Anlam tercümesi Sure Sûratu'l-En'âm - Gürcüce Tercüme - Üzerinde Çalışılıyor - Sayfa numarası 147 - Kur'an-ı Kerim Ansiklopedisi

Ayet: 143

ثَمَٰنِيَةَ أَزۡوَٰجٖۖ مِّنَ ٱلضَّأۡنِ ٱثۡنَيۡنِ وَمِنَ ٱلۡمَعۡزِ ٱثۡنَيۡنِۗ قُلۡ ءَآلذَّكَرَيۡنِ حَرَّمَ أَمِ ٱلۡأُنثَيَيۡنِ أَمَّا ٱشۡتَمَلَتۡ عَلَيۡهِ أَرۡحَامُ ٱلۡأُنثَيَيۡنِۖ نَبِّـُٔونِي بِعِلۡمٍ إِن كُنتُمۡ صَٰدِقِينَ

(წარმართთა მტკიცებით ხელშეუხებელი პირუტყვი) რვა წყვილია: ორი ცხვრის და ორიც თხის. ჰკითხე: ორი მამალი აგიკრძალათ, ორი დედალი^[2] თუ ის, რასაც შეიცავს ორი მდედრის საშვილოსნოები? ცოდნით მიპასუხეთ, თუკი ნამდვილად გულწრფელნი ხართ (თუ მართლები ხართ).

[2] ორი მამალი - ანუ მამალი ცხვარი და მამალი თხა; ორი დედალი - ანუ დედალი ცხვარი და დედალი თხა.

Ayet: 144

وَمِنَ ٱلۡإِبِلِ ٱثۡنَيۡنِ وَمِنَ ٱلۡبَقَرِ ٱثۡنَيۡنِۗ قُلۡ ءَآلذَّكَرَيۡنِ حَرَّمَ أَمِ ٱلۡأُنثَيَيۡنِ أَمَّا ٱشۡتَمَلَتۡ عَلَيۡهِ أَرۡحَامُ ٱلۡأُنثَيَيۡنِۖ أَمۡ كُنتُمۡ شُهَدَآءَ إِذۡ وَصَّىٰكُمُ ٱللَّهُ بِهَٰذَاۚ فَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبٗا لِّيُضِلَّ ٱلنَّاسَ بِغَيۡرِ عِلۡمٍۚ إِنَّ ٱللَّهَ لَا يَهۡدِي ٱلۡقَوۡمَ ٱلظَّٰلِمِينَ

ასევე, ორი აქლემის და ორიც ძროხის. ჰკითხე: ორი მამალი აგიკრძალათ, ორი დედალი,^[1] თუ ის, რასაც შეიცავს ორი მდედრის საშვილოსნოები? თუ მომსწრენი იყავით (იმ ამბის), როდესაც ალლაჰმა ეს გიბრძანათ? მაშ, ვინღაა იმაზე უფრო უსამართლო, ვინც ალლაჰის შესახებ სიცრუეს თხზავს, რათა აცდუნოს ხალხი უცოდინრობით?! ჭეშმარიტად, ალლაჰი უსამართლო ხალხს არ დააკვალიანებს ჭეშმარიტ გზაზე.

[1] ორი მამალი - ანუ მამალი აქლემი და მამალი ძროხა; ორი დედალი - ანუ დედალი აქლემი და დედალი ძროხა.

Ayet: 145

قُل لَّآ أَجِدُ فِي مَآ أُوحِيَ إِلَيَّ مُحَرَّمًا عَلَىٰ طَاعِمٖ يَطۡعَمُهُۥٓ إِلَّآ أَن يَكُونَ مَيۡتَةً أَوۡ دَمٗا مَّسۡفُوحًا أَوۡ لَحۡمَ خِنزِيرٖ فَإِنَّهُۥ رِجۡسٌ أَوۡ فِسۡقًا أُهِلَّ لِغَيۡرِ ٱللَّهِ بِهِۦۚ فَمَنِ ٱضۡطُرَّ غَيۡرَ بَاغٖ وَلَا عَادٖ فَإِنَّ رَبَّكَ غَفُورٞ رَّحِيمٞ

