Fassarar Ma'anoni Sura Al'muzammil - Fassarar Fulaniyanci ta taƙaitaccen Tafsirin AlƘur'ani mai girma. - Lambar shafi 574 - Kundin Alqurani Mai girma

Simoore Cuddiiɗo (al-musammil)

daga cikin abunda Surar ta kunsa:

بيان الأسباب المعينة على القيام بأعباء الدعوة.

Feññinde sababuuji ballooji daraade e roondaade tampere noddude diine.

---

Aya: 1

يَٰٓأَيُّهَا ٱلۡمُزَّمِّلُ

Ko an yo buumorɗo comci mun (woni Annabiijo Muhammadu yo o his).

Aya: 2

قُمِ ٱلَّيۡلَ إِلَّا قَلِيلٗا

Juulu jemma on, si wanaa seeɗa e makko.

Aya: 3

نِّصۡفَهُۥٓ أَوِ ٱنقُصۡ مِنۡهُ قَلِيلًا

Juulaa feccere makko si ɗa faala, maa ko ɓuri ɗum fanɗude haa yottoɗa etataɓal ngal.

Aya: 4

أَوۡ زِدۡ عَلَيۡهِ وَرَتِّلِ ٱلۡقُرۡءَانَ تَرۡتِيلًا

Maa ɓeydaa ɗon haa wano tataɓe ɗiɗe, Ɓannginaa janngin maa Alqur'aana kin, no neworii.

Aya: 5

إِنَّا سَنُلۡقِي عَلَيۡكَ قَوۡلٗا ثَقِيلًا

Meɗen saatii tellinnde e maaɗa an Nulaaɗo, Alqur'aana. Ko nde Konngol teddungol, tawde hinde yowondiri e farillaaji, e keeri, e ñaawooje, e neediiji ekw.

Aya: 6

إِنَّ نَاشِئَةَ ٱلَّيۡلِ هِيَ أَشَدُّ وَطۡـٔٗا وَأَقۡوَمُ قِيلًا

Pellet, ko dewal tummbo jemma ngal, ɓurata battinnde e ɓernde, ɓuri botude konngol.

Aya: 7

إِنَّ لَكَ فِي ٱلنَّهَارِ سَبۡحٗا طَوِيلٗا

Anndu hino woodan-maa ferlitagol e golle maa ɗen e ñalorma, no hettanoraa janngugol Alqur'aana. Juulu jemma on.

Aya: 8

وَٱذۡكُرِ ٱسۡمَ رَبِّكَ وَتَبَتَّلۡ إِلَيۡهِ تَبۡتِيلٗا

Jantor Allah noone kala e janntooje ɗen, taƴo-ɗaa yahaa e Makko Kanko seniiɗo On, hattirde e taƴogol, hara hiɗa laɓɓinani Mo dewal.

Aya: 9

رَّبُّ ٱلۡمَشۡرِقِ وَٱلۡمَغۡرِبِ لَآ إِلَٰهَ إِلَّا هُوَ فَٱتَّخِذۡهُ وَكِيلٗا

Jeyɗo fuɗnaange e hiirnaage. Reweteeɗo e goonga alaa si wanaa Kanko. Jogito Mo tuuginorteeɗo maa e kala huunde.

Aya: 10

وَٱصۡبِرۡ عَلَىٰ مَا يَقُولُونَ وَٱهۡجُرۡهُمۡ هَجۡرٗا جَمِيلٗا

Muñño e ko fennooɓe ɓen wowlata kon ɓe jaggita ɓe yenna; ɗuurno-raa ɓe ɗuurnagol ko lorra alaa e mu'un.

Aya: 11

وَذَرۡنِي وَٱلۡمُكَذِّبِينَ أُوْلِي ٱلنَّعۡمَةِ وَمَهِّلۡهُمۡ قَلِيلًا

Wata aanu fii fennooɓe joomiraaɓe neemaaji aduna ɓen, accidam e maɓɓe; habbito-ɗaa ɓe seeɗa, haa laje maɓɓe timma.

