ترجمة معاني سورة الأعلى - الترجمة البشتوية - مركز رواد الترجمة - رقم الصفحة 591 - موسوعة القرآن الكريم

سورة الأعلى - اعلی

آية: 1

سَبِّحِ اسْمَ رَبِّكَ الْاَعْلَی ۟ۙ

د خپل ډېر اوچت پالونکي د نوم پاکي دې بيانوه.

آية: 2

الَّذِیْ خَلَقَ فَسَوّٰی ۟

هغه چې پيداکړي او برابر کړي يې دي.

آية: 3

وَالَّذِیْ قَدَّرَ فَهَدٰی ۟

او هغه چې تقدير يې وټاکلو بيا يې لارښوونه وکړه.

آية: 4

وَالَّذِیْۤ اَخْرَجَ الْمَرْعٰی ۟

او هغه چې شنه ګيا يې را واېستله.

آية: 5

فَجَعَلَهٗ غُثَآءً اَحْوٰی ۟ؕ

بيا يې وچ تور وګرځول.

آية: 6

سَنُقْرِئُكَ فَلَا تَنْسٰۤی ۟ۙ

دا دی موږ يې درباندې لولو بيا به يې نه هېروې.

آية: 7

اِلَّا مَا شَآءَ اللّٰهُ ؕ— اِنَّهٗ یَعْلَمُ الْجَهْرَ وَمَا یَخْفٰی ۟ؕ

مګر داچې الله وغواړي بېشکه هغه پر ښکاره هم پوهيږي او پر هغه څه هم چې پټ دي.

آية: 8

وَنُیَسِّرُكَ لِلْیُسْرٰی ۟ۚۖ

او تا ته به د اسانۍ لار اسانه کړو.

آية: 9

فَذَكِّرْ اِنْ نَّفَعَتِ الذِّكْرٰی ۟ؕ

نو نصیحت وکړه که نصیحت څه ګټه کوي.

آية: 10

سَیَذَّكَّرُ مَنْ یَّخْشٰی ۟ۙ

څوک چې وېريږي ژر به هغه نصيحت ومني.