Fassarar Ma'anoni Sura Al'lail - Fassarar Kiniyaruwandiya - Ƙungiyar Musulman Ruwanda - Kundin Alqurani Mai girma

Allayl

Aya: 1

وَٱلَّيۡلِ إِذَا يَغۡشَىٰ

Ndahiye ijoro igihe riguye,

Aya: 2

وَٱلنَّهَارِ إِذَا تَجَلَّىٰ

N’amanywa igihe atangaje,

Aya: 3

وَمَا خَلَقَ ٱلذَّكَرَ وَٱلۡأُنثَىٰٓ

N’uwaremye ikigabo n’ikigore,

Aya: 4

إِنَّ سَعۡيَكُمۡ لَشَتَّىٰ

Mu by’ukuri ibikorwa byanyu biratandukanye,

Aya: 5

فَأَمَّا مَنۡ أَعۡطَىٰ وَٱتَّقَىٰ

Wa wundi utanga (amaturo) akanagandukira (Allah),

Aya: 6

وَصَدَّقَ بِٱلۡحُسۡنَىٰ

Kandi akizera icyiza (Ijuru),

Aya: 7

فَسَنُيَسِّرُهُۥ لِلۡيُسۡرَىٰ

Tuzamworohereza inzira y’ibyiza.

Aya: 8

وَأَمَّا مَنۢ بَخِلَ وَٱسۡتَغۡنَىٰ

Ariko uzaba umunyabugugu, akirata yumva ko yishoboye,

Aya: 9

وَكَذَّبَ بِٱلۡحُسۡنَىٰ

Akanahinyura icyiza,

Aya: 10

فَسَنُيَسِّرُهُۥ لِلۡعُسۡرَىٰ

Tuzamworohereza inzira y’ibibi,

Aya: 11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

Kandi ubwo azaba arimbuka (ajyanywe mu muriro), umutungo we nta cyo uzamumarira.

Aya: 12

إِنَّ عَلَيۡنَا لَلۡهُدَىٰ

Mu by’ukuri ukuyobora ni ukwacu.

Aya: 13

وَإِنَّ لَنَا لَلۡأٓخِرَةَ وَٱلۡأُولَىٰ

Kandi mu by’ukuri ni natwe tugenga iby’imperuka n’ibibanza (iby’isi).

Aya: 14

فَأَنذَرۡتُكُمۡ نَارٗا تَلَظَّىٰ

Bityo, mbaburiye umuriro ugurumana.

Aya: 15

لَا يَصۡلَىٰهَآ إِلَّا ٱلۡأَشۡقَى

Nta we uzawinjiramo utari inkozi y’ibibi,

Aya: 16

ٱلَّذِي كَذَّبَ وَتَوَلَّىٰ

Wa wundi wahinyuye (ukuri) akanagutera umugongo.

Aya: 17

وَسَيُجَنَّبُهَا ٱلۡأَتۡقَى

Ariko ukora ibikorwa byiza, azawurindwa,

Aya: 18

ٱلَّذِي يُؤۡتِي مَالَهُۥ يَتَزَكَّىٰ

Wa wundi utanga umutungo we kugira ngo yiyeze,

Aya: 19

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

Kandi ntashishikazwe no kwiturwa n’uwo yagiriye neza.

Aya: 20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

Ahubwo (akabikora agamije) gushaka kwishimirwa na Nyagasani we, Uwikirenga.

Aya: 21

وَلَسَوۡفَ يَرۡضَىٰ

Kandi rwose azishima (ubwo azinjira mu Ijuru).