ترجمة معاني آية 170 سورة النساء - الترجمة الخميرية للمختصر في تفسير القرآن الكريم - موسوعة القرآن الكريم

آية: 170

يَٰٓأَيُّهَا ٱلنَّاسُ قَدۡ جَآءَكُمُ ٱلرَّسُولُ بِٱلۡحَقِّ مِن رَّبِّكُمۡ فَـَٔامِنُواْ خَيۡرٗا لَّكُمۡۚ وَإِن تَكۡفُرُواْ فَإِنَّ لِلَّهِ مَا فِي ٱلسَّمَٰوَٰتِ وَٱلۡأَرۡضِۚ وَكَانَ ٱللَّهُ عَلِيمًا حَكِيمٗا

ឱមនុស្សលោកទាំងឡាយ! ជាការពិតណាស់ អ្នកនាំសារមូហាំម៉ាត់បាននាំមកឱ្យពួកអ្នកនូវការចង្អុលបង្ហាញ និងសាសនាដ៏ពិតពីអល់ឡោះជាម្ចាស់។ ហេតុនេះ ចូរពួកអ្នកមានជំនឿចំពោះអ្វីដែលគាត់(ព្យាការីមូហាំម៉ាត់)បាននាំមកចុះ។ វាជាការប្រសើរបំផុតសម្រាប់ពួកអ្នកទាំងក្នុងលោកិយនិងនៅថ្ងៃបរលោក។ តែប្រសិនបើពួកអ្នកគ្មានជំនឿចំពោះអល់ឡោះជាម្ចាស់វិញនោះ ពិតប្រាកដណាស់ អល់ឡោះជាម្ចាស់មហាមានលើសលប់ មិនត្រូវការសេចក្តីជំនឿរបស់ពួកអ្នកនោះឡើយ ហើយការគ្មានជំនឿរបស់ពួកអ្នកក៏មិនអាចបង្កគ្រោះថ្នាក់អ្វីដល់ទ្រង់បានដែរ។ ពិតណាស់ អ្វីៗដែលមាននៅលើមេឃជាច្រើនជាន់ និងអ្វីៗដែលមាននៅលើផែនដី ព្រមទាំងអ្វីៗដែលនៅចន្លោះរវាងវាទាំងពីរ គឺជាកម្មសិទ្ធិរបស់អល់ឡោះ។ ហើយអល់ឡោះទ្រង់មហាដឹងបំផុតចំពោះជនណាដែលសាកសមនឹងទទួលការចង្អុលបង្ហាញ។ ដូច្នេះ ទ្រង់សម្រួលដល់គេចំពោះការទទួលនូវការចង្អុលបង្ហាញនោះ។ ហើយទ្រង់ក៏មហាដឹងបំផុតចំពោះជនណាដែលមិនសាកសមនឹងទទួលការចង្អុលបង្ហាញដែរ។ ដូចនេះ ទ្រង់ក៏បានធ្វើឲ្យរូបគេងងឹតមើលមិនឃើញការចង្អុលបង្ហាញនោះ។ ទ្រង់មហាគតិបណ្ឌិតបំផុតចំពោះពាក្យបន្ទូលរបស់ទ្រង់ ទង្វើរបស់ទ្រង់ ការដាក់ច្បាប់បញ្ញត្តិរបស់ទ្រង់ និងការកំណត់របស់ទ្រង់។

من فوائد الآيات في هذه الصفحة:

• إثبات النبوة والرسالة في شأن نوح وإبراهيم وغيرِهما مِن ذرياتهما ممن ذكرهم الله وممن لم يذكر أخبارهم لحكمة يعلمها سبحانه.

• ទទួលស្គាល់ពីភាពជាព្យាការីនិងភាពជាអ្នកនាំសាររបស់ ព្យាការីនួហ(ណូអេ) ព្យាការីអ៊ីព្រហ៊ីម(អាប្រាហាម) និងបណ្តាព្យាការីដទៃទៀតក្រៅពីពួកគាត់ទាំងពីរក្នុងចំណោមពូជពង្សរបស់ពួកគាត់ទាំងពីរ។ ក្នុងចំណោមពួកគេ គឺមានអ្នកដែលអល់ឡោះជាម្ចាស់ទ្រង់បានលើកឡើងពីរឿងរ៉ាវរបស់ពួកគាត់ ហើយអ្នកខ្លះទៀត អល់ឡោះមិនបានលើកឡើងពីរឿងរ៉ាវរបស់ពួកគាត់នោះទេ ដោយសារតែបុព្វហេតុដែលអល់ឡោះមហាដឹងបំផុត។

• إثبات صفة الكلام لله تعالى على وجه يليق بذاته وجلاله، فقد كلّم الله تعالى نبيه موسى عليه السلام.

• ទទួលស្គាល់លក្ខណៈសម្បត្តិ(ស៊ីហ្វាត) “ការមានបន្ទូលរបស់អល់ឡោះ”ជាម្ចាស់ក្នុងលក្ខណៈដែលសាកសមទៅនឹងលក្ខណៈសម្បត្តិផ្ទាល់របស់ទ្រង់ និងភាពខ្ពង់ខ្ពស់របស់ទ្រង់។ ពិតប្រាកដណាស់ អល់ឡោះជាម្ចាស់ទ្រង់បានមានបន្ទូលដោយផ្ទាល់ជាមួយនឹងព្យាការីមូសា។

• تسلية النبي محمد عليه الصلاة والسلام ببيان أن الله تعالى يشهد على صدق دعواه في كونه نبيًّا، وكذلك تشهد الملائكة.

• បំបាត់នូវទុក្ខកង្វល់របស់ព្យាការីមូហាំម៉ាត់តាមរយៈការបញ្ជាក់ឲ្យគាត់បានដឹងថា ពិតប្រាកដណាស់ អល់ឡោះជាម្ចាស់ទ្រង់ធ្វើសាក្សីទៅលើសច្ចភាពនៃការអះអាងរបស់គាត់ដែលថារូបគាត់គឺជាព្យាការី របស់អល់ឡោះ ហើយបណ្តាម៉ាឡាអ៊ីកាត់ទាំងឡាយក៏បានធ្វើសាក្សីយ៉ាងដូច្នោះដែរ។