Anlam tercümesi Sure Sûretu't-Tekvîr - Filipince (Tagalogca) Tercüme - Rowad Tercüme Merkezi - Sayfa numarası 586 - Kur'an-ı Kerim Ansiklopedisi

At-Takwīr

Ayet: 1

إِذَا ٱلشَّمۡسُ كُوِّرَتۡ

Kapag ang araw ay ipinulupot,

Ayet: 2

وَإِذَا ٱلنُّجُومُ ٱنكَدَرَتۡ

kapag ang mga bituin ay pumanglaw,

Ayet: 3

وَإِذَا ٱلۡجِبَالُ سُيِّرَتۡ

kapag ang mga bundok ay iuusad,

Ayet: 4

وَإِذَا ٱلۡعِشَارُ عُطِّلَتۡ

kapag ang mga buntis na kamelyo^[1] ay pinabayaan,

[1] Ibig sabhin: ang mga pinakamamahaling ari-arian

Ayet: 5

وَإِذَا ٱلۡوُحُوشُ حُشِرَتۡ

kapag ang mga mailap na hayop ay kinalap,

Ayet: 6

وَإِذَا ٱلۡبِحَارُ سُجِّرَتۡ

kapag ang mga dagat ay pinagliyab,

Ayet: 7

وَإِذَا ٱلنُّفُوسُ زُوِّجَتۡ

kapag ang mga kaluluwa ay ipinagpares,^[2]

[2] sa katulad ng mga ito

Ayet: 8

وَإِذَا ٱلۡمَوۡءُۥدَةُ سُئِلَتۡ

kapag ang [batang] babaing inilibing nang buhay ay tatanungin

Ayet: 9

بِأَيِّ ذَنۢبٖ قُتِلَتۡ

dahil sa aling pagkakasala siya pinatay,

Ayet: 10

وَإِذَا ٱلصُّحُفُ نُشِرَتۡ

kapag ang mga pahina [ng tala ng gawa ng tao] ay inilatag,

Ayet: 11

وَإِذَا ٱلسَّمَآءُ كُشِطَتۡ

kapag ang langit ay tinuklap,

Ayet: 12

وَإِذَا ٱلۡجَحِيمُ سُعِّرَتۡ

kapag ang Impiyerno ay pinagliyab,

Ayet: 13

وَإِذَا ٱلۡجَنَّةُ أُزۡلِفَتۡ

at kapag ang Paraiso ay pinalapit [sa mga mananampalataya];

Ayet: 14

عَلِمَتۡ نَفۡسٞ مَّآ أَحۡضَرَتۡ

malalaman ng isang kaluluwa ang ilalahad nito [na maganda at masagwa].

Ayet: 15

فَلَآ أُقۡسِمُ بِٱلۡخُنَّسِ

Kaya talagang sumusumpa Ako sa mga bituing umuurong,

Ayet: 16

ٱلۡجَوَارِ ٱلۡكُنَّسِ

na umiinog na nagtatago,

Ayet: 17

وَٱلَّيۡلِ إِذَا عَسۡعَسَ

at sa gabi kapag umurong-sulong ito,

Ayet: 18

وَٱلصُّبۡحِ إِذَا تَنَفَّسَ

at sa madaling-araw kapag huminga ito;

Ayet: 19

إِنَّهُۥ لَقَوۡلُ رَسُولٖ كَرِيمٖ

tunay na [ang Qur’ān na] ito ay talagang sinabi [ni Allāh] sa isang sugong marangal,

Ayet: 20

ذِي قُوَّةٍ عِندَ ذِي ٱلۡعَرۡشِ مَكِينٖ

[si Anghel Gabriel] na may lakas sa ganang May-ari ng Trono, na mataas sa kalagayan,

Ayet: 21

مُّطَاعٖ ثَمَّ أَمِينٖ

na tinatalima [ng mga anghel], pagkatapos mapagkakatiwalaan.

Ayet: 22

وَمَا صَاحِبُكُم بِمَجۡنُونٖ

[O mga tao,] ang kasamahan ninyo [na si Propeta Muḥammad] ay hindi isang baliw.

Ayet: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Talaga ngang nakakita siya rıto [kay Anghel Gabriel] sa abot-tanaw na malinaw.

Ayet: 24

وَمَا هُوَ عَلَى ٱلۡغَيۡبِ بِضَنِينٖ

Siya, [sa pagpapaabot ng kaalaman] sa nakalingid, ay hindi isang sakim.

Ayet: 25

وَمَا هُوَ بِقَوۡلِ شَيۡطَٰنٖ رَّجِيمٖ

[Ang Qur’ān na] ito ay hindi sinabi ng isang demonyong kasumpa-sumpa.

Ayet: 26

فَأَيۡنَ تَذۡهَبُونَ

Kaya saan kayo pupunta?

Ayet: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Walang iba ito kundi isang paalaala para sa mga nilalang,

Ayet: 28

لِمَن شَآءَ مِنكُمۡ أَن يَسۡتَقِيمَ

para sa sinumang lumoob kabilang sa inyo na magpakatuwid,

Ayet: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

at hindi kayo magloloob maliban na lumuob si Allāh, ang Panginoon ng mga nilalang.