Fassarar Ma'anoni Sura Al'ahkab - Fassarar Fulaniyanci ta taƙaitaccen Tafsirin AlƘur'ani mai girma. - Lambar shafi 502 - Kundin Alqurani Mai girma

Simoore Al-ahkaaf

daga cikin abunda Surar ta kunsa:

بيان حاجة البشريّة للرسالة وإنذار المعرضين عنها.

Hollirde haajorde aade en e nelal Alla e jeertinde ɗuurniiɓe ngaal nelal.

---

Aya: 1

حمٓ

Haa, Miim. Yewtere fii sugu ɗee kalfe yawtiino ka simoore Al baqarah.

Aya: 2

تَنزِيلُ ٱلۡكِتَٰبِ مِنَ ٱللَّهِ ٱلۡعَزِيزِ ٱلۡحَكِيمِ

Jippagol Alqur'aana, ko immorde ka Allah, hay foolondirtah e Makko, Ñeeñuɗo e tagu Mun e kattal Mun e toppitagol e sariya Mun.

Aya: 3

مَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّ وَأَجَلٖ مُّسَمّٗىۚ وَٱلَّذِينَ كَفَرُواْ عَمَّآ أُنذِرُواْ مُعۡرِضُونَ

Men tagiraali kammuuli ɗin e leydi ndin e kon ko woni hakkunde majji, fii fijindaaru; ko Men tagiri ɗin fow, ko hoore goonga e ñeeñe yottiiɗe: wano fii no jeyaaɓe ɓen anndira ɗin, woodeede Mo, ɓe rewa Mo Kanko tun, hara ɓe kafidaali Mo e huunde, e no ɓe tottira paandale lontineede ɓe nden ka leydi, haa e caatal happaangal, ngal Allah tun anndi fii mun. Yedduɓe Allah ɓen non, ko ɓe ɗuurniiɓe e kon ko ɓe jertinaara ka Deftere Allah, ɓe haajaaka e ɗum.

Aya: 4

قُلۡ أَرَءَيۡتُم مَّا تَدۡعُونَ مِن دُونِ ٱللَّهِ أَرُونِي مَاذَا خَلَقُواْ مِنَ ٱلۡأَرۡضِ أَمۡ لَهُمۡ شِرۡكٞ فِي ٱلسَّمَٰوَٰتِۖ ٱئۡتُونِي بِكِتَٰبٖ مِّن قَبۡلِ هَٰذَآ أَوۡ أَثَٰرَةٖ مِّنۡ عِلۡمٍ إِن كُنتُمۡ صَٰدِقِينَ

An Nulaaɗo, maakan ɓee sirkooɓe ɗuurniiɓe e goonga: yeetee lam fii sanamuuji mon ɗi rewoton accon Allah ɗin, ko honɗum e geɗe ɗi tagi e leydi ndin? Hara ko fello? Kaa ko ilol? Kaa hara hiɗi kafidi e Allah ka tagugol kammuuli ɗin? Awa addanee lam Deftere jipporiinde ka Allah, ado ndee Alqur'aanaare, maa batte ganndal ko adinooɓe acii, si wonii ko on goonguɓe e ko nodditorton, wonnde sanamuuji mon ɗin hino hanndi e reweede!

Aya: 5

وَمَنۡ أَضَلُّ مِمَّن يَدۡعُواْ مِن دُونِ ٱللَّهِ مَن لَّا يَسۡتَجِيبُ لَهُۥٓ إِلَىٰ يَوۡمِ ٱلۡقِيَٰمَةِ وَهُمۡ عَن دُعَآئِهِمۡ غَٰفِلُونَ

Alaa ɓurɗo majjude, wa on rewuɗo ko wanaa Allah, sanamu ko jaabotaako mo haa Darngal daroo! Hara non, ɗin sanamuuji, ko welsindiiɗi e ko ɓe rewata ɗin kon, wanaa fii ɗi nafa ɓe maa ɗi lorra ɓe.

daga cikin fa'idodin Ayoyin wannan shafi:

• الاستهزاء بآيات الله كفر.

Jalkitugol Aayeeje Allah ɗen, ko keeferaaku.

• خطر الاغترار بلذات الدنيا وشهواتها.

Aayeeje ɗen joopike fii bone dakamme e tuuyooji aduna.

• ثبوت صفة الكبرياء لله تعالى.

Tabitinde sifa Mawngu ngun wonande Allah tun.

• إجابة الدعاء من أظهر أدلة وجود الله سبحانه وتعالى واستحقاقه العبادة.

Jaabingol toraare, hino jeyaa e ko ɓuri feññinnde woodeede Allah, holla Himo hanndi e dewe jeyaaɓe ɓen.