مەنالار تەرجىمىسى سۈرە ئىسرا - شەركەسچە تەرجىمىسى- رۇۋاد تەرجىمە مەركىزى - قۇرئان كەرىم ئىنىسكىلوپىدىيىسى

ئىسرا

ئايەت: 1

سُبۡحَٰنَ ٱلَّذِيٓ أَسۡرَىٰ بِعَبۡدِهِۦ لَيۡلٗا مِّنَ ٱلۡمَسۡجِدِ ٱلۡحَرَامِ إِلَى ٱلۡمَسۡجِدِ ٱلۡأَقۡصَا ٱلَّذِي بَٰرَكۡنَا حَوۡلَهُۥ لِنُرِيَهُۥ مِنۡ ءَايَٰتِنَآۚ إِنَّهُۥ هُوَ ٱلسَّمِيعُ ٱلۡبَصِيرُ

И щIыхьыр инщ, жэщым и пщылIыр Хьэрэм мэжджытым кърихыу Акъса мэжджыт зи хъуреягъыр берычэт тщIам зыхьам, абы Ди нэщэнэхэр едгъэлъагъуным папщIэ. Ар Зэхэзыхщ, Зылъагъущ

ئايەت: 2

وَءَاتَيۡنَا مُوسَى ٱلۡكِتَٰبَ وَجَعَلۡنَٰهُ هُدٗى لِّبَنِيٓ إِسۡرَٰٓءِيلَ أَلَّا تَتَّخِذُواْ مِن دُونِي وَكِيلٗا

Муси Тхылъыр еттащ, ар тщIащ гъуэгу захуэу Исраилым и лъэпкъым папщIэ: "Сэ фIэкIауэ нэгъуэщI уэчыл фымыщтэ"

ئايەت: 3

ذُرِّيَّةَ مَنۡ حَمَلۡنَا مَعَ نُوحٍۚ إِنَّهُۥ كَانَ عَبۡدٗا شَكُورٗا

Нухь игъусэу къетхьэкIахэм къатекIа лъэпкъ, ар пщылI куэду шыкур зыщIу щытащ

ئايەت: 4

وَقَضَيۡنَآ إِلَىٰ بَنِيٓ إِسۡرَٰٓءِيلَ فِي ٱلۡكِتَٰبِ لَتُفۡسِدُنَّ فِي ٱلۡأَرۡضِ مَرَّتَيۡنِ وَلَتَعۡلُنَّ عُلُوّٗا كَبِيرٗا

Исраил и лъэпкъым хуэдухащ Тхылъым иту: "ЩIым мыхъумыщIагъэ тIэу унейрэ щывгъэхъэнущ, итIанэ фепэгэкIынущ къызэрымыкIуэу"

ئايەت: 5

فَإِذَا جَآءَ وَعۡدُ أُولَىٰهُمَا بَعَثۡنَا عَلَيۡكُمۡ عِبَادٗا لَّنَآ أُوْلِي بَأۡسٖ شَدِيدٖ فَجَاسُواْ خِلَٰلَ ٱلدِّيَارِۚ وَكَانَ وَعۡدٗا مَّفۡعُولٗا

Япэрей мыхъумыщIагъэр щывгъахъэм къыфтедгъэуащ Дэ ди пщылI къаруушхуэ зиIэхэр, ахэр я унэхэм кърикIуахэщ, апхуэдэу псалъэр гъэзэщIа хъуащ

ئايەت: 6

ثُمَّ رَدَدۡنَا لَكُمُ ٱلۡكَرَّةَ عَلَيۡهِمۡ وَأَمۡدَدۡنَٰكُم بِأَمۡوَٰلٖ وَبَنِينَ وَجَعَلۡنَٰكُمۡ أَكۡثَرَ نَفِيرًا

ИтIанэ фэ иджыри зэ фатедгъэкIуащ абыхэм, мылъкури, бынри куэду фэттащ, икIи фэ фыдгъэбэгъуащ

ئايەت: 7

إِنۡ أَحۡسَنتُمۡ أَحۡسَنتُمۡ لِأَنفُسِكُمۡۖ وَإِنۡ أَسَأۡتُمۡ فَلَهَاۚ فَإِذَا جَآءَ وَعۡدُ ٱلۡأٓخِرَةِ لِيَسُـُٔواْ وُجُوهَكُمۡ وَلِيَدۡخُلُواْ ٱلۡمَسۡجِدَ كَمَا دَخَلُوهُ أَوَّلَ مَرَّةٖ وَلِيُتَبِّرُواْ مَا عَلَوۡاْ تَتۡبِيرًا

ФIы фщIэмэ, ар зыхуэфщIэр фэ фи щхьэщ, Iей фщIэми аращ зыхуэфщIэр. Иужьрей псалъэм и пIалъэр къыщысым, фи нэгухэр ягъэнэщхъеящ, мэжджытми ипэкIэ зэрыщIыхьахэм хуэдэу щIэдгъэхьахэщ, яIэщIыхьари зэрыщыту зэхакъутащ

ئايەت: 8

عَسَىٰ رَبُّكُمۡ أَن يَرۡحَمَكُمۡۚ وَإِنۡ عُدتُّمۡ عُدۡنَاۚ وَجَعَلۡنَا جَهَنَّمَ لِلۡكَٰفِرِينَ حَصِيرًا

Фи Тхьэм къыфхуигъэгъункIэ мэхъур, ауэ къытевгъазэмэ, Дэри къытедгъэзэнущ, жыхьэнэмэри джаурхэм щхьэкIэ убыдыпIэ тщIащ

ئايەت: 9

إِنَّ هَٰذَا ٱلۡقُرۡءَانَ يَهۡدِي لِلَّتِي هِيَ أَقۡوَمُ وَيُبَشِّرُ ٱلۡمُؤۡمِنِينَ ٱلَّذِينَ يَعۡمَلُونَ ٱلصَّٰلِحَٰتِ أَنَّ لَهُمۡ أَجۡرٗا كَبِيرٗا

ИпэжыпIэкIэ мы КъурIэным гъуэгу нэхъ захуэм хуешэр, Iиман къэзыхьахэу фIы зыщIэхэри егъэгуфIэр, абыхэм псапэшхуэ къазэрылъысыжынумкIэ

ئايەت: 10

وَأَنَّ ٱلَّذِينَ لَا يُؤۡمِنُونَ بِٱلۡأٓخِرَةِ أَعۡتَدۡنَا لَهُمۡ عَذَابًا أَلِيمٗا

Ахърэтыр зи фIэщ мыхъухэм щхьэкIэ атIэ хьэзаб гуауэр дгъэхьэзыращ

ئايەت: 11

وَيَدۡعُ ٱلۡإِنسَٰنُ بِٱلشَّرِّ دُعَآءَهُۥ بِٱلۡخَيۡرِۖ وَكَانَ ٱلۡإِنسَٰنُ عَجُولٗا

ЦIыхур Iейм щIолъэIур, фIым зэрыщIэлъэIум хуэдэу, ипэжыпIэкIэ цIыхур мэпIащIэр

ئايەت: 12

وَجَعَلۡنَا ٱلَّيۡلَ وَٱلنَّهَارَ ءَايَتَيۡنِۖ فَمَحَوۡنَآ ءَايَةَ ٱلَّيۡلِ وَجَعَلۡنَآ ءَايَةَ ٱلنَّهَارِ مُبۡصِرَةٗ لِّتَبۡتَغُواْ فَضۡلٗا مِّن رَّبِّكُمۡ وَلِتَعۡلَمُواْ عَدَدَ ٱلسِّنِينَ وَٱلۡحِسَابَۚ وَكُلَّ شَيۡءٖ فَصَّلۡنَٰهُ تَفۡصِيلٗا

Жэщымрэ махуэмрэ нэщэнитI дыщIащ Дэ. Жэщым и нэщэнэр кIыфIым щIедгъэхъумэри, махуэм и нэщэнэр дгъэлыдащ, фи Тхьэм и фIыгъуэхэм фыхущIэкъун папщIэ, илъэсхэм я бжыгъэри фщIэн папщIэ, фыбжэфыни папщIэ. Дэтхэнэ зы Iуэхури белджылы тщIащ Дэ

ئايەت: 13

وَكُلَّ إِنسَٰنٍ أَلۡزَمۡنَٰهُ طَٰٓئِرَهُۥ فِي عُنُقِهِۦۖ وَنُخۡرِجُ لَهُۥ يَوۡمَ ٱلۡقِيَٰمَةِ كِتَٰبٗا يَلۡقَىٰهُ مَنشُورًا

