ߞߘߐ ߟߎ߬ ߘߟߊߡߌ߬ߘߊ߬ߟߌ ߝߐߘߊ ߘߏ߫ ߦߋߟߋ߲ - ߝߟߌߔ߲߫ ߘߟߊߡߌߘߊ (ߡߊ߬ߖߌߣߖߊ߯ߝߐ) - ߙߎ߬ߥߊ߯ߘߎ-ߕߊ߬ߙߑߖߡߊ ߝߊ߲ߓߊ ߓߟߏ߫ - ߞߎ߬ߙߣߊ߬ ߞߟߊߒߞߋ ߔߘߋߞߎ

An-Noor

ߟߝߊߙߌ ߘߏ߫: 1

سُورَةٌ أَنزَلۡنَٰهَا وَفَرَضۡنَٰهَا وَأَنزَلۡنَا فِيهَآ ءَايَٰتِۭ بَيِّنَٰتٖ لَّعَلَّكُمۡ تَذَكَّرُونَ

Initulun nami i nya a surah, endu ini-fardu nami, endu intulun nami sya ba i manga ayatan a manga mapayag, ka malemu sa lekanu i ma-indaw kanu.

ߟߝߊߙߌ ߘߏ߫: 2

ٱلزَّانِيَةُ وَٱلزَّانِي فَٱجۡلِدُواْ كُلَّ وَٰحِدٖ مِّنۡهُمَا مِاْئَةَ جَلۡدَةٖۖ وَلَا تَأۡخُذۡكُم بِهِمَا رَأۡفَةٞ فِي دِينِ ٱللَّهِ إِن كُنتُمۡ تُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِۖ وَلۡيَشۡهَدۡ عَذَابَهُمَا طَآئِفَةٞ مِّنَ ٱلۡمُؤۡمِنِينَ

Su babay endu mama a midzina na betay nu i umani-isa sa magatus a lebpad, da kanu lumasam kanu agama nu Allah (sa dinu ikukum) amayka bangimbenal kanu sa Allah endu gay a mawli, endu pedsaksiyan su kabetay kanilan kanu lumpun kanu manga mu'min.

ߟߝߊߙߌ ߘߏ߫: 3

ٱلزَّانِي لَا يَنكِحُ إِلَّا زَانِيَةً أَوۡ مُشۡرِكَةٗ وَٱلزَّانِيَةُ لَا يَنكِحُهَآ إِلَّا زَانٍ أَوۡ مُشۡرِكٞۚ وَحُرِّمَ ذَٰلِكَ عَلَى ٱلۡمُؤۡمِنِينَ

Su midzina a mama na ya ipagkaluma lun na babay a midzina bun atawa babay a mushrik, su babay a midzina na ya menem ipagkaluma lun na midzina a mama atawa mama a mushrik, ka haram kanu manga mu'min.

ߟߝߊߙߌ ߘߏ߫: 4

وَٱلَّذِينَ يَرۡمُونَ ٱلۡمُحۡصَنَٰتِ ثُمَّ لَمۡ يَأۡتُواْ بِأَرۡبَعَةِ شُهَدَآءَ فَٱجۡلِدُوهُمۡ ثَمَٰنِينَ جَلۡدَةٗ وَلَا تَقۡبَلُواْ لَهُمۡ شَهَٰدَةً أَبَدٗاۚ وَأُوْلَٰٓئِكَ هُمُ ٱلۡفَٰسِقُونَ

Su manga taw a pedsenditan (pedtetebuwan) nilan su manga babay a mapiya sa dala saksi nilan a pat kataw na betay nu silan sa walu pulu a betay (su pedtetebu) endu di nu tumalima i saksi nilan sa apiya ngin pan, ka silan na nakalyu kanu limu nu agama silan.

ߟߝߊߙߌ ߘߏ߫: 5

إِلَّا ٱلَّذِينَ تَابُواْ مِنۢ بَعۡدِ ذَٰلِكَ وَأَصۡلَحُواْ فَإِنَّ ٱللَّهَ غَفُورٞ رَّحِيمٞ

Ya tabiya na su midtawbat sa ulyan nantu endu nagumbaya silan, su Allah na bangampun a malimu.

ߟߝߊߙߌ ߘߏ߫: 6

وَٱلَّذِينَ يَرۡمُونَ أَزۡوَٰجَهُمۡ وَلَمۡ يَكُن لَّهُمۡ شُهَدَآءُ إِلَّآ أَنفُسُهُمۡ فَشَهَٰدَةُ أَحَدِهِمۡ أَرۡبَعُ شَهَٰدَٰتِۭ بِٱللَّهِ إِنَّهُۥ لَمِنَ ٱلصَّٰدِقِينَ

Su manga taw a pedsenditan nilan i kaluma nilan sa midzina a dala saksi nilan a lyu sa ginawa nilan na makadsapa su mama sa makapat a sapa nin sa Allah (kasangulan nu bangukum) sa benal sekanin kanu pedtalu nin.

ߟߝߊߙߌ ߘߏ߫: 7

وَٱلۡخَٰمِسَةُ أَنَّ لَعۡنَتَ ٱللَّهِ عَلَيۡهِ إِن كَانَ مِنَ ٱلۡكَٰذِبِينَ

Ya ikalima a sapa nin (nadtalu nin) i nanget den sa lekanin su mulka nu Allah amayka pendalbut bu sekanin.

ߟߝߊߙߌ ߘߏ߫: 8

وَيَدۡرَؤُاْ عَنۡهَا ٱلۡعَذَابَ أَن تَشۡهَدَ أَرۡبَعَ شَهَٰدَٰتِۭ بِٱللَّهِ إِنَّهُۥ لَمِنَ ٱلۡكَٰذِبِينَ

Endu alawan nu babay su siksa sa lekanin (amayka di gabenalan) sa edsapa menem sekanin sa makapat, sa di kena benal endu malbut su kaluma nin.

ߟߝߊߙߌ ߘߏ߫: 9

وَٱلۡخَٰمِسَةَ أَنَّ غَضَبَ ٱللَّهِ عَلَيۡهَآ إِن كَانَ مِنَ ٱلصَّٰدِقِينَ

Endu ikalima a sapa nin (edtalun u babay) i nanget sa lekanin su lipunget u Allah amayka benal su kaluma nin.

ߟߝߊߙߌ ߘߏ߫: 10

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ وَأَنَّ ٱللَّهَ تَوَّابٌ حَكِيمٌ

U di kena bu su kalbihan nu Allah sa lekanu endu su limu nin (na tinyuba kanu) endu su Allah na banawbat, endu katawanin su binaluy nin.

