ترجمة معاني سورة الفاتحة - الترجمة الفلبينية المجندناوية - موسوعة القرآن الكريم

سورة الفاتحة - Al-Fatiha (Su Kapanguka)

آية: 1

بِسۡمِ ٱللَّهِ ٱلرَّحۡمَٰنِ ٱلرَّحِيمِ

Ibpun ko matya su ingalan nu Allah (Kadenan), malimu kanu langun a pinamaluy nin andu malimu sa kanu ulipen nin a naginugut salekanin (sa gay a mawli).

آية: 2

ٱلۡحَمۡدُ لِلَّهِ رَبِّ ٱلۡعَٰلَمِينَ

Langun a pugi na lekanin a Allah, sakenin su padtyakap kanu langun a Aalam (sakaliyan) (Manusya, Malaikat, Jinn andu salekaw pan).

آية: 3

ٱلرَّحۡمَٰنِ ٱلرَّحِيمِ

A malimu kanu langun a pimamaluy nin andu malimu kanu ulipen nin a naginugut salekanin (sa gay a mawli).

آية: 4

مَٰلِكِ يَوۡمِ ٱلدِّينِ

Sekanin a (Allah) i pakamilik, (pegkyug-kyug) kanu gay a kapambalas kanu mga galbekan. (sa gay a mawli)

آية: 5

إِيَّاكَ نَعۡبُدُ وَإِيَّاكَ نَسۡتَعِينُ

Seka a kadenan i ped simban nami, andu seka i bangeniyan nami.

آية: 6

ٱهۡدِنَا ٱلصِّرَٰطَ ٱلۡمُسۡتَقِيمَ

Tutulu kami kanu lalan a matidtu.

آية: 7

صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ وَلَا ٱلضَّآلِّينَ

Lalan nu mga taw a ini-kalimu nengka, dikena su lalan nu mga taw a nalipungetan nengka (Yahudi), andu dikena su lalan nu mga taw a nangatadin (Nasranie).