Дэтхэнэ зы цIыхуми и лэжьыгъэхэр ипщэ дэтлъхьащ дэмыкIыну, Къемэт махуэми абы и пащхьэ итлъхьэнущ тхылъыр зэIухауэ

ئايەت: 14

ٱقۡرَأۡ كِتَٰبَكَ كَفَىٰ بِنَفۡسِكَ ٱلۡيَوۡمَ عَلَيۡكَ حَسِيبٗا

Еджэ уи тхылъым, уэ блэжьауэ хъуар уи щхьэкIэ нобэ къэплъытэжмэ пхурикъунщ

ئايەت: 15

مَّنِ ٱهۡتَدَىٰ فَإِنَّمَا يَهۡتَدِي لِنَفۡسِهِۦۖ وَمَن ضَلَّ فَإِنَّمَا يَضِلُّ عَلَيۡهَاۚ وَلَا تَزِرُ وَازِرَةٞ وِزۡرَ أُخۡرَىٰۗ وَمَا كُنَّا مُعَذِّبِينَ حَتَّىٰ نَبۡعَثَ رَسُولٗا

Гъуэгу захуэм теувар зыхутеувар езым и щхьэщ, гъуэщари и щхьэщ зэрыгъуащэр. Зым и хьэлъэри адрейм ихьынукъым. ИкIи Дэ хьэзаб ятедгъахуэтэкъым, лIыкIуэ яхуэдмыгъэкIуауэ

ئايەت: 16

وَإِذَآ أَرَدۡنَآ أَن نُّهۡلِكَ قَرۡيَةً أَمَرۡنَا مُتۡرَفِيهَا فَفَسَقُواْ فِيهَا فَحَقَّ عَلَيۡهَا ٱلۡقَوۡلُ فَدَمَّرۡنَٰهَا تَدۡمِيرٗا

Къуажэ гуэр хэдгъэкIуэдэну дыхуеймэ, абы дэс егъэлеяуэ зызгъатхъэхэм унафэ яхуэтщIт, ауэ мыхъумыщIагъэхэр ящIэти, псалъэу абыхэм щхьэкIэ къехар къэпэжти зэхэдгъэлъалъэт къанэ щымыIэу

ئايەت: 17

وَكَمۡ أَهۡلَكۡنَا مِنَ ٱلۡقُرُونِ مِنۢ بَعۡدِ نُوحٖۗ وَكَفَىٰ بِرَبِّكَ بِذُنُوبِ عِبَادِهِۦ خَبِيرَۢا بَصِيرٗا

Дапщэ щIэблэ тедгъэкIуэдыкIа Нухь иужь?! Ирокъур уи Тхьэм зэрищIэр икIи зэрилъагъур и пщылIхэм я гуэныхьхэр

ئايەت: 18

مَّن كَانَ يُرِيدُ ٱلۡعَاجِلَةَ عَجَّلۡنَا لَهُۥ فِيهَا مَا نَشَآءُ لِمَن نُّرِيدُ ثُمَّ جَعَلۡنَا لَهُۥ جَهَنَّمَ يَصۡلَىٰهَا مَذۡمُومٗا مَّدۡحُورٗا

ГъащIэ псынщIэу блэкIым хуейIамэ, Дэ занщIэу дызыхуейм еттынущ дызыхуейр, итIанэ жыхьэнэмэм нэдгъэсынущ къамыдауэ зыми икIи гъэпудауэ

ئايەت: 19

وَمَنۡ أَرَادَ ٱلۡأٓخِرَةَ وَسَعَىٰ لَهَا سَعۡيَهَا وَهُوَ مُؤۡمِنٞ فَأُوْلَٰٓئِكَ كَانَ سَعۡيُهُم مَّشۡكُورٗا

АтIэ ахърэтым хуейуэ абы хущIэкъум зэрыхуэфащэу Iимани къихьауэ щыту, абы гугъуехьу илъэгъуам хуэфащэр игъуэтыжынщ

ئايەت: 20

كُلّٗا نُّمِدُّ هَٰٓؤُلَآءِ وَهَٰٓؤُلَآءِ مِنۡ عَطَآءِ رَبِّكَۚ وَمَا كَانَ عَطَآءُ رَبِّكَ مَحۡظُورًا

Адрейхэми, мыдрейхэми уи Тхьэм и тыгъэхэр ядотыр, икIи уи Тхьэм и тыгъэхэр мыхъуну щыткъым

ئايەت: 21

ٱنظُرۡ كَيۡفَ فَضَّلۡنَا بَعۡضَهُمۡ عَلَىٰ بَعۡضٖۚ وَلَلۡأٓخِرَةُ أَكۡبَرُ دَرَجَٰتٖ وَأَكۡبَرُ تَفۡضِيلٗا

Еплъыт абыхэм ящыщ зыхэр адрейхэм къазэрыхэдгъэщар, атIэ ахърэтыр нэхъ лъапIэщ икIи нэхъыфIщ

ئايەت: 22

لَّا تَجۡعَلۡ مَعَ ٱللَّهِ إِلَٰهًا ءَاخَرَ فَتَقۡعُدَ مَذۡمُومٗا مَّخۡذُولٗا

Алыхьым нэгъуэщI гъусэ щIомыгъу, е гъэцIыкIуауэ хыфIадзэжауэ укъэнэнщ

ئايەت: 23

۞ وَقَضَىٰ رَبُّكَ أَلَّا تَعۡبُدُوٓاْ إِلَّآ إِيَّاهُ وَبِٱلۡوَٰلِدَيۡنِ إِحۡسَٰنًاۚ إِمَّا يَبۡلُغَنَّ عِندَكَ ٱلۡكِبَرَ أَحَدُهُمَآ أَوۡ كِلَاهُمَا فَلَا تَقُل لَّهُمَآ أُفّٖ وَلَا تَنۡهَرۡهُمَا وَقُل لَّهُمَا قَوۡلٗا كَرِيمٗا

Уи тхьэм унафэу иухуар: езым нэгъуэщI зыми уахуэмыпщылIыну, адэ-анэм фIыуэ уахущытыну. Абыхэм ящыщ зыр е тIури жьы хъумэ, абыхэм "Фу", яжумыIэ, пхъашэуи уахущымыт, псалъэ дахэ яжеIэ

ئايەت: 24

وَٱخۡفِضۡ لَهُمَا جَنَاحَ ٱلذُّلِّ مِنَ ٱلرَّحۡمَةِ وَقُل رَّبِّ ٱرۡحَمۡهُمَا كَمَا رَبَّيَانِي صَغِيرٗا

Абыхэм гущIэгъум и дамэр яхуэгъэтIылъи жыIэ: "Тхьэшхуэ! Мыбыхэм гущIэгъу яхуэщI, сэ сызырыцIыкIурэ сызэрапIам щхьэкIэ"

ئايەت: 25

رَّبُّكُمۡ أَعۡلَمُ بِمَا فِي نُفُوسِكُمۡۚ إِن تَكُونُواْ صَٰلِحِينَ فَإِنَّهُۥ كَانَ لِلۡأَوَّٰبِينَ غَفُورٗا

Фи Тхьэм нэхъыфIу ещIэр фигу илъыр. ФIым фытету щытмэ, атIэ Абы къэзыгъэзэжым гущIэгъу хуещIыр

ئايەت: 26

وَءَاتِ ذَا ٱلۡقُرۡبَىٰ حَقَّهُۥ وَٱلۡمِسۡكِينَ وَٱبۡنَ ٱلسَّبِيلِ وَلَا تُبَذِّرۡ تَبۡذِيرًا

Уи Iыхьлым хуэфащэри, тхьэмыщкIэм хуэфащэри, гъуэгурыкIуэм хуэфащэри ят, ауэ йомыгъэлей

ئايەت: 27

إِنَّ ٱلۡمُبَذِّرِينَ كَانُوٓاْ إِخۡوَٰنَ ٱلشَّيَٰطِينِۖ وَكَانَ ٱلشَّيۡطَٰنُ لِرَبِّهِۦ كَفُورٗا

Езыгъэлейхэр шейтIанхэм я къуэшхэщ, атIэ шейтIаныр Алыхьым епцIыжащ

ئايەت: 28

وَإِمَّا تُعۡرِضَنَّ عَنۡهُمُ ٱبۡتِغَآءَ رَحۡمَةٖ مِّن رَّبِّكَ تَرۡجُوهَا فَقُل لَّهُمۡ قَوۡلٗا مَّيۡسُورٗا