ߟߝߊߙߌ ߘߏ߫: 11

إِنَّ ٱلَّذِينَ جَآءُو بِٱلۡإِفۡكِ عُصۡبَةٞ مِّنكُمۡۚ لَا تَحۡسَبُوهُ شَرّٗا لَّكُمۖ بَلۡ هُوَ خَيۡرٞ لَّكُمۡۚ لِكُلِّ ٱمۡرِيٕٖ مِّنۡهُم مَّا ٱكۡتَسَبَ مِنَ ٱلۡإِثۡمِۚ وَٱلَّذِي تَوَلَّىٰ كِبۡرَهُۥ مِنۡهُمۡ لَهُۥ عَذَابٌ عَظِيمٞ

Benal na su manga taw menem a tagapeda nu bun silan, sa kalbutan bu i bityala nilan, na dinu bagantapa i makagkayd sa lekanu, umani-isa na kadusan i nakwa nin (kanu ipedtetebu) endu su minukakal sa entuba a bityala (Abdullah bin Ubayya) na lekanin i siksa a masla.

ߟߝߊߙߌ ߘߏ߫: 12

لَّوۡلَآ إِذۡ سَمِعۡتُمُوهُ ظَنَّ ٱلۡمُؤۡمِنُونَ وَٱلۡمُؤۡمِنَٰتُ بِأَنفُسِهِمۡ خَيۡرٗا وَقَالُواْ هَٰذَآ إِفۡكٞ مُّبِينٞ

Entuba ka kinakineg u lun ka yabu initagu sa ginawa na babay-mama a mu'min i mapiya (di silan malityala) endu ya nilan pidtalu na: bityala inan a kalbutan a mapayag.

ߟߝߊߙߌ ߘߏ߫: 13

لَّوۡلَا جَآءُو عَلَيۡهِ بِأَرۡبَعَةِ شُهَدَآءَۚ فَإِذۡ لَمۡ يَأۡتُواْ بِٱلشُّهَدَآءِ فَأُوْلَٰٓئِكَ عِندَ ٱللَّهِ هُمُ ٱلۡكَٰذِبُونَ

Entuba ka pinambuwat ilan i pat kataw a manga saksi, na amayka di silan makapambuwat sa pat kataw a saksi, na silan lu sa Allah i manga taw a malebot.

ߟߝߊߙߌ ߘߏ߫: 14

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ فِي ٱلدُّنۡيَا وَٱلۡأٓخِرَةِ لَمَسَّكُمۡ فِي مَآ أَفَضۡتُمۡ فِيهِ عَذَابٌ عَظِيمٌ

U di kena bu su kalbihan nu Allah endu su limu nin sa lekanu sa dunya-akhirat na nasugat kanu den a siksa a masla (sa kanu bityala nu)

ߟߝߊߙߌ ߘߏ߫: 15

إِذۡ تَلَقَّوۡنَهُۥ بِأَلۡسِنَتِكُمۡ وَتَقُولُونَ بِأَفۡوَاهِكُم مَّا لَيۡسَ لَكُم بِهِۦ عِلۡمٞ وَتَحۡسَبُونَهُۥ هَيِّنٗا وَهُوَ عِندَ ٱللَّهِ عَظِيمٞ

Kagina banabeten nu i kalbutan, na pedtalu nu kanu manga ngali nu i dala sabutin lun (namba su kinadtetebu kanu Aisha a kaluma nu Rasulullah) endu ya nu kataw na malemu, na lu sa Allah na sangat i kasla nin.

ߟߝߊߙߌ ߘߏ߫: 16

وَلَوۡلَآ إِذۡ سَمِعۡتُمُوهُ قُلۡتُم مَّا يَكُونُ لَنَآ أَن نَّتَكَلَّمَ بِهَٰذَا سُبۡحَٰنَكَ هَٰذَا بُهۡتَٰنٌ عَظِيمٞ

Entuba ka kinakineg u lun ka ya nu pidtalu na di tanu embityalan inan, mahasuti su Allah, ka nan a bityala na kalbutan a sangat i kasla nin.

ߟߝߊߙߌ ߘߏ߫: 17

يَعِظُكُمُ ٱللَّهُ أَن تَعُودُواْ لِمِثۡلِهِۦٓ أَبَدًا إِن كُنتُم مُّؤۡمِنِينَ

Bangindawn kanu nu Allah sa di nu a benal kab-palumanan amayka benal kanu a manga mu'min.

ߟߝߊߙߌ ߘߏ߫: 18

وَيُبَيِّنُ ٱللَّهُ لَكُمُ ٱلۡأٓيَٰتِۚ وَٱللَّهُ عَلِيمٌ حَكِيمٌ

Endu ipebpayag u Allah sa lekanu su manga ayatanin, su Allah i mataw sa mapayag-masulen.

ߟߝߊߙߌ ߘߏ߫: 19

إِنَّ ٱلَّذِينَ يُحِبُّونَ أَن تَشِيعَ ٱلۡفَٰحِشَةُ فِي ٱلَّذِينَ ءَامَنُواْ لَهُمۡ عَذَابٌ أَلِيمٞ فِي ٱلدُّنۡيَا وَٱلۡأٓخِرَةِۚ وَٱللَّهُ يَعۡلَمُ وَأَنتُمۡ لَا تَعۡلَمُونَ

Su manga taw a myug sa makapayapat su maledsik a bityala kanu manga mu'min na kanilan i siksa a masakit sya sa dunya endu lu sa akhirat, su Allah i mataw kanu di nu katawan.

ߟߝߊߙߌ ߘߏ߫: 20

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ وَأَنَّ ٱللَّهَ رَءُوفٞ رَّحِيمٞ

U di kena bu su kalbihan nu Allah sa lekanu endu su limu nin (na tiyuban kanu) endu su Allah na malasam a malimu.

ߟߝߊߙߌ ߘߏ߫: 21

۞ يَٰٓأَيُّهَا ٱلَّذِينَ ءَامَنُواْ لَا تَتَّبِعُواْ خُطُوَٰتِ ٱلشَّيۡطَٰنِۚ وَمَن يَتَّبِعۡ خُطُوَٰتِ ٱلشَّيۡطَٰنِ فَإِنَّهُۥ يَأۡمُرُ بِٱلۡفَحۡشَآءِ وَٱلۡمُنكَرِۚ وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ مَا زَكَىٰ مِنكُم مِّنۡ أَحَدٍ أَبَدٗا وَلَٰكِنَّ ٱللَّهَ يُزَكِّي مَن يَشَآءُۗ وَٱللَّهُ سَمِيعٌ عَلِيمٞ

Sekanu a manga mu'min di nu pedtuntula su manga sangkad u manga Shaytan, su temuntul kanu manga sangkad u manga Shaytan na yanin ipedsugu na manga maledsik endu su ka-ungkir, u di kena bu su kalbihanu Allah sa lekanu endu su limu nin (na tyuban kanu den) na dala masuti sa lekanu apiya sakataw bu, ugayda su Allah ipedsuti kanu magkahanda nin endu pakakineg sekanin a mataw.

