهُۥٓ إِلَّا لِمَنۡ أَذِنَ لَهُۥۚ حَتَّىٰٓ إِذَا فُزِّعَ عَن قُلُوبِهِمۡ قَالُواْ مَاذَا قَالَ رَبُّكُمۡۖ قَالُواْ ٱلۡحَقَّۖ وَهُوَ ٱلۡعَلِيُّ ٱلۡكَبِيرُ

Endu da katagan nin i shafa’at sa lekanin ya tabya na entayn i sugutan nin, taman sa amayka madala den i gilek kanu pusung nilan a ya madtalu (nu malaikat): ngin inamba i pidtalu nu Kadenan nu sa lekanu? Ya nin madtalu na bantang ka sekanin (Allah) i mapulu a masla.

Aaya: 24

۞ قُلۡ مَن يَرۡزُقُكُم مِّنَ ٱلسَّمَٰوَٰتِ وَٱلۡأَرۡضِۖ قُلِ ٱللَّهُۖ وَإِنَّآ أَوۡ إِيَّاكُمۡ لَعَلَىٰ هُدًى أَوۡ فِي ضَلَٰلٖ مُّبِينٖ

Edtalu ka Muhammad sa kanilan: entayn i pa-rizki sa lekanu ebpun sa langit endu lupa? Edtalu ka: su Allah! Endu sekami atawaka sekanu i natutulu atawaka natadin sa mapayag.

Aaya: 25

قُل لَّا تُسۡـَٔلُونَ عَمَّآ أَجۡرَمۡنَا وَلَا نُسۡـَٔلُ عَمَّا تَعۡمَلُونَ

Edtalu ka (Muhammad): di kanu kaidsan sa kadusan nami endu di kami mambu kaidsan kanu penggalebeken nu.

Aaya: 26

قُلۡ يَجۡمَعُ بَيۡنَنَا رَبُّنَا ثُمَّ يَفۡتَحُ بَيۡنَنَا بِٱلۡحَقِّ وَهُوَ ٱلۡفَتَّاحُ ٱلۡعَلِيمُ

Edtalu ka (Muhammad): su kadenan tanu i mulig sa lekitanu, mawli na kukumen tanu nin sa bantang, ka sekanin a Allah i bangukum a mataw.

Aaya: 27

قُلۡ أَرُونِيَ ٱلَّذِينَ أَلۡحَقۡتُم بِهِۦ شُرَكَآءَۖ كَلَّاۚ بَلۡ هُوَ ٱللَّهُ ٱلۡعَزِيزُ ٱلۡحَكِيمُ

Edtalu ka sa kanilan: ipailay nu sa laki su (a barahala) ipedsakutu nu sa Allah, di kena! Sekanin su Allah (isa-isanin) bu i mapulu a mataw.

Aaya: 28

وَمَآ أَرۡسَلۡنَٰكَ إِلَّا كَآفَّةٗ لِّلنَّاسِ بَشِيرٗا وَنَذِيرٗا وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Endu da kinasugu nami sa leka a di kena sya sa langun na taw sa pakalilini endu papegkagilek, ugayd na ya madakel kanu manga taw na di manga mataw.

Aaya: 29

وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ

Endu ya pedtalun nu manga kafir sa Makkah: kanu i namba a pasad a siksa sa lekami amayka ya nu kaaden i manga bantang manga benal kanu.

Aaya: 30

قُل لَّكُم مِّيعَادُ يَوۡمٖ لَّا تَسۡتَـٔۡخِرُونَ عَنۡهُ سَاعَةٗ وَلَا تَسۡتَقۡدِمُونَ

Edtalu ka (Muhammad) sa kanilan: aden bun pasad sa lekanu a gay amayka nawma na di makasundul endu di makasunud (maketeng).

Aaya: 31

وَقَالَ ٱلَّذِينَ كَفَرُواْ لَن نُّؤۡمِنَ بِهَٰذَا ٱلۡقُرۡءَانِ وَلَا بِٱلَّذِي بَيۡنَ يَدَيۡهِۗ وَلَوۡ تَرَىٰٓ إِذِ ٱلظَّٰلِمُونَ مَوۡقُوفُونَ عِندَ رَبِّهِمۡ يَرۡجِعُ بَعۡضُهُمۡ إِلَىٰ بَعۡضٍ ٱلۡقَوۡلَ يَقُولُ ٱلَّذِينَ ٱسۡتُضۡعِفُواْ لِلَّذِينَ ٱسۡتَكۡبَرُواْ لَوۡلَآ أَنتُمۡ لَكُنَّا مُؤۡمِنِينَ

Endu pidtalu nu manga kafir: di kami mangimbenal sa Qur’an anan endu su nawna lun, u mailay nengka (Muhammad) su manga kafir kanu gay a katindeg nilan lu sa Allah na edtibpwan nu isa su kaped, ya edtalun nu manga malubay kanu nangawnutan nilan (sa dunya): u di kena bu sekanu a nangawnutan nami na kuyug kami den kanu manga bamaginugut (di kami maka naraka).

