Fassarar Ma'anonin Alqura'ni - Fassara Kurdanci - Salahuddin * - Teburin Bayani kan wasu Fassarori
وَلَئِن مُّتُّمۡ أَوۡ قُتِلۡتُمۡ لَإِلَى ٱللَّهِ تُحۡشَرُونَ
[ وَلَئِنْ مُتُّمْ أَوْ قُتِلْتُمْ ] وه ئه‌گه‌ر بمرن یان بكوژرێن له پێناو خوای گه‌وره به‌هه‌ر شێوازێك بێت [ لَإِلَى اللَّهِ تُحْشَرُونَ (١٥٨) ] ئه‌وا حه‌شر ئه‌كرێن و كۆ ئه‌كرێنه‌وه له‌لای خوای گه‌وره‌و به كه‌سوكارتان شاد ئه‌بنه‌وه‌و یه‌كتری ئه‌بیننه‌وه.
Tafsiran larabci:
فَبِمَا رَحۡمَةٖ مِّنَ ٱللَّهِ لِنتَ لَهُمۡۖ وَلَوۡ كُنتَ فَظًّا غَلِيظَ ٱلۡقَلۡبِ لَٱنفَضُّواْ مِنۡ حَوۡلِكَۖ فَٱعۡفُ عَنۡهُمۡ وَٱسۡتَغۡفِرۡ لَهُمۡ وَشَاوِرۡهُمۡ فِي ٱلۡأَمۡرِۖ فَإِذَا عَزَمۡتَ فَتَوَكَّلۡ عَلَى ٱللَّهِۚ إِنَّ ٱللَّهَ يُحِبُّ ٱلۡمُتَوَكِّلِينَ
{ نەرمونیانی پێغەمبەری خوا - صلی الله علیه وسلم - } [ فَبِمَا رَحْمَةٍ مِنَ اللَّهِ لِنْتَ لَهُمْ ] ئه‌ی محمد - صلی الله علیه وسلم - به‌هۆی ڕه‌حمه‌تی خوای گه‌وره‌وه به‌سه‌ر تۆوه تۆ ئاوا نه‌رم و نیان بووی له‌گه‌ڵ ئه‌وانه‌ی ده‌وروبه‌رت [ وَلَوْ كُنْتَ فَظًّا غَلِيظَ الْقَلْبِ ] وه ئه‌گه‌ر تۆ كه‌سێكی قسه‌خراپ و ڕه‌وشت خراپ و ڕه‌ق و ووشك و دڵڕه‌ق بوویتایه [ لَانْفَضُّوا مِنْ حَوْلِكَ ] ئه‌وا له ده‌ورت دوور ئه‌كه‌وتنه‌وه [ فَاعْفُ عَنْهُمْ ] بۆیه له مافی خۆتدا كه‌مته‌رخه‌میان كرد تۆ لێیان ببوره [ وَاسْتَغْفِرْ لَهُمْ ] وه له مافی خوای گه‌وره بوو داوای لێخۆشبوونیان بۆ بكه [ وَشَاوِرْهُمْ فِي الْأَمْرِ ] وه له كاروباردا ڕاوێژیان پێ بكه [ فَإِذَا عَزَمْتَ فَتَوَكَّلْ عَلَى اللَّهِ ] وه ئه‌گه‌ر بۆ هه‌ر كارێكیش دوای ئه‌وه‌ی ڕاوێژت پێیان كرد ویستت بیكه‌یت و عه‌زیمه‌تت هه‌بوو ئه‌وا پشت به خوای گه‌وره ببه‌سته له ئه‌نجامدانی [ إِنَّ اللَّهَ يُحِبُّ الْمُتَوَكِّلِينَ (١٥٩) ] به‌دڵنیایى خوای گه‌وره ئه‌و كه‌سانه‌ی خۆش ئه‌وێ كه پشت به خواى گه‌وره ده‌به‌ستن و كاره‌كانیانى پێ ده‌سپێرن .