ߟߝߊߙߌ ߘߏ߫: 22

وَلَا يَأۡتَلِ أُوْلُواْ ٱلۡفَضۡلِ مِنكُمۡ وَٱلسَّعَةِ أَن يُؤۡتُوٓاْ أُوْلِي ٱلۡقُرۡبَىٰ وَٱلۡمَسَٰكِينَ وَٱلۡمُهَٰجِرِينَ فِي سَبِيلِ ٱللَّهِۖ وَلۡيَعۡفُواْ وَلۡيَصۡفَحُوٓاْۗ أَلَا تُحِبُّونَ أَن يَغۡفِرَ ٱللَّهُ لَكُمۡۚ وَٱللَّهُ غَفُورٞ رَّحِيمٌ

Endu di edsapa su aden tamukin endu su makalag i gatamananin sa dinin enggan i pagali nin, endu su manga miskinan endu su manga muhajireen sa lalan sa Allah, endu ampunen silan endu tigkelan silan, ngintu dinu kalilinyan i ampunen kanu nu Allah? Endu su Allah i bangampun a malimu.

ߟߝߊߙߌ ߘߏ߫: 23

إِنَّ ٱلَّذِينَ يَرۡمُونَ ٱلۡمُحۡصَنَٰتِ ٱلۡغَٰفِلَٰتِ ٱلۡمُؤۡمِنَٰتِ لُعِنُواْ فِي ٱلدُّنۡيَا وَٱلۡأٓخِرَةِ وَلَهُمۡ عَذَابٌ عَظِيمٞ

Su manga taw a edtebuan nilan su manga babay sa dala kiyug ilan sa kadsina a manga mu'min, na su pedtetebu na namulkan sa dunya akhirat, endu kanilan i siksa a masla.

ߟߝߊߙߌ ߘߏ߫: 24

يَوۡمَ تَشۡهَدُ عَلَيۡهِمۡ أَلۡسِنَتُهُمۡ وَأَيۡدِيهِمۡ وَأَرۡجُلُهُم بِمَا كَانُواْ يَعۡمَلُونَ

Su gay a edsaksyan nu manga dila nilan endu manga lima nilan silan, endu su manga ay nilan kanu penggalbeken ilan (sa dunya).

ߟߝߊߙߌ ߘߏ߫: 25

يَوۡمَئِذٖ يُوَفِّيهِمُ ٱللَّهُ دِينَهُمُ ٱلۡحَقَّ وَيَعۡلَمُونَ أَنَّ ٱللَّهَ هُوَ ٱلۡحَقُّ ٱلۡمُبِينُ

Entupan a balasan silan nu Allah kanu balas a makadayt kanilan, endu katawan ilan su Allah na benal a mapayag (su langun u kadtalu nin).

ߟߝߊߙߌ ߘߏ߫: 26

ٱلۡخَبِيثَٰتُ لِلۡخَبِيثِينَ وَٱلۡخَبِيثُونَ لِلۡخَبِيثَٰتِۖ وَٱلطَّيِّبَٰتُ لِلطَّيِّبِينَ وَٱلطَّيِّبُونَ لِلطَّيِّبَٰتِۚ أُوْلَٰٓئِكَ مُبَرَّءُونَ مِمَّا يَقُولُونَۖ لَهُم مَّغۡفِرَةٞ وَرِزۡقٞ كَرِيمٞ

Su babay a maledsik na kanu mama a maledsik, su manga mama a maledsik na kanu manga babay a maledsik, su mapiya a babay na kanu manga mapiya a manga mama, endu su manga mapiya a mama na kanu manga mapiya a manga babay, na lepas silan kanu manga pedtalu nilan (a pakabinasa), kanilan su ampun endu rizki a mapulu a mapiya.

ߟߝߊߙߌ ߘߏ߫: 27

يَٰٓأَيُّهَا ٱلَّذِينَ ءَامَنُواْ لَا تَدۡخُلُواْ بُيُوتًا غَيۡرَ بُيُوتِكُمۡ حَتَّىٰ تَسۡتَأۡنِسُواْ وَتُسَلِّمُواْ عَلَىٰٓ أَهۡلِهَاۚ ذَٰلِكُمۡ خَيۡرٞ لَّكُمۡ لَعَلَّكُمۡ تَذَكَّرُونَ

Sekanu a manga mu'min da kanu lemudep kanu manga walay a di kena nu manga walay, taman sa di kanu makapagetaw endu masalam nu su taw nin, ka entuba i makagkapiya sa lekanu, ka malemu sa lekanu i ma-indaw kanu.

ߟߝߊߙߌ ߘߏ߫: 28

فَإِن لَّمۡ تَجِدُواْ فِيهَآ أَحَدٗا فَلَا تَدۡخُلُوهَا حَتَّىٰ يُؤۡذَنَ لَكُمۡۖ وَإِن قِيلَ لَكُمُ ٱرۡجِعُواْ فَٱرۡجِعُواْۖ هُوَ أَزۡكَىٰ لَكُمۡۚ وَٱللَّهُ بِمَا تَعۡمَلُونَ عَلِيمٞ

Amayka dala taw nin su manga walay na da kanu lemudep, taman sa di kanu sugutan, amayka ya pidtalu i uli kanu na uli kanu, ka entu ba i makasuti sa lekanu, endu su Allah na katawanin i langun a penggalebekenu.

ߟߝߊߙߌ ߘߏ߫: 29

لَّيۡسَ عَلَيۡكُمۡ جُنَاحٌ أَن تَدۡخُلُواْ بُيُوتًا غَيۡرَ مَسۡكُونَةٖ فِيهَا مَتَٰعٞ لَّكُمۡۚ وَٱللَّهُ يَعۡلَمُ مَا تُبۡدُونَ وَمَا تَكۡتُمُونَ

Dala bun dusa nu sa kaludep u kanu walay a di kena pegkalebenan, sa luba natagu i manga kasangkapanu endu su Allah i mataw kanu ipebpayagu endu ibagenanu.

ߟߝߊߙߌ ߘߏ߫: 30

قُل لِّلۡمُؤۡمِنِينَ يَغُضُّواْ مِنۡ أَبۡصَٰرِهِمۡ وَيَحۡفَظُواْ فُرُوجَهُمۡۚ ذَٰلِكَ أَزۡكَىٰ لَهُمۡۚ إِنَّ ٱللَّهَ خَبِيرُۢ بِمَا يَصۡنَعُونَ

Edtalu ka (Muhammad) kanu manga mu'min a manga mama i piyampiyanan nilan i kadtulik endu tuldun nilan su manga sangulan nilan, ka namba i makasuti kanilan, su Allah na katawanin i langun a penggulan nilan.