Aaya: 32

قَالَ ٱلَّذِينَ ٱسۡتَكۡبَرُواْ لِلَّذِينَ ٱسۡتُضۡعِفُوٓاْ أَنَحۡنُ صَدَدۡنَٰكُمۡ عَنِ ٱلۡهُدَىٰ بَعۡدَ إِذۡ جَآءَكُمۖ بَلۡ كُنتُم مُّجۡرِمِينَ

Ya manem edtalun nu nangawnutan kanu namangunut sa kanilan: enduken sekami besen i nakasapal sa lekanu kanu tutulu sa uliyan a kinawma nin sa lekanu? Sekanu bun i manga darwaka.

Aaya: 33

وَقَالَ ٱلَّذِينَ ٱسۡتُضۡعِفُواْ لِلَّذِينَ ٱسۡتَكۡبَرُواْ بَلۡ مَكۡرُ ٱلَّيۡلِ وَٱلنَّهَارِ إِذۡ تَأۡمُرُونَنَآ أَن نَّكۡفُرَ بِٱللَّهِ وَنَجۡعَلَ لَهُۥٓ أَندَادٗاۚ وَأَسَرُّواْ ٱلنَّدَامَةَ لَمَّا رَأَوُاْ ٱلۡعَذَابَۚ وَجَعَلۡنَا ٱلۡأَغۡلَٰلَ فِيٓ أَعۡنَاقِ ٱلَّذِينَ كَفَرُواْۖ هَلۡ يُجۡزَوۡنَ إِلَّا مَا كَانُواْ يَعۡمَلُونَ

Ya menem edtalun nu manga malubay kanu kangawnutan nilan: pinagakalan kami nu sa magabi sa malamag ka ipedsugu nu sa lekami kagkafir nami sa Allah endu umbalan nami sa kaped nin a kadenan, endu ipagna nilan i kinadsendit guna nilan mailay i siksa, endu binaluy nami su lantay-lantay kanu manga lig nu manga kafir, ka dala ibalas sa kanilan ya tabya na lalaw nu galebek nilan.

Aaya: 34

وَمَآ أَرۡسَلۡنَا فِي قَرۡيَةٖ مِّن نَّذِيرٍ إِلَّا قَالَ مُتۡرَفُوهَآ إِنَّا بِمَآ أُرۡسِلۡتُم بِهِۦ كَٰفِرُونَ

Endu da sinugu nami kanu dalpa a sinugu ya tabya na pidtalu nu manga dupang: sekami na pigkafiran nami su sinugu sa leka.

Aaya: 35

وَقَالُواْ نَحۡنُ أَكۡثَرُ أَمۡوَٰلٗا وَأَوۡلَٰدٗا وَمَا نَحۡنُ بِمُعَذَّبِينَ

Endu pidtalu nilan pan i sekitanu pan i madakel i tamuk nin, endu dala sa lekami i masiksa kami.

Aaya: 36

قُلۡ إِنَّ رَبِّي يَبۡسُطُ ٱلرِّزۡقَ لِمَن يَشَآءُ وَيَقۡدِرُ وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Edtalu ka (Muhammad) sa kanilan: su Allah i papegkadakel sa rizki nu kanu pegkyugan nin endu papegkasimpit, ugayd na ya madakel kanu manga taw na di nilan katawan.

Aaya: 37

وَمَآ أَمۡوَٰلُكُمۡ وَلَآ أَوۡلَٰدُكُم بِٱلَّتِي تُقَرِّبُكُمۡ عِندَنَا زُلۡفَىٰٓ إِلَّا مَنۡ ءَامَنَ وَعَمِلَ صَٰلِحٗا فَأُوْلَٰٓئِكَ لَهُمۡ جَزَآءُ ٱلضِّعۡفِ بِمَا عَمِلُواْ وَهُمۡ فِي ٱلۡغُرُفَٰتِ ءَامِنُونَ

Endu dala kanu manga tamuk nu manga taw i mapasupeg sa lekanu sya sa lekami ya tabya na su manga nangimbenal endu minggalebek sa manga mapya, entu ba (manga taw) na kanilan su balas a takep sabap sa galebekan nilan endu nadalem silan kanu bilik nilan na tumatana.