Абыхэм уи щIыб яхуэбгъазэмэ, уи Тхьэм и гущIэгъум ущыгугъыу, атIэ абыхэм псалъэ дахэ яжеIэ

ئايەت: 29

وَلَا تَجۡعَلۡ يَدَكَ مَغۡلُولَةً إِلَىٰ عُنُقِكَ وَلَا تَبۡسُطۡهَا كُلَّ ٱلۡبَسۡطِ فَتَقۡعُدَ مَلُومٗا مَّحۡسُورًا

Уи Iэр уи пщэм еIулIауэ къомыгъанэ (умынэпсей), икIи икIыхьагъкIи умыукъуэдий(йомыгъэлей), е ягъэкъуаншэу, нэщхъейуэ укъэнэжынущ

ئايەت: 30

إِنَّ رَبَّكَ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ إِنَّهُۥ كَانَ بِعِبَادِهِۦ خَبِيرَۢا بَصِيرٗا

Уи Тхьэм зыхуейм ерыскъыр хуеубгъу е хуегъэмащIэ, Абы и пщылIхэр елъагъур, ещIэхэр

ئايەت: 31

وَلَا تَقۡتُلُوٓاْ أَوۡلَٰدَكُمۡ خَشۡيَةَ إِمۡلَٰقٖۖ نَّحۡنُ نَرۡزُقُهُمۡ وَإِيَّاكُمۡۚ إِنَّ قَتۡلَهُمۡ كَانَ خِطۡـٔٗا كَبِيرٗا

Фи сабийхэри фымыукI тхьэмыщкIагъуэм фыщышынэу, Дэращ ахэми, фэри ерыскъыр къыхуезыгъэхыр. Ахэр фыукIыныр икъукIэ гуэныхьышхуэщ

ئايەت: 32

وَلَا تَقۡرَبُواْ ٱلزِّنَىٰٓۖ إِنَّهُۥ كَانَ فَٰحِشَةٗ وَسَآءَ سَبِيلٗا

Зинэми благъэ зыхуэвмыщI! Ар мыхъумыщIагъэшхуэщ, зыхуишэри икъукIэ Iеищэщ

ئايەت: 33

وَلَا تَقۡتُلُواْ ٱلنَّفۡسَ ٱلَّتِي حَرَّمَ ٱللَّهُ إِلَّا بِٱلۡحَقِّۗ وَمَن قُتِلَ مَظۡلُومٗا فَقَدۡ جَعَلۡنَا لِوَلِيِّهِۦ سُلۡطَٰنٗا فَلَا يُسۡرِف فِّي ٱلۡقَتۡلِۖ إِنَّهُۥ كَانَ مَنصُورٗا

Алыхьым хьэрэм ищIа псэри хэвмых, хуэмыфащэу. ЗалымыгъэкIэ яукIам и уэлийр хуит тщIынущ, ауэ лъыщIэжым иремыгъэлей. Абым дэIэпыкъуэгъуи иIэнущ

ئايەت: 34

وَلَا تَقۡرَبُواْ مَالَ ٱلۡيَتِيمِ إِلَّا بِٱلَّتِي هِيَ أَحۡسَنُ حَتَّىٰ يَبۡلُغَ أَشُدَّهُۥۚ وَأَوۡفُواْ بِٱلۡعَهۡدِۖ إِنَّ ٱلۡعَهۡدَ كَانَ مَسۡـُٔولٗا

Ибэми и мылъкум фемыIэб, нэхъыфIыж зэрыфщIын мыхъукIэ, ар акъылкIэ зэтемыувэху. ИкIи фызэрызэгурыIуахэм фытет, зэгурыIуэныгъэхэмкIэ къывэупщIыжынущ

ئايەت: 35

وَأَوۡفُواْ ٱلۡكَيۡلَ إِذَا كِلۡتُمۡ وَزِنُواْ بِٱلۡقِسۡطَاسِ ٱلۡمُسۡتَقِيمِۚ ذَٰلِكَ خَيۡرٞ وَأَحۡسَنُ تَأۡوِيلٗا

Зыгуэр къэфпщытэмэ, ар пэжу къэфпщытэ, тэрэзэ захуэкIи фшэч. Ар нэхъыфIщ икIи кIэух нэхъ дахэ зиIэщ

ئايەت: 36

وَلَا تَقۡفُ مَا لَيۡسَ لَكَ بِهِۦ عِلۡمٌۚ إِنَّ ٱلسَّمۡعَ وَٱلۡبَصَرَ وَٱلۡفُؤَادَ كُلُّ أُوْلَٰٓئِكَ كَانَ عَنۡهُ مَسۡـُٔولٗا

Уэ зыхомыщIыкIым ухэмыхьэ: уи тхьэкIумэми, уи нэми, уигуми еупщIыжынущ абым щхьэкIэ

ئايەت: 37

وَلَا تَمۡشِ فِي ٱلۡأَرۡضِ مَرَحًاۖ إِنَّكَ لَن تَخۡرِقَ ٱلۡأَرۡضَ وَلَن تَبۡلُغَ ٱلۡجِبَالَ طُولٗا

ЩIым зыбгъэпагэурэ уземыкIуэ, уэ щIыри пхуэугъуэнынукъым, къуршхэми лъагагъэкIэ уапэхъунукъым

ئايەت: 38

كُلُّ ذَٰلِكَ كَانَ سَيِّئُهُۥ عِندَ رَبِّكَ مَكۡرُوهٗا

А Iейуэ хъуари уи Тхьэм фIэмыфI защIэщ

ئايەت: 39

ذَٰلِكَ مِمَّآ أَوۡحَىٰٓ إِلَيۡكَ رَبُّكَ مِنَ ٱلۡحِكۡمَةِۗ وَلَا تَجۡعَلۡ مَعَ ٱللَّهِ إِلَٰهًا ءَاخَرَ فَتُلۡقَىٰ فِي جَهَنَّمَ مَلُومٗا مَّدۡحُورًا

Мыр уи Тхьэм къыпхуригъэха акъылыфIагъэм щыщщ, Алыхьым гъусэу нэгъуэщI зыгуэр хуомыщI, е жыхьэнэмэм ягъэкъуаншэу, къамыдэжу уихуэнщ

ئايەت: 40

أَفَأَصۡفَىٰكُمۡ رَبُّكُم بِٱلۡبَنِينَ وَٱتَّخَذَ مِنَ ٱلۡمَلَٰٓئِكَةِ إِنَٰثًاۚ إِنَّكُمۡ لَتَقُولُونَ قَوۡلًا عَظِيمٗا

Фи Тхьэм цIыхухъу бынхэкIэ фи щIыхьыр иIэту, Езым мелыIычхэм щыщу цIыхубз зыхуищтэжауэ пIэрэ? Сытым хуэдэу псалъэ Iеищэ а фэ жыфIэхэр!

ئايەت: 41

وَلَقَدۡ صَرَّفۡنَا فِي هَٰذَا ٱلۡقُرۡءَانِ لِيَذَّكَّرُواْ وَمَا يَزِيدُهُمۡ إِلَّا نُفُورٗا

Дэ мы КъурIэныр гъэнэхуа тщIащ, ягу къэкIыжын папщIэ, ауэ ахэр нэхъри пэIэщIэ хъууэ аращ

ئايەت: 42

قُل لَّوۡ كَانَ مَعَهُۥٓ ءَالِهَةٞ كَمَا يَقُولُونَ إِذٗا لَّٱبۡتَغَوۡاْ إِلَىٰ ذِي ٱلۡعَرۡشِ سَبِيلٗا

ЖыIэ: "Абым нэгъуэщI тхьэхэр щIыгъуатэмэ а зэрыжаIэм хуэдэу, ахэр псори тахътым и Тхьэм и деж дауикI нэсыну хуеинухэт"

ئايەت: 43

سُبۡحَٰنَهُۥ وَتَعَٰلَىٰ عَمَّا يَقُولُونَ عُلُوّٗا كَبِيرٗا

Нэхъ лъагэщ икIи нэхъ щхьэщыIэтыкIащ Ар, абыхэм хужаIэу хъуам

ئايەت: 44

تُسَبِّحُ لَهُ ٱلسَّمَٰوَٰتُ ٱلسَّبۡعُ وَٱلۡأَرۡضُ وَمَن فِيهِنَّۚ وَإِن مِّن شَيۡءٍ إِلَّا يُسَبِّحُ بِحَمۡدِهِۦ وَلَٰكِن لَّا تَفۡقَهُونَ تَسۡبِيحَهُمۡۚ إِنَّهُۥ كَانَ حَلِيمًا غَفُورٗا