ߟߝߊߙߌ ߘߏ߫: 31

وَقُل لِّلۡمُؤۡمِنَٰتِ يَغۡضُضۡنَ مِنۡ أَبۡصَٰرِهِنَّ وَيَحۡفَظۡنَ فُرُوجَهُنَّ وَلَا يُبۡدِينَ زِينَتَهُنَّ إِلَّا مَا ظَهَرَ مِنۡهَاۖ وَلۡيَضۡرِبۡنَ بِخُمُرِهِنَّ عَلَىٰ جُيُوبِهِنَّۖ وَلَا يُبۡدِينَ زِينَتَهُنَّ إِلَّا لِبُعُولَتِهِنَّ أَوۡ ءَابَآئِهِنَّ أَوۡ ءَابَآءِ بُعُولَتِهِنَّ أَوۡ أَبۡنَآئِهِنَّ أَوۡ أَبۡنَآءِ بُعُولَتِهِنَّ أَوۡ إِخۡوَٰنِهِنَّ أَوۡ بَنِيٓ إِخۡوَٰنِهِنَّ أَوۡ بَنِيٓ أَخَوَٰتِهِنَّ أَوۡ نِسَآئِهِنَّ أَوۡ مَا مَلَكَتۡ أَيۡمَٰنُهُنَّ أَوِ ٱلتَّٰبِعِينَ غَيۡرِ أُوْلِي ٱلۡإِرۡبَةِ مِنَ ٱلرِّجَالِ أَوِ ٱلطِّفۡلِ ٱلَّذِينَ لَمۡ يَظۡهَرُواْ عَلَىٰ عَوۡرَٰتِ ٱلنِّسَآءِۖ وَلَا يَضۡرِبۡنَ بِأَرۡجُلِهِنَّ لِيُعۡلَمَ مَا يُخۡفِينَ مِن زِينَتِهِنَّۚ وَتُوبُوٓاْ إِلَى ٱللَّهِ جَمِيعًا أَيُّهَ ٱلۡمُؤۡمِنُونَ لَعَلَّكُمۡ تُفۡلِحُونَ

Edtalu ka (Muhammad) kanu manga mu'min a manga babay i piyampiyanan nilan i kadtulik ilan, endu tyakapan nilan i manga sangulan nilan endu di nilan ipayag i pagigimuan nilan, ya tabiya na biyas endu duwa a lima, endu di nilan ipayag su manga imu nilan, ya tabiya na kaluma nilan atawa lukes nilan atawa manga lukes nu kaluma nilan atawa su manga wata nilan atawa ka manga wata nu kaluma nilan, atawa manga suled nilan, atawa manga wata nu suled nilan a manga mama, atawa wata nu suled nilan a manga babay, atawa ka silan a manga babay atawa su kamilikan nilan, atawa ka su manga wata a bagunut kanilan a dala pan kiyugin sa babay a manga mama, atawa ka su manga manot a manga wata a dala pan nadsulimanin kanu awrat nu manga babay, endu di silan embagel sa kasangkad ilan kanu manga ay nilan ka katawan su uni nu pagigimuan nilan (singkil) endu edtawbat kanu tanan sekanu a manga mu'min ka malemu-lemu sa lekanu i makauntung kanu sa dunya-akhirat.

ߟߝߊߙߌ ߘߏ߫: 32

وَأَنكِحُواْ ٱلۡأَيَٰمَىٰ مِنكُمۡ وَٱلصَّٰلِحِينَ مِنۡ عِبَادِكُمۡ وَإِمَآئِكُمۡۚ إِن يَكُونُواْ فُقَرَآءَ يُغۡنِهِمُ ٱللَّهُ مِن فَضۡلِهِۦۗ وَٱللَّهُ وَٰسِعٌ عَلِيمٞ

Pagkaluma nu su da kaluma nin sa lekanu, endu su manga salih kanu manga mama a pedsugun nu atawa manga babay, ka upama ka faqir silan na pagkakawasan bun u Allah kanu limu nin, endu su Allah na makalag i limu nin a mataw.

ߟߝߊߙߌ ߘߏ߫: 33

وَلۡيَسۡتَعۡفِفِ ٱلَّذِينَ لَا يَجِدُونَ نِكَاحًا حَتَّىٰ يُغۡنِيَهُمُ ٱللَّهُ مِن فَضۡلِهِۦۗ وَٱلَّذِينَ يَبۡتَغُونَ ٱلۡكِتَٰبَ مِمَّا مَلَكَتۡ أَيۡمَٰنُكُمۡ فَكَاتِبُوهُمۡ إِنۡ عَلِمۡتُمۡ فِيهِمۡ خَيۡرٗاۖ وَءَاتُوهُم مِّن مَّالِ ٱللَّهِ ٱلَّذِيٓ ءَاتَىٰكُمۡۚ وَلَا تُكۡرِهُواْ فَتَيَٰتِكُمۡ عَلَى ٱلۡبِغَآءِ إِنۡ أَرَدۡنَ تَحَصُّنٗا لِّتَبۡتَغُواْ عَرَضَ ٱلۡحَيَوٰةِ ٱلدُّنۡيَاۚ وَمَن يُكۡرِههُّنَّ فَإِنَّ ٱللَّهَ مِنۢ بَعۡدِ إِكۡرَٰهِهِنَّ غَفُورٞ رَّحِيمٞ

Endu tumigkel menem su taw a da pan ibangaluma nin, taman sa enggan bun silan nu Allah sa kalbihanin, endu su manga ulipen a bangeni silan kasulatan (sa makandaludaya silan) na suguti nu silan amayka aden natawan nu kanilan a kapiyanan, endu engginu silan kanu tamuk u Allah a inenggay nin sa lekanu, endu di nu pedtegela su manga ulipenu sa kadzina ka ya nilan kiyugan na di kadzina (suti silan) pegkiyug kanu sa kabimbanan sa kabpaguyag sa dunya? Su (taw) a pegesenin su ulipenin (sa kagkiyuga atawa papamayadan) na su Allah, sa ulyan na kinapeges lun, na ampunenin ikalimu nin (su babay a pineges).

ߟߝߊߙߌ ߘߏ߫: 34

وَلَقَدۡ أَنزَلۡنَآ إِلَيۡكُمۡ ءَايَٰتٖ مُّبَيِّنَٰتٖ وَمَثَلٗا مِّنَ ٱلَّذِينَ خَلَوۡاْ مِن قَبۡلِكُمۡ وَمَوۡعِظَةٗ لِّلۡمُتَّقِينَ

Saben-sabenal a initulun nami sa lekanu su manga ayat a mapayag, endu upaman kanu manga taw a nangaypus a nauna sa lekanu, endu indawan kanu manga taw a magilek sa Allah.

