Fassarar Ma'anoni Sura Al'ma'arij - Fassarar Fulaniyanci ta taƙaitaccen Tafsirin AlƘur'ani mai girma. - Lambar shafi 568 - Kundin Alqurani Mai girma

Simoore al-maarij

daga cikin abunda Surar ta kunsa:

بيان حال وجزاء الخلق يوم القيامة.

Hollirde ngonko e njobdi tagoore ñande darnga.

---

Aya: 1

سَأَلَ سَآئِلُۢ بِعَذَابٖ وَاقِعٖ

Gooto e sirkooɓe ɓen toranike e hoore mun e yimɓe mun ɓen lette, himo jalkita, sikkugol lette ɗen waɗaatah. Hara ɗum waɗay Ñalnde Darngal.

Aya: 2

لِّلۡكَٰفِرِينَ لَيۡسَ لَهُۥ دَافِعٞ

Wonannde yedduɓe Allah ɓen, alah duñanoowo ɓe ɗee lette.

Aya: 3

مِّنَ ٱللَّهِ ذِي ٱلۡمَعَارِجِ

Ko immorde ka Allha, Jom toowal e darja, e ɓure e neemaaji.

Aya: 4

تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمٖ كَانَ مِقۡدَارُهُۥ خَمۡسِينَ أَلۡفَ سَنَةٖ

Malaa'ika'en wonndude e Jibriilu hino e ƴawa e ɗin darjaaji Ñalnde Darngal, juutungal, eɓɓirtengal duuɓi ujune cappanɗe jowi.

Aya: 5

فَٱصۡبِرۡ صَبۡرٗا جَمِيلًا

Muñño tun, yo Nulaaɗo, muñal ngal jillah ɗenƴagol maa wullitagol.

Aya: 6

إِنَّهُمۡ يَرَوۡنَهُۥ بَعِيدٗا

Kamɓe hiɓe reeni ɗee lette ko woɗɗiiɗe tultooje.

Aya: 7

وَنَرَىٰهُ قَرِيبٗا

Menen le Meɗen reeni ɗe ko ɓadiiɗe, yanayɗe feere mun alaa.

Aya: 8

يَوۡمَ تَكُونُ ٱلسَّمَآءُ كَٱلۡمُهۡلِ

Ñalnde kammu ngun wa'oyta wano sila maa kaŋŋe taayinaaɗum.

Aya: 9

وَتَكُونُ ٱلۡجِبَالُ كَٱلۡعِهۡنِ

Pelle ɗen kadi wa'oya wano hottollo goobaako saraako.

Aya: 10

وَلَا يَسۡـَٔلُ حَمِيمٌ حَمِيمٗا

Ka ɓadondiraaɗo lamdotaako fii musiɗɗo mun, tawde haray mo kala hino sokliri hoore mun.

daga cikin fa'idodin Ayoyin wannan shafi:

• تنزيه القرآن عن الشعر والكهانة.

Alqur'aana hino woɗɗi wonnde gimi maa mbilewu

• خطر التَّقَوُّل على الله والافتراء عليه سبحانه.

Hino hulɓinii haalde e fefindagol baka e Allah ko O wowlaali.

• الصبر الجميل الذي يحتسب فيه الأجر من الله ولا يُشكى لغيره.

Muñal labaangal, ko habborteengal njoɓdi mun ndin ka Allah, hara jillaa wullitagol e goɗɗo.