Абы и щытхъур яIэтыр уафиблми, щIыми, абыхэм ятетхэми. Зыри щыIэкъым Абы и щытхъур имыIэту, ауэ фэ абыхэм я щытхъубзэр къывгурыIуэкъым. Ар пIалъэ язытщ, Зыгъэгъущ

ئايەت: 45

وَإِذَا قَرَأۡتَ ٱلۡقُرۡءَانَ جَعَلۡنَا بَيۡنَكَ وَبَيۡنَ ٱلَّذِينَ لَا يُؤۡمِنُونَ بِٱلۡأٓخِرَةِ حِجَابٗا مَّسۡتُورٗا

КъурIэн ущеджэм и деж уэрэ ахърэтыр зи фIэщ мыхъухэмрэ фи яку куутI къэмылъагъуэ дэтлъхьащ

ئايەت: 46

وَجَعَلۡنَا عَلَىٰ قُلُوبِهِمۡ أَكِنَّةً أَن يَفۡقَهُوهُ وَفِيٓ ءَاذَانِهِمۡ وَقۡرٗاۚ وَإِذَا ذَكَرۡتَ رَبَّكَ فِي ٱلۡقُرۡءَانِ وَحۡدَهُۥ وَلَّوۡاْ عَلَىٰٓ أَدۡبَٰرِهِمۡ نُفُورٗا

Абыхэм ягухэм тепхъуэ тетпIащ, КъурIэныр къагурымыIуэн папщIэ, я тхьэкIумэхэми зэхамых тщIащ. Уи Тхьэ закъуэм и гугъу пщIымэ КъурIэным уеджэу, абыхэм я щIыбхэр къагъазэр яфIэмыфIу ар

ئايەت: 47

نَّحۡنُ أَعۡلَمُ بِمَا يَسۡتَمِعُونَ بِهِۦٓ إِذۡ يَسۡتَمِعُونَ إِلَيۡكَ وَإِذۡ هُمۡ نَجۡوَىٰٓ إِذۡ يَقُولُ ٱلظَّٰلِمُونَ إِن تَتَّبِعُونَ إِلَّا رَجُلٗا مَّسۡحُورًا

Дэ нэхъыфIу дощIэр абыхэм зэхахыр уэ къыщодэIухэкIэ. Ахэр щэхуу щызэIущащэхэкIэ, залымыгъэ зезыхьэхэм жаIэр: "Фэ фызыкIэлъыкIуэр щхъуэ зраха цIыху къуэдейуэ аращ"

ئايەت: 48

ٱنظُرۡ كَيۡفَ ضَرَبُواْ لَكَ ٱلۡأَمۡثَالَ فَضَلُّواْ فَلَا يَسۡتَطِيعُونَ سَبِيلٗا

Еплъыт абыхэм щапхъэу узыхуагъадэхэм! Ахэр щыуахэщи гъуэгу захуэр ягъуэтыжкъым

ئايەت: 49

وَقَالُوٓاْ أَءِذَا كُنَّا عِظَٰمٗا وَرُفَٰتًا أَءِنَّا لَمَبۡعُوثُونَ خَلۡقٗا جَدِيدٗا

Абыхэм жаIащ: "Къупщхьэрэ щыкъуейрэ фIэкIа зыри къытхэмынэжми щIэрыщIэу дыкъигъэхъужыну ара?"

ئايەت: 50

۞ قُلۡ كُونُواْ حِجَارَةً أَوۡ حَدِيدًا

ЖыIэ: "Мывэ е гъущI фырехъу

ئايەت: 51

أَوۡ خَلۡقٗا مِّمَّا يَكۡبُرُ فِي صُدُورِكُمۡۚ فَسَيَقُولُونَ مَن يُعِيدُنَاۖ قُلِ ٱلَّذِي فَطَرَكُمۡ أَوَّلَ مَرَّةٖۚ فَسَيُنۡغِضُونَ إِلَيۡكَ رُءُوسَهُمۡ وَيَقُولُونَ مَتَىٰ هُوَۖ قُلۡ عَسَىٰٓ أَن يَكُونَ قَرِيبٗا

нэгъуэщIу фигу къихьэ нэхъ пIащэ гуэри фырехъу". Абыхэм жаIэнущ: "Хэт атIэ къыдэзыгъэгъэзэжынур?" ЖыIэ: "Япэрейуэ фыкъэзыгъэщIаращ". Ауэ абыхэм я щхьэхэр ягъэхъеинущи жаIэнущ: "Сыт щыгъуэ ар къыщыхъунур?" ЯжеIэ: "Благъэ дыдэу къэхъункIэ мэхъур"

ئايەت: 52

يَوۡمَ يَدۡعُوكُمۡ فَتَسۡتَجِيبُونَ بِحَمۡدِهِۦ وَتَظُنُّونَ إِن لَّبِثۡتُمۡ إِلَّا قَلِيلٗا

А махуэм Ар къывэджэнущи жэуапу щытхъу жефIэнущ, икIи фи гугъэнущ мащIэ дыдэрэ фыкъэнауэ

ئايەت: 53

وَقُل لِّعِبَادِي يَقُولُواْ ٱلَّتِي هِيَ أَحۡسَنُۚ إِنَّ ٱلشَّيۡطَٰنَ يَنزَغُ بَيۡنَهُمۡۚ إِنَّ ٱلشَّيۡطَٰنَ كَانَ لِلۡإِنسَٰنِ عَدُوّٗا مُّبِينٗا

ЯжеIэ Си пщылIхэм нэхъыфIым фIэкIа жамыIэну, шейтIаныр хуейщ зэгурымыIуэныгъэр яхилъхьэну, атIэ шейтIаныр цIыхум и бийшхуэщ

ئايەت: 54

رَّبُّكُمۡ أَعۡلَمُ بِكُمۡۖ إِن يَشَأۡ يَرۡحَمۡكُمۡ أَوۡ إِن يَشَأۡ يُعَذِّبۡكُمۡۚ وَمَآ أَرۡسَلۡنَٰكَ عَلَيۡهِمۡ وَكِيلٗا

Фи Тхьэр нэхъыфIу къыфщыгъуазэщ: хуеймэ гущIэгъу фхуищIынщ, хуеймэ хьэзаб къыфтрилъхьэнщ. Уэ абыхэм я уэчылу удгъэкIуакъым

ئايەت: 55

وَرَبُّكَ أَعۡلَمُ بِمَن فِي ٱلسَّمَٰوَٰتِ وَٱلۡأَرۡضِۗ وَلَقَدۡ فَضَّلۡنَا بَعۡضَ ٱلنَّبِيِّـۧنَ عَلَىٰ بَعۡضٖۖ وَءَاتَيۡنَا دَاوُۥدَ زَبُورٗا

Уи Тхьэм нэхъыфIу ещIэр уафэхэми щIылъэми щыIэхэр, икIи Дэ зы бегъымбархэр адрейхэм къахэдгъэщащ, Дауди Забур еттащ

ئايەت: 56

قُلِ ٱدۡعُواْ ٱلَّذِينَ زَعَمۡتُم مِّن دُونِهِۦ فَلَا يَمۡلِكُونَ كَشۡفَ ٱلضُّرِّ عَنكُمۡ وَلَا تَحۡوِيلًا

ЖыIэ: "Абы нэгъуэщI тхьэуэ вгъэIуахэм къахуевджэ. Абыхэм гузэвэгъуэри фщхьэщахыфынукъым икIи нэгъуэщIым трагъэхуэфынукъым"

ئايەت: 57

أُوْلَٰٓئِكَ ٱلَّذِينَ يَدۡعُونَ يَبۡتَغُونَ إِلَىٰ رَبِّهِمُ ٱلۡوَسِيلَةَ أَيُّهُمۡ أَقۡرَبُ وَيَرۡجُونَ رَحۡمَتَهُۥ وَيَخَافُونَ عَذَابَهُۥٓۚ إِنَّ عَذَابَ رَبِّكَ كَانَ مَحۡذُورٗا

