Fassarar Ma'anoni Aya 128 Sura Al'nisaa - Fassara da harshan Uzbakiyanci na Taƙaitaccen Tafsirin AlƘur'ani mai girma. - Kundin Alqurani Mai girma

Aya: 128

وَإِنِ ٱمۡرَأَةٌ خَافَتۡ مِنۢ بَعۡلِهَا نُشُوزًا أَوۡ إِعۡرَاضٗا فَلَا جُنَاحَ عَلَيۡهِمَآ أَن يُصۡلِحَا بَيۡنَهُمَا صُلۡحٗاۚ وَٱلصُّلۡحُ خَيۡرٞۗ وَأُحۡضِرَتِ ٱلۡأَنفُسُ ٱلشُّحَّۚ وَإِن تُحۡسِنُواْ وَتَتَّقُواْ فَإِنَّ ٱللَّهَ كَانَ بِمَا تَعۡمَلُونَ خَبِيرٗا

Агар бир аёл эри кўнгилсиз бўлиб, уни ёмон кўриб қолишидан қўрқса, ҳар иккиси ўзаро сарф-харажат ва бирга тунаш каби айрим ҳуқуқларидан воз кечиш орқали бирон сулҳга келишларида гуноҳ йўқ. Талоқдан кўра сулҳ яхшироқдир. Нафс худбинликка, бахилликка мойил бўлиб, ўз ҳаққидан кечишга ҳеч рози бўлмайди. Шунинг учун эр-хотин уни тарбиялаб-даволаб, бағрикенглик ва олийжанобликка ўргатишлари лозим. Агар ҳамма ишларингизни шариат асосида пухта бажарсангиз ҳамда Аллоҳдан буйруқларини бажариш ва тақиқларидан тийилиш билан тақво қилсангиз, Аллоҳ қилаётган ҳамма ишларингиздан хабардор бўлиб турибди. Бирон нарса У Зотдан яширин қолмайди ва яқинда сизларни қилган амалларингизга яраша мукофотлайди.

daga cikin fa'idodin Ayoyin wannan shafi:

• استحباب المصالحة بين الزوجين عند المنازعة، وتغليب المصلحة بالتنازل عن بعض الحقوق إدامة لعقد الزوجية.

Келишмовчилик чиққан пайтда эр-хотин орасини ислоҳ қилиш мустаҳабдир, маъқул ва мақбул бир ишдир. Айрим ҳақ-ҳуқуқлардан воз кечиб бўлса ҳам эр-хотинлик ҳаётининг давомийлигини сақлаб қолиш ажрашиб кетишдан кўра яхшироқдир.

• أوجب الله تعالى العدل بين الزوجات خاصة في الأمور المادية التي هي في مقدور الأزواج، وتسامح الشرع حين يتعذر العدل في الأمور المعنوية، كالحب والميل القلبي.

Аллоҳ таоло эрнинг қўлидан келадиган ишлар борасида унга хотинлари ўртасида адолатли бўлишни вожиб қилди. Муҳаббат ва кўнгил қўйиш каби маънавий ишларда эса адолат қила олиш имкони бўлмагани учун шариат кенглик берди.

• لا حرج على الزوجين في الفراق إذا تعذرت العِشْرة بينهما.

Эр-хотин бирга яшашининг ҳеч қандай иложи қолмаса, яхшилик билан ажрашсалар бўлаверади.

• الوصية الجامعة للخلق جميعًا أولهم وآخرهم هي الأمر بتقوى الله تعالى بامتثال الأوامر واجتناب النواهي.

Аввалгию охирги ҳамма халққа бирдек берилган фармон Аллоҳдан тақво қилиб, буйруқларини бажариш ва тақиқларидан тийилишдир.