Aaya: 38

وَٱلَّذِينَ يَسۡعَوۡنَ فِيٓ ءَايَٰتِنَا مُعَٰجِزِينَ أُوْلَٰٓئِكَ فِي ٱلۡعَذَابِ مُحۡضَرُونَ

Endu su manga taw a bamikalan nilan su ayatan nami (Qur’an) sa di matalima nu manga taw na silan na manga taw na kagugul silan sa naraka.

Aaya: 39

قُلۡ إِنَّ رَبِّي يَبۡسُطُ ٱلرِّزۡقَ لِمَن يَشَآءُ مِنۡ عِبَادِهِۦ وَيَقۡدِرُ لَهُۥۚ وَمَآ أَنفَقۡتُم مِّن شَيۡءٖ فَهُوَ يُخۡلِفُهُۥۖ وَهُوَ خَيۡرُ ٱلرَّٰزِقِينَ

Edtalu ka (Muhammad) sa kanilan: saben-sabenal su kadenan ku i papegkawlad sa rizki nu pegkyugan nin kanu manga ulipen nin, endu sekanin i papegkasimpit, endu langun na pinggastu nu na sambyan nu Allah endu sekanin i mapya gayd a perizki.

Aaya: 40

وَيَوۡمَ يَحۡشُرُهُمۡ جَمِيعٗا ثُمَّ يَقُولُ لِلۡمَلَٰٓئِكَةِ أَهَٰٓؤُلَآءِ إِيَّاكُمۡ كَانُواْ يَعۡبُدُونَ

Endu su manga gay na buligen silan tanan na idsan nu Allah su manga malaikat: nginan a manga taw a sinimba aku nilan (lu sa dunya)?

Aaya: 41

قَالُواْ سُبۡحَٰنَكَ أَنتَ وَلِيُّنَا مِن دُونِهِمۖ بَلۡ كَانُواْ يَعۡبُدُونَ ٱلۡجِنَّۖ أَكۡثَرُهُم بِهِم مُّؤۡمِنُونَ

Ya kadtalu nu manga malaikat: mahasuti ka, seka i Kadenan nami, di kena silan, silan a manga taw na pedsimba sa jin, na madakel sa kanilan i bangimbenalen nilan.

Aaya: 42

فَٱلۡيَوۡمَ لَا يَمۡلِكُ بَعۡضُكُمۡ لِبَعۡضٖ نَّفۡعٗا وَلَا ضَرّٗا وَنَقُولُ لِلَّذِينَ ظَلَمُواْ ذُوقُواْ عَذَابَ ٱلنَّارِ ٱلَّتِي كُنتُم بِهَا تُكَذِّبُونَ

Na dala magaga na isa a kagkapya na kaped nin atawaka kabinasan nin lun, endu edtalun nami kanu manga kafir: nanami nu su naraka a papendalbuten nu.

Aaya: 43

وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٖ قَالُواْ مَا هَٰذَآ إِلَّا رَجُلٞ يُرِيدُ أَن يَصُدَّكُمۡ عَمَّا كَانَ يَعۡبُدُ ءَابَآؤُكُمۡ وَقَالُواْ مَا هَٰذَآ إِلَّآ إِفۡكٞ مُّفۡتَرٗىۚ وَقَالَ ٱلَّذِينَ كَفَرُواْ لِلۡحَقِّ لَمَّا جَآءَهُمۡ إِنۡ هَٰذَآ إِلَّا سِحۡرٞ مُّبِينٞ

Endu amayka batyan sa kanilan su manga ayatan nami a mapayag, na ya nilan kadtalu na dala inan a mama ka pegkyugan kanu nin pedsapal kanu nalayaman nu manga lukes nu a pedsimban, endu pidtalu nilan: dala sanan a kadtalu a di kena kalbutan a inidtebu, endu pidtalu nu manga kafir kanu bantang (manga ayatan a mapayag) guna makawma sa kanilan: dala inan ya tabya na sih’r a mapayag.

Aaya: 44

وَمَآ ءَاتَيۡنَٰهُم مِّن كُتُبٖ يَدۡرُسُونَهَاۖ وَمَآ أَرۡسَلۡنَآ إِلَيۡهِمۡ قَبۡلَكَ مِن نَّذِيرٖ

Endu inenggay nami (su kitab) sa kanilan a bangagyan nilan na sinangka nilan bun, endu su sinugu nami sa kanilan a nawna saleka na pinandalbut nilan bun.

Aaya: 45

وَكَذَّبَ ٱلَّذِينَ مِن قَبۡلِهِمۡ وَمَا بَلَغُواْ مِعۡشَارَ مَآ ءَاتَيۡنَٰهُمۡ فَكَذَّبُواْ رُسُلِيۖ فَكَيۡفَ كَانَ نَكِيرِ

Endu pinandalbut nilan pan su nawna sa kanilan endu dala nilan masampay i paydu kanu paydu a ininggay nami kanu nawna sa kanilan (a bagel/kalendu na umur) na pinandalbut nilan su manga sinugu ku, na ngin den i kapasang nin a siksa a sa kanilan (kabinasa kanilan).