Абыхэм я лъэIухэр зыхуагъазэхэм езыхэми я Тхьэм нэхъ пэгъунэгъу зызэрыхуащIын гуэр къалъыхъуэ, зыр зым ипэ зрагъэщурэ. Абы и гущIэгъум щогугъхэ, и хьэзабым щошынэхэ. Уи Тхьэм и хьэзабыр икъукIэ узщышынэн хуейщ

ئايەت: 58

وَإِن مِّن قَرۡيَةٍ إِلَّا نَحۡنُ مُهۡلِكُوهَا قَبۡلَ يَوۡمِ ٱلۡقِيَٰمَةِ أَوۡ مُعَذِّبُوهَا عَذَابٗا شَدِيدٗاۚ كَانَ ذَٰلِكَ فِي ٱلۡكِتَٰبِ مَسۡطُورٗا

ЩыIэкъым зы жыли, Къемэт махуэм ипэкIэ дымыгъэкIуэдыжыну е хьэзаб гуащIэ тедмылъхьэну. Ар Тхылъым ипэкIэ итхауэ щытащ

ئايەت: 59

وَمَا مَنَعَنَآ أَن نُّرۡسِلَ بِٱلۡأٓيَٰتِ إِلَّآ أَن كَذَّبَ بِهَا ٱلۡأَوَّلُونَۚ وَءَاتَيۡنَا ثَمُودَ ٱلنَّاقَةَ مُبۡصِرَةٗ فَظَلَمُواْ بِهَاۚ وَمَا نُرۡسِلُ بِٱلۡأٓيَٰتِ إِلَّا تَخۡوِيفٗا

ИпэкIэ я фIэщ зэрамыщIам щхьэкIэ лIыкIуэхэр къахуэдмыгъэкIуэжу къэдгъэнакъым. Сэмудми махъшэр нэщэнэ нахуэу къахуедгъэхат, ауэ залымыгъэ ирахащ. Дэ нэщэнэхэр иридгъэшынэн щхьэкIэ недгъэх къудейуэ аращ

ئايەت: 60

وَإِذۡ قُلۡنَا لَكَ إِنَّ رَبَّكَ أَحَاطَ بِٱلنَّاسِۚ وَمَا جَعَلۡنَا ٱلرُّءۡيَا ٱلَّتِيٓ أَرَيۡنَٰكَ إِلَّا فِتۡنَةٗ لِّلنَّاسِ وَٱلشَّجَرَةَ ٱلۡمَلۡعُونَةَ فِي ٱلۡقُرۡءَانِۚ وَنُخَوِّفُهُمۡ فَمَا يَزِيدُهُمۡ إِلَّا طُغۡيَٰنٗا كَبِيرٗا

Дэ бжетIащ: "ИпэжыпIэкIэ уи Тхьэм цIыхухэр псори къызэщIеубыдэр". Уэ пщIыхьэпIэу уэдгъэлъэгъуари, жыг КъурIэным деж нэлат зытехуари, цIыхухэр дедгъэхьэхыну тщIауэ аращ. Дэ ахэр догъэшынэр, ауэ абыхэм я мыдаIуэныгъэр нэхъри хэхъуэу аращ

ئايەت: 61

وَإِذۡ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ قَالَ ءَأَسۡجُدُ لِمَنۡ خَلَقۡتَ طِينٗا

МелыӀычхэм унафэ яхуэтщӀащ: " Ӏэдэм щхьэщэ хуэфщI". Псоми щхьэщэ хуащӀащ, Ӏиблис мыхъумэ, абы жиIащ: "Си щхьэр хуэзгъэтIылъыну ара щIым Уэ ятIагъуэм къыхэпщIыкIам?"

ئايەت: 62

قَالَ أَرَءَيۡتَكَ هَٰذَا ٱلَّذِي كَرَّمۡتَ عَلَيَّ لَئِنۡ أَخَّرۡتَنِ إِلَىٰ يَوۡمِ ٱلۡقِيَٰمَةِ لَأَحۡتَنِكَنَّ ذُرِّيَّتَهُۥٓ إِلَّا قَلِيلٗا

Абы жиIащ: "Плъагъурэ Уэ, мы сэ нэхърэ нэхъ фIыщIэ зыхуэпщIар? Къемэт махуэ нэс сыкъэбгъанэмэ, сэ абы и щIэблэу къыщIэхъуэнур схуэжыIэдаIуэ сщIынщ, мащIэ тIэкIу нэхъ къэмынэу"

ئايەت: 63

قَالَ ٱذۡهَبۡ فَمَن تَبِعَكَ مِنۡهُمۡ فَإِنَّ جَهَنَّمَ جَزَآؤُكُمۡ جَزَآءٗ مَّوۡفُورٗا

ЖиIащ: "КIуэ, уэ уи ужьым къихьэнухэм жыхьэнэмэращ яхуэфащэнур, ящIауэ хъуам хуэфащэу

ئايەت: 64

وَٱسۡتَفۡزِزۡ مَنِ ٱسۡتَطَعۡتَ مِنۡهُم بِصَوۡتِكَ وَأَجۡلِبۡ عَلَيۡهِم بِخَيۡلِكَ وَرَجِلِكَ وَشَارِكۡهُمۡ فِي ٱلۡأَمۡوَٰلِ وَٱلۡأَوۡلَٰدِ وَعِدۡهُمۡۚ وَمَا يَعِدُهُمُ ٱلشَّيۡطَٰنُ إِلَّا غُرُورًا

Къэгъэделэ пхуэлъэкIыр абыхэм ящыщу уи макъкIэ, уи шухэри уи лъэсхэри ятеутIыпщхьэ, я мылъкуи я быни ядэгуэш, къэгъэгугъэхэ. ИпэжыпIэк1э, шейтIаным къызэригъэгугъэр - къегъэделэ къудейщ

ئايەت: 65

إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٞۚ وَكَفَىٰ بِرَبِّكَ وَكِيلٗا

Си пщылIхэр уэ уи унафэ щIэтхэкъым. Ирокъур Уи Тхьэр абыхэм я уэчылу зэрыщытыр"

ئايەت: 66

رَّبُّكُمُ ٱلَّذِي يُزۡجِي لَكُمُ ٱلۡفُلۡكَ فِي ٱلۡبَحۡرِ لِتَبۡتَغُواْ مِن فَضۡلِهِۦٓۚ إِنَّهُۥ كَانَ بِكُمۡ رَحِيمٗا

Фи Тхьэр, кхъухьхэр хым фхузезыгъакIуэращ, Абы и фIыгъуэхэм щыщ къыфIэрыхьэн папщIэ. Абы гущIэгъу къыфхуещIыр фэ

ئايەت: 67

وَإِذَا مَسَّكُمُ ٱلضُّرُّ فِي ٱلۡبَحۡرِ ضَلَّ مَن تَدۡعُونَ إِلَّآ إِيَّاهُۖ فَلَمَّا نَجَّىٰكُمۡ إِلَى ٱلۡبَرِّ أَعۡرَضۡتُمۡۚ وَكَانَ ٱلۡإِنسَٰنُ كَفُورًا

Хым фытету бэлыхь къыфтехуэмэ, Абы нэгъуэщI къызыхуевджэхэр зэуэ мэкIуэдыжыр. Ауэ фыкъригъэлу щIым фынихьэсыжмэ, фи щIыбхэр хувогъазэ, цIыхур икъукIэ епцIыжакIуэщ

ئايەت: 68

أَفَأَمِنتُمۡ أَن يَخۡسِفَ بِكُمۡ جَانِبَ ٱلۡبَرِّ أَوۡ يُرۡسِلَ عَلَيۡكُمۡ حَاصِبٗا ثُمَّ لَا تَجِدُواْ لَكُمۡ وَكِيلًا

Фыщымышынэу ара фэ щIым щыщ тэкъырым фыкIуэцIригъэхуну е мывэ уэшхым хуэдэу къыфтригъэщэщэну? ИтIанэ вгъуэтыжынукъым фэ дэIэпыкъуэгъу фхуэхъун

ئايەت: 69

أَمۡ أَمِنتُمۡ أَن يُعِيدَكُمۡ فِيهِ تَارَةً أُخۡرَىٰ فَيُرۡسِلَ عَلَيۡكُمۡ قَاصِفٗا مِّنَ ٱلرِّيحِ فَيُغۡرِقَكُم بِمَا كَفَرۡتُمۡ ثُمَّ لَا تَجِدُواْ لَكُمۡ عَلَيۡنَا بِهِۦ تَبِيعٗا

Е фымышынэу ара иджыри зэ хым фигъэгъэзэжу уэлбанэр жьышхуэ щIэту къыфтриутIыпщхьэу фригъэтхьэлэну, фызэрепцIыжам щхьэкIэ? ФиIэнукъым фэ итIанэ филъ ищIэжыну Дэ къытхуэкIуэн!

