Anlam tercümesi Sure Sûretu'l-Muddessir - Muhtasar Kur'an-ı Kerim Tefsiri Peştuca Tercümesi - Sayfa numarası 575 - Kur'an-ı Kerim Ansiklopedisi

مدثر

Surenin hedefleri:

الأمر بالاجتهاد في دعوة المكذبين، وإنذارهم بالآخرة والقرآن.

د درواغ ګڼونکو په بلنه کې په کوښښ کولو امر کول او د هغوی په آخرت او قرآن وېرول.

---

Ayet: 1

یٰۤاَیُّهَا الْمُدَّثِّرُ ۟ۙ

اې په خپلو جامو کې ځان پټوونکیه! ( او هغه نبي صلی الله عليه وسلم دی).

Ayet: 2

قُمْ فَاَنْذِرْ ۟ۙ

پاڅېږه او د الله له عذابه وېرول وکړه.

Ayet: 3

وَرَبَّكَ فَكَبِّرْ ۟ۙ

او د پالونکي لويي دې بيان کړه.

Ayet: 4

وَثِیَابَكَ فَطَهِّرْ ۟ۙ

او ځان دې له ګناهونو پاک کړه او جامې دې له پليتيو پاکې کړه.

Ayet: 5

وَالرُّجْزَ فَاهْجُرْ ۟ۙ

او د بوتانو له لمانځنې لرې اوسه.

Ayet: 6

وَلَا تَمْنُنْ تَسْتَكْثِرُ ۟ۙ

او پر خپل پالونکي دې احسان مه باروه چې دې نېک عمل زیات ګڼې

Ayet: 7

وَلِرَبِّكَ فَاصْبِرْ ۟ؕ

او له کومې ستونزې سره چې مخ کېږې خپل پالونکي ته صبر پرې کوه.

Ayet: 8

فَاِذَا نُقِرَ فِی النَّاقُوْرِ ۟ۙ

نو کله چې په ښکر (شپېلۍ) کې دويم ځل پوکړل شي.

Ayet: 9

فَذٰلِكَ یَوْمَىِٕذٍ یَّوْمٌ عَسِیْرٌ ۟ۙ

بیا دغه ورځ سخته ورځ وي.

Ayet: 10

عَلَی الْكٰفِرِیْنَ غَیْرُ یَسِیْرٍ ۟

پر هغو کسانو چې پر الله او د هغه پر رسولانو يې کفر کړی وي آسانه به نه وي.

Ayet: 11

ذَرْنِیْ وَمَنْ خَلَقْتُ وَحِیْدًا ۟ۙ

اې رسوله! ما او هغه څوک سره پرېږده چې د مور په ګېده کې مې يې يوازې پرته له مال او اولاده پيدا کړی (چې هغه د مغيره زوی وليد دی).

Ayet: 12

وَّجَعَلْتُ لَهٗ مَالًا مَّمْدُوْدًا ۟ۙ

او هغه لره مې ډېر مال ورکړ.

Ayet: 13

وَّبَنِیْنَ شُهُوْدًا ۟ۙ

او هغه لره مې له هغه سره حاضر زامن پيداکړل چې په محفلونو کې ورسره حاضريږي د هغه د زيات مال له امله د سفر لپاره نه ورڅخه بېليږي.

Ayet: 14

وَّمَهَّدْتُّ لَهٗ تَمْهِیْدًا ۟ۙ

او هغه لره مې په ژوند، روزۍ او اولاد کې پراخه پراخي ورکړه.

Ayet: 15

ثُمَّ یَطْمَعُ اَنْ اَزِیْدَ ۟ۙ

بيا هم هغه پر ما د خپل کفر له امله هيله لري چې زه به هغه ته ور زيات کړم وروسته تردې چې دغه ټول مې ورکړي دي.

Ayet: 16

كَلَّا ؕ— اِنَّهٗ كَانَ لِاٰیٰتِنَا عَنِیْدًا ۟ؕ

چاره به داسې نه وي لکه څنګه چې هغه فکر کړی، پرته له شکه هغه زموږ پر رسول زموږ لخوا د نازل کړل شويو آيتونو لپاره ضد کوونکی د هغو درواغ ګڼونکی و.

Ayet: 17

سَاُرْهِقُهٗ صَعُوْدًا ۟ؕ

ژر به هغه پر داسې سخت عذاب مکلف کړم چې زغملی به يې نه شي.

Ayet: 18

اِنَّهٗ فَكَّرَ وَقَدَّرَ ۟ۙ

دغه کافر چې پورته نعمتونه مو پرې لورولې و، فکر یې وکړ چې د قران د غلط ثابتولو لپاره څه ووایې، په سوچ کې یې پدې اړه اټکل وکړ.

Bu sayfadaki ayetlerin faydaları:

• المشقة تجلب التيسير.

سختي د ځان سره اساني راولي.

• وجوب الطهارة من الخَبَث الظاهر والباطن.

د ښکاره او پټې پلیتۍ څخه د پاکوالي وجوب.

• الإنعام على الفاجر استدراج له وليس إكرامًا.

فاسق انسان باندې لورینه هغه مهلت ورکول دي نه عزت.