مەنالار تەرجىمىسى سۈرە نەبەئ - قۇرئان كەرىم قىسقىچە تەپسىرىنىڭ قىرغىزچە تەرجىمىسى - بەت نومۇرى 582 - قۇرئان كەرىم ئىنىسكىلوپىدىيىسى

Наба

سۈرىنىڭ مەقسەتلىرىدىن:

بيان أدلة القدرة على البعث والتخويف من العاقبة.

Кайра тирилтүүгө кудуреттүү экендигине далилдерди баяндоо жана акыбеттин жаман болуп калуусун эскертип коркутуу.

---

ئايەت: 1

عَمَّ يَتَسَآءَلُونَ

Аллах мушриктерге Өз элчисин жибергенден кийин алар бири-биринен эмне тууралуу сурап жатышат?

ئايەت: 2

عَنِ ٱلنَّبَإِ ٱلۡعَظِيمِ

Алар бири-биринен улуу Кабар тууралуу сурап жатышат. Ал алардын пайгамбарына түшүрүлгөн, өзүнө кайра тирилүүнү камтыган – бул Куран.

ئايەت: 3

ٱلَّذِي هُمۡ فِيهِ مُخۡتَلِفُونَ

Алар талашып-тартышкан бул Куранды сыйкыр же поэзия же төлгөчүлүк же байыркылардын уламыштары деп сыпатташат.

ئايەت: 4

كَلَّا سَيَعۡلَمُونَ

Абал алар ойлогондой эмес! Куранды жалганга чыгаргандар жакында жалгандарынын акыбети жаман болорун билишет.

ئايەت: 5

ثُمَّ كَلَّا سَيَعۡلَمُونَ

Андан соң аларга аны дагы баса белгиледи.

ئايەت: 6

أَلَمۡ نَجۡعَلِ ٱلۡأَرۡضَ مِهَٰدٗا

Биз алар үчүн жерди турукташууга ылайыктуу тегиз кылып койбодукпу?

ئايەت: 7

وَٱلۡجِبَالَ أَوۡتَادٗا

Ал силкилдебеш үчүн анын үстүнө тоолорду казык кылдабыкпы?

ئايەت: 8

وَخَلَقۡنَٰكُمۡ أَزۡوَٰجٗا

Оо, адамдар! Биз силерди ар кандай түрдө жараттык, араңарда эркектер жана аялдар бар.

ئايەت: 9

وَجَعَلۡنَا نَوۡمَكُمۡ سُبَاتٗا

Силер тиричиликти токтотуп эс алууңар үчүн уйкуңарды кылдык.

ئايەت: 10

وَجَعَلۡنَا ٱلَّيۡلَ لِبَاسٗا

Жана силер үчүн караңгы түндү уяттуу жериңерди жапкан кийим сыяктуу тосмо кылдык.

ئايەت: 11

وَجَعَلۡنَا ٱلنَّهَارَ مَعَاشٗا

Ал эми күндүздү жумуш кылуу жана ырыскы издөө үчүн майдан кылдык.

ئايەت: 12

وَبَنَيۡنَا فَوۡقَكُمۡ سَبۡعٗا شِدَادٗا

Жана силердин үстүңөргө бекем курулуштагы жана кынтыксыз жасалыштагы жети асманды курдук.

ئايەت: 13

وَجَعَلۡنَا سِرَاجٗا وَهَّاجٗا

Жана Күндү абдан жалындап жаркыраган чырак кылдык.

ئايەت: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Жана жамгыр жаай турган мезгили келген булуттардан нөшөрлөп куюлган суу түшүрдүк.

ئايەت: 15

لِّنُخۡرِجَ بِهِۦ حَبّٗا وَنَبَاتٗا

Аны менен ар кандай түрдөгү дандарды жана өсүмдүктөрдү чыгаруу үчүн.

ئايەت: 16

وَجَنَّٰتٍ أَلۡفَافًا

Жана бак-дарактарынын бутактары бири-бирине кирип чырмалышкан бакчаларды чыгаруу үчүн.

ئايەت: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Макулуктардын ортосун ажыратуучу күн кечикпестен келе турган бир убакытка белгиленген.

ئايەت: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Ал күнү периште экинчи жолу кернейди тартат. Оо, адамдар! Ошондо силер топ-топ болуп келесиңер.

ئايەت: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Асман ачылып, анда ачылган эшиктер сыяктуу тешиктер пайда болот.

ئايەت: 20

وَسُيِّرَتِ ٱلۡجِبَالُ فَكَانَتۡ سَرَابًا

Тоолор жылып, бырыксыган чаңга айланат жана закым сыяктуу болуп калат.

ئايەت: 21

إِنَّ جَهَنَّمَ كَانَتۡ مِرۡصَادٗا

Чындыгында тозок аңдып күтүп туруучу.

ئايەت: 22

لِّلطَّٰغِينَ مَـَٔابٗا

Жана залымдар кайтып баруучу жай.

ئايەت: 23

لَّٰبِثِينَ فِيهَآ أَحۡقَابٗا

Алар ал жакта акыры жок замандар жана кылымдар бою калышат.

ئايەت: 24

لَّا يَذُوقُونَ فِيهَا بَرۡدٗا وَلَا شَرَابًا

Алар ал жакта тозоктун ысыгын муздаткан салкын абаны да, моокумду кандырган суусундукту да татышпайт.

ئايەت: 25

إِلَّا حَمِيمٗا وَغَسَّاقٗا

Алар өтө ысык сууну жана тозоктогулардан аккан ириңди гана татышат.

ئايەت: 26

جَزَآءٗ وِفَاقًا

Бул алардын каапырлыгына жана адашуусуна ылайыктуу жаза!

ئايەت: 27

إِنَّهُمۡ كَانُواْ لَا يَرۡجُونَ حِسَابٗا

Чындыгында алар дүйнөдө Аллахтын акыреттеги сурагынан коркушкан эмес. Анткени алар кайра тирилүүгө ишенишкен жок. Эгерде алар кайра тирилүүдөн корккондо, анда Аллахка ыйман келтирип, жакшылык иштерди кылышмак.

ئايەت: 28

وَكَذَّبُواْ بِـَٔايَٰتِنَا كِذَّابٗا

Жана алар элчибизге түшүргөн аяттарыбызды ачык түрдө жалганга чыгарышты.

ئايەت: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Биз алардын иш-аракеттерине байланыштуу бардык нерселерди эсептеп тактап койдук. Ал алардын амал баракчаларында жазылган.

ئايەت: 30

فَذُوقُواْ فَلَن نَّزِيدَكُمۡ إِلَّا عَذَابًا

Эй, залымдар! Бул түбөлүктүү азапты таткыла! Эми Биз азабыңардын үстүнө азапты көбөйтөбүз.

بۇ بەتتىكى ئايەتلەردىن ئېلىنغان مەزمۇنلار:

• إحكام الله للخلق دلالة على قدرته على إعادته.

Аллахтын кынтыксыз жаратуусу – Анын кайра жаратууга болгон кудуреттүүлүгүнө далил болот.

• الطغيان سبب دخول النار.

Зулумдук кылуу тозокко кирүүгө себеп болот.

• مضاعفة العذاب على الكفار.

Каапырларга азаптын эселеп берилүүсү.