ئايەت: 70

۞ وَلَقَدۡ كَرَّمۡنَا بَنِيٓ ءَادَمَ وَحَمَلۡنَٰهُمۡ فِي ٱلۡبَرِّ وَٱلۡبَحۡرِ وَرَزَقۡنَٰهُم مِّنَ ٱلطَّيِّبَٰتِ وَفَضَّلۡنَٰهُمۡ عَلَىٰ كَثِيرٖ مِّمَّنۡ خَلَقۡنَا تَفۡضِيلٗا

Iэдэм и бынхэм фIыщIэ яхуэтщIащ, щIыми хыми зэрыщызекIуэн яттащ, фIыгъуэхэми щыщ яттащ, нэгъуэщI къэдгъэщIа куэдми ахэр ящытIэтыкIащ

ئايەت: 71

يَوۡمَ نَدۡعُواْ كُلَّ أُنَاسِۭ بِإِمَٰمِهِمۡۖ فَمَنۡ أُوتِيَ كِتَٰبَهُۥ بِيَمِينِهِۦ فَأُوْلَٰٓئِكَ يَقۡرَءُونَ كِتَٰبَهُمۡ وَلَا يُظۡلَمُونَ فَتِيلٗا

А махуэм цIыху псори къедджэнущ, я пашэхэри ящIыгъуу, итIанэ зи тхылъыр ижьымкIэ иратахэр я тхылъхэм еджэнухэщ, абыхэм финикым и кумылэм телъ фэ пIащIэм хуэдизкIи залымыгъэ ирахынукъым

ئايەت: 72

وَمَن كَانَ فِي هَٰذِهِۦٓ أَعۡمَىٰ فَهُوَ فِي ٱلۡأٓخِرَةِ أَعۡمَىٰ وَأَضَلُّ سَبِيلٗا

Мы дунейм нэфу тетар, ахърэтми нэфу къэнэнущ, нэхъри щыуа хъунущ

ئايەت: 73

وَإِن كَادُواْ لَيَفۡتِنُونَكَ عَنِ ٱلَّذِيٓ أَوۡحَيۡنَآ إِلَيۡكَ لِتَفۡتَرِيَ عَلَيۡنَا غَيۡرَهُۥۖ وَإِذٗا لَّٱتَّخَذُوكَ خَلِيلٗا

Абыхэм утраху пэтащ мы къыпхуедгъэхам, уэ къэбгупсыса гуэрхэр къыттеплъхьэн папщIэ. Мис абдежым яфIэфI дыдэ ухъунут

ئايەت: 74

وَلَوۡلَآ أَن ثَبَّتۡنَٰكَ لَقَدۡ كِدتَّ تَرۡكَنُ إِلَيۡهِمۡ شَيۡـٔٗا قَلِيلًا

Дэ удгъэбыдащ абыхэм я дежкIэ мащIэу уекъуну ухуежьэрэ пэт

ئايەت: 75

إِذٗا لَّأَذَقۡنَٰكَ ضِعۡفَ ٱلۡحَيَوٰةِ وَضِعۡفَ ٱلۡمَمَاتِ ثُمَّ لَا تَجِدُ لَكَ عَلَيۡنَا نَصِيرٗا

Апхуэдэу хъуатэмэ, егъэлеяуэ мы уи гъащIэми, уи псэр хэкIа иужькIи, бэлыхьыр зыхэпщIэнт, икIи зыри дэIэпыкъуэгъу пхуэхъуфынутэкъым, Дэ къытпэуву

ئايەت: 76

وَإِن كَادُواْ لَيَسۡتَفِزُّونَكَ مِنَ ٱلۡأَرۡضِ لِيُخۡرِجُوكَ مِنۡهَاۖ وَإِذٗا لَّا يَلۡبَثُونَ خِلَٰفَكَ إِلَّا قَلِيلٗا

Абыхэм щIым ураху пэтащ шынагъэкIэ, ауэ езыхэри итIанэ а щIым куэдрэ къытенэжынухэтэкъым

ئايەت: 77

سُنَّةَ مَن قَدۡ أَرۡسَلۡنَا قَبۡلَكَ مِن رُّسُلِنَاۖ وَلَا تَجِدُ لِسُنَّتِنَا تَحۡوِيلًا

Уи япэкIэ нэдгъэкIуа Ди лIыкIуэхэми арат иращIэр. Дэ дыухам зэхъуэкIыныгъэ хэлъу умыгъуэтын

ئايەت: 78

أَقِمِ ٱلصَّلَوٰةَ لِدُلُوكِ ٱلشَّمۡسِ إِلَىٰ غَسَقِ ٱلَّيۡلِ وَقُرۡءَانَ ٱلۡفَجۡرِۖ إِنَّ قُرۡءَانَ ٱلۡفَجۡرِ كَانَ مَشۡهُودٗا

Нэмэзыр щIы, шэджагъуэм щегъэжьауэ дунейр кIыфI хъуху, нэхущэми КъурIэн еджэ. Нэхущэм КъурIэн еджэм щыхьэт иIэщ

ئايەت: 79

وَمِنَ ٱلَّيۡلِ فَتَهَجَّدۡ بِهِۦ نَافِلَةٗ لَّكَ عَسَىٰٓ أَن يَبۡعَثَكَ رَبُّكَ مَقَامٗا مَّحۡمُودٗا

Жэщым щыщу уахътэ гуэр нэмэз щIы, уэ зэрыпфIэфIу, уи Тхьэм укъигъэхъужынкIэ мэхъу, щIыпIэ щытхъушхуэ зиIэр быубыдауэ

ئايەت: 80

وَقُل رَّبِّ أَدۡخِلۡنِي مُدۡخَلَ صِدۡقٖ وَأَخۡرِجۡنِي مُخۡرَجَ صِدۡقٖ وَٱجۡعَل لِّي مِن لَّدُنكَ سُلۡطَٰنٗا نَّصِيرٗا

ИкIи жыIэ: "Си, Тхьэ, си къэкIуэгъуэри пэж щIы, си кIуэжыгъуэри пэж щIы! Уи деж къикIауи нэщэнэ нахуэ къызэт!"

ئايەت: 81

وَقُلۡ جَآءَ ٱلۡحَقُّ وَزَهَقَ ٱلۡبَٰطِلُۚ إِنَّ ٱلۡبَٰطِلَ كَانَ زَهُوقٗا

ЖыIэ: "Пэжыр къакIуэри пцIыр кIуэдыжащ! ПцIым кIуэдыжынращ и натIэр"

ئايەت: 82

وَنُنَزِّلُ مِنَ ٱلۡقُرۡءَانِ مَا هُوَ شِفَآءٞ وَرَحۡمَةٞ لِّلۡمُؤۡمِنِينَ وَلَا يَزِيدُ ٱلظَّٰلِمِينَ إِلَّا خَسَارٗا

Дэ ныдогъэхыр КъурIэным иту зыгъэхъужынымрэ гущIэгъуныгъэшхуэмрэ, Iиман къэзыхьа цIыхухэм папщIэ. Ауэ залымыгъэ зезыхьахэм кIуэдыжыныращ яхухигъахъуэр

ئايەت: 83

وَإِذَآ أَنۡعَمۡنَا عَلَى ٱلۡإِنسَٰنِ أَعۡرَضَ وَنَـَٔا بِجَانِبِهِۦ وَإِذَا مَسَّهُ ٱلشَّرُّ كَانَ يَـُٔوسٗا

ЦIыхум фIыгъуэ еттамэ, и щIыбыр къегъазэри епэгэкIыурэ ткIэрокIыр. Ауэ Iей гуэр къеуэлIамэ, Iэмалыншэ мэхъу

ئايەت: 84

قُلۡ كُلّٞ يَعۡمَلُ عَلَىٰ شَاكِلَتِهِۦ فَرَبُّكُمۡ أَعۡلَمُ بِمَنۡ هُوَ أَهۡدَىٰ سَبِيلٗا

ЖыIэ: "ЦIыху къэскIэ езым и гъуэгу къыхехыр, ауэ фи Тхьэм нэхъыфIу ещIэр нэхъ гъуэгу захуэм тетыр"