უთხარი: ჩემთვის ზეშთაგონებით ჩამოვლენილში ვერაფერს ვპოულობ აკრძალულს, რასაც მჭამელი მიირთმევს, გარდა მკვდარის ან დაღვრილი სისხლის, ანდაც ღორის ხორცისა, რომელიც, უეჭველად, სიბილწეა, ან კიდევ სისაძაგლისა, რომელიც ალლაჰის ნაცვლად სხვისთვის დაიკლა.^[1] ხოლო ვინც იძულებული შეიქმნას, ოღონდ არ იურჩოს და არც გადაამეტოს, - ჭეშმარიტად, ალლაჰი უსაზღვროდ მპატიებელია, მწყალობელია.

[1] გარდა აქ ჩამოთვლილებისა, სუნნეთშიც არის მოხსენებული რამდენიმე აკრძალულის შესახებ, მაგალითად: იბნი აბბასი გადმოგვცემს: ალლაჰის შუამავალმა ﷺ ყოველი ეშვიანი მტაცებელი და ყოველი კლანჭიანი ფრინველი აკრძალა. (მუსლიმ, საიდ 3/1934.) ასევე ჯაბირ ბინ აბდულლაჰი გადმოგვცემს, რომ ალლაჰის შუამავალმა ﷺ ხაიბარის დღეს შინაური სახედრის ხორცი აკრძალა, ხოლო ცხენის ხორცზე ნება დართო. (მუსლიმ, საიდ 6/1941.)

Ayet: 146

وَعَلَى ٱلَّذِينَ هَادُواْ حَرَّمۡنَا كُلَّ ذِي ظُفُرٖۖ وَمِنَ ٱلۡبَقَرِ وَٱلۡغَنَمِ حَرَّمۡنَا عَلَيۡهِمۡ شُحُومَهُمَآ إِلَّا مَا حَمَلَتۡ ظُهُورُهُمَآ أَوِ ٱلۡحَوَايَآ أَوۡ مَا ٱخۡتَلَطَ بِعَظۡمٖۚ ذَٰلِكَ جَزَيۡنَٰهُم بِبَغۡيِهِمۡۖ وَإِنَّا لَصَٰدِقُونَ

მათ კი, რომელნიც იუდეველნი არიან, ავუკრძალეთ ყოველი ჩლიქგაუყოფელი,^[1] ხოლო ძროხისა და ცხვრისგან - ქონი ავუკრძალეთ^[2] , – გარდა იმისა, რაც აქვს ზურგზე ან შიგნეულზე, ან კიდევ ძვალზე შერჩენილი. ასე მივუზღით თავიანთი ზღვარგადასულობისთვის და ჩვენ მართლაც მართლები ვართ.

[1] აქლემისა და სირაქლემას მსგავსი, რომლებსაც წყვილი ჩლიქი არ ახასიათებთ.
[2] ალლაჰის შუამავალმა ﷺ მექქას აღების დღეს განაცხადა: „ჭეშმარიტად, ალლაჰმა და მისმა შუამავალმა აკრძალა ღვინის, მკვდარი ცხოველისა და კერპების გაყიდვა. იქ მყოფებმა უთხრეს: ო, ალლაჰის შუამავალო! რას ფიქრობთ მკვდარი ცხოველის ქონზე, მისით ნავებს ღებავენ, ტყავებს აპრიალებენ და ხალხი ჭრაქს ანთებს. მან უპასუხა: „არა, ის ჰარამია!“ შუამავალმა ﷺ ამის შემდეგ თქვა: „ალლაჰმა დასწყევლოს ებრაელები! როდესაც ალლაჰმა ქონი აუკრძალა, მათ იგი გადაადნეს და გაყიდეს, შემდეგ კი მისი საფასური შეჭამეს.“ (ბუხარი, ბუიუ’ 112/2236.)