Aya: 12

إِنَّ لَدَيۡنَآ أَنكَالٗا وَجَحِيمٗا

Ko pellet, hino ka Amen laakara gaa, dummbirɗi tiiɗuɗi, e Yiite sunnay nge.

Aya: 13

وَطَعَامٗا ذَا غُصَّةٖ وَعَذَابًا أَلِيمٗا

E ñaametee ɗeɗɗoowo e lookoƴere hakkee ko metti, e lette muusuɗe hoore ko ɓe yawtini kon.

Aya: 14

يَوۡمَ تَرۡجُفُ ٱلۡأَرۡضُ وَٱلۡجِبَالُ وَكَانَتِ ٱلۡجِبَالُ كَثِيبٗا مَّهِيلًا

Ɗen lette heɓayɗe fennooɓe ɓen, ko Ñalnde leydi ndin e pelle ɗen dilloyta waɗata, pelle ɗen wa'oya wa njaareeri ilayndi, hakkee kulaleeji.

Aya: 15

إِنَّآ أَرۡسَلۡنَآ إِلَيۡكُمۡ رَسُولٗا شَٰهِدًا عَلَيۡكُمۡ كَمَآ أَرۡسَلۡنَآ إِلَىٰ فِرۡعَوۡنَ رَسُولٗا

Min nelii faade e mon Nelaaɗo ceedatooɗo golle mon ñande darnga, hono no Min nelduno e fir*awna nelaaɗo Oon woni Muusa-yo o his-.

Aya: 16

فَعَصَىٰ فِرۡعَوۡنُ ٱلرَّسُولَ فَأَخَذۡنَٰهُ أَخۡذٗا وَبِيلٗا

Fir*awna woopi nelaaɗo nelaaɗo o faade e makko Min leptiri mbo lepte cattuɗe ka aduna yoolde mbo, e leptirde naatde yiite ka laakara, onon noon wotee ngoope nelaaaɗo mon heɓa mon ko heɓi mbo ko.

Aya: 17

فَكَيۡفَ تَتَّقُونَ إِن كَفَرۡتُمۡ يَوۡمٗا يَجۡعَلُ ٱلۡوِلۡدَٰنَ شِيبًا

Hono kaɗraton pittaali mon ndeenon ɗi- si on yeddii Alla pennuɗon nelaaɓe Makko-ñalawma cattuɗo, takoowo sukaaɓe tokosɓe waɗde danndanndi sabu sattude kolol.

Aya: 18

ٱلسَّمَآءُ مُنفَطِرُۢ بِهِۦۚ كَانَ وَعۡدُهُۥ مَفۡعُولًا

Kammu o na fetti sabu kulol, fodoore Alla nde ko wonoore sikke alah heen.

Aya: 19

إِنَّ هَٰذِهِۦ تَذۡكِرَةٞۖ فَمَن شَآءَ ٱتَّخَذَ إِلَىٰ رَبِّهِۦ سَبِيلًا

Pellet o waaju- coomɗo ɓannginde ko woni e o ñalawma e kul huli e caɗeele-, ko siftarinde nde goonɗinɓe naftoro to, kala faalaaɗo nanngude laawol jottinatngol faade e joom mum yo nanngu ngol.

daga cikin fa'idodin Ayoyin wannan shafi:

• أهمية قيام الليل وتلاوة القرآن وذكر الله والصبر للداعية إلى الله.

Himmude daraade jemma e dursitaade Quraana e innude Alla e muñal wonande noddoowo faade e Alla.

• فراغ القلب في الليل له أثر في الحفظ والفهم.

Yeewde ɓernde nder jemma na battina fii reende e fahmude.

• تحمّل التكاليف يقتضي تربية صارمة.

Roontaade pawaaɗe na ɗaɓɓi needi tigi.

• الترف والتوسع في التنعم يصدّ عن سبيل الله.

Noosde e yaacnaade e neema na faloo laawol Alla.