ئايەت: 85

وَيَسۡـَٔلُونَكَ عَنِ ٱلرُّوحِۖ قُلِ ٱلرُّوحُ مِنۡ أَمۡرِ رَبِّي وَمَآ أُوتِيتُم مِّنَ ٱلۡعِلۡمِ إِلَّا قَلِيلٗا

Ахэр къоупщIынущ псэм щхьэкIэ. ЖыIэ: "Псэр си Тхьэм и унафэм щIэтщ. Фэ абы теухуауэ мащIэщ фщIэр"

ئايەت: 86

وَلَئِن شِئۡنَا لَنَذۡهَبَنَّ بِٱلَّذِيٓ أَوۡحَيۡنَآ إِلَيۡكَ ثُمَّ لَا تَجِدُ لَكَ بِهِۦ عَلَيۡنَا وَكِيلًا

Дэ тхуеятэмэ, а къыпхуедгъэхар пIитхыжынут, итIанэ бгъуэтынутэкъым абыкIэ дэIэпыкъуэгъу пхуэхъун

ئايەت: 87

إِلَّا رَحۡمَةٗ مِّن رَّبِّكَۚ إِنَّ فَضۡلَهُۥ كَانَ عَلَيۡكَ كَبِيرٗا

Ар уи Тхьэм и гущIэгъур мыхъуатэмэ. ИпэжыпIэкIэ Абы фIыгъуэу уэ къыпхуищIыр куэд дыдэщ

ئايەت: 88

قُل لَّئِنِ ٱجۡتَمَعَتِ ٱلۡإِنسُ وَٱلۡجِنُّ عَلَىٰٓ أَن يَأۡتُواْ بِمِثۡلِ هَٰذَا ٱلۡقُرۡءَانِ لَا يَأۡتُونَ بِمِثۡلِهِۦ وَلَوۡ كَانَ بَعۡضُهُمۡ لِبَعۡضٖ ظَهِيرٗا

ЖыIэ: "ЦIыхухэри жынхэри зэхыхьэу мы КъурIэным хуэдэ къахьыну хуеятэмэ, абы хуэдэ къахьыфынутэкъым, зыр зым и дэIэпыкъуэгъу хъуахэтэми"

ئايەت: 89

وَلَقَدۡ صَرَّفۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖ فَأَبَىٰٓ أَكۡثَرُ ٱلنَّاسِ إِلَّا كُفُورٗا

Дэ мы КъурIэным сыт хуэдэ щапхъэри къэтхьащ цIыхухэм щхьэкIэ, ауэ цIыхухэм я нэхъыбэм псори IэщIыб ящIыр, джаурыгъэм мыхъумэ

ئايەت: 90

وَقَالُواْ لَن نُّؤۡمِنَ لَكَ حَتَّىٰ تَفۡجُرَ لَنَا مِنَ ٱلۡأَرۡضِ يَنۢبُوعًا

Абыхэм жаIащ: "Ди фIэщ ухъунукъым, щIым дэр щхьэкIэ псынэ къыщIомыгъэжауэ

ئايەت: 91

أَوۡ تَكُونَ لَكَ جَنَّةٞ مِّن نَّخِيلٖ وَعِنَبٖ فَتُفَجِّرَ ٱلۡأَنۡهَٰرَ خِلَٰلَهَا تَفۡجِيرًا

Е жыг хадэ уимыIэху, пальмэхэмрэ санэрэ къыщыкIыу, абыхэм псыежэххэр хэпшауэ иIэхэу

ئايەت: 92

أَوۡ تُسۡقِطَ ٱلسَّمَآءَ كَمَا زَعَمۡتَ عَلَيۡنَا كِسَفًا أَوۡ تَأۡتِيَ بِٱللَّهِ وَٱلۡمَلَٰٓئِكَةِ قَبِيلًا

Е уафэр, а зэрыбгъэIум хуэдэу, такъыр-такъыру къыттебгъэхуэху, е Алыхьымрэ мелыIычхэмрэ уащIыгъуу ди пащхьэ укъимыувэху

ئايەت: 93

أَوۡ يَكُونَ لَكَ بَيۡتٞ مِّن زُخۡرُفٍ أَوۡ تَرۡقَىٰ فِي ٱلسَّمَآءِ وَلَن نُّؤۡمِنَ لِرُقِيِّكَ حَتَّىٰ تُنَزِّلَ عَلَيۡنَا كِتَٰبٗا نَّقۡرَؤُهُۥۗ قُلۡ سُبۡحَانَ رَبِّي هَلۡ كُنتُ إِلَّا بَشَرٗا رَّسُولٗا

Е мывэ лъапIэхэм къыхэщIыкIа унэ уимыIэху, е уафэм удэмыкIуеиху. Ауэ узэрыдэкIуеяри ди фIэщ хъунукъым, Тхыгъэр абы къытхуепхьэхыу демыджэху". ЖыIэ: "И щIыхьыр инщ си Тхьэм! Сэ сыцIыху къызэрыкIуэ къудейщ икIи сылIыкIуэ къудейщ"

ئايەت: 94

وَمَا مَنَعَ ٱلنَّاسَ أَن يُؤۡمِنُوٓاْ إِذۡ جَآءَهُمُ ٱلۡهُدَىٰٓ إِلَّآ أَن قَالُوٓاْ أَبَعَثَ ٱللَّهُ بَشَرٗا رَّسُولٗا

ЦIыхухэм Iиман къахьыну зэран яхуэхъуар гъуэгу захуэр къащыхуэкIуэм: "Алыхьым цIыху лIыкIуэу къытхуигъэкIуауэ ара?" - зэрыжаIаращ

ئايەت: 95

قُل لَّوۡ كَانَ فِي ٱلۡأَرۡضِ مَلَٰٓئِكَةٞ يَمۡشُونَ مُطۡمَئِنِّينَ لَنَزَّلۡنَا عَلَيۡهِم مِّنَ ٱلسَّمَآءِ مَلَكٗا رَّسُولٗا

ЖыIэ: "ЩIым мелыIычхэр хуиту щызекIуэтэмэ, Дэри абыхэм уафэм къахуедгъэхынт лIыкIуэу мелыIыч"

ئايەت: 96

قُلۡ كَفَىٰ بِٱللَّهِ شَهِيدَۢا بَيۡنِي وَبَيۡنَكُمۡۚ إِنَّهُۥ كَانَ بِعِبَادِهِۦ خَبِيرَۢا بَصِيرٗا

ЖыIэ: "Алыхьыр щыхьэту схурокъур фэрэ сэрэ ди яку, Абы ипэжыпIэкIэ и лIыкIуэхэр елъагъур, ещIэхэр"

ئايەت: 97

وَمَن يَهۡدِ ٱللَّهُ فَهُوَ ٱلۡمُهۡتَدِۖ وَمَن يُضۡلِلۡ فَلَن تَجِدَ لَهُمۡ أَوۡلِيَآءَ مِن دُونِهِۦۖ وَنَحۡشُرُهُمۡ يَوۡمَ ٱلۡقِيَٰمَةِ عَلَىٰ وُجُوهِهِمۡ عُمۡيٗا وَبُكۡمٗا وَصُمّٗاۖ مَّأۡوَىٰهُمۡ جَهَنَّمُۖ كُلَّمَا خَبَتۡ زِدۡنَٰهُمۡ سَعِيرٗا

Алыхьым гъуэгу захуэм тригъэуваращ, гъуэгу захуэм тетыр, ауэ щигъэуахэм Езым нэгъуэщI дэIэпыкъуэгъу ягъуэтынукъым. Ахэр Къемэт махуэм къызэхуишэсынухэщ нэгукIэ Iубахэу, нэфхэу, мыпсалъэфхэу, дэгухэу. Абыхэм я увыIэпIэр жыхьэнэмэщ, ужьыхыжыху къэскIэ мафIэр нэхъыбэ яхудощIыжыр

ئايەت: 98

ذَٰلِكَ جَزَآؤُهُم بِأَنَّهُمۡ كَفَرُواْ بِـَٔايَٰتِنَا وَقَالُوٓاْ أَءِذَا كُنَّا عِظَٰمٗا وَرُفَٰتًا أَءِنَّا لَمَبۡعُوثُونَ خَلۡقٗا جَدِيدًا

Аращ абыхэм яхуэфащэр, Ди нэщэнэхэр я фIэщ зэрымыхъуам щхьэкIэ, икIи: "Къупщхьэрэ сабэрэ дыхъужа иужь щIэрыщIэу дыкъагъэхъужыну ара?" - жаIэу зэрыщытам щхьэкIэ