Tafsiran larabci:
إِن يَنصُرۡكُمُ ٱللَّهُ فَلَا غَالِبَ لَكُمۡۖ وَإِن يَخۡذُلۡكُمۡ فَمَن ذَا ٱلَّذِي يَنصُرُكُم مِّنۢ بَعۡدِهِۦۗ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ
[ إِنْ يَنْصُرْكُمُ اللَّهُ فَلَا غَالِبَ لَكُمْ ] ئه‌گه‌ر خوای گه‌وره سه‌رتانبخات كه‌س نیه به‌سه‌رتاندا زاڵ بێت [ وَإِنْ يَخْذُلْكُمْ ] وه ئه‌گه‌ر خوای گه‌وره سه‌رتان نه‌خات و یارمه‌تیتان نه‌دات به‌سه‌ر دوژمنتاندا [ فَمَنْ ذَا الَّذِي يَنْصُرُكُمْ مِنْ بَعْدِهِ ] له پاش خوای گه‌وره كێ هه‌یه ئێوه سه‌رخات؟ واته: كه‌س نیه ته‌نها سه‌رخه‌ر خوای گه‌وره‌یه [ وَعَلَى اللَّهِ فَلْيَتَوَكَّلِ الْمُؤْمِنُونَ (١٦٠) ] با باوه‌ڕداران ته‌وه‌كول بكه‌نه سه‌ر خوای گه‌وره‌و پشت به خوای گه‌وره ببه‌ستن و كاره‌كانیان به‌خوای گه‌وره بسپێرن .
Tafsiran larabci:
وَمَا كَانَ لِنَبِيٍّ أَن يَغُلَّۚ وَمَن يَغۡلُلۡ يَأۡتِ بِمَا غَلَّ يَوۡمَ ٱلۡقِيَٰمَةِۚ ثُمَّ تُوَفَّىٰ كُلُّ نَفۡسٖ مَّا كَسَبَتۡ وَهُمۡ لَا يُظۡلَمُونَ
[ وَمَا كَانَ لِنَبِيٍّ أَنْ يَغُلَّ ] بۆ هیچ پێغه‌مبه‌رێك نیه له پێغه‌مبه‌ران كه غلول بكات واته: له غه‌نیمه‌ت بدزێ (ابن عباس) ئه‌فه‌رمووێ: پارچه قوماشێك له غه‌نیمه‌كانی به‌در دیار نه‌ما یه‌كێك له دووڕووه‌كان وتوویه‌تی: له‌وانه‌یه پێغه‌مبه‌ری خوا - صلی الله علیه وسلم - بردبێتی خوای گه‌وره ئه‌م ئایه‌ته‌ی دابه‌زاند: بۆ هیچ پێغه‌مبه‌رێك نیه كه له غه‌نیمه‌ت بدزێ ئیشی ئه‌وان نیه پێغه‌مبه‌ران له‌وه پاكترن و خیانه‌ت ناكه‌ن، وه به (يُغَلَّ) ده‌خوێنرێته‌وه، واته: نابێت دزى و ناپاكى له پێغه‌مبه‌ران بكرێت و تۆمه‌تبار بكرێن [ وَمَنْ يَغْلُلْ يَأْتِ بِمَا غَلَّ يَوْمَ الْقِيَامَةِ ] وه ئه‌گه‌ر كه‌سێكیش شتی وا بكات ئه‌وا له ڕۆژی قیامه‌تدا ئه‌وه‌ی كه دزیویه‌تی ئه‌یهێنێ واته: تاوانه و خوای گه‌وره لێی ئه‌پرسێته‌وه له‌و خیانه‌ته‌ی كردۆتی، (وه دیارى وه‌رگرتن له خه‌ڵكى له‌لایه‌ن فه‌رمانبه‌رانى ده‌وڵه‌ته‌وه جۆرێكه له دزى) [ ثُمَّ تُوَفَّى كُلُّ نَفْسٍ مَا كَسَبَتْ ] پاشان هه‌موو كه‌سێك ئه‌وه‌ی كه به‌ده‌ستی هێناوه له چاك و خراپ ئه‌جرو پاداشتی خۆی یان سزای خۆی به‌ته‌واوی وه‌رئه‌گرێ [ وَهُمْ لَا يُظْلَمُونَ (١٦١) ] وه هیچ كه‌سێ زوڵم و سته‌می لێ ناكرێ .