Aaya: 46

۞ قُلۡ إِنَّمَآ أَعِظُكُم بِوَٰحِدَةٍۖ أَن تَقُومُواْ لِلَّهِ مَثۡنَىٰ وَفُرَٰدَىٰ ثُمَّ تَتَفَكَّرُواْۚ مَا بِصَاحِبِكُم مِّن جِنَّةٍۚ إِنۡ هُوَ إِلَّا نَذِيرٞ لَّكُم بَيۡنَ يَدَيۡ عَذَابٖ شَدِيدٖ

Edtalu ka (Muhammad) sa kanilan: satiman bu i ipangindaw ku sa lekanu ka tindeg kanu sa kasangulan nu Allah sa enggaga-duwa atawaka edsakataw, mawli na mapamikir nu i da kabuneg nu (Muhammad) ugayd na sekanin na papegkagileken kanu nin kanu siksa a sangat i kapasang nin.

Aaya: 47

قُلۡ مَا سَأَلۡتُكُم مِّنۡ أَجۡرٖ فَهُوَ لَكُمۡۖ إِنۡ أَجۡرِيَ إِلَّا عَلَى ٱللَّهِۖ وَهُوَ عَلَىٰ كُلِّ شَيۡءٖ شَهِيدٞ

Edtalu ka sa kanilan i di kena aku pegkwa sa lekanu sa sukay ka lu bu i sukay ku sa Allah, ka sekanin i pakailay kanu enggaga-isa.

Aaya: 48

قُلۡ إِنَّ رَبِّي يَقۡذِفُ بِٱلۡحَقِّ عَلَّٰمُ ٱلۡغُيُوبِ

Edtalu ka sa kanilan: su Allah i bagenggay sa bantang kanu manga nabi nin a mataw sa gayb.

Aaya: 49

قُلۡ جَآءَ ٱلۡحَقُّ وَمَا يُبۡدِئُ ٱلۡبَٰطِلُ وَمَا يُعِيدُ

Edtalu ka: nakawma su bantang endu mapunas su baatil sa di makambalingan.

Aaya: 50

قُلۡ إِن ضَلَلۡتُ فَإِنَّمَآ أَضِلُّ عَلَىٰ نَفۡسِيۖ وَإِنِ ٱهۡتَدَيۡتُ فَبِمَا يُوحِيٓ إِلَيَّ رَبِّيٓۚ إِنَّهُۥ سَمِيعٞ قَرِيبٞ

Edtalu ka: u natadin aku na ginawa ku bun i natadin, u nakatuntul aku menem kanu ini-wahi sa laki nu Kadenan ku na sekanin (Allah) i pakakineg a masupeg.

Aaya: 51

وَلَوۡ تَرَىٰٓ إِذۡ فَزِعُواْ فَلَا فَوۡتَ وَأُخِذُواْ مِن مَّكَانٖ قَرِيبٖ

Endu upama ka mailay nengka bu su katekaw sa kanilan sa kanu kambuwat a dala palaguyan nin endu kwan silan kanu kubur nilan a masupeg.

Aaya: 52

وَقَالُوٓاْ ءَامَنَّا بِهِۦ وَأَنَّىٰ لَهُمُ ٱلتَّنَاوُشُ مِن مَّكَانِۭ بَعِيدٖ

Endu madtalu nilan: mangimbenal tanu (Muhammad/Qur’an), na da katagan nin sa kanilan intu (kabangimbenal) ka naypus den (lu den silan sa gay a mawli).

Aaya: 53

وَقَدۡ كَفَرُواْ بِهِۦ مِن قَبۡلُۖ وَيَقۡذِفُونَ بِٱلۡغَيۡبِ مِن مَّكَانِۭ بَعِيدٖ

Endu saben-sabenal a sinupak nilan sya sa dunya endu pedsenditan nilan (sa buneg atawa ka sih’r) inunta na mawatan intu.

Aaya: 54

وَحِيلَ بَيۡنَهُمۡ وَبَيۡنَ مَا يَشۡتَهُونَ كَمَا فُعِلَ بِأَشۡيَاعِهِم مِّن قَبۡلُۚ إِنَّهُمۡ كَانُواْ فِي شَكّٖ مُّرِيبِۭ

Endu nadalungan den silan kanu pegkyugan nilan a iman sa mana bun su pinakaydan kanu pagidsan nilan a nangawna, kagina silan na da mapinda sa kanilan i kapenduwa-duwa sa gay a mawli.