ߟߝߊߙߌ ߘߏ߫: 35

۞ ٱللَّهُ نُورُ ٱلسَّمَٰوَٰتِ وَٱلۡأَرۡضِۚ مَثَلُ نُورِهِۦ كَمِشۡكَوٰةٖ فِيهَا مِصۡبَاحٌۖ ٱلۡمِصۡبَاحُ فِي زُجَاجَةٍۖ ٱلزُّجَاجَةُ كَأَنَّهَا كَوۡكَبٞ دُرِّيّٞ يُوقَدُ مِن شَجَرَةٖ مُّبَٰرَكَةٖ زَيۡتُونَةٖ لَّا شَرۡقِيَّةٖ وَلَا غَرۡبِيَّةٖ يَكَادُ زَيۡتُهَا يُضِيٓءُ وَلَوۡ لَمۡ تَمۡسَسۡهُ نَارٞۚ نُّورٌ عَلَىٰ نُورٖۚ يَهۡدِي ٱللَّهُ لِنُورِهِۦ مَن يَشَآءُۚ وَيَضۡرِبُ ٱللَّهُ ٱلۡأَمۡثَٰلَ لِلنَّاسِۗ وَٱللَّهُ بِكُلِّ شَيۡءٍ عَلِيمٞ

Su Allah i papedsigay kanu pitu lapis a langit endu lupa, ya upama nu sigay nin na tungkup a nakadalem lun i palitan, su palitan na nakadalem lun su katya, su katya antu na mana bun bitun a pegkinggat a belalegan sa kayu a barakat (kayu a zaitun) sa di kena sebangan a di kena sedepan, nya sama kanu lalanin i makalayau sa apiya dapan makembil na apuy, ka sigay a nanget kanu sigay, itutulu nu Allah su sigay nin kanu magkahanda nin, endu ibagenggay nu Allah su manga upaman kanu manga taw, katawan nu Allah i langun a enggaga-isa.

ߟߝߊߙߌ ߘߏ߫: 36

فِي بُيُوتٍ أَذِنَ ٱللَّهُ أَن تُرۡفَعَ وَيُذۡكَرَ فِيهَا ٱسۡمُهُۥ يُسَبِّحُ لَهُۥ فِيهَا بِٱلۡغُدُوِّ وَٱلۡأٓصَالِ

Su manga masjid na inisugut u Allah i pakaslan endu pakapiyan i kambalay lun, belabitan sa ngala nin a pedsambayangan sa mapita-malulem-

ߟߝߊߙߌ ߘߏ߫: 37

رِجَالٞ لَّا تُلۡهِيهِمۡ تِجَٰرَةٞ وَلَا بَيۡعٌ عَن ذِكۡرِ ٱللَّهِ وَإِقَامِ ٱلصَّلَوٰةِ وَإِيتَآءِ ٱلزَّكَوٰةِ يَخَافُونَ يَوۡمٗا تَتَقَلَّبُ فِيهِ ٱلۡقُلُوبُ وَٱلۡأَبۡصَٰرُ

Nu manga mama a di silan gasimpangu kapendagang, endu kabpasay sa tadem sa Allah endu kadsambayang-kadzakat, kagilekan silan kanu gay a kumegkel su manga atay endu gapansi su manga kailay (mata).

ߟߝߊߙߌ ߘߏ߫: 38

لِيَجۡزِيَهُمُ ٱللَّهُ أَحۡسَنَ مَا عَمِلُواْ وَيَزِيدَهُم مِّن فَضۡلِهِۦۗ وَٱللَّهُ يَرۡزُقُ مَن يَشَآءُ بِغَيۡرِ حِسَابٖ

Endu kabalasan sila nu Allah sa mapiya pan kanu pinggalebeki lan, endu bagumananin silan kanu kalbihan, su Allah i perizki sa magkahanda nin sa di magkila-kila.

ߟߝߊߙߌ ߘߏ߫: 39

وَٱلَّذِينَ كَفَرُوٓاْ أَعۡمَٰلُهُمۡ كَسَرَابِۭ بِقِيعَةٖ يَحۡسَبُهُ ٱلظَّمۡـَٔانُ مَآءً حَتَّىٰٓ إِذَا جَآءَهُۥ لَمۡ يَجِدۡهُ شَيۡـٔٗا وَوَجَدَ ٱللَّهَ عِندَهُۥ فَوَفَّىٰهُ حِسَابَهُۥۗ وَٱللَّهُ سَرِيعُ ٱلۡحِسَابِ

Su manga kafir menem na su galebek ilan na mana ig a gasandeng sya sa malinawag, ga-antap u pakainum sa ig (i makainum) taman sa u nawmanin na dala besen ig in, endu ya nin naparuli na siksa sa lekanin lu sa Allah, ka nawna sa dunya i balasin, endu su Allah na mangagan i kukuman in.

ߟߝߊߙߌ ߘߏ߫: 40

أَوۡ كَظُلُمَٰتٖ فِي بَحۡرٖ لُّجِّيّٖ يَغۡشَىٰهُ مَوۡجٞ مِّن فَوۡقِهِۦ مَوۡجٞ مِّن فَوۡقِهِۦ سَحَابٞۚ ظُلُمَٰتُۢ بَعۡضُهَا فَوۡقَ بَعۡضٍ إِذَآ أَخۡرَجَ يَدَهُۥ لَمۡ يَكَدۡ يَرَىٰهَاۗ وَمَن لَّمۡ يَجۡعَلِ ٱللَّهُ لَهُۥ نُورٗا فَمَا لَهُۥ مِن نُّورٍ

Atawa ka mana su manga malibuteng sa lagat sa midtatalapis i bagel sa pulu nin, su bagel a kaduwa na lu sa pulu nin i dadtem a malibuteng a midtatalapis, u palyun nu bangilay su lima nin na di nin mailay sa kalibuténg in, su taw a dala den enggay nu Allah sa sigay na dala katuntulin sa lalan a matidtu.

ߟߝߊߙߌ ߘߏ߫: 41

أَلَمۡ تَرَ أَنَّ ٱللَّهَ يُسَبِّحُ لَهُۥ مَن فِي ٱلسَّمَٰوَٰتِ وَٱلۡأَرۡضِ وَٱلطَّيۡرُ صَٰٓفَّٰتٖۖ كُلّٞ قَدۡ عَلِمَ صَلَاتَهُۥ وَتَسۡبِيحَهُۥۗ وَٱللَّهُ عَلِيمُۢ بِمَا يَفۡعَلُونَ

Ngintu di nu katawan i pedtasbih sa Allah su dalem u manga langit endu su lupa endu su papanuk? Pembelatenin i papakin, umani-isa na natawan nu Allah i tasbih nin endu sambayangin, endu su Allah i mataw sa langun nu penggalebeken nilan.

ߟߝߊߙߌ ߘߏ߫: 42

وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِۖ وَإِلَى ٱللَّهِ ٱلۡمَصِيرُ

Endu kanu Allah su dalem u pitu lapis a langit endu lupa, endu lu bun sa Allah i kadsunudan.

