ترجمة معاني آية 79 سورة الأعراف - الترجمة الخميرية للمختصر في تفسير القرآن الكريم - موسوعة القرآن الكريم

آية: 79

فَتَوَلَّىٰ عَنۡهُمۡ وَقَالَ يَٰقَوۡمِ لَقَدۡ أَبۡلَغۡتُكُمۡ رِسَالَةَ رَبِّي وَنَصَحۡتُ لَكُمۡ وَلَٰكِن لَّا تُحِبُّونَ ٱلنَّٰصِحِينَ

បន្ទាប់មក ព្យាការីសឡេះក៏បានបែរចេញពីក្រុមរបស់គាត់ក្រោយពីគាត់អស់សង្ឃឹមពីការឆ្លើយតប(ទទួលយកការអំពាវនាវ)របស់ពួកគេចំពោះគាត់ ហើយគាត់បាននិយាយទៅកាន់ពួកគេថាៈ ឱក្រុមរបស់ខ្ញុំ! ខ្ញុំពិតជាបានផ្តល់ទៅកាន់ពួកអ្នកនូវអ្វីដែលអល់ឡោះជាម្ចាស់បានដាក់បទបញ្ជាចំពោះខ្ញុំឲ្យផ្សព្វផ្សាយនិងផ្តល់វាទៅកាន់ពួកអ្នក ហើយខ្ញុំក៏បានផ្តល់ដំបូន្មានដល់ពួកអ្នកដោយជម្រុញ(ឲ្យធ្វើប្រការល្អ) និងព្រមាន(ពីប្រការអាក្រក់)រួចហើយដែរ។ ក៏ប៉ុន្តែពួកអ្នក គឺជាក្រុមដែលមិនពេញចិត្តនឹងអ្នកដែលផ្តល់ដំបូន្មានទាំងឡាយដែលព្យាយាមចង្អុលបង្ហាញពួកអ្នកទៅកាន់ប្រការល្អ និងបញ្ចៀសពួកអ្នកពីប្រការអាក្រក់នោះទេ។

من فوائد الآيات في هذه الصفحة:

• الاستكبار يتولد غالبًا من كثرة المال والجاه، وقلة المال والجاه تحمل على الإيمان والتصديق والانقياد غالبًا.

• ជាធម្មតា ភាពអំណួតក្អេងក្អាង គឺកើតចេញពីការមានទ្រព្យសម្បត្តិស្តុកស្តម្ភនិងការមានឋានៈខ្ពង់ខ្ពស់ ហើយជាទូទៅ ការមានទ្រព្យសម្បត្តិតិចនិងមិនសូវមានឋានៈខ្ពង់ខ្ពស់ គឺជាកត្តាធ្វើឲ្យរូបគេមានជំនឿ ជឿជាក់ និងប្រគល់ខ្លួនចំពោះអល់ឡោះជាម្ចាស់។

• جواز البناء الرفيع كالقصور ونحوها؛ لأن من آثار النعمة: البناء الحسن مع شكر المنعم.

• អនុញ្ញាតឲ្យសាងសង់សំណង់ខ្ពស់ៗដូចជាវិមាន ឬប្រាសាទជាដើម ពីព្រោះក្នុងចំណោមការបង្ហាញពីស្លាកស្នាមនៃឧបការគុណដែលអល់ឡោះប្រទានដល់គេនោះ គឺការសាងសង់សំណង់ដែលល្អដោយភ្ជាប់ជាមួយនឹងការដឹងគុណអល់ឡោះចំពោះឧបការគុណនោះ។

• الغالب في دعوة الأنبياء أن يبادر الضعفاء والفقراء إلى الإصغاء لكلمة الحق التي جاؤوا بها، وأما السادة والزعماء فيتمردون ويستعلون عليها.

ជាទូទៅ ក្នុងការអំពាវនាវរបស់បណ្តាព្យាការីទាំងឡាយ អ្នកដែលរួសរាន់ក្នុងការស្តាប់និងទទួលយកសេចក្តីពិតដែលពួកគាត់បាននាំមកនោះ គឺអ្នកទន់ខ្សោយនិងអ្នកក្រីក្រ។ ចំណែកឯពួកមេដឹកនាំ និងអ្នកដែលមានឋានៈខ្ពង់ខ្ពស់វិញ ពួកគេតែងតែរឹងរូសនិងមានភាពក្រអឺតក្រទមមិនទទួលយកវានោះទេ។

• قد يعم عذاب الله المجتمع كله إذا كثر فيه الخَبَث، وعُدم فيه الإنكار.

• ជាការពិតណាស់ ទណ្ឌកម្មរបស់អល់ឡោះនឹងធ្លាក់ទៅលើមនុស្សទាំងអស់នៅក្នុងសង្គមនោះ ប្រសិនបើប្រការអាក្រក់មានច្រើន ហើយគ្មានអ្នកដែលហាមឃាត់។