ئايەت: 99

۞ أَوَلَمۡ يَرَوۡاْ أَنَّ ٱللَّهَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ قَادِرٌ عَلَىٰٓ أَن يَخۡلُقَ مِثۡلَهُمۡ وَجَعَلَ لَهُمۡ أَجَلٗا لَّا رَيۡبَ فِيهِ فَأَبَى ٱلظَّٰلِمُونَ إِلَّا كُفُورٗا

Абыхэм ямылъагъуу ара уафэхэри щIылъэри къэзыгъэхъуа Алыхьым зэрыхузэфIэкIынур, езыхэм хуэди къызэригъэхъуфынур? Абым пIалъэ шэч зыхэмылъ яхуигъэунэхуащ абыхэм, ауэ залымыгъэ зезыхьэхэм джаурыгъэ фIэкIа зыри ядэкъым

ئايەت: 100

قُل لَّوۡ أَنتُمۡ تَمۡلِكُونَ خَزَآئِنَ رَحۡمَةِ رَبِّيٓ إِذٗا لَّأَمۡسَكۡتُمۡ خَشۡيَةَ ٱلۡإِنفَاقِۚ وَكَانَ ٱلۡإِنسَٰنُ قَتُورٗا

ЖыIэ: "Фэ си Тхьэм и гущIэгъуныгъэм и хъугъуэфIыгъуэхэм я гъэтIылъыпIэхэр псори фи IэмыщIэ илътэми, фыщысхьынут факъырэ фыхъункIэ фышынэурэ, цIыхур нэпсейщи аращ"

ئايەت: 101

وَلَقَدۡ ءَاتَيۡنَا مُوسَىٰ تِسۡعَ ءَايَٰتِۭ بَيِّنَٰتٖۖ فَسۡـَٔلۡ بَنِيٓ إِسۡرَٰٓءِيلَ إِذۡ جَآءَهُمۡ فَقَالَ لَهُۥ فِرۡعَوۡنُ إِنِّي لَأَظُنُّكَ يَٰمُوسَىٰ مَسۡحُورٗا

Мусэ нэщэнибгъу нахуэхэр еттащ. ЯупщIыт Исраил и бынхэм, Мусэ къащыхуэкIуам, Фирхьэуным абы жриIауэ зэрыщытар: "ИпэжыпIэкIэ, уэ, Мусэ, щхъуэ къыуаха къысфощIыр"

ئايەت: 102

قَالَ لَقَدۡ عَلِمۡتَ مَآ أَنزَلَ هَٰٓؤُلَآءِ إِلَّا رَبُّ ٱلسَّمَٰوَٰتِ وَٱلۡأَرۡضِ بَصَآئِرَ وَإِنِّي لَأَظُنُّكَ يَٰفِرۡعَوۡنُ مَثۡبُورٗا

Абы жиIащ: " Уэ уощIэр мыхэр зэуэ уафэхэмрэ щIылъэмрэ я Тхьэм нэгъуэщIу зыми къызэрыримыгъэхар, нэщэнэ нахуэ фхуэхъуну. Уэ, Фирхьэун, уэ кIуэдыкIэ бзаджэ уиIэну къысфIощIыр"

ئايەت: 103

فَأَرَادَ أَن يَسۡتَفِزَّهُم مِّنَ ٱلۡأَرۡضِ فَأَغۡرَقۡنَٰهُ وَمَن مَّعَهُۥ جَمِيعٗا

Абы (Фирхьэуным) щIым ирихуну хуеящ ахэр, ауэ Дэ езыри, щIыгъуауэ хъуари едгъэтхьэлахэщ

ئايەت: 104

وَقُلۡنَا مِنۢ بَعۡدِهِۦ لِبَنِيٓ إِسۡرَٰٓءِيلَ ٱسۡكُنُواْ ٱلۡأَرۡضَ فَإِذَا جَآءَ وَعۡدُ ٱلۡأٓخِرَةِ جِئۡنَا بِكُمۡ لَفِيفٗا

ИужькIэ Исраил и бынхэм яжетIащ: "Мы щIым фыщыпсэу, иужьрей псалъэу ттар къыщыпэжым и деж, псори зэгъусэу фызэхуэтхусыжынщ"

ئايەت: 105

وَبِٱلۡحَقِّ أَنزَلۡنَٰهُ وَبِٱلۡحَقِّ نَزَلَۗ وَمَآ أَرۡسَلۡنَٰكَ إِلَّا مُبَشِّرٗا وَنَذِيرٗا

Ар пэжу едгъэхащ, пэжри иту недгъэхащ. Уэри фIыкIэ зыгъэгуфIэу, Iейм пэIэщIэ зыщI къудейуэ унедгъэхауэ аращ

ئايەت: 106

وَقُرۡءَانٗا فَرَقۡنَٰهُ لِتَقۡرَأَهُۥ عَلَى ٱلنَّاسِ عَلَىٰ مُكۡثٖ وَنَزَّلۡنَٰهُ تَنزِيلٗا

КъурIэныр дгуэшащ, цIыхухэм уахуеджэн папщIэ умыпIащIэу. Ар Iыхьэ - Iыхьэу недгъэхащ

ئايەت: 107

قُلۡ ءَامِنُواْ بِهِۦٓ أَوۡ لَا تُؤۡمِنُوٓاْۚ إِنَّ ٱلَّذِينَ أُوتُواْ ٱلۡعِلۡمَ مِن قَبۡلِهِۦٓ إِذَا يُتۡلَىٰ عَلَيۡهِمۡ يَخِرُّونَۤ لِلۡأَذۡقَانِۤ سُجَّدٗاۤ

ЖыIэ: "Ар фи фIэщ вгъэхъу е фымыгъэхъу! ИпэжыпIэкIэ щIэныгъэ зратауэ щытахэр абы щеджэкIэ, я щхьэхэр щхьэщэ ящIкIэрэ щIым ягъэтIылъыр, я жьэпкъхэр нэсыху

ئايەت: 108

وَيَقُولُونَ سُبۡحَٰنَ رَبِّنَآ إِن كَانَ وَعۡدُ رَبِّنَا لَمَفۡعُولٗا

ИкIи абыхэм жаIэр: "Ди Тхьэу зи щIыхьыр лъагэ! ИпэжыпIэкIэ ди Тхьэм псалъэу къыдитар Iэмал имыIэу къэпэжынущ"

ئايەت: 109

وَيَخِرُّونَ لِلۡأَذۡقَانِ يَبۡكُونَ وَيَزِيدُهُمۡ خُشُوعٗا۩

ЩIым щхьэщэ ящIурэ я жьэпкъхэр нэсыху зытраубгъуэр гъуэгхэурэ, икIи абы я сабырыныгъэр хегъахъуэр

ئايەت: 110

قُلِ ٱدۡعُواْ ٱللَّهَ أَوِ ٱدۡعُواْ ٱلرَّحۡمَٰنَۖ أَيّٗا مَّا تَدۡعُواْ فَلَهُ ٱلۡأَسۡمَآءُ ٱلۡحُسۡنَىٰۚ وَلَا تَجۡهَرۡ بِصَلَاتِكَ وَلَا تُخَافِتۡ بِهَا وَٱبۡتَغِ بَيۡنَ ذَٰلِكَ سَبِيلٗا

ЖыIэ: "ФелъэIу Алыхьым е фелъэIу ГущIэгъущIым! Дэтхэнэм фемылъэIуами, Абы цIэ нэхъ дахэу щыIэхэр ейщ". Уи нэмэзри макъышхуэкIи умыщI, уIущащэуи умыщI, абым яку дэт макъкIэ щIы

ئايەت: 111

وَقُلِ ٱلۡحَمۡدُ لِلَّهِ ٱلَّذِي لَمۡ يَتَّخِذۡ وَلَدٗا وَلَمۡ يَكُن لَّهُۥ شَرِيكٞ فِي ٱلۡمُلۡكِ وَلَمۡ يَكُن لَّهُۥ وَلِيّٞ مِّنَ ٱلذُّلِّۖ وَكَبِّرۡهُ تَكۡبِيرَۢا

ИкIи жыIэ: "Щытхъур зейр Алыхьыращ, бын къызхуэзмыщтэжам, зыми зи унафэр дэзмыгуэшым, гъэпудыным щызыхъумэн хуэмыныкъуэм". ИкIи егъэлеяуэ Ар гъэлъапIэ