ترجمة معاني آية 228 سورة البقرة - الترجمة اليورباوية

ترجمة معاني القرآن الكريم - الترجمة اليورباوية * - فهرس التراجم

PDF XML CSV Excel API

تنزيل الملفات يتضمن الموافقة على هذه الشروط والسياسات

ترجمة معاني آية: (228) سورة: البقرة

فهرس السور رقم الصفحة HTML

عرض نص الآية

عرض الهامش

رقم الصفحة: 36

آية: 228

وَٱلۡمُطَلَّقَٰتُ يَتَرَبَّصۡنَ بِأَنفُسِهِنَّ ثَلَٰثَةَ قُرُوٓءٖۚ وَلَا يَحِلُّ لَهُنَّ أَن يَكۡتُمۡنَ مَا خَلَقَ ٱللَّهُ فِيٓ أَرۡحَامِهِنَّ إِن كُنَّ يُؤۡمِنَّ بِٱللَّهِ وَٱلۡيَوۡمِ ٱلۡأٓخِرِۚ وَبُعُولَتُهُنَّ أَحَقُّ بِرَدِّهِنَّ فِي ذَٰلِكَ إِنۡ أَرَادُوٓاْ إِصۡلَٰحٗاۚ وَلَهُنَّ مِثۡلُ ٱلَّذِي عَلَيۡهِنَّ بِٱلۡمَعۡرُوفِۚ وَلِلرِّجَالِ عَلَيۡهِنَّ دَرَجَةٞۗ وَٱللَّهُ عَزِيزٌ حَكِيمٌ

Àwọn obìnrin tí wọ́n kọ̀ sílẹ̀ máa kóraró fún héélà mẹ́ta.¹ Kò sì lẹ́tọ̀ọ́ fún wọn láti fi ohun tí Allāhu ṣ’ẹ̀dá (rẹ̀) sí inú àpò-ọmọ wọn pamọ́, tí wọ́n bá jẹ́ ẹni tó gbàgbọ́ nínú Allāhu àti Ọjọ́ Ìkẹ́yìn. Àwọn ọkọ wọn ní ẹ̀tọ́ sí dídá wọn padà láààrin (àsìkò) yẹn, tí wọ́n bá gbèrò àtúnṣe. Àwọn ìyàwó ní ẹ̀tọ́ l’ọ́dọ̀ ọkọ wọn gẹ́gẹ́ bí irú èyí tí àwọn ọkọ wọn ní l’ọ́dọ̀ wọn lọ́nà tó dára. Ipò àjùlọ tún wà fún àwọn ọkùnrin lórí wọn.² Allāhu ni Alágbára, Ọlọ́gbọ́n.

1. Héélà mẹ́tà lè túmọ̀ sí rírí héélà mẹ́ta tàbí rírí ìmọ́ra héélà mẹ́ta. Níkété tí ìkẹta bá ti ṣẹlẹ̀, obìnrin ti jáde opó ìkọ̀sílẹ̀.
2. Ipò àjùlọ wà fún ọkùnrin lórí obìnrin nínú ’Islām ní àwọn ọ̀nà wọ̀nyí:
(1) ọkọ ló máa san owó-orí aya rẹ̀, ó sì má máa gbé bùkátà rẹ̀,
(2) ọkùnrin ló ń jagun lórí pápá ogun,
(3) ọpọlọ àti eegun ọkùnrin máa ń péye ju ti obìnrin,
(4) ọkùnrin kan dọ́gba sí obìnrin méjì níbi ẹ̀rí jíjẹ́,
(5) obìnrin kan máa jẹ ìlàjì ogún tí ọkùnrin kan máa jẹ nínú ogún,
(6) owó-ẹ̀mí obìnrin jẹ́ ìlàjì owó-ẹ̀mí ọkùnrin,
(7) ọwọ́ ọkọ ni ìkọ̀sílẹ̀ wà láì níí gba ìyọ̀ǹda lọ́wọ́ aya rẹ̀, ní ìyàpa sí ìgbà tí aya bá fẹ́ kọ ọkọ sílẹ̀, ó máa gba ìyọ̀ǹda pẹ̀lú ìdí pàtàkì, (8) aya yóò máa gba ìyọ̀ǹda lọ́wọ́ ọkọ nígbàkígbà tí ó bá fẹ́ jáde lọ sí ibikíbi,
(9) dandan ni fún aya láti máa jẹ́pè ọkọ rẹ̀ fún oorun-ìfẹ́,
(10) obìnrin kò lè dá ṣe ìrìn-àjò,
(11) wíwọ́gilé ìkọ̀sílẹ̀ èyí tí ó tọ̀dọ̀ ọkọ wá wà lọ́wọ́ ọkọ lórí ìkọ̀sílẹ̀ fún ìgbà àkọ́kọ́ àti ìgbà kejì,
(12) obìnrin ló máa ń ṣe opó, yálà opó ìkọ̀sílẹ̀ tàbí opó ikú ọkọ, (13) ọkùnrin ló gbọ́dọ̀ jẹ́ aláṣẹ ìlú,
(14) ọkùnrin ló gbọ́dọ̀ jẹ́ adájọ́,
(15) ọkùnrin ló gbọ́dọ̀ jẹ́ Imam mọ́sálásí,
(16) ọkọ ló gbọ́dọ̀ jẹ́ aláṣẹ lórí àwọn ìyàwó rẹ̀ àti àwọn ọmọ rẹ̀ àti (17) ọkùnrin ló gbọ́dọ̀ jẹ́ aláṣẹ níbi fífi ọmọbìnrin lọ́kọ.

عرض التراجم الأخرى

التفاسير العربية:

ترجمة معاني آية: (228) سورة: البقرة

فهرس السور رقم الصفحة

ترجمة معاني القرآن الكريم - الترجمة اليورباوية - فهرس التراجم

ترجمة معاني القرآن الكريم إلى اللغة اليوربا، ترجمها الشيخ أبو رحيمة ميكائيل أيكوييني. طبعة عام 1432هـ .