ߟߝߊߙߌ ߘߏ߫: 43

أَلَمۡ تَرَ أَنَّ ٱللَّهَ يُزۡجِي سَحَابٗا ثُمَّ يُؤَلِّفُ بَيۡنَهُۥ ثُمَّ يَجۡعَلُهُۥ رُكَامٗا فَتَرَى ٱلۡوَدۡقَ يَخۡرُجُ مِنۡ خِلَٰلِهِۦ وَيُنَزِّلُ مِنَ ٱلسَّمَآءِ مِن جِبَالٖ فِيهَا مِنۢ بَرَدٖ فَيُصِيبُ بِهِۦ مَن يَشَآءُ وَيَصۡرِفُهُۥ عَن مَّن يَشَآءُۖ يَكَادُ سَنَا بَرۡقِهِۦ يَذۡهَبُ بِٱلۡأَبۡصَٰرِ

Ngintu di nu gailay i kapedseseng nu Allah kanu gabun? Mawli na pinadtimu nin, mawli na baluynin a migkakapal, na lu den ba su ulan a belyu kanu pamageletan, endu papedtulunen nin ebpun sa langit i manga watu a ilu atawa kilat, na masugat in su kahanda nu Allah endu makasibay (di masugat) kanu pigkahanda nin, paydu gayd kanu katinangin (su kilat) na maling den su kailay.

ߟߝߊߙߌ ߘߏ߫: 44

يُقَلِّبُ ٱللَّهُ ٱلَّيۡلَ وَٱلنَّهَارَۚ إِنَّ فِي ذَٰلِكَ لَعِبۡرَةٗ لِّأُوْلِي ٱلۡأَبۡصَٰرِ

Papegkelid-keliden nu Allah su magabi endu malamag, nakadalem lu ba su tanda a kapegkagaga nu Allah kanu manga taw a aden pusungin.

ߟߝߊߙߌ ߘߏ߫: 45

وَٱللَّهُ خَلَقَ كُلَّ دَآبَّةٖ مِّن مَّآءٖۖ فَمِنۡهُم مَّن يَمۡشِي عَلَىٰ بَطۡنِهِۦ وَمِنۡهُم مَّن يَمۡشِي عَلَىٰ رِجۡلَيۡنِ وَمِنۡهُم مَّن يَمۡشِي عَلَىٰٓ أَرۡبَعٖۚ يَخۡلُقُ ٱللَّهُ مَا يَشَآءُۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ

Su Allah i minaluy kanu langun nu malanap-lanap ebpun sa ig na kaped na ya nin ibelalakaw na tiyanin, aden bun yanin ibelalakaw na ay nin a duwa, endu aden bun belalakaw sa pat timan a ay nin, pembaluwin u Allah kanu langun u enggaga-isa na gagaga nin.

ߟߝߊߙߌ ߘߏ߫: 46

لَّقَدۡ أَنزَلۡنَآ ءَايَٰتٖ مُّبَيِّنَٰتٖۚ وَٱللَّهُ يَهۡدِي مَن يَشَآءُ إِلَىٰ صِرَٰطٖ مُّسۡتَقِيمٖ

Saben-sabenal a initulun nami su manga ayat a mapayag, endu su Allah i pedtutulu sa magkahanda nin sa lalan a matidtu.

ߟߝߊߙߌ ߘߏ߫: 47

وَيَقُولُونَ ءَامَنَّا بِٱللَّهِ وَبِٱلرَّسُولِ وَأَطَعۡنَا ثُمَّ يَتَوَلَّىٰ فَرِيقٞ مِّنۡهُم مِّنۢ بَعۡدِ ذَٰلِكَۚ وَمَآ أُوْلَٰٓئِكَ بِٱلۡمُؤۡمِنِينَ

Endu pedtalun nu manga munafiq: nangimbenal kami sa Allah endu su sinugu, endu pinaginugutan nami, mawli na su ped kanilan i menda sa ulyan antu, na di kena benal a mu'min su minenda kanilan.

ߟߝߊߙߌ ߘߏ߫: 48

وَإِذَا دُعُوٓاْ إِلَى ٱللَّهِ وَرَسُولِهِۦ لِيَحۡكُمَ بَيۡنَهُمۡ إِذَا فَرِيقٞ مِّنۡهُم مُّعۡرِضُونَ

Amayka tawagen silan kanu hukuman nu Allah endu su nabi nin ka endu makukum silan na su kaped kanilan na menda.

ߟߝߊߙߌ ߘߏ߫: 49

وَإِن يَكُن لَّهُمُ ٱلۡحَقُّ يَأۡتُوٓاْ إِلَيۡهِ مُذۡعِنِينَ

Amayka lu kanilan su haqq, na ebpawangan ka nilan sa mamagayas a benal silan.

ߟߝߊߙߌ ߘߏ߫: 50

أَفِي قُلُوبِهِم مَّرَضٌ أَمِ ٱرۡتَابُوٓاْ أَمۡ يَخَافُونَ أَن يَحِيفَ ٱللَّهُ عَلَيۡهِمۡ وَرَسُولُهُۥۚ بَلۡ أُوْلَٰٓئِكَ هُمُ ٱلظَّٰلِمُونَ

Nakadalem kanu atay nilan i dalu, ugayda penduwa-duwa silan, endu kagilekan silan sa edsalimbuten nu Allah silan endu su sinugu nin, ugayda ya benal na silan i manga salimbulen.

ߟߝߊߙߌ ߘߏ߫: 51

إِنَّمَا كَانَ قَوۡلَ ٱلۡمُؤۡمِنِينَ إِذَا دُعُوٓاْ إِلَى ٱللَّهِ وَرَسُولِهِۦ لِيَحۡكُمَ بَيۡنَهُمۡ أَن يَقُولُواْ سَمِعۡنَا وَأَطَعۡنَاۚ وَأُوْلَٰٓئِكَ هُمُ ٱلۡمُفۡلِحُونَ

Benal su manga mu'min na ya nilan kadtalu amayka enggaten silan sa hukuman nu Allah endu su sinugu nin, ka endu makukum silan na tig ilan nakineg nami endu naginugut kami, endu silan i namakauntung.

ߟߝߊߙߌ ߘߏ߫: 52

وَمَن يُطِعِ ٱللَّهَ وَرَسُولَهُۥ وَيَخۡشَ ٱللَّهَ وَيَتَّقۡهِ فَأُوْلَٰٓئِكَ هُمُ ٱلۡفَآئِزُونَ

Endu su taw a maginugut sa Allah endu su sinugu nin endu pangandamen nin su Allah endu ikagilekin na silan i nabadtugan sa mapiya.

ߟߝߊߙߌ ߘߏ߫: 53

۞ وَأَقۡسَمُواْ بِٱللَّهِ جَهۡدَ أَيۡمَٰنِهِمۡ لَئِنۡ أَمَرۡتَهُمۡ لَيَخۡرُجُنَّۖ قُل لَّا تُقۡسِمُواْۖ طَاعَةٞ مَّعۡرُوفَةٌۚ إِنَّ ٱللَّهَ خَبِيرُۢ بِمَا تَعۡمَلُونَ

Endu midsapa silan sa Allah kanu pangimbenal nilan a di kena benal, amayka sinugu nengka silan sa kan-jihad na munut silan, edtalu ka (Muhammad) i: da kanu pedsapa, ka su inugut kanu rasul i (mas) mapiya kanu kadsapa a di kena benal, su Allah na katawanin i langun a galebekan nu.

