مەنالار تەرجىمىسى ئايەت 43 سۈرە قەسەس - قۇرئان كەرىم قىسقىچە تەپسىرىنىڭ ئۇيغۇرچە تەرجىمىسى - قۇرئان كەرىم ئىنىسكىلوپىدىيىسى

ئايەت: 43

وَلَقَدۡ ءَاتَيۡنَا مُوسَى ٱلۡكِتَٰبَ مِنۢ بَعۡدِ مَآ أَهۡلَكۡنَا ٱلۡقُرُونَ ٱلۡأُولَىٰ بَصَآئِرَ لِلنَّاسِ وَهُدٗى وَرَحۡمَةٗ لَّعَلَّهُمۡ يَتَذَكَّرُونَ

شۈبھىسىزكى، بىز ئىلگىرىكى ئۈممەتلەرگىمۇ پەيغەمبەرلىرىمىزنى ئەۋەتكەندىن كېيىن مۇساغا تەۋراتنى بەردۇق، ئۇ پەيغەمبەرلەرنى ئۈممەتلىرى ئىنكار قىلغاندا بىز ئۇلارنى پەيغەمبەرلىرىنى ئىنكار قىلغانلىقى تۈپەيلىدىن ھالاك قىلدۇق. تەۋراتتا ئىنسانلارغا پايدىلىق بولغاننى كۆرسىتىپ، ئۇلارنىڭ شۇ بويىچە ئەمەل قىلىشىغا، زىيانلىق بولغاننى كۆرسىتىپ، ئۇلارنىڭ ئۇنى تاشلىشىغا ياردىمى بولىدىغان، ئۇلارنى ياخشىلىققا يېتەكلەيدىغان ھەقىقەتلەر بار. ئۇنىڭدا دۇنيا ۋە ئاخىرەتنىڭ ياخشىلىقلىرى بولغان رەھمەتتۇر. ئۈمىدكى ئۇلار ئاللاھنىڭ نېئمەتلىرىنى ئەسلەپ، ئۇنىڭغا شۈكرى قىلىپ، ئىمان ئېيتقاي.

بۇ بەتتىكى ئايەتلەردىن ئېلىنغان مەزمۇنلار:

• رَدُّ الحق بالشبه الواهية شأن أهل الطغيان.

ئاجىز گۇمان بىلەن ھەقىقەتنى رەت قىلىش تەكەببۇرلارنىڭ ئىشىدۇر.

• التكبر مانع من اتباع الحق.

تەكەببۇرلۇق ھەقىقەتكە ئەگىشىشتىن توسۇپ قالىدۇ.

• سوء نهاية المتكبرين من سنن رب العالمين.

تەكەببۇرلارنىڭ يامان ئاقىۋەتكە قېلىشى ئالەملەرنىڭ پەرۋەردىگارىنىڭ قانۇنىيەتلىرىدىن بىرىدۇر.

• للباطل أئمته ودعاته وصوره ومظاهره.

ئاساسسىز ساختىلىقنىڭمۇ ئۆزىگە تۇشلۇق يولباشچىلىرى، تەشۋىقاتچىلىرى، ئالاھىدىلىكلىرى ۋە شەكىللىرى بار.