Anlam tercümesi Sure Sûretu't-Târık - الترجمة اللوهيا - Kur'an-ı Kerim Ansiklopedisi

At-Tariq (ESHITSAANGA ESHILO)

Ayet: 1

وَٱلسَّمَآءِ وَٱلطَّارِقِ

Nditsuba khulikulu nende shokhwitsa eshilo!

Ayet: 2

وَمَآ أَدۡرَىٰكَ مَا ٱلطَّارِقُ

Ne nishina eshikhumanyia mbu nishina esho shitsanga eshilo?

Ayet: 3

ٱلنَّجۡمُ ٱلثَّاقِبُ

Ing’ining’ini yili nende obulafu obunji.

Ayet: 4

إِن كُلُّ نَفۡسٖ لَّمَّا عَلَيۡهَا حَافِظٞ

Buli shiamundu ali nende umuhenganga.

Ayet: 5

فَلۡيَنظُرِ ٱلۡإِنسَٰنُ مِمَّ خُلِقَ

Kho Omundu ahenge yalongwa okhurulana nende shina?

Ayet: 6

خُلِقَ مِن مَّآءٖ دَافِقٖ

Yalongwa okhurulana nende amatsi karulanga nikamitsikha.

Ayet: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Karulanga hakarikari wa mulukongofuma nende natsimbafu.

Ayet: 8

إِنَّهُۥ عَلَىٰ رَجۡعِهِۦ لَقَادِرٞ

Toto bwene Nyasaye ali nende obunyali bwokhumukalusia.

Ayet: 9

يَوۡمَ تُبۡلَى ٱلسَّرَآئِرُ

Inyanga ya kalia kefisa kalirebwa habulafu.

Ayet: 10

فَمَا لَهُۥ مِن قُوَّةٖ وَلَا نَاصِرٖ

Abwene aho shaliba nende amaani nohomba Omuhabini tawe.

Ayet: 11

وَٱلسَّمَآءِ ذَاتِ ٱلرَّجۡعِ

Nditsuba khulikulu lili nende amakalushilo!

Ayet: 12

وَٱلۡأَرۡضِ ذَاتِ ٱلصَّدۡعِ

Nende liloba liarukhanga!

Ayet: 13

إِنَّهُۥ لَقَوۡلٞ فَصۡلٞ

Toto bwene lino nilikhuwa liokhwawukhasia.

Ayet: 14

وَمَا هُوَ بِٱلۡهَزۡلِ

Nalio shilili emibayo tawe.

Ayet: 15

إِنَّهُمۡ يَكِيدُونَ كَيۡدٗا

Toto bwene abo batutanga bututa.

Ayet: 16

وَأَكِيدُ كَيۡدٗا

Ne siesi endutanga bututa.

Ayet: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Mana bahelesie ebise abakhayi kaala kaala.