ߟߝߊߙߌ ߘߏ߫: 54

قُلۡ أَطِيعُواْ ٱللَّهَ وَأَطِيعُواْ ٱلرَّسُولَۖ فَإِن تَوَلَّوۡاْ فَإِنَّمَا عَلَيۡهِ مَا حُمِّلَ وَعَلَيۡكُم مَّا حُمِّلۡتُمۡۖ وَإِن تُطِيعُوهُ تَهۡتَدُواْۚ وَمَا عَلَى ٱلرَّسُولِ إِلَّا ٱلۡبَلَٰغُ ٱلۡمُبِينُ

Edtalu ka (Muhammad) i: paginuguti nu su Allah, endu paginuguti nu su sinugu nin, amayka menda silan na ya bu wagib sa lekanin su kapedsampay, ya menem wagib sa lekanu na kapaginugut, endu amayka paginugutanu na matutulu kanu, endu dala kanu sinugu ya tabya na kapapedsampay sa mapayag.

ߟߝߊߙߌ ߘߏ߫: 55

وَعَدَ ٱللَّهُ ٱلَّذِينَ ءَامَنُواْ مِنكُمۡ وَعَمِلُواْ ٱلصَّٰلِحَٰتِ لَيَسۡتَخۡلِفَنَّهُمۡ فِي ٱلۡأَرۡضِ كَمَا ٱسۡتَخۡلَفَ ٱلَّذِينَ مِن قَبۡلِهِمۡ وَلَيُمَكِّنَنَّ لَهُمۡ دِينَهُمُ ٱلَّذِي ٱرۡتَضَىٰ لَهُمۡ وَلَيُبَدِّلَنَّهُم مِّنۢ بَعۡدِ خَوۡفِهِمۡ أَمۡنٗاۚ يَعۡبُدُونَنِي لَا يُشۡرِكُونَ بِي شَيۡـٔٗاۚ وَمَن كَفَرَ بَعۡدَ ذَٰلِكَ فَأُوْلَٰٓئِكَ هُمُ ٱلۡفَٰسِقُونَ

Inibpasad u Allah kanu manga mu'min sa lekanu endu minggalebek sa manga mapiya i pasambin silan a kumamal sya sa lupa sa mana bun kinapasambi nin kanu manga mu'min a nangawna sa kanilan, endu pandaya nin kanilan su agama nilan, entuba i nasuwatanin kanilan, endu sambyanin su gilek ilan sa makatana silan, simban aku nilan endu di aku nilan sakutun sa apiya paydu, na su egkafir sa ulyan na entuba na silan i manga taw a nakalyu kanu agama.

ߟߝߊߙߌ ߘߏ߫: 56

وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَأَطِيعُواْ ٱلرَّسُولَ لَعَلَّكُمۡ تُرۡحَمُونَ

Itindeg nu su sambayang, endu inggay nu su zakat, endu paginuguti nu su sinugu, ka malemu-lemu sa lekanu i makakalimu kanu.

ߟߝߊߙߌ ߘߏ߫: 57

لَا تَحۡسَبَنَّ ٱلَّذِينَ كَفَرُواْ مُعۡجِزِينَ فِي ٱلۡأَرۡضِۚ وَمَأۡوَىٰهُمُ ٱلنَّارُۖ وَلَبِئۡسَ ٱلۡمَصِيرُ

Di ka mantap su manga kafir sa kapalaguyan kami nilan sya sa lupa, endu ya nilan kadtakenan su naraka a mawag gayd a kabpawangan.

ߟߝߊߙߌ ߘߏ߫: 58

يَٰٓأَيُّهَا ٱلَّذِينَ ءَامَنُواْ لِيَسۡتَـٔۡذِنكُمُ ٱلَّذِينَ مَلَكَتۡ أَيۡمَٰنُكُمۡ وَٱلَّذِينَ لَمۡ يَبۡلُغُواْ ٱلۡحُلُمَ مِنكُمۡ ثَلَٰثَ مَرَّٰتٖۚ مِّن قَبۡلِ صَلَوٰةِ ٱلۡفَجۡرِ وَحِينَ تَضَعُونَ ثِيَابَكُم مِّنَ ٱلظَّهِيرَةِ وَمِنۢ بَعۡدِ صَلَوٰةِ ٱلۡعِشَآءِۚ ثَلَٰثُ عَوۡرَٰتٖ لَّكُمۡۚ لَيۡسَ عَلَيۡكُمۡ وَلَا عَلَيۡهِمۡ جُنَاحُۢ بَعۡدَهُنَّۚ طَوَّٰفُونَ عَلَيۡكُم بَعۡضُكُمۡ عَلَىٰ بَعۡضٖۚ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِۗ وَٱللَّهُ عَلِيمٌ حَكِيمٞ

Sekanu a manga mu'min- (isugu nu sa) magetaw sa kaludepin su banunugun nu endu su manga wata a dala pan sabutin sa pidtalu a babay sya kanu timpu a telu (ika-isa) na di pan makadsambayang sa subbuh, (ika-duwa) na amayka ulyan na dhuhur sabap sa migkawas-kawas kanu ka pedtelen kanu, (ika-telu) na ulyan a sambayang na isya, da bun kadusanu u lumudep silan sa di magetaw amayka salakaw sa namba a manga waktu, ka banunugun nu silan, mamba i kapebpayag u Allah sa lekanu kanu manga ayatanin, endu su Allah i mataw sa langun a binaluw nin.

ߟߝߊߙߌ ߘߏ߫: 59

وَإِذَا بَلَغَ ٱلۡأَطۡفَٰلُ مِنكُمُ ٱلۡحُلُمَ فَلۡيَسۡتَـٔۡذِنُواْ كَمَا ٱسۡتَـٔۡذَنَ ٱلَّذِينَ مِن قَبۡلِهِمۡۚ كَذَٰلِكَ يُبَيِّنُ ٱللَّهُ لَكُمۡ ءَايَٰتِهِۦۗ وَٱللَّهُ عَلِيمٌ حَكِيمٞ

Endu amayka mabalig den su manga wata nu (babay-mama) na magetaw den silan sa mana bun su kapagetaw nu di kena taw na walay, mamba i kapebpayag u Allah sa lekanu kanu manga ayatanin, endu su Allah i mataw sa langun a binaluw nin.

