مەنالار تەرجىمىسى سۈرە نۇر - پىلىپىنچە (مەگىنداناۋ) تەرجىمىسى - رۇۋۋاد تەرجىمە مەركىزى - بەت نومۇرى 351 - قۇرئان كەرىم ئىنىسكىلوپىدىيىسى

ئايەت: 11

إِنَّ ٱلَّذِينَ جَآءُو بِٱلۡإِفۡكِ عُصۡبَةٞ مِّنكُمۡۚ لَا تَحۡسَبُوهُ شَرّٗا لَّكُمۖ بَلۡ هُوَ خَيۡرٞ لَّكُمۡۚ لِكُلِّ ٱمۡرِيٕٖ مِّنۡهُم مَّا ٱكۡتَسَبَ مِنَ ٱلۡإِثۡمِۚ وَٱلَّذِي تَوَلَّىٰ كِبۡرَهُۥ مِنۡهُمۡ لَهُۥ عَذَابٌ عَظِيمٞ

Benal na su manga taw menem a tagapeda nu bun silan, sa kalbutan bu i bityala nilan, na dinu bagantapa i makagkayd sa lekanu, umani-isa na kadusan i nakwa nin (kanu ipedtetebu) endu su minukakal sa entuba a bityala (Abdullah bin Ubayya) na lekanin i siksa a masla.

ئايەت: 12

لَّوۡلَآ إِذۡ سَمِعۡتُمُوهُ ظَنَّ ٱلۡمُؤۡمِنُونَ وَٱلۡمُؤۡمِنَٰتُ بِأَنفُسِهِمۡ خَيۡرٗا وَقَالُواْ هَٰذَآ إِفۡكٞ مُّبِينٞ

Entuba ka kinakineg u lun ka yabu initagu sa ginawa na babay-mama a mu'min i mapiya (di silan malityala) endu ya nilan pidtalu na: bityala inan a kalbutan a mapayag.

ئايەت: 13

لَّوۡلَا جَآءُو عَلَيۡهِ بِأَرۡبَعَةِ شُهَدَآءَۚ فَإِذۡ لَمۡ يَأۡتُواْ بِٱلشُّهَدَآءِ فَأُوْلَٰٓئِكَ عِندَ ٱللَّهِ هُمُ ٱلۡكَٰذِبُونَ

Entuba ka pinambuwat ilan i pat kataw a manga saksi, na amayka di silan makapambuwat sa pat kataw a saksi, na silan lu sa Allah i manga taw a malebot.

ئايەت: 14

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ فِي ٱلدُّنۡيَا وَٱلۡأٓخِرَةِ لَمَسَّكُمۡ فِي مَآ أَفَضۡتُمۡ فِيهِ عَذَابٌ عَظِيمٌ

U di kena bu su kalbihan nu Allah endu su limu nin sa lekanu sa dunya-akhirat na nasugat kanu den a siksa a masla (sa kanu bityala nu)

ئايەت: 15

إِذۡ تَلَقَّوۡنَهُۥ بِأَلۡسِنَتِكُمۡ وَتَقُولُونَ بِأَفۡوَاهِكُم مَّا لَيۡسَ لَكُم بِهِۦ عِلۡمٞ وَتَحۡسَبُونَهُۥ هَيِّنٗا وَهُوَ عِندَ ٱللَّهِ عَظِيمٞ

Kagina banabeten nu i kalbutan, na pedtalu nu kanu manga ngali nu i dala sabutin lun (namba su kinadtetebu kanu Aisha a kaluma nu Rasulullah) endu ya nu kataw na malemu, na lu sa Allah na sangat i kasla nin.

ئايەت: 16

وَلَوۡلَآ إِذۡ سَمِعۡتُمُوهُ قُلۡتُم مَّا يَكُونُ لَنَآ أَن نَّتَكَلَّمَ بِهَٰذَا سُبۡحَٰنَكَ هَٰذَا بُهۡتَٰنٌ عَظِيمٞ

Entuba ka kinakineg u lun ka ya nu pidtalu na di tanu embityalan inan, mahasuti su Allah, ka nan a bityala na kalbutan a sangat i kasla nin.

ئايەت: 17

يَعِظُكُمُ ٱللَّهُ أَن تَعُودُواْ لِمِثۡلِهِۦٓ أَبَدًا إِن كُنتُم مُّؤۡمِنِينَ

Bangindawn kanu nu Allah sa di nu a benal kab-palumanan amayka benal kanu a manga mu'min.

ئايەت: 18

وَيُبَيِّنُ ٱللَّهُ لَكُمُ ٱلۡأٓيَٰتِۚ وَٱللَّهُ عَلِيمٌ حَكِيمٌ

Endu ipebpayag u Allah sa lekanu su manga ayatanin, su Allah i mataw sa mapayag-masulen.

ئايەت: 19

إِنَّ ٱلَّذِينَ يُحِبُّونَ أَن تَشِيعَ ٱلۡفَٰحِشَةُ فِي ٱلَّذِينَ ءَامَنُواْ لَهُمۡ عَذَابٌ أَلِيمٞ فِي ٱلدُّنۡيَا وَٱلۡأٓخِرَةِۚ وَٱللَّهُ يَعۡلَمُ وَأَنتُمۡ لَا تَعۡلَمُونَ

Su manga taw a myug sa makapayapat su maledsik a bityala kanu manga mu'min na kanilan i siksa a masakit sya sa dunya endu lu sa akhirat, su Allah i mataw kanu di nu katawan.

ئايەت: 20

وَلَوۡلَا فَضۡلُ ٱللَّهِ عَلَيۡكُمۡ وَرَحۡمَتُهُۥ وَأَنَّ ٱللَّهَ رَءُوفٞ رَّحِيمٞ

U di kena bu su kalbihan nu Allah sa lekanu endu su limu nin (na tiyuban kanu) endu su Allah na malasam a malimu.