অৰ্থানুবাদ ছুৰা ছুৰা আত-তীন - অসমীয়া অনুবাদ- আবু জুৱাইৰিয়া শ্বাইখ ৰফিকুল ইছলাম বিন হাবীবুৰ ৰহমান ৰিয়াজী - আল-কোৰআনুল কাৰীমৰ বিশ্বকোষ

ছুৰা আত-তীন

আয়াত: 1

وَالتِّیْنِ وَالزَّیْتُوْنِ ۟ۙ

শপত তীন আৰু যায়তুনৰ,

আয়াত: 2

وَطُوْرِ سِیْنِیْنَ ۟ۙ

শপত চিনাই পৰ্বতৰ,

আয়াত: 3

وَهٰذَا الْبَلَدِ الْاَمِیْنِ ۟ۙ

শপত এই নিৰাপদ (মক্কা) নগৰৰ,

আয়াত: 4

لَقَدْ خَلَقْنَا الْاِنْسَانَ فِیْۤ اَحْسَنِ تَقْوِیْمٍ ۟ؗ

নিশ্চয় আমি মানুহক সৰ্বোত্তম গঠনত সৃষ্টি কৰিছোঁ,

আয়াত: 5

ثُمَّ رَدَدْنٰهُ اَسْفَلَ سٰفِلِیْنَ ۟ۙ

তাৰ পিছত আমি তাক হীনতাৰ একেবাৰে নিম্ন স্তৰত ওভতাই দিছোঁ,

আয়াত: 6

اِلَّا الَّذِیْنَ اٰمَنُوْا وَعَمِلُوا الصّٰلِحٰتِ فَلَهُمْ اَجْرٌ غَیْرُ مَمْنُوْنٍ ۟ؕ

কিন্তু যিসকলে ঈমান আনিছে আৰু সৎকৰ্ম কৰিছে তেওঁলোকৰ বাবে আছে নিৰৱচ্ছিন্ন প্ৰতিদান।

আয়াত: 7

فَمَا یُكَذِّبُكَ بَعْدُ بِالدِّیْنِ ۟ؕ

এতেকে (হে মানৱ!) ইয়াৰ পিছতো কিহে তোমাক কৰ্মফল দিন সম্পৰ্কে অবিশ্বাসী কৰি তুলে?

আয়াত: 8

اَلَیْسَ اللّٰهُ بِاَحْكَمِ الْحٰكِمِیْنَ ۟۠

আল্লাহেই বিচাৰকসকলৰ মাজত সৰ্বশ্ৰেষ্ঠ বিচাৰক নহয়নে বাৰু?