ߟߝߊߙߌ ߘߏ߫: 60

وَٱلۡقَوَٰعِدُ مِنَ ٱلنِّسَآءِ ٱلَّٰتِي لَا يَرۡجُونَ نِكَاحٗا فَلَيۡسَ عَلَيۡهِنَّ جُنَاحٌ أَن يَضَعۡنَ ثِيَابَهُنَّ غَيۡرَ مُتَبَرِّجَٰتِۭ بِزِينَةٖۖ وَأَن يَسۡتَعۡفِفۡنَ خَيۡرٞ لَّهُنَّۗ وَٱللَّهُ سَمِيعٌ عَلِيمٞ

Su manga babay a di pembata atawa di gahaid a da den kiyugin sa kagkaluma na dala dusa nilan sa luwasen nilan su balegkas sa di kena bun peb-payangasen, endu di silan edsugud-sugud sa mapayag su bagigimuwan nilan, endu su di nilan kaluwas na muna i kapiya nin, endu su Allah i pakakineg endu mataw.

ߟߝߊߙߌ ߘߏ߫: 61

لَّيۡسَ عَلَى ٱلۡأَعۡمَىٰ حَرَجٞ وَلَا عَلَى ٱلۡأَعۡرَجِ حَرَجٞ وَلَا عَلَى ٱلۡمَرِيضِ حَرَجٞ وَلَا عَلَىٰٓ أَنفُسِكُمۡ أَن تَأۡكُلُواْ مِنۢ بُيُوتِكُمۡ أَوۡ بُيُوتِ ءَابَآئِكُمۡ أَوۡ بُيُوتِ أُمَّهَٰتِكُمۡ أَوۡ بُيُوتِ إِخۡوَٰنِكُمۡ أَوۡ بُيُوتِ أَخَوَٰتِكُمۡ أَوۡ بُيُوتِ أَعۡمَٰمِكُمۡ أَوۡ بُيُوتِ عَمَّٰتِكُمۡ أَوۡ بُيُوتِ أَخۡوَٰلِكُمۡ أَوۡ بُيُوتِ خَٰلَٰتِكُمۡ أَوۡ مَا مَلَكۡتُم مَّفَاتِحَهُۥٓ أَوۡ صَدِيقِكُمۡۚ لَيۡسَ عَلَيۡكُمۡ جُنَاحٌ أَن تَأۡكُلُواْ جَمِيعًا أَوۡ أَشۡتَاتٗاۚ فَإِذَا دَخَلۡتُم بُيُوتٗا فَسَلِّمُواْ عَلَىٰٓ أَنفُسِكُمۡ تَحِيَّةٗ مِّنۡ عِندِ ٱللَّهِ مُبَٰرَكَةٗ طَيِّبَةٗۚ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِ لَعَلَّكُمۡ تَعۡقِلُونَ

Dala dusa nu pisek endu su tyulud (sadil) endu su pendalu endu taman sa ginawa nu i keman sya kanu manga walay nu atawa walay nu manga lukes u atawa walay nu manga lukes u a manga babay, atawa manga walay na suled nu a mama, atawa manga suled u a manga babay, atawa ka manga walay nu manga bapa sa ama atawa babo sa ama, atawa bapa nu sa ina atawa manga babo nu sa ina, atawa ka su pedsaliganu sa gunsi atawa su pakat nu, dala bun dusa nu sa keman kanu langun atawa mad-tumpuk kanu, amayka lemudep kanu sa walay nu na edsasalama kanu sa kanu ginawa nu ebpun saAllah a barakat a mapiya, mamba i kapebpayag u Allah sa lekanu kanu manga ayatanin ka malemu-lemu sa lekanu i makapagungangen kanu.

ߟߝߊߙߌ ߘߏ߫: 62

إِنَّمَا ٱلۡمُؤۡمِنُونَ ٱلَّذِينَ ءَامَنُواْ بِٱللَّهِ وَرَسُولِهِۦ وَإِذَا كَانُواْ مَعَهُۥ عَلَىٰٓ أَمۡرٖ جَامِعٖ لَّمۡ يَذۡهَبُواْ حَتَّىٰ يَسۡتَـٔۡذِنُوهُۚ إِنَّ ٱلَّذِينَ يَسۡتَـٔۡذِنُونَكَ أُوْلَٰٓئِكَ ٱلَّذِينَ يُؤۡمِنُونَ بِٱللَّهِ وَرَسُولِهِۦۚ فَإِذَا ٱسۡتَـٔۡذَنُوكَ لِبَعۡضِ شَأۡنِهِمۡ فَأۡذَن لِّمَن شِئۡتَ مِنۡهُمۡ وَٱسۡتَغۡفِرۡ لَهُمُ ٱللَّهَۚ إِنَّ ٱللَّهَ غَفُورٞ رَّحِيمٞ

Ya tidtu a mu'min na mangimbenal sa Allah endu su sinugu nin, endu amayka san silan sa leka (Muhammad) kanu galebek a masla (pembibityala) na di silan gumanat sa taman sa di silan maka- pagetaw salka, na silan i benal a bangimbenal sa Allah endu su sinugu nin, na amayka nagetaw silan sa leka (Muhammad) kanu pegkahandan nilan na suguti ka su entayni pegkiyugan nengka kanilan, endu ipangeni nengka silan sa ampun, ka su Allah na bangampun a malimu.

ߟߝߊߙߌ ߘߏ߫: 63

لَّا تَجۡعَلُواْ دُعَآءَ ٱلرَّسُولِ بَيۡنَكُمۡ كَدُعَآءِ بَعۡضِكُم بَعۡضٗاۚ قَدۡ يَعۡلَمُ ٱللَّهُ ٱلَّذِينَ يَتَسَلَّلُونَ مِنكُمۡ لِوَاذٗاۚ فَلۡيَحۡذَرِ ٱلَّذِينَ يُخَالِفُونَ عَنۡ أَمۡرِهِۦٓ أَن تُصِيبَهُمۡ فِتۡنَةٌ أَوۡ يُصِيبَهُمۡ عَذَابٌ أَلِيمٌ

Di nu pedtawaga su rasul (Muhammad) kanu pamageletanu sa mana su kadtatawagay nu, saben-sabenal a katawan bun nu Allah silan a baningen belyu sa masgid sa sakataw-sakataw, na mingat su manga taw a ibida nilan i kanilan kanu suguwan u rasul, ka masugat silan a fitnah atawa masugat silan a siksa a masakit.

ߟߝߊߙߌ ߘߏ߫: 64

أَلَآ إِنَّ لِلَّهِ مَا فِي ٱلسَّمَٰوَٰتِ وَٱلۡأَرۡضِۖ قَدۡ يَعۡلَمُ مَآ أَنتُمۡ عَلَيۡهِ وَيَوۡمَ يُرۡجَعُونَ إِلَيۡهِ فَيُنَبِّئُهُم بِمَا عَمِلُواْۗ وَٱللَّهُ بِكُلِّ شَيۡءٍ عَلِيمُۢ

Saben-sabenal a kanu Allah i dalem u pitu lapis a langit endu su lupa, endu saben-sabenal a katawanin i nakadalem kanu atay (ka-munafiq-bangimbenal) endu su gay a kawli nilan sa Allah na inggay nin kanilan su balas u manga galbekilan, su Allah na kanu langun u enggaga-isa na katawanin.