Tafsiran larabci:
أَفَمَنِ ٱتَّبَعَ رِضۡوَٰنَ ٱللَّهِ كَمَنۢ بَآءَ بِسَخَطٖ مِّنَ ٱللَّهِ وَمَأۡوَىٰهُ جَهَنَّمُۖ وَبِئۡسَ ٱلۡمَصِيرُ
[ أَفَمَنِ اتَّبَعَ رِضْوَانَ اللَّهِ ] ئایا كه‌سێك شوێن ڕه‌زامه‌ندی خوای گه‌وره كه‌وتبێ وه‌كو پێغه‌مبه‌رانی خوا [ كَمَنْ بَاءَ بِسَخَطٍ مِنَ اللَّهِ وَمَأْوَاهُ جَهَنَّمُ وَبِئْسَ الْمَصِيرُ (١٦٢) ] وه‌ك كه‌سێك وایه كه خوای گه‌وره‌ى له خۆى تووڕه كردبێت (مه‌به‌ست كافران و بێباوه‌ڕانه) كه شوێنیان ئاگرى دۆزه‌خه كه خراپترین سه‌ره‌نجامه .
Tafsiran larabci:
هُمۡ دَرَجَٰتٌ عِندَ ٱللَّهِۗ وَٱللَّهُ بَصِيرُۢ بِمَا يَعۡمَلُونَ
[ هُمْ دَرَجَاتٌ عِنْدَ اللَّهِ ] ئه‌مه چه‌ند پله‌یه‌كی لێك جیاوازن ئه‌وه‌ی شوێن ڕه‌زامه‌ندی خوا كه‌وتووه جیاوازه له‌وه‌ی كه به‌تووڕه‌بوونی خوای گه‌وره‌وه گه‌ڕاوه‌ته‌وه به‌هۆی تاوانه‌وه [ وَاللَّهُ بَصِيرٌ بِمَا يَعْمَلُونَ (١٦٣) ] وه خوای گه‌وره بینه‌ره به‌هه‌موو كرده‌وه‌یه‌ك كه ئێوه ئه‌یكه‌ن خوای گه‌وره هه‌مووی ئه‌بینێ .
Tafsiran larabci:
لَقَدۡ مَنَّ ٱللَّهُ عَلَى ٱلۡمُؤۡمِنِينَ إِذۡ بَعَثَ فِيهِمۡ رَسُولٗا مِّنۡ أَنفُسِهِمۡ يَتۡلُواْ عَلَيۡهِمۡ ءَايَٰتِهِۦ وَيُزَكِّيهِمۡ وَيُعَلِّمُهُمُ ٱلۡكِتَٰبَ وَٱلۡحِكۡمَةَ وَإِن كَانُواْ مِن قَبۡلُ لَفِي ضَلَٰلٖ مُّبِينٍ
[ لَقَدْ مَنَّ اللَّهُ عَلَى الْمُؤْمِنِينَ إِذْ بَعَثَ فِيهِمْ رَسُولًا مِنْ أَنْفُسِهِمْ ] به‌دڵنیایى خوای گه‌وره نیعمه‌تی خۆی ڕژاند به‌سه‌ر باوه‌ڕداراندا كاتێك كه پێغه‌مبه‌رێكی بۆیان نارد له نه‌فسی خۆیان له جنسی خۆیان ئه‌ویش وه‌كو ئه‌وان مرۆڤ بوو [ يَتْلُو عَلَيْهِمْ آيَاتِهِ ] كه ئایه‌ته‌كانی خوای گه‌وره‌یان به‌سه‌ردا ئه‌خوێنێته‌وه ئه‌وان كه نه‌خوێنده‌وار بوون [ وَيُزَكِّيهِمْ ] وه پاكیان ئه‌كاته‌وه له كوفرو شیرك و تاوان [ وَيُعَلِّمُهُمُ الْكِتَابَ وَالْحِكْمَةَ ] وه فێری قورئان و سوننه‌تیان ئه‌كات، حیكمه‌ت، واته: سوننه‌ت [ وَإِنْ كَانُوا مِنْ قَبْلُ لَفِي ضَلَالٍ مُبِينٍ (١٦٤) ] هه‌ر چه‌نده ئه‌مانه پێش هاتنی پێغه‌مبه‌ری خوا - صلی الله علیه وسلم - له گومڕاییه‌كی زۆر ئاشكرادا بوون.
