Fassarar Ma'anoni Sura Suratu Al'alaq - الترجمة الكينيارواندية - Kundin Alqurani Mai girma

Al Alaq (Urusoro)

Aya: 1

ٱقۡرَأۡ بِٱسۡمِ رَبِّكَ ٱلَّذِي خَلَقَ

Soma ku izina rya Nyagasani wawe waremye (ibiriho byose),

Aya: 2

خَلَقَ ٱلۡإِنسَٰنَ مِنۡ عَلَقٍ

Yaremye umuntu mu rusoro rw’amaraso,

Aya: 3

ٱقۡرَأۡ وَرَبُّكَ ٱلۡأَكۡرَمُ

Soma! Kandi Nyagasani wawe ni Nyirubuntu uhebuje,

Aya: 4

ٱلَّذِي عَلَّمَ بِٱلۡقَلَمِ

We wigishije (umuntu kwandika) akoresheje ikaramu,

Aya: 5

عَلَّمَ ٱلۡإِنسَٰنَ مَا لَمۡ يَعۡلَمۡ

Yigishije umuntu ibyo atari azi.

Aya: 6

كَلَّآ إِنَّ ٱلۡإِنسَٰنَ لَيَطۡغَىٰٓ

Oya! Mu by’ukuri umuntu ararengera (arahakana kandi agakora ibibi),

Aya: 7

أَن رَّءَاهُ ٱسۡتَغۡنَىٰٓ

Iyo amaze kubona ko yihagije (kubera ibyo atunze).

Aya: 8

إِنَّ إِلَىٰ رَبِّكَ ٱلرُّجۡعَىٰٓ

Mu by’ukuri (umenye ko) kwa Nyagasani wawe ari ho garukiro.

Aya: 9

أَرَءَيۡتَ ٱلَّذِي يَنۡهَىٰ

Ese (yewe Muhamadi) wabonye wa wundi (Abu Jahl) ubuza

Aya: 10

عَبۡدًا إِذَا صَلَّىٰٓ

Umugaragu (wacu Muhamadi) kugaragira?

Aya: 11

أَرَءَيۡتَ إِن كَانَ عَلَى ٱلۡهُدَىٰٓ

Ese (yabuza ate umugaragu wacu) aramutse ari mu nzira y’ukuri,

Aya: 12

أَوۡ أَمَرَ بِٱلتَّقۡوَىٰٓ

Cyangwa ari gukangurira (abantu) kugandukira Allah (mbwira icyaba iherezo ry’umubuza)?

Aya: 13

أَرَءَيۡتَ إِن كَذَّبَ وَتَوَلَّىٰٓ

Ngaho mbwira (Abu Jahl) aramutse ahinyura (ukuri) akanatera umugongo,

Aya: 14

أَلَمۡ يَعۡلَم بِأَنَّ ٱللَّهَ يَرَىٰ

Ese ntabwo azi ko Allah abona (ibyo akora)?

Aya: 15

كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ

Oya! Natarekera aho, tuzamufata uruhanga rwe turukururire mu muriro,

Aya: 16

نَاصِيَةٖ كَٰذِبَةٍ خَاطِئَةٖ

Uruhanga rubeshya, rw’urunyabyaha.

Aya: 17

فَلۡيَدۡعُ نَادِيَهُۥ

Ngaho nahamagare abambari be,

Aya: 18

سَنَدۡعُ ٱلزَّبَانِيَةَ

Natwe tuzahamagara abamalayika bacu barinda umuriro (kugira ngo bamukanire urumukwiye).

Aya: 19

كَلَّا لَا تُطِعۡهُ وَٱسۡجُدۡۤ وَٱقۡتَرِب۩

Oya! (Yewe Muhamadi), ntukamwumvire (Abu Jahali), ahubwo ujye wubama (usali) uniyegereze Allah