Firo maanaaji Simoore Simoore al-adiya - Eggo maanaaji Alkur'aana e haala Urdu - Muhammad Gunakry. - Tonngoode hello ngoo 599 - Mawsuuwa al-quraan tedduɗo oo

عادیات

Aaya: 1

وَالْعٰدِیٰتِ ضَبْحًا ۟ۙ

ہانپتے ہوئے دوڑنے والے گھوڑوں کی قسم!(1)

(1) عَادِيَاتٌ، عَادِيَةٌ کی جمع ہے۔ یہ عَدُوٌّ سے ہے جیسے غَزْوٌ ہے۔ غَازِيَاتٌ کی طرح اس کے واو کو بھی یا سے بدل دیاگیا ہے۔ تیز رو گھوڑے۔ ضَبْحٌ کے معنی بعض کے نزدیک ہانپنا اور بعض کے نزدیک ہنہنانا ہے۔ مراد وہ گھوڑے ہیں جو ہانپتے یا ہنہناتے ہوئےجہاد میں تیزی سے دشمن کی طرف دوڑتے ہیں

Aaya: 2

فَالْمُوْرِیٰتِ قَدْحًا ۟ۙ

پھر ٹاپ مار کر آگ جھاڑنے والوں کی قسم!(1)

(1) مُورِيَاتٌ، إِيرَاءُ سے ہے۔ آگ نکالنے والے۔ قَدْحٌ کے معنی ہیں۔ صَكٌّ چلنے میں گھٹنوں یا ایڑیوں کا ٹکرانا، یا ٹاپ مارنا۔ اسی سے قَدْحٌ بِالزِّنَادِ ہے۔ چقماق سے آگ نکالنا۔ یعنی ان گھوڑوں کی قسم جن کی رگڑ سے پتھروں سے آگ نکلتی ہے، جیسے چقماق سے نکلتی ہے۔

Aaya: 3

فَالْمُغِیْرٰتِ صُبْحًا ۟ۙ

پھر صبح کے وقت دھاوا بولنے والوں کی قسم.(1)

(1) مُغِيرَاتٌ، أَغَارَ يُغِيرُ سے ہے، شب خون مارنے یا دھاوا بولنے والے۔ صُبْحًا صبح کے وقت، عرب میں عام طور پر حملہ اسی وقت کیا جاتا تھا، شب خون تو وہ مارتے ہیں جو فوجی گھوڑوں پر سوار ہوتے ہیں، لیکن اس کی نسبت گھوڑوں کی طرف اس لئے کی ہے کہ دھاوا بولنے میں فوجیوں کے یہ بہت زیادہ کام آتے ہیں۔

Aaya: 4

فَاَثَرْنَ بِهٖ نَقْعًا ۟ۙ

پس اس وقت گرد وغبار اڑاتے ہیں

(1) أَثَارَ، اڑانا۔ نَقْعٌ، گردوغبار۔ یعنی یہ گھوڑے جس وقت تیزی سے دوڑتے یا دھاوا بولتے ہیں تو اس جگہ پر گرد وغبار چھا جاتا ہے۔

Aaya: 5

فَوَسَطْنَ بِهٖ جَمْعًا ۟ۙ

پھر اسی کے ساتھ فوجیوں کے درمیان گھس جاتے ہیں.(1)

(1) فَوَسَطْنَ، درمیان میں گھس جاتے ہیں۔ اس وقت، یا حالت گرد وغبار میں۔ جَمْعًا دشمن کے لشکر۔ مطلب ہے کہ اس وقت، یا جب کہ فضا گرد وغبار سے اٹی ہوئی ہے، یہ گھوڑے دشمن کے لشکروں میں گھس جاتے ہیں اور گھمسان کی جنگ کرتے ہیں۔