ترجمة معاني سورة الضحى - الترجمة التاميلية للمختصر في تفسير القرآن الكريم - موسوعة القرآن الكريم

سورة الضحى - ஸூரா அழ்ழுஹா

من مقاصد السورة:

بيان عناية الله بنبيه في أول أمره وآخره.

ஆரம்ப கட்டத்திலும் இறுதியிலும் தனது நபியைப் பற்றிய அல்லாஹ்வின் கவனத்தைத் தெளிவுபடுத்தல்

---

آية: 1

وَالضُّحٰی ۟ۙ

93.1. அல்லாஹ் முற்பகலைக்கொண்டு சத்தியம் செய்கின்றான்.

آية: 2

وَالَّیْلِ اِذَا سَجٰی ۟ۙ

93.2. அவன் இரவைக் கொண்டு சத்தியம் செய்கின்றான். அது இருளாகி மக்கள் நடமாடுவதை விட்டும் ஓய்வெடுக்கும் போது,

آية: 3

مَا وَدَّعَكَ رَبُّكَ وَمَا قَلٰی ۟ؕ

93.3. -தூதரே!- வஹி குறிப்பிட்ட காலம்வரை வராமல் இருந்ததனால் இணைவைப்பாளர்கள் கூறுவதுபோன்று உம் இறைவன் உம்மைக் கைவிடவுமில்லை, வெறுக்கவுமில்லை.

آية: 4

وَلَلْاٰخِرَةُ خَیْرٌ لَّكَ مِنَ الْاُوْلٰی ۟ؕ

93.4. என்றும் முடிவுடையாத நிலையான இன்பத்தைக் கொண்டிருப்பதால் மறுமையின் வீடே உமக்கு உலகத்தைவிடச் சிறந்ததாகும்.

آية: 5

وَلَسَوْفَ یُعْطِیْكَ رَبُّكَ فَتَرْضٰی ۟ؕ

93.5. விரைவில் உம் இறைவன் உமக்கும் உம் சமூகத்திற்கும் அவன் கொடுத்ததைக்கொண்டு நீர் திருப்தியடையும் வகையில் பெரும் நன்மைகளை உமக்கும் உமது சமூகத்திற்கும் வழங்குவான்.

آية: 6

اَلَمْ یَجِدْكَ یَتِیْمًا فَاٰوٰی ۪۟

93.6. நீர் அநாதையாக இருப்பதைக் கண்டு உமக்கு ஒரு புகலிடத்தை ஏற்படுத்தினான். உம்மீது உம் பாட்டனார் அப்துல் முத்தலிபும் பின்னர் சிறிய தந்தை அபூதாலிபும் அன்பு செலுத்தினார்கள்.

آية: 7

وَوَجَدَكَ ضَآلًّا فَهَدٰی ۪۟

93.7. ஈமான் என்றால் என்ன? வேதம் என்றால் என்ன? என்பதை அறியாதவராக உம்மைக் கண்ட அவன், நீர் அறியாமல் இருந்தவற்றையெல்லாம் உமக்குக் கற்றுக் கொடுத்தான்.

آية: 8

وَوَجَدَكَ عَآىِٕلًا فَاَغْنٰی ۟ؕ

93.8. உம்மைத் தேவையுடையவராகக் கண்டு, உம்மைத் வசதியுடையவராக ஆக்கினான்.

آية: 9

فَاَمَّا الْیَتِیْمَ فَلَا تَقْهَرْ ۟ؕ

93.9. ஆகவே சிறுவயதில் தந்தையை இழந்தவரிடம் மோசமாக நடந்துகொள்ளாதீர். அவனை இழிவுபடுத்திவிடாதீர்.

آية: 10

وَاَمَّا السَّآىِٕلَ فَلَا تَنْهَرْ ۟ؕ

93.10. தேவையோடு யாசிப்பவரை விரட்டிவிடாதீர்.

آية: 11

وَاَمَّا بِنِعْمَةِ رَبِّكَ فَحَدِّثْ ۟۠

93.11. அல்லாஹ் உம்மீது பொழிந்த அருட்கொடைகளுக்கு நன்றி செலுத்துவீராக. அவற்றை எடுத்துரைப்பீராக.

من فوائد الآيات في هذه الصفحة:

• منزلة النبي صلى الله عليه وسلم عند ربه لا تدانيها منزلة.

1. தனது இறைவனிடம் நபியவர்களுக்குள்ள ஈடு இணையற்ற அந்தஸ்து.

• شكر النعم حقّ لله على عبده.

2. அருட்கொடைகளுக்கு நன்றிசெலுத்துவது அல்லாஹ்வுக்கு அடியான் செய்ய வேண்டிய கடமையாகும்.

• وجوب الرحمة بالمستضعفين واللين لهم.

3. பலவீனர்களுக்கு கருணை காட்டுதல் மற்றும் அவர்களுடன் மிருதுவாக நடப்பதன் அவசியம்.