Tafsiran larabci:
أَوَلَمَّآ أَصَٰبَتۡكُم مُّصِيبَةٞ قَدۡ أَصَبۡتُم مِّثۡلَيۡهَا قُلۡتُمۡ أَنَّىٰ هَٰذَاۖ قُلۡ هُوَ مِنۡ عِندِ أَنفُسِكُمۡۗ إِنَّ ٱللَّهَ عَلَىٰ كُلِّ شَيۡءٖ قَدِيرٞ
{چەند دیمەنێكی تر لە غەزای ئوحود} [ أَوَلَمَّا أَصَابَتْكُمْ مُصِيبَةٌ قَدْ أَصَبْتُمْ مِثْلَيْهَا ] كاتێك كه ئێوه تووشی به‌ڵاو موسیبه‌تێك بوون له جه‌نگی ئوحود دا كه حه‌فتا له موسڵمان كوژرا به‌ڵام له به‌دردا حه‌فتا له كافران كوژراو حه‌فتاشیان لێ به‌دیل گیرا دوو ئه‌وه‌نده‌تان ده‌ست كه‌وت [ قُلْتُمْ أَنَّى هَذَا ] كه له ئوحود دا تێكشكان وتتان: بۆچی ئێمه تووشی تێكشكان و كوشتن بووین له كاتێكدا له پێناو خوای گه‌وره‌دا ئه‌جه‌نگین وه پێغه‌مبه‌ری خوامان - صلی الله علیه وسلم - له‌گه‌ڵدایه [ قُلْ هُوَ مِنْ عِنْدِ أَنْفُسِكُمْ ] ئه‌ی محمد - صلی الله علیه وسلم - پێیان بفه‌رمه: ئه‌م تێكشكانه به هۆى خۆتانه‌وه بوو له‌به‌ر ئه‌وه‌ی تیر هاوێژه‌كان سه‌رپێچی فه‌رمانی پێغه‌مبه‌ری خوایان كرد - صلی الله علیه وسلم - وه جێگای خۆیان به‌جێ هێشت (ئه‌مه هاوه‌ڵان كه خۆشه‌ویستى پێغه‌مبه‌ری خوا - صلی الله علیه وسلم - بوون یه‌ك سه‌رپێچیان كرد خواى گه‌وره سزاى دان، ئه‌ى ئێمه‌ى موسڵمان له‌م رۆژگاره‌دا هه‌زاره‌ها تاوان و سه‌رپێچى ده‌كه‌ین و چاوه‌ڕوانى سه‌ركه‌وتنین چۆن خواى گه‌وره سه‌رمان ده‌خات و سزامان نادات؟!) [ إِنَّ اللَّهَ عَلَى كُلِّ شَيْءٍ قَدِيرٌ (١٦٥) ] به دڵنیایى خوای گه‌وره تواناو ده‌سه‌ڵاتی به‌سه‌ر هه‌موو شتێكدا هه‌یه.
Tafsiran larabci:
Fassarar Ma'anonin Alqura'ni - Fassara Kurdanci - Salahuddin - Teburin Bayani kan wasu Fassarori
wanda Salahuddin Abdulakarim ya fassara.