مەنالار تەرجىمىسى سۈرە سۈرە بۇرۇج - الترجمة البشتوية - رواد - قۇرئان كەرىم ئىنىسكىلوپىدىيىسى

البروج

ئايەت: 1

وَالسَّمَآءِ ذَاتِ الْبُرُوْجِ ۟ۙ

پر برجونو والا اسمان قسم.

ئايەت: 2

وَالْیَوْمِ الْمَوْعُوْدِ ۟ۙ

او د ژمنې (ټاکل شوې) په ورځ قسم.

ئايەت: 3

وَشَاهِدٍ وَّمَشْهُوْدٍ ۟ؕ

او (قسم) پر شاهدي ورکوونکي او هغه چا چې شاهدې پرې ورکړل شوې ده.

ئايەت: 4

قُتِلَ اَصْحٰبُ الْاُخْدُوْدِ ۟ۙ

تباه کړی شول، کېندونکي د کندو.

ئايەت: 5

النَّارِ ذَاتِ الْوَقُوْدِ ۟ۙ

د ډېرو خشاک لرونکو اور والا.

ئايەت: 6

اِذْ هُمْ عَلَیْهَا قُعُوْدٌ ۟ۙ

هغه مهال چې هغوی (د کندو پر غاړو) ناست وو.

ئايەت: 7

وَّهُمْ عَلٰی مَا یَفْعَلُوْنَ بِالْمُؤْمِنِیْنَ شُهُوْدٌ ۟ؕ

او هغوی چې پر مومنانو څه کول د هغو ليدونکي وو.

ئايەت: 8

وَمَا نَقَمُوْا مِنْهُمْ اِلَّاۤ اَنْ یُّؤْمِنُوْا بِاللّٰهِ الْعَزِیْزِ الْحَمِیْدِ ۟ۙ

او له هغو سره يې په بل څه بدي نه وه، مګر دا چې هغوی پر برلاسي ستايل شوي الله ايمان راوړی و.

ئايەت: 9

الَّذِیْ لَهٗ مُلْكُ السَّمٰوٰتِ وَالْاَرْضِ ؕ— وَاللّٰهُ عَلٰی كُلِّ شَیْءٍ شَهِیْدٌ ۟ؕ

هغه ذات چې د اسمان او ځمکې پاچايي هغه لره ده، او الله پر هر څه حاضر ليدونکی دی.

ئايەت: 10

اِنَّ الَّذِیْنَ فَتَنُوا الْمُؤْمِنِیْنَ وَالْمُؤْمِنٰتِ ثُمَّ لَمْ یَتُوْبُوْا فَلَهُمْ عَذَابُ جَهَنَّمَ وَلَهُمْ عَذَابُ الْحَرِیْقِ ۟ؕ

بېشکه هغه کسان چې مومنان او مومنانې يې کړولي دي بيا يې توبه هم نه ده اېستلې، هغوی لره د دوزخ سزا ده او هغوی لره د سوځولو عذاب دی.

ئايەت: 11

اِنَّ الَّذِیْنَ اٰمَنُوْا وَعَمِلُوا الصّٰلِحٰتِ لَهُمْ جَنّٰتٌ تَجْرِیْ مِنْ تَحْتِهَا الْاَنْهٰرُ ؕ— ذٰلِكَ الْفَوْزُ الْكَبِیْرُ ۟ؕ

بېشکه چا چې ايمان راوړی او ښه کارونه يې کړي دي د هغوی لپاره داسې باغونه دي چې ترې لاندې به یې ويالې بهيږي او دا ستره بريا ده.

ئايەت: 12

اِنَّ بَطْشَ رَبِّكَ لَشَدِیْدٌ ۟ؕ

بېشکه ستا د پالونکي نيونه ډېره سخته ده.

ئايەت: 13

اِنَّهٗ هُوَ یُبْدِئُ وَیُعِیْدُ ۟ۚ

بېشکه هغه لومړی ځل پيداکوي او بيا يې راګرځوي.

ئايەت: 14

وَهُوَ الْغَفُوْرُ الْوَدُوْدُ ۟ۙ

او هغه بخښونکی مينه ناک دی.

ئايەت: 15

ذُو الْعَرْشِ الْمَجِیْدُ ۟ۙ

د عرش څښتن مرتبې والا دی.

ئايەت: 16

فَعَّالٌ لِّمَا یُرِیْدُ ۟ؕ

څه چې غواړي د هغه ښه ترسره کوونکی دی.

ئايەت: 17

هَلْ اَتٰىكَ حَدِیْثُ الْجُنُوْدِ ۟ۙ

ايا د لښکرو خبر درته رسېدلی دی؟

ئايەت: 18

فِرْعَوْنَ وَثَمُوْدَ ۟ؕ

د فرعون او ثمود.

ئايەت: 19

بَلِ الَّذِیْنَ كَفَرُوْا فِیْ تَكْذِیْبٍ ۟ۙ

بلکې چا چې کفر کړی هغوی په دروغ ګڼلو کې دي.

ئايەت: 20

وَّاللّٰهُ مِنْ وَّرَآىِٕهِمْ مُّحِیْطٌ ۟ۚ

حال دا چې الله پر هغوی له هر لوري چاپېر دی.

ئايەت: 21

بَلْ هُوَ قُرْاٰنٌ مَّجِیْدٌ ۟ۙ

بلکې هغه قرآن د لوړې مرتبې والا دی.

ئايەت: 22

فِیْ لَوْحٍ مَّحْفُوْظٍ ۟۠

په خوندي ساتل شوې تخته کې دی.