Fassarar Ma'anoni Sura Suratu Al'dariq - Fassara da Yarabanci - Kundin Alqurani Mai girma

Suuratut-Taariq

Aya: 1

وَٱلسَّمَآءِ وَٱلطَّارِقِ

(Allāhu) fi sánmọ̀ àti Tọ̄riƙ búra.

Aya: 2

وَمَآ أَدۡرَىٰكَ مَا ٱلطَّارِقُ

Kí sì ni ó mú ọ mọ ohun tó ń jẹ́ Tọ̄riƙ?

Aya: 3

ٱلنَّجۡمُ ٱلثَّاقِبُ

Ìràwọ̀ tí ìmọ́lẹ̀ rẹ̀ ń tàn ròrò (ní alẹ́ ni).

Aya: 4

إِن كُلُّ نَفۡسٖ لَّمَّا عَلَيۡهَا حَافِظٞ

Kò sí ẹ̀mí kan àfi kí ẹ̀ṣọ́ kan wà fún un (nínú àwọn mọlāika).

Aya: 5

فَلۡيَنظُرِ ٱلۡإِنسَٰنُ مِمَّ خُلِقَ

Nítorí náà, kí ènìyàn wòye sí ohun tí A fi ṣẹ̀dá rẹ̀.

Aya: 6

خُلِقَ مِن مَّآءٖ دَافِقٖ

Wọ́n ṣẹ̀dá rẹ̀ láti inú omi tó ń tú jáde kọ̀ọ́kọ̀ọ́.

Aya: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Ó ń jáde láti ààrin ìbàdí ọkùnrin àti àwọn ẹfọ́nhà igbá-àyà obìnrin.

Aya: 8

إِنَّهُۥ عَلَىٰ رَجۡعِهِۦ لَقَادِرٞ

Dájúdájú Allāhu ni Alágbára lóri ìdápadà rẹ̀

Aya: 9

يَوۡمَ تُبۡلَى ٱلسَّرَآئِرُ

ní ọjọ́ tí wọ́n máa ṣe àyẹ̀wò àwọn (iṣẹ́) àṣepamọ́.

Aya: 10

فَمَا لَهُۥ مِن قُوَّةٖ وَلَا نَاصِرٖ

Nígbà náà, kò níí sí agbára tàbí alárànṣe kan fún un.

Aya: 11

وَٱلسَّمَآءِ ذَاتِ ٱلرَّجۡعِ

Allāhu fi sánmọ̀ tó ń rọ òjò ní ọdọọdún búra.

Aya: 12

وَٱلۡأَرۡضِ ذَاتِ ٱلصَّدۡعِ

Ó tún fi ilẹ̀ tó ń sán kànkàn (fún híhùjáde èso) búra.

Aya: 13

إِنَّهُۥ لَقَوۡلٞ فَصۡلٞ

Dájúdájú al-Ƙur’ān ni ọ̀rọ̀-ìpínyà (láààrin òdodo àti irọ́).

Aya: 14

وَمَا هُوَ بِٱلۡهَزۡلِ

Kì í sì ṣe àwàdà.

Aya: 15

إِنَّهُمۡ يَكِيدُونَ كَيۡدٗا

Dájúdájú wọ́n ń déte gan-an.

Aya: 16

وَأَكِيدُ كَيۡدٗا

Èmi náà sì ń déte gan-an.¹

1. Ẹ wo ìtọsẹ̀-ọ̀rọ̀ fún sūrah al-Baƙọrah; 2:15.

Aya: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Nítorí náà, lọ́ra fún àwọn aláìgbàgbọ́. Lọ́ wọn lára sẹ́ fún ìgbà díẹ̀.