Fassarar Ma'anoni Sura Suratu Al'alaq - الترجمة البشتوية - رواد - Kundin Alqurani Mai girma

العلق

Aya: 1

اِقْرَاْ بِاسْمِ رَبِّكَ الَّذِیْ خَلَقَ ۟ۚ

ولوله د خپل هغه پالونکي پر نوم چې پيدا يې کړ.

Aya: 2

خَلَقَ الْاِنْسَانَ مِنْ عَلَقٍ ۟ۚ

انسان يې د وينې له ټوټې پيداکړ.

Aya: 3

اِقْرَاْ وَرَبُّكَ الْاَكْرَمُ ۟ۙ

ولوله! او ستا پالونکی ډېر مهربانه دی.

Aya: 4

الَّذِیْ عَلَّمَ بِالْقَلَمِ ۟ۙ

هغه چې پر قلم يې ښوونه ورکړه.

Aya: 5

عَلَّمَ الْاِنْسَانَ مَا لَمْ یَعْلَمْ ۟ؕ

انسان يې پر هغه څه پوه کړ چې نه پرې پوهېدلو.

Aya: 6

كَلَّاۤ اِنَّ الْاِنْسَانَ لَیَطْغٰۤی ۟ۙ

نه داسې نه ده، انسان هرومرو سرکښي کوي.

Aya: 7

اَنْ رَّاٰهُ اسْتَغْنٰی ۟ؕ

کله چې ځان مالدار وویني.

Aya: 8

اِنَّ اِلٰی رَبِّكَ الرُّجْعٰی ۟ؕ

بېشکه ستا د پالونکي لوري ته ورګرځېدل دي.

Aya: 9

اَرَءَیْتَ الَّذِیْ یَنْهٰی ۟ۙ

آيا هغه څوک دې ليدلی چې ايساروي.

Aya: 10

عَبْدًا اِذَا صَلّٰی ۟ؕ

بنده لره کله لمونځ کوي.

Aya: 11

اَرَءَیْتَ اِنْ كَانَ عَلَی الْهُدٰۤی ۟ۙ

آيا ته يې وينې که هغه پر سمه لار وي.

Aya: 12

اَوْ اَمَرَ بِالتَّقْوٰی ۟ؕ

آو يا پر ځان ساتنه (تقوا) امر کوي.

Aya: 13

اَرَءَیْتَ اِنْ كَذَّبَ وَتَوَلّٰی ۟ؕ

آيا پام دې دی که هغه سړی درواغ ګني يا مخ اړوي.

Aya: 14

اَلَمْ یَعْلَمْ بِاَنَّ اللّٰهَ یَرٰی ۟ؕ

آيا هغه نه پوهيږي چې الله هرڅه ويني.

Aya: 15

كَلَّا لَىِٕنْ لَّمْ یَنْتَهِ ۙ۬— لَنَسْفَعًا بِالنَّاصِیَةِ ۟ۙ

هيڅکله نه، داسې نه ده، که هغه ترې ايسار نه شو، موږ به يې هرومرو د تندي له وېښتانو را ونيسو.

Aya: 16

نَاصِیَةٍ كَاذِبَةٍ خَاطِئَةٍ ۟ۚ

له درواغجن خطا کار تندي څخه.

Aya: 17

فَلْیَدْعُ نَادِیَهٗ ۟ۙ

بيا دې خپل مجلسي ياران راوبولي.

Aya: 18

سَنَدْعُ الزَّبَانِیَةَ ۟ۙ

زر ده چې موږ به هم د عذاب پرېښتې را وغواړو.

Aya: 19

كَلَّا ؕ— لَا تُطِعْهُ وَاسْجُدْ وَاقْتَرِبْ ۟

نه؛ داسې نه ده د هغه خبره مه منه، (اوخپل الله ته) سجده کوه، ور نېږدې شه.