অৰ্থানুবাদ ছুৰা ছুৰা আশ্ব-শ্বামচ - অসমীয়া অনুবাদ- আবু জুৱাইৰিয়া শ্বাইখ ৰফিকুল ইছলাম বিন হাবীবুৰ ৰহমান ৰিয়াজী - আল-কোৰআনুল কাৰীমৰ বিশ্বকোষ

ছুৰা আশ্ব-শ্বামচ

আয়াত: 1

وَالشَّمْسِ وَضُحٰىهَا ۟

শপত সূৰ্যৰ আৰু তাৰ পোহৰৰ,

আয়াত: 2

وَالْقَمَرِ اِذَا تَلٰىهَا ۟

শপত চন্দ্ৰৰ, যেতিয়া সূৰ্যৰ পিছত ইয়াৰ আবিৰ্ভাৱ হয়,

আয়াত: 3

وَالنَّهَارِ اِذَا جَلّٰىهَا ۟

আৰু দিনৰ শপত, যেতিয়া ই সূৰ্যক প্ৰকাশ কৰে,

আয়াত: 4

وَالَّیْلِ اِذَا یَغْشٰىهَا ۟

ৰাতিৰ শপত যেতিয়া ই সূৰ্যক আচ্ছাদিত কৰে,

আয়াত: 5

وَالسَّمَآءِ وَمَا بَنٰىهَا ۟

শপত আকাশৰ আৰু সেই সত্ত্বাৰ যিজনে ইয়াক নিৰ্মাণ কৰিছে,

আয়াত: 6

وَالْاَرْضِ وَمَا طَحٰىهَا ۟

পৃথিৱীৰ শপত আৰু যিজনে ইয়াক বিস্তৃত কৰিছে,

আয়াত: 7

وَنَفْسٍ وَّمَا سَوّٰىهَا ۟

শপত প্ৰাণৰ আৰু যিজনে ইয়াক সুবিন্যস্ত কৰিছে,

আয়াত: 8

فَاَلْهَمَهَا فُجُوْرَهَا وَتَقْوٰىهَا ۟

তাৰ পিছত ইয়াক তাৰ সৎকৰ্মৰ আৰু অসৎকৰ্মৰ জ্ঞান দান কৰিছে,

আয়াত: 9

قَدْ اَفْلَحَ مَنْ زَكّٰىهَا ۟

নিঃসন্দেহে সিয়েই সফল হৈছে যিয়ে নিজকে পৱিত্ৰ কৰিছে।

আয়াত: 10

وَقَدْ خَابَ مَنْ دَسّٰىهَا ۟ؕ

আৰু সিয়েই ব্যৰ্থ হৈছে, যিয়ে নিজকে কলুষিত কৰিছে।

আয়াত: 11

كَذَّبَتْ ثَمُوْدُ بِطَغْوٰىهَاۤ ۟

ছামূদ সম্প্ৰদায়ে অবাধ্যতাবশতঃ (সত্যক) অস্বীকাৰ কৰিছিল।

আয়াত: 12

اِذِ انْۢبَعَثَ اَشْقٰىهَا ۟

যেতিয়া সিহঁতৰ মাজৰ দুৰ্ভগীয়া ব্যক্তিজন তৎপৰ হৈ উঠিছিল,

আয়াত: 13

فَقَالَ لَهُمْ رَسُوْلُ اللّٰهِ نَاقَةَ اللّٰهِ وَسُقْیٰهَا ۟ؕ

তেতিয়া আল্লাহৰ ৰাছুলে সিহঁতক কৈছিল, 'আল্লাহৰ উটজনীক আৰু তাইৰ পানী খোৱা সম্পৰ্কে সাৱধান হোৱা'।

আয়াত: 14

فَكَذَّبُوْهُ فَعَقَرُوْهَا— فَدَمْدَمَ عَلَیْهِمْ رَبُّهُمْ بِذَنْۢبِهِمْ فَسَوّٰىهَا ۟

কিন্তু সিহঁতে অস্বীকাৰ কৰিছিল আৰু উটজনীক বধ কৰিছিল। ফলত সিহঁতৰ প্ৰতিপালকে সিহঁতৰ পাপকৰ্মৰ বাবে সিহঁতক সমূলে ধ্বংস কৰি একাকাৰ কৰি দিছিল।

আয়াত: 15

وَلَا یَخَافُ عُقْبٰهَا ۟۠

আৰু তেওঁ ইয়াৰ পৰিণামক কেতিয